Euskal Herriko Agintaritzaren Aldizkaria

71. zk., 2026ko apirilaren 17a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

INDUSTRIA, TRANTSIZIO ENERGETIKO ETA JASANGARRITASUNAREN SAILA

1622

IRAGARKIA, Ingurumen Administrazioaren zuzendariarena, Aldetu, SA enpresaren ingurumen-baimen integratua berrikusteko espedientea jendaurrean jartzeko dena (AAI00114).

Kutsaduraren Prebentzio eta Kontrol Integratuari buruzko Legearen testu bateginaren arabera (abenduaren 16ko 1/2016 Legegintzako Errege Dekretuaren bidez onartu zen), ingurumen-baimen integratua behar da 1. eranskinean jasotako jardueraren bat garatzen duten instalazioak eraiki, muntatu, ustiatu edo lekualdatzeko, bai eta horiek funtsean aldatzeko ere.

Ingurumen-baimen integratuaren helburua da atmosferaren, uraren eta lurzoruaren kutsadura saihesteko edo, hori ezinezkoa denean, kutsadura hori murriztu eta kontrolatzeko baldintzak ezartzea, kutsaduraren prebentzio eta kontrol integraturako sistema bat ezarrita, ingurumena ahalik eta gehien babesteko.

Aipatutako testu bateginaren 26. artikuluak agintzen du ofizioz berrikus daitezela ingurumen-baimen integratuak, instalazio baten jarduera nagusirako teknika erabilgarri onenei (TEO) buruz argitaratutako ondorioak aintzat hartuta. 2022ko azaroaren 4an, Europar Batasunaren Aldizkari Ofizialean argitaratu zen Batzordearen 2022ko urriaren 11ko Exekuzio Erabakia (EB), zeinaren bidez ezartzen baitira burdinazko metalak eraldatzeko industriarako teknologia erabilgarri onenei (TEO) buruzko ondorioak, Europako Parlamentuaren eta Kontseiluaren 2010/75/EB Zuzentarauaren esparruan.

Aipatutako testu bateginaren 26. artikuluak, eta, horrekin batera, Industriako isurpenak arautzeko eta kutsaduraren prebentzio eta kontrol integratuari buruzko uztailaren 1eko 16/2002 Legea garatzeko Erregelamenduaren (urriaren 18ko 815/2013 Errege Dekretuaren bidez onartu zen) 16. eta 15. artikuluek arautzen dute berrikusteko prozedura; eta gutxienez hogei eguneko jendaurreko informazio-aldia ezartzen dute horren barruan.

Horregatik guztiagatik, jendaurrean jarri behar da, hogei egun balioduneko epean, iragarki hau Euskal Herriko Agintaritzaren Aldizkarian argitaratu eta hurrengo egunetik aurrera, Aldetu, SA enpresaren AAU00114_REV_2025_001 espedientea, Lemoako instalazioetarako (Bizkaia), egoki iritzitako alegazioak edo oharrak aurkez daitezen. Espediente hori ikusgai egongo da Eusko Jaurlaritzaren egoitza elektronikoko iragarki-taula elektronikoan (https://www.euskadi.eus/iragarki-taula-elektronikoa).

Vitoria-Gasteiz, 2026ko martxoaren 31.

Ingurumen Administrazioaren zuzendaria,

NICOLAS GARCIA-BORREGUERO URIBE.

Azterketa dokumentala