Euskal Herriko Agintaritzaren Aldizkaria

77. zk., 2026ko apirilaren 27a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

OSASUN SAILA

1741

EBAZPENA, 2026ko apirilaren 13koa, Osasuneko eta Eraldaketa Digitaleko sailburuordearena, Ezkerralde-Enkarterri-Gurutzetako Erakunde Sanitario Integratuko Ikerkuntzako Batzorde Etikoaren osaera berritzen duena.

Osasuneko sailburuordearen 2024ko apirilaren 2ko Ebazpenaren bidez, Ezkerralde-Enkarterri-Gurutzetako Erakunde Sanitario Integratuko Ikerkuntzako Batzorde Etikoaren akreditazioa berretsi zen.

Osasuneko eta Eraldaketa Digitaleko sailburuordearen 2025eko azaroaren 14ko Ebazpenaren bidez, azken aldiz aldatu zen Ezkerralde-Enkarterri-Gurutzetako Erakunde Sanitario Integratuko Ikerkuntzako Batzorde Etikoko kideen osaera.

Ezkerralde-Enkarterri-Gurutzetako Erakunde Sanitario Integratuko Ikerkuntzako Batzorde Etikoaren osaera aldatzen duen Osasuneko sailburuordearen 2025eko urtarrilaren 22ko Ebazpenaren hirugarren xedapenak ezartzen duenez, «... osaeran aldaketa gehiago badago, Ezkerraldea-Enkarterri-Gurutzeta Erakunde Sanitario Integratuko Ikerkuntza Batzorde Etikoak berriz eskatu beharko du aldatzeko, hilabete lehenago».

2026ko urtarrilaren 28an, eskaera aurkeztu zen Ezkerralde-Enkarterri-Gurutzetako Erakunde Sanitario Integratuko Ikerkuntzako Batzorde Etikoaren osaera berritzeko.

Osasuneko eta Eraldaketa Digitaleko sailburuordeari dagokio batzorde horren osaerari buruz dagokiona ebaztea, 1994ko irailaren 28ko Aginduaren 3.1 artikuluan ezarritakoaren arabera.

Batzordekide bat kargutik kendu dela jakinarazi da, behar zen epean eta moduan, eta beste bat izendatzeko proposamena jakinarazi da, eta pertsona horrek behar bezala betetzen ditu Ezkerralde-Enkarterri-Gurutzetako Erakunde Sanitario Integratuko Ikerkuntzako Batzorde Etikoko kide izateko baldintzak.

Horregatik guztiagatik, eta Osasun Sailaren egitura organikoa eta funtzionala ezartzen duen urriaren 29ko 319/2024 Dekretuaren 8.2.d) artikuluan ezarritakoaren arabera, honako hau

EBAZTEN DUT:

Lehenengoa.– Ana Emma Hernan Gómez izendatzea Ezkerralde-Enkarterri-Gurutzetako Erakunde Sanitario Integratuko Ikerkuntzako Batzorde Etikoko kide, eta jakintzat ematea kargutik kendu dela María del Carmen Estefanía Bilbao batzordekidea.

Bigarrena.– Berrestea pertsona hauek direla batzorde horretako kideak:

Batzordeburua:

Mikel Latorre Guisasola. Mediku espezialista. Kalitate Unitateko atalburua.

Batzordeburuordea:

Rita Sainz de Rozas Aparicio. Farmazialari ondokoa.

Idazkaria:

Vanesa Regúlez Campo. Erizaintzako irakaskuntzako erizaina. Erizaintzako Zuzendaritza.

Batzordekideak:

Iciar Alfonso Farnós. Osasun Saileko farmakologo klinikoa.

Pedro González Fernández. Mediku espezialista.

Francisco José Álvarez Díaz. Biologia Zientzietan doktorea, ikerketa-unitatea.

Iratxe Seijas Betolaza. Mediku espezialista.

Marta Montejo Fernández. Mediku espezialista.

Kepa Mirena San Sebastián Moreno. Mediku espezialista.

Susana González Larragán. Dokumentazioan lizentziaduna.

David Guede Caballero. Mediku espezialista.

José Miguel Núñez Paunero. Biologia Zientzietan lizentziaduna. Batzordekide legoa.

Ana Emma Hernan Gómez (Zuzenbidean lizentziaduna).

Hirugarrena.– Berrestea Osasuneko eta Eraldaketa Digitaleko sailburuordearen 2024ko apirilaren 2ko Ebazpenean ezarritakoarekin bat emandako akreditazioa; ebazpen hori 2024ko apirilaren 12ko Euskal Herriko Agintaritzaren Aldizkarian argitaratu zen (73. zk.).

Laugarrena.– Batzordearen osaeran beste aldaketaren bat gertatuz gero, Ezkerralde-Enkarterri-Gurutzetako Erakunde Sanitario Integratuko Ikerkuntzako Batzorde Etikoak berriro ere batzordea aldatzeko eskatu beharko du, hilabeteko aurrerapenarekin.

Bosgarrena.– Halaber, aldaketaren bat izanez gero Ezkerralde-Enkarterri-Gurutzetako Erakunde Sanitario Integratuko Ikerkuntzako Batzorde Etikoaren betekizun eta inguruabarretan, horren berri eman beharko zaio Osasun eta Eraldaketa Digitaleko sailburuordeari, hilabeteko epean, aldaketa gertatzen denetik aurrera, hala xedatuta baitago 1994ko irailaren 28ko Aginduaren 7. artikuluan.

Seigarrena.– Ebazpen honen berri ematea Osasun Ministerioari.

Zazpigarrena.– Ebazpen honek ez du administrazio-bidea amaitzen, eta, beronen aurka, gora jotzeko errekurtsoa jar daiteke Osasuneko sailburuaren aurrean, hilabeteko epean, EHAAn argitaratu eta hurrengo egunetik aurrera, hala xedatzen baitute Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluek.

Vitoria-Gasteiz, 2026ko apirilaren 13a.

Osasuneko eta Eraldaketa Digitaleko sailburuordea,

GONZALO TAMAYO MEDEL.

Azterketa dokumentala