Euskal Herriko Agintaritzaren Aldizkaria

77. zk., 2026ko apirilaren 27a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Izendapenak, egoerak eta gorabeherak

ELIKADURA, LANDA GARAPEN, NEKAZARITZA ETA ARRANTZA SAILA

1733

AGINDUA, 2026ko apirilaren 15ekoa, Elikadura, Landa Garapen, Nekazaritza eta Arrantzako sailburuarena, zeinaren bidez ebazten baita goi-kargudunaren idazkari-lanpostu bat izendapen askez betetzeko egindako deialdia.

Euskal Enplegu Publikoaren abenduaren 1eko 11/2022 Legearen 102.2.c) artikuluan eta Elikadura, Landa Garapen, Nekazaritza eta Arrantza Saileko Portuen, Itsas Gaien eta Itsasertzaren Zuzendaritzan «goi-kargudunaren idazkariaren» lanpostua izendapen askez betetzeko deialdia iragartzeko Elikadura, Landa Garapen, Nekazaritza eta Arrantzako sailburuaren 2026ko otsailaren 26ko Aginduaren laugarren oinarrian xedatutakoarekin bat (2026ko martxoaren 6ko EHAAn argitaratua), hau

EBAZTEN DUT:

Lehenengoa.– Asier Bravo Bravo jauna izendatzea Elikadura, Landa Garapen, Nekazaritza eta Arrantza Saileko Portuen, Itsas Gaien eta Itsasertzaren Zuzendaritzan goi-kargudunaren idazkari (kodea: 520010/193; maila: 18; berariazko osagarria: VI-A).

Bigarrena.– Izendapen horrek 2026ko apirilaren 16tik aurrera izango ditu ondorio ekonomiko eta administratiboak.

Hirugarrena.– Agindu honek amaiera ematen dio administrazio-bideari, eta beronen aurka aukerako berraztertze-errekurtsoa aurkez dakioke agindua eman duen organoari, hilabeteko epean, agindua jakinarazten denetik hasita; bestela, administrazioarekiko auzi-errekurtsoa aurkez daiteke Administrazioarekiko Auzien Epaitegian, bi hilabeteko epean, agindu hau Euskal Herriko Agintaritzaren Aldizkarian argitaratu eta hurrengo egunetik hasita.

Vitoria-Gasteiz, 2026ko apirilaren 15a.

Elikadura, Landa Garapen, Nekazaritza eta Arrantzako sailburua,

AMAYA BARREDO MARTÍN.

Azterketa dokumentala