Euskal Herriko Agintaritzaren Aldizkaria

126. zk., 2026ko uztailaren 6a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Oposizioak eta lehiaketak

OSAKIDETZA-EUSKAL OSASUN ZERBITZUA

3053

1040/2026 EBAZPENA, uztailaren 2koa, Osakidetza-Euskal osasun zerbitzuko Pertsonen eta Talentuaren zuzendariarena, zeinaren bidez ekainaren 12ko 949/2026 Ebazpenean jasotako lekualdatze-lehiaketa ireki eta iraunkorraren 2026ko maiatzeko zikloan parte hartzeko eskaera egiteko erreferentzia-data aldatzen da. Ebazpen horren bidez, Osakidetza-Euskal osasun zerbitzuko zerbitzu-erakundeetan destinoa duten teknikari espezialista sanitarioen lanbide-taldeko erradiodiagnostikoko teknikarien kategoriari/lanpostu funtzionalari dagokion destino-eskaintza argitaratzen da.

Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren (lekualdatze-lehiaketa ireki eta iraunkorreko prozeduraren oinarriak onartzen dituena) eranskinaren 4.2.1 apartatuan aurreikusitakoaren arabera, Osakidetza-Euskal osasun zerbitzuko Pertsonen eta Talentuaren Zuzendaritzak Osakidetza-Euskal osasun zerbitzuko Pertsonen eta Talentuaren zuzendariaren ekainaren 12ko 949/2026 Ebazpena argitaratu zuen 2026ko uztailaren 2ko Euskal Herriko Agintaritzaren Aldizkarian. Ebazpen horren bidez, Osakidetza-Euskal osasun zerbitzuko zerbitzu-erakundeetan destinoa duten teknikari espezialista sanitarioen lanbide-taldeko erradiodiagnostikoko teknikariaren kategoriako/lanpostu funtzionaleko lekualdatze-lehiaketa ireki eta iraunkorreko 2026ko maiatzeko zikloko destinoak eskaini ziren.

Argitaratutako ebazpenak 2026ko uztailaren 22a ezarri zuen data gisa baldintzak betetzeko, merezimenduak alegatu eta eta destino-aukeraketa egiteko edo aldatzeko. 2026ko maiatzeko ziklo honi dagokionez, izangaiek 2026ko uztailaren 22ra arte aldatu ahal izango dute eskabidea, baita destinoen hautaketa ere. Hau da, 2026ko uztailaren 22ra arte egindako destino-aukeraketa zen kontuan hartu beharrekoa, eta 2026ko maiatzeko zikloan sartzekoak, beraz, uztailaren 22a amaitzean gutxienez ziklo horretan eskainitako destinoetako bat zuten prozesu orokorrean egindako eskabideak.

Ekainaren 12ko 949/2026 Ebazpena 2026ko uztailaren 2an argitaratu zenez EHAAn, egokia da bertan zehaztutako erreferentzia-data aldatzea, ekainaren 12ko 949/2026 Ebazpena 2026ko uztailaren 2an EHAAn argitaratzen denetik erreferentziako data zuzenera arte, hau da, 2026ko uztailaren 23ra arte.

Azaldutako guztiaren ondorioz, eta pertsonalaren arloan indarrean dagoen legeriak ematen dizkidan eskumenez baliatuz,

EBAZTEN DUT:

Lehenengoa.– Aldatu egin behar da Osakidetza-Euskal osasun zerbitzuko Pertsonen eta Talentuaren zuzendariaren ekainaren 12ko 949/2026 Ebazpenean ezarritako erreferentzia-data. Ebazpen horren bidez, lekualdatze-lehiaketa ireki eta iraunkorreko 2026ko maiatzeko zikloko destinoen eskaintza argitaratzen da, destinoa Osakidetza-Euskal osasun zerbitzuko zerbitzu-erakundeetan duten teknikari espezialista sanitarioen lanbide-taldeko erradiodiagnostikoko teknikarien kategorian/lanpostu funtzionalean.

Bigarrena.– Erreferentzia-data 2026ko uztailaren 23a izango da.

Ondorioz, baldintzak betetzeko, merezimenduak alegatu eta baloratzeko eta destino-hautaketa egin edo aldatzeko erreferentziazko data 2026ko uztailaren 23a da. 2026ko maiatzeko ziklo honi dagokionez, izangaiek 2026ko uztailaren 23ra arte aldatu ahal izango dute eskabidea, baita destinoen hautaketa ere. 2026ko maiatzeko ziklo honetan, beraz, 2026ko uztailaren 23ra arte egindako destino-hautaketa hartuko da kontuan. 2026ko maiatzeko ziklo honetan, prozesu orokorrean egindako eskabideak jasoko dira, baldin eta gutxienez zikloan eskainitako destinoren bat badute uztailaren 23a amaitzen denean.

Hirugarrena.– Administrazio Publikoen Administrazio Prozedura Erkidearen urriaren 1eko 39/2015 Legean, Euskadiko Antolamendu Sanitarioaren ekainaren 26ko 8/1997 Legean eta Osakidetza-Euskal osasun zerbitzuaren estatutu sozialak ezartzeko azaroaren 11ko 255/1997 Dekretuan ezarritakoaren arabera, ebazpen honen aurka gora jotzeko errekurtsoa jarri ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena EHAAn argitaratzen den egunaren hurrengo egunetik aurrera.

Vitoria-Gasteiz, 2026ko uztailaren 2a.

Osakidetza-Euskal osasun zerbitzuko Langileen eta Talentuaren zuzendaria,

JOSUNE RETEGI ORMAZABAL.

Azterketa dokumentala