Euskal Herriko Agintaritzaren Aldizkaria

76. zk., 2026ko apirilaren 24a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Izendapenak, egoerak eta gorabeherak

OSAKIDETZA-EUSKAL OSASUN ZERBITZUA

1704

51/2026 EBAZPENA, otsailaren 25ekoa, Emergentziak erakundeko zuzendari-gerentearena, zeinaren bidez Gipuzkoako lurralde historikoko gainbegiralea izendatzen baita, izendapen askez, Osakidetza-Euskal osasun zerbitzuko Emergentziak erakundean.

Abenduaren 1eko 180/2025 Ebazpenaren bidez, deialdia egin zen Osakidetza-Euskal osasun zerbitzuko Emergentziak erakundeko Gipuzkoako lurralde historikoko karteldegien gainbegirale lanpostua izendapen askez hornitzeko.

Batzordeak baloratu egin ditu aurkeztutako eskabideak, eta dagokion izendapen-proposamena egin du. Horiek horrela, Amaia Oñate Oyarbide andreak dituen ezagutza akademiko eta profesionalak kontuan hartuta, erabaki da pertsona hori Gipuzkoako lurralde historikoko gainbegirale izendatzea, izendapen askez, Osakidetza-Euskal osasun zerbitzuko Emergentziak erakundean.

Beraz, bat etorriz Euskadiko Antolamendu Sanitarioaren ekainaren 26ko 8/1997 Legearen 28. artikuluaren hirugarren arau komunarekin, Osakidetza-Euskal osasun zerbitzuko lanpostu funtzionalak arautzen dituen uztailaren 19ko 186/2005 Dekretuarekin eta azaroaren 11ko 255/1997 Dekretuarekin, baita Emergentzien eremuko eginkizunen esleipenari eta ordezkapen-araubideari buruzko Osakidetza-Euskal osasun zerbitzuko zuzendari nagusiaren azaroaren 12ko 1558/2024 Ebazpenean eta martxoaren 7ko 449/2025 Ebazpenean xedatutakoarekin ere,

EBAZTEN DUT:

Lehenengoa.– Amaia Oñate Oyarbide Gipuzkoako lurralde historikoko gainbegirale izendatzea Osakidetza-Euskal osasun zerbitzuko Emergentziak erakundean.

Bigarrena.– Izendapen honek 2026ko martxoaren 4tik aurrera izango ditu ondorioak.

Hirugarrena.– Izendapenak egin dituen organoak edozein unetan kargugabetu ditzake, bere eskumen-ahalez, izendapen askeko sistemaren bidez izendatu dituen langileak. Kargutik kentzeak edo mugiarazteak honako hau eragingo du: langilea beste lanpostu funtzional batera lekualdatuko da, baina, edonola ere, interesdunak duen kategoriari dagozkion baldintzei eutsiko die. Hain zuzen, ezaugarri berberak dituen lanpostu bati atxikiko zaio eta, ahal dela, izendapena jaso aurretik bera zegoen antolakuntza- eta lurralde-eremu berberetan. Atxikitze horrek, hain zuzen, kargugabetze-dataren hurrengo egunetik aurrera izango ditu ondorioak, eta lanpostua hornitzeko eskatzen diren betekizun eta baldintza guztiak bete beharko ditu.

Laugarrena.– Interesdunari eta Emergentzietako erakundeari ebazpen honen berri ematea.

Bosgarrena.– Ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko zuzendari nagusiari. Horretarako hilabeteko epea izango da, Ebazpena EHAAn argitaratu eta hurrengo egunetik aurrera.

Bilbao, 2026ko otsailaren 25a.

Emergentziak erakundeko zuzendari-gerentea,

ELEDER RÍOS LORENZO.

Azterketa dokumentala