Euskal Herriko Agintaritzaren Aldizkaria

107. zk., 2026ko ekainaren 9a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Oposizioak eta lehiaketak

EUSKO LEGEBILTZARRA

2483

ERABAKIA, 2026ko maiatzaren 26koa, Eusko Legebiltzarreko Mahaiarena, zeinaren bidez deitzen baita Eusko Legebiltzarreko Itzulpen Zerbitzuan langile-beharrak aldi baterako betetzeko lan-poltsa sortzeko deialdi publikoa.

Eusko Legebiltzarreko Mahaiak 2026ko maiatzaren 26an hartutako erabakia betetzeko, agintzen dut:

Lehenengoa.– Eusko Legebiltzarreko Itzulpen Zerbitzuan langile-beharrak aldi baterako betetzeko lan-poltsa sortzeko deialdi publikoa egitea, Mahaiaren 2026ko maiatzaren 26ko erabakiaren ondorioz.

Bigarrena.– Eusko Legebiltzarraren Aldizkari Ofizialean argitaratzea Mahaiak 2026ko maiatzaren 26an onetsitako oinarri espezifikoak jasotzen dituen eranskina, aipatutako hautaketa-prozesurako.

Oinarriak eskuragarri daude honako helbide elektronikoan: https://www.legebiltzarra.eus/oposic/e_oposic_1.html

Hirugarrena.– Eusko Legebiltzarrean karrerako funtzionario gisa sartzeko hautaketa-prozesuen oinarri orokorren arabera, zeinak Mahaiak 2022ko ekainaren 28an onetsi dituen, eskabideak aurkezteko epea hasiko da, deialdia Euskal Herriko Agintaritzaren Aldizkarian argitaratu ondoren, 2026ko ekainaren 10ean, eta amaituko da 2026ko ekainaren 29ko 23:59an.

Laugarrena.– Eusko Legebiltzarreko Mahaiaren 2026ko maiatzaren 26ko erabakiaren aurka aukerako berraztertze-errekurtsoa jarri ahal izango da, organo horretan bertan, hilabeteko epean, erabakia Euskal Herriko Agintaritzaren Aldizkarian argitaratu eta hurrengo egunetik kontatzen hasita, edo zuzenean administrazioarekiko auzi-errekurtsoa jarri ahal izango da Euskal Autonomia Erkidegoko Justizia Auzitegi Nagusian, bi hilabeteko epean, erabakia Euskal Herriko Agintaritzaren Aldizkarian argitaratu eta hurrengo egunetik kontatzen hasita.

Vitoria-Gasteiz, 2026ko maiatzaren 26a.

Eusko Legebiltzarreko lehendakaria,

BAKARTXO TEJERIA OTERMIN.

Azterketa dokumentala