RSS
107. zk., 2026ko ekainaren 9a, asteartea
- Bestelako formatuak:
- PDF (131 KB - 3 orri.)
- EPUB (106 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
MUGIKORTASUN JASANGARRIAREN SAILA
2494
EBAZPENA, 2026ko ekainaren 1ekoa, Garraio Azpiegituren zuzendariarena, zeinaren bidez onartzen baita «Unibertsitatea-Eibar geltokia (Gipuzkoa) eraberritzeko eraikuntza proiektua».
Proiektu honen jarduera-eremua, Eibarko «Unibertsitatea» izeneko tren-geltokian dago. Eibar udalerria Debabarreneko eskualdean dago, Elgoibar, Deba, Soraluze, Mutriku eta Mendaro udalerriekin batera. 24,78 km2-ko azalera du, eta EINen arabera, 27.467 biztanle zituen 2021ean.
Unibertsitatea geltokia udalerriaren hego-mendebaldeko sarbidetik gertu dago, Torrekua kaletik (Bilborako noranzkoan) edo Tiburzio Anituatik (Donostiarako noranzkoan) sar daiteke. Euskotrenek Eibarren dituen 5 geltokietako bat da.
Jarduera-eremuaren inguruan, udalerrian dauden gehiengo kaleak bezala, kale hauek ere malda handikoak dira, eta horrek hainbat zerbitzutarako sarbidea zailtzen du inguruko ezaugarri orografikoengatik. Unibertsitatea geltokiarekin gertatzen den bezala, Torrekua eta Tiburzio Anitua kaleak plataforma desberdinetan daude. Alde batetik, Torrekua kaleko nasarako sarbidea arrapala baten bidez egin behar da eta ez du irisgarritasun-araudia betetzen. Beste alde batetik, Tiburzio Anitua kalean dagoen nasarako sarbidea, eskaileren bitartekoa da.
Proiektuaren helburua da beharrezko lan zerbitzuen egitura eta instalazioak behar bezala gauzatzeko prozesuaren definizio tekniko eta ekonomikoa, igogailu bertikal baten instalazioa eta sarbidea, eskaileren eta atondoaren bidez, Unibertsitatea izeneko geltokira sartzen diren trenaren erabiltzaileen irisgarritasuna hobetzeko, 2. dokumentuan (Planoak) eransten diren planoetan ikus daitekeen bezala.
Eremu horretan egin beharreko jarduerak honako hauek dira:
• Igogailu panoramiko bertikal bat jartzea eta Donostia norabideko nasarako sarbidea eraberritzea; horretarako, tren-geltokiko eskailerek 5,05 metroko desnibela gainditu beharko dute, hau da, nasaren kanpoaldearen eta tren-geltokiko nasaren arteko desnibela, +142,68 metroko kotatik 136,68 metroko kotara.
• Markesina bat jarriko da Tiburzio Anitua kalean, metalezko egituraz eta kristalezko itxituraz egina, Unibertsitatea-Eibar geltokiko sarrerarako izango dena, Donostiarako noranzko nasan.
• Unibertsitatea-Eibar geltokiko Donostiarako norabideko nasari dagokion ataria handitzea, eta geltokirako sarrera kontrolatzeko zein behar bezala funtzionatzeko behar diren makinak jartzea.
• Donostiako norabideko nasaren luzeera handitzea, ETS-ren zehaztapenak betetzeko eta tren osoa kokatu ahal izateko.
• Igogailu panoramiko bertikal berri bat egitea, Torrekua kalearen eta Unibertsitatea geltokiaren Bilbo norabideko nasaren arteko 0,9 m-ko desnibela eta Bilbao norabideko nasaren eta Unibertsitatea geltokiko oinezkoentzako estalkiaren arteko 5,74 m-ko desnibela gainditzeko.
• Torrekua kaletik nasara sartzeko dagoen arrapala eraistea, Unibertsitatea geltokiaren Bilbao noranzkoan.
• Torrekua kaletik Unibertsitatea geltokiko estalkiaren plataformaren goiko kotara sartzeko dagoen eskailera eraistea.
• Sarbide berri bat egitea arrapala berri baten bidez, irisgarritasun unibertsala betez Torrekua kaletik Unibertsitatea geltokiaren Bilbao norabideko nasan.
• Unibertsitatea geltokian, Bilbao norabideko nasaren kotatik geltokiko plataformaren goiko kotara beste sarbide bat egitea, eskaileren bitartez.
• Nasa handitzea, Unibertsitatea geltokiaren Bilbao noranzkoan, ETS-ren zehaztapenak betetzeko, trenak luzera osoa hartu dezan.
• Unibertsitatea geltokiko Bilbao norabidean markesina berri bat jartzea.
• Estazio batean erabiltzaileei informazio zuzena emateko beharrezkoa den seinalitika guztia instalatzea, bai geltokiaren barruan, bai kanpoan.
• Igogailuak berak behar dituen zerbitzu-hartune berriak egitea, bai eta atondoko eta aldameneko elementuak ere.
• Geltokiaren kanpoaldea berrurbanizatzea.
• Ukitutako altzariak eta zerbitzuak berriro kokatzea.
Helburua nasarako sarbide zuzena ematea eta trenaren erabiltzaileentzako irisgarritasuna hobetzea da.
Proiektua egikaritzeko aurrekontua SEI milioi hirurehun eta laurogeita hamaika mila bederatziehun eta zazpi euro eta laurogeita bederatzi zentimokoa (6.391.907,89) da. Lizitazio oinarriaren aurrekontuaren zenbatekoa bederatzi milioi berrehun eta hiru mila zazpiehun eta zortzi euro eta hamazazpi zentimokoa (9.203.708,17) da, BEZ barne; eta Administrazioak horren berri izateko aurrekontua zazpi milioi seiehun eta hogeita hemeretzi mila bostehun eta laurogei euro eta hogeita hemeretzi zentimokoa da (7.639.580,39), BEZa kanpo.
Obrak egiteko hogeita lau (24) hilabeteko epea aurreikusten da.
Euskal Trenbide Sareko (ETS) Zerbitzu Teknikoek egiaztatu dute proiektu honek bere xedeari erantzuten diola eta Sektore Publikoko Kontratuen Legeak eta Administrazio Publikoen Kontratuen Legearen Erregelamendu Orokorrak eskatutako baldintzak betetzen dituela, kontrata bidez egikaritzeko behar diren alderdi nahikoak jasotzen baititu; halaber, maila formalean berrikusi du proiektua eta berresten du bete egiten duela Sektore Publikoko Kontratuen Legean eta Herri Administrazioen Kontratuen Legearen Erregelamendu Orokorrean ezarritakoa, maila formalean, beharrezko dokumentuak eta indarrean dagoen araudia sartzeari dagokionez, edukiari, sinadurei eta alderdi formalei, beharrezko kalkulu-oinarri eta -hipotesiei eta Sektore Publikoko Kontratuen Legearen 233.1 artikuluan zerrendatutako edukiari dagokienez.
Organo honek eskumena du euskal trenbide sareko obren proiektuak onartzeko, hala xedatzen baitu azaroaren 19ko 382/2024 Dekretuak, Mugikortasun Jasangarriaren Sailaren egitura organikoa eta funtzionala ezartzen duenak, 11.2.b) artikuluan.
Aipatutako xedapenak, horiekin bat datozenak eta oro har aplikatu beharrekoak ikusita, hau
EBAZTEN DUT:
Lehenengoa.– «Unibertsitatea-Eibar geltokia (Gipuzkoa) eraberritzeko eraikuntza proiektua» onartzea. Lizitazioaren oinarrizko aurrekontua, BEZ barne, bederatzi milioi berrehun eta hiru mila zazpiehun eta zortzi euro eta hamazazpi zentimokoa (9.203.708,17) da, eta obrak egiteko epea hogeita lau (24) hilabetekoa izango dela aurreikusi da.
Bigarrena.– Eraikuntza proiektu hau onartzeak berekin dakar obrak onura publikokoak edo interes sozialekoak direla deklaratzea, okupatzeko beharra adieraztea eta dagokion eraikuntza-proiektuaren beraren eranskinean zerrendatuta dauden erasandako ondasunak eta eskubideak lehenbailehen okupatu behar direla adieraztea.
Ebazpen hau ez da behin betikoa administrazio-bidean, eta, beraren aurka, interesdunek gora jotzeko errekurtsoa aurkez diezaiokete Azpiegituren eta Mugikortasun Jasangarriaren sailburuordeari, hilabeteko epean, ebazpena jakinarazi edo argitaratu eta hurrengo egunetik aurrera zenbatzen hasita. Idazki hori organo honi edo Azpiegituren eta Mugikortasun Jasangarriaren sailburuordeari bidali beharko zaio.
Administrazio publikoek administrazioarekiko auzi-errekurtsoa jarri ahal izango dute, bi (2) hilabeteko epean, Euskal Autonomia Erkidegoko Justizia Auzitegi Nagusiko administrazioarekiko auzien aretoan, hargatik aldez aurretik errekerimendua egitea eragotzi gabe, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan zehaztutako moduan eta epean.
Jendaurrean jartzen da, guztiek horren berri izan dezaten.
Vitoria-Gasteiz, 2026ko ekainaren 1a.
Garraio Azpiegituren zuzendaria,
MARÍA DOLORES DE JUAN DE MIGUEL.