Euskal Herriko Agintaritzaren Aldizkaria

126. zk., 2026ko uztailaren 6a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Izendapenak, egoerak eta gorabeherak

HEZKUNTZA SAILA

3039

EBAZPENA, 2026ko ekainaren 23koa, Langileriaren Kudeaketa zuzendariarena, zeinaren bidez argitaratzen baita Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen seigarren zerrenda osagarria, deialdian eskatutako baldintzak betetzen dituztelako, eta zeinaren bidez ezartzen baita dagozkien lan-kontratuak formalizatzeko epea.

Hezkuntzako sailburuaren 2022ko abenduaren 20ko Aginduak (2022ko abenduaren 29ko EHAA) enplegua egonkortzeko salbuespenezko prozesuetarako oinarriak onartu zituen, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko.

Hezkuntzako sailburuaren 2022ko abenduaren 20ko agindu horren bidez, hezkuntza-administrazioaren zerbitzuko lan-kontratuko langile finko izateko egonkortzeko salbuespenezko prozesu hauetarako deialdia egin zen:

– Sukaldaritzako kategorian sartzeko merezimendu-lehiaketa.

– Garbiketako langileen kategorian sartzeko merezimendu-lehiaketa.

Hezkuntza Saileko Langileak Kudeatzeko zuzendariaren 2025eko martxoaren 12ko ebazpenak prozesu horietan hautatutako pertsonen eta esleituko diren plazen behin betiko zerrenda argitaratu zuen, eta, era berean, hogei egun balioduneko epea ezarri zuen Hezkuntzako sailburuaren 2022ko abenduaren 20ko Aginduaren 2. oinarrian adierazitako egiaztagiriak aurkezteko: parte hartzeko baldintza orokorrak eta espezifikoak betetzen direla egiaztatzen duten agiriak.

Behin dokumentazioa aurkezteko epea amaituta eta hura aztertuta, oinarri orokorren 12. apartatuan xedatutakoaren arabera, Hezkuntza Saileko Langileak Kudeatzeko zuzendariaren 2025eko ekainaren 30eko Ebazpenaren bidez argitara eman zen eskatutako dokumentazioa ezarritako epearen barruan aurkeztu zuten eta Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar zituzten pertsonen zerrenda (aipatutako ebazpenaren I. eranskina), bai eta, arrazoi justifikatuarekin, lortu nahi den lanpostuko eginkizunak betetzeko gaitasun funtzionala zehazten duen azterketa medikoa egin gabe zeuden pertsonen zerrenda ere (ebazpen horren II. eranskina).

Ondoren, 2025eko irailaren 9ko Ebazpenaren bidez, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako pertsonen lehen zerrenda osagarria argitaratu zen; mediku-azterketa gainditzeagatik eta, beraz, deialdian eskatutako baldintzak betetzeagatik hautatu ziren. Era berean, Euskal Autonomia Erkidegoko hezkuntza-administrazioaren zerbitzurako lan-kontratuak formalizatzeko epea ezarri zen.

2025eko urriaren 17ko Ebazpenaren bidez, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako pertsonen bigarren zerrenda osagarria argitaratu zen; mediku-azterketa gainditzeagatik eta, beraz, deialdian eskatutako baldintzak betetzeagatik hautatu ziren. Era berean, Euskal Autonomia Erkidegoko hezkuntza-administrazioaren zerbitzurako lan-kontratuak formalizatzeko epea ezarri zen.

2025eko azaroaren 21eko Ebazpenaren bidez, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako pertsonen hirugarren zerrenda osagarria argitaratu zen; mediku-azterketa gainditzeagatik eta, beraz, deialdian eskatutako baldintzak betetzeagatik hautatu ziren. Era berean, Euskal Autonomia Erkidegoko hezkuntza-administrazioaren zerbitzurako lan-kontratuak formalizatzeko epea ezarri zen.

2026ko martxoaren 5eko Ebazpenaren bidez, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako pertsonen laugarren zerrenda osagarria argitaratu zen; mediku-azterketa gainditzeagatik eta, beraz, deialdian eskatutako baldintzak betetzeagatik hautatu ziren. Era berean, Euskal Autonomia Erkidegoko hezkuntza-administrazioaren zerbitzurako lan-kontratuak formalizatzeko epea ezarri zen.

2026ko maiatzaren 12ko Ebazpenaren bidez, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako pertsonen bosgarren zerrenda osagarria argitaratu zen; mediku-azterketa gainditzeagatik eta, beraz, deialdian eskatutako baldintzak betetzeagatik hautatu ziren. Era berean, Euskal Autonomia Erkidegoko hezkuntza-administrazioaren zerbitzurako lan-kontratuak formalizatzeko epea ezarri zen.

Era berean, ebazpen horrek argitara eman zituen eskubide guztiak indargabetzen zituzten pertsona hautatuen eta ordezkoen zerrenda (II. eta III. eranskinetan) eta betekizunak betetzen zirela egiaztatzeko deitutako ordezko gisa agertzen ziren pertsona hautatuen zerrenda (IV. eranskinean).

IV. eranskinean zerrendatutako pertsonek dokumentazioa aurkezteko epea amaituta, oinarri orokorren 12. atalean xedatutakoaren arabera, argitara eman behar da Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar dituzten pertsonen zerrenda, seigarren zerrenda osagarrian sartuta, eskatutako dokumentazioa ezarritako epearen barruan aurkezteagatik eta lortu nahi den lanpostuko eginkizunak betetzeko gaitasun funtzionala zehazten duen azterketa medikoa gainditu izanagatik.

Horrenbestez, hau

EBATZI DUT:

Lehenengoa.– Argitara ematea Hezkuntzako sailburuaren 2022ko abenduaren 20ko Aginduaren bidez deitutako Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako izangaien seigarren zerrenda osagarria (deialdian eskatutako baldintzak betetzen dituztelako hautatu dira), eta Euskal Autonomia Erkidegoko hezkuntza-administrazioaren zerbitzuko lan-kontratuak formalizatzeko epea ezartzea. Pertsonen zerrenda hori I. eranskinean dago.

Bigarrena.– Hautatutako pertsonek (I. eranskinean daude zerrendatuta) ebazpen hau argitaratzen denetik aurrera sinatu beharko dituzte dagozkien lan-kontratuak.

Ezinbesteko kasuetan izan ezik, lan-kontratua sinatzen ez duenak galdu egingo ditu Euskal Autonomia Erkidegoko hezkuntza administrazioko lan-kontratudun finko izateko eskubide guztiak, deialditik eratortzen direnak.

AZKEN XEDAPEN BAKARRA

Ebazpen honen aurka, interesdunek gora jotzeko errekurtsoa aurkez diezaiokete Administrazio eta Zerbitzuen sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik hilabete igaro baino lehen, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera.

Vitoria-Gasteiz, 2026ko ekainaren 23a.

Langileriaren kudeaketa zuzendaria,

UNAI NIETO MARIJUAN.

I. ERANSKINA

Kategoria: Sukaldaritza.

Txanda: askea.

(Ikusi .PDF Fitxategia)

Kategoria: Garbitzailea.

Txanda: askea.

(Ikusi .PDF Fitxategia)

Azterketa dokumentala