Euskal Herriko Agintaritzaren Aldizkaria

74. zk., 2026ko apirilaren 22a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

ETXEBARRIKO UDALA

1674

IRAGARKIA, Bizkaiko Bizikleta Bideen Lurralde Plan Sektorialaren babespeko Nerviongo Bidegorria egiteko lanen proiektuak ukitutako ondasunak eta gainerako eskubideak premiaz okupatu behar direla deklaratzeari buruzkoa.

Udalbatzak, 2026ko martxoaren 31n egindako ohiko bilkuran, erabaki du premiazkotzat jotzea Bizkaiko Bizikleta Bideen Lurralde Plan Sektorialaren babespeko jarduketei dagokienez 2025eko azaroaren 3ko 1329 Alkatetzaren Dekretuaren bidez onartutako obra-proiektuan jasotako jarduketen eraginpeko ondasunak eta gainerako eskubideak okupatzea (2025-03776 espedientea). Honako hau xedatzen duena:

Lehenengoa.– 2025eko azaroaren 3ko 1329 zenbakiko Alkatetzaren Dekretuaren bidez onartutako obra-proiektuan jasotako jarduketek ukitutako ondasunak eta gainerako eskubideak lehenbailehen hartu beharrekotzat jotzea, Bizkaiko Bizikleta Bideen Lurraldearen Arloko Planak babestutako jarduketei dagokienez, Nahitaezko Desjabetzeari buruzko 1954ko abenduaren 16ko Legearen 52. artikuluan aurreikusitako premiazko desjabetze-prozedura aplikatzearen ondorioetarako.

Bigarrena.– Aurreko puntuko proiektuan jasotako obrak onura publikokoak direla deklaratzea.

Hirugarrena.– Aurreko puntuan aipatutako obra-proiektuan jasotako obrak egiteko nahitaez okupatu behar diren ondasun eta eskubideen behin-behineko zerrenda egitea, Nahitaezko Desjabetzeari Buruzko Legearen 7. artikulua eta Nahitaezko Desjabetzeari buruzko Legearen Araudia onartzen duen 1957ko apirilaren 26ko Dekretuaren 16. artikulua betetzeko.

(Ikusi .PDF Fitxategia)

Desjabetu beharreko bidea zehazten duten lau puntuen UTM ETRS89 30 N koordenatuak honako hauek dira:

(Ikusi .PDF Fitxategia)

Laugarrena.– Desjabetzearen onuradun deklaratzea Etxebarriko Udala.

Bosgarrena.– Interesdunei jakinaraztea, eraginpeko eskubideen behin betiko zerrenda onartzearekin batera, ondasunak eta eskubideak lehenbailehen hartu beharrekoak direla deklaratuko dela.

Seigarrena.– Ebazpena kaltetuei jakinarazteko eta jendaurrean jartzeko agintzea. Horretarako, iragarkiak jarriko dira Bizkaiko aldizkari Ofizialean, Euskal Herriko Agintaritzaren Aldizkarian, probintziako egunkaririk garrantzitsuenetako batean eta Udaleko ediktu-oholean, iragarkia azkenekoz argitaratzen denetik 15 egun balioduneko epean, interesdunek egoki iritzitako alegazioak aurkez ditzaten, akatsak zuzentzeko beharrezkoak diren datu guztiak aurkez ditzaten, edo okupazio-beharraren aurka egin dezaten, funtseko eta formazko arrazoiak direla medio.

Halaber, udalaren egoitza elektronikoan eta iragarki-taulan argitaratuko da.

Zazpigarrena.– Ukitutako finken egoera materialari edo legezkoari buruzko alegazioak aurkezten badira, edo akatsak zuzentzeko, eta horiek ebatzi ondoren, ebazpen hori interesdunei jakinaraziko zaie eta desjabetzeak eragindako ondasun eta eskubideen behin betiko zerrenda argitaratuko da. Jendaurrean jartzeko epean erreklamaziorik egiten ez bada, proiektuak erasandako ondasun eta eskubideen behin-behineko zerrenda behin betikoa izango da automatikoki.

Denek jakin dezaten argitaratzen da.

Etxebarri, 2026ko apirilaren 1a.

Alkatea,

IKER LOPEZ COMERON.

Azterketa dokumentala