Euskal Herriko Agintaritzaren Aldizkaria

129. zk., 2026ko uztailaren 9a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

ELIKADURA, LANDA GARAPEN, NEKAZARITZA ETA ARRANTZA SAILA

3146

IRAGARKIA, Portuen, Itsas Gaien eta Itsasertzaren zuzendariarena, zeinaren bidez jendaurrean jartzen baita CPED Kirolene KIIPren eskaria, urte batzuetarako baimena (2026-2030) lortzeko, itsaso eta lehorraren arteko jabari publikoko lursailak okupatzeko, Gorlizko hondartzan salbamendu- eta sorospen-irakaskuntzekin lotutako jarduera praktikoa egiteko.

Urriaren 10eko 876/2014 Errege Dekretuaren bidez onartutako Kostaldeen Erregelamendu Orokorraren 152.8.b) artikuluaren arabera, baimen-prozeduretan nahitaezkoa izango da hogei egunez informazioa jendaurrean jartzea.

CPED Kirolene KIIPk itsaso eta lehorraren arteko jabari publikoa okupatzeko urte batzuetarako baimena (2026-2030) eskatu du zuzendaritza honetan, Gorlizko hondartzan salbamendu- eta sorospen-irakaskuntzekin lotutako jarduera praktikoa egiteko.

Eskaria aztertu eta dokumentazioa osorik dagoela egiaztatu ondoren, 2026/012438 erreferentzia duen espedientea jendaurrean jarriko da hogei egun balioduneko epean, iragarki hau Euskal Herriko Agintaritzaren Aldizkarian argitaratu eta hurrengo egunetik aurrera, egoki deritzeten alegazioak eta oharrak egin daitezen.

Jendaurreko izapidean jarriko den dokumentazioa Eusko Jaurlaritzaren egoitza elektronikoko iragarki-taula elektronikoan egongo da:

https://www.euskadi.eus/iljp-salbamendu-irakaskuntzak-gorlizen/web01-tramite/eu/

Alegazioak eta oharrak Administrazio Publikoen Administrazio Prozedura Erkidearen urriaren 1eko 39/2015 Legean ezarritako mekanismoen arabera aurkeztuko dira, Erregistro Orokorraren bidez, helbide honetan:

https://www.euskadi.eus/erregistro-elektroniko-orokorra

Vitoria-Gasteiz, 2026ko ekainaren 29a.

Portuen, Itsas Gaien eta Itsasertzaren zuzendaria,

KOLDOBIKA GOITIA MARKUERKIAGA.

Azterketa dokumentala