Euskal Herriko Agintaritzaren Aldizkaria

130. zk., 2026ko uztailaren 10a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Izendapenak, egoerak eta gorabeherak

HEZKUNTZA SAILA

3151

AGINDUA, 2026ko uztailaren 1ekoa, Hezkuntzako sailburuarena. Honen bidez, Euskal Autonomia Erkidegoko Hezkuntzako Ikuskarien Kidegoko karrerako funtzionario izendatzen dira, 2024ko azaroaren 27ko Aginduaren bidez deitutako hautaketa-prozeduran hautatutako izangaiak.

Hezkuntzako sailburuaren 2025eko abuztuaren 12ko Aginduaren bidez (2025eko abuztuaren 26koa EHAA), Euskal Autonomia Erkidegoko Hezkuntzako Ikuskarien kidegoko praktiketako funtzionario izendatu ziren Hezkuntzako sailburuaren 2024ko azaroaren 27ko Aginduaren bidez deitutako lehiaketa-oposizioan hautatutako izangaiak.

Praktikak amaitu dira eta, eskatutako betekizun orokorrak eta berariazkoak betetzen dituztela aztertu ondoren, karrerako funtzionario izendatuko dira praktikak gainditu dituzten hautatutako izangaiak.

Horren ondorioz, hau

EBAZTEN DUT:

Lehenengoa.– Euskal Autonomia Erkidegoko Hezkuntzako Ikuskarien Kidegoko karrerako funtzionario izendatzea Hezkuntzako sailburuaren 2024ko azaroaren 27ko Aginduaren bidez deitutako lehiaketa-oposizioan hautatutako izangaiak. Agindu honen eranskinean daude zerrendatuta.

Bigarrena.– Karrerako funtzionario izendatzeak 2026ko irailaren 1etik aurrera ditu ondorio ekonomiko eta administratiboak. Pertsona horiek egun horretan hartu beharko dituzte lanpostuak jabetzan, ezinbesteko kasuetan izan ezik.

Hirugarrena.– Agindu honen bidez izendatutako langileek, jada Administrazioko beste kidego bateko funtzionario baldin badira, bietako batean sartzea aukeratu beharko dute, Administrazio Publikoen Zerbitzuko langileen Bateraezintasunei buruzko abenduaren 26ko 53/1984 Legearen 10. artikuluan xedatutakoari jarraituz.

AZKEN XEDAPEN BAKARRA

Agindu honek amaiera ematen dio administrazio-bideari, eta, beronen aurka, aukerako berraztertzeko errekurtsoa aurkeztu ahal izango zaio Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkeztu ahal izango dute Euskal Autonomia Erkidegoko Justizia Auzitegi Nagusiko Administrazioarekiko Auzien Salan, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2026ko uztailaren 1a.

Hezkuntzako sailburua,

MARÍA BEGOÑA PEDROSA LOBATO.

(Ikusi .PDF Fitxategia)

Azterketa dokumentala