RSS
84. zk., 2026ko maiatzaren 7a, osteguna
- Bestelako formatuak:
- PDF (189 KB - 7 orri.)
- EPUB (439 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
INDUSTRIA, TRANTSIZIO ENERGETIKO ETA JASANGARRITASUNAREN SAILA
1892
EBAZPENA, 2026ko apirilaren 30ekoa, Industria, Trantsizio Energetiko eta Jasangarritasuneko Bizkaiko lurralde-ordezkariarena, zeinaren bidez iragartzen baita zerrendatutako finkak okupatu aurreko aktak egiteko deialdia; finka horiek Ugao-Miraballes, Arrankudiaga-Zollo, Arrigorriaga, Zeberio eta Arteako udalerrietan daude, 13,2 kV-eko «Miraballes-Zeberio cto. 4» erdi-tentsioko aireko linea elektrikoaren zuhaitzik gabeko zerrendaren handitzeko proiektuaren eraginpean, zeina Miraballes TABren (4530) eta 9049 zenbakidun euskarriaren artean gauzatuko baita. Instalazioaren titularra i-DE Redes Eléctricas Inteligentes, SAU da.
Erreferentzia: (48-AT-Y-2023-108) JCI/YMM.
Industria, Trantsizio Energetiko eta Jasangarritasuneko Bizkaiko lurralde-ordezkariaren 2026ko otsailaren 5eko Ebazpenaren bidez, aipatutako instalazio elektrikoa onura publikokoa dela deklaratu zen.
Sektore Elektrikoari buruzko abenduaren 26ko 24/2013 Legearen 56. artikuluan xedatutakoaren arabera, onura publikokoa dela deklaratzeak berekin dakar ukitutako eskubideak eskuratzea edo ondasunak okupatu beharra, eta, ondorioz, okupazioa premiaz egin beharra, betiere Nahitaezko Desjabetzeari buruzko Legearen 52. artikuluan zehaztutako ondorioetako.
Horrenbestez, Nahitaezko Desjabetzeari buruzko 1954ko abenduaren 16ko Legearen 52. artikuluarekin bat etorriz (1954ko abenduaren 17ko BOE), lurralde-ordezkaritza honek erabaki du ukitutako eskubideen eta ondasunen jabe eta titularrei ukitutako ondasunak dauden udalerriko udaletxera dei egitea (Bizkaiko Lurralde Historikoan). Hor egingo dira ukitutako ondasunak okupatu aurretiko aktak eta, beharrezkoa bada, behin betiko okupazioaren akta.
Interesdun guztiek, bai eta ukitutako ondasunetan edozein eratako eskubideak edo interesak dituzten titularrek ere agertu behar dute bilerara, bai zuzenean, bai zeharka, behar bezala baimendutako ordezkari baten bidez, eta titulartasuna egiaztatzeko agiriak aurkeztu behar dituzte, baita kontribuzioaren azken ordainagiria ere. Hala nahi izanez gero, peritu edo notario baten laguntza ere izan dezakete.
Honi erantsitako zerrendan aditzera emandako egunean eta orduan jasoko dira aktak; titular bakoitzari zitazio-zedula bat bidalita adieraziko zaio non, zer egunetan eta ordutan egingo den, eta, orobat, Nahitaezko Desjabetzeari buruzko Legearen 52. artikuluan ezarritako gainerako argitalpenak ere egingo dira.
Halaber, Nahitaezko Desjabetzeari buruzko Legearen Erregelamenduaren 56.2 artikuluan xedatutakoarekin bat etorriz, bai interesdunek bai argitaratutako zerrendetan aipatu ez diren interes errealen eta interes ekonomikoen titularrek nahi adina alegazio aurkez ditzakete ukitutako ondasun eta eskubideen zerrendetan egin ahal izan diren akatsak zuzentzeko; alegazioak idatziz bidali behar dira Bilboko lurralde-ordezkaritza honetara (Concha Jeneralaren kalea, 23, 5. solairua), aldez aurreko aktak jasotzeko adierazitako egunera bitarte.
Halaber, Administrazio Publikoen Administrazio Prozedura Erkidearen urriaren 1eko 39/2015 Legearen 45.1 artikuluan xedatutakoaren eta Nahitaezko Desjabetzeari buruzko Legearen 52. artikuluaren bigarren arauan xedatutakoaren arabera, hauei jakinarazpena egiteko balioko du iragarki honek: identifikatu gabeko interesdun izan daitezkeenei, ukitutako ondasunen eta eskubideen titular ezezagunei eta helbide ezezaguna dutenei.
Bilbao, 2026ko apirilaren 30a.
Industria, Trantsizio Energetiko eta Jasangarritasuneko Bizkaiko lurralde-ordezkaria,
MARÍA JESÚS MARKAIDA URIARTE.