Euskal Herriko Agintaritzaren Aldizkaria

62. zk., 2026ko apirilaren 1a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIA, LAN ETA ENPLEGU SAILA

1446

AGINDUA, 2026ko martxoaren 20koa, Jaurlaritzako bigarren lehendakariorde eta Ekonomia, Lan eta Enpleguko sailburuarena, Inklusiorako Euskal Kontseiluaren osaera aldatzen duena.

Inklusiorako Euskal Kontseiluaren urriaren 22ko 307/2024 Dekretuaren xedea da Inklusiorako Euskal Kontseiluaren osaera, kideen izendapena eta araubidea eta funtzionamendua arautzea, hartara Inklusiorako eta Diru-sarrerak Bermatzeko Euskal Sistemaren abenduaren 22ko 14/2022 Legearen 144. eta 145. artikuluak garatzeko.

Dekretu horren 2.1 artikuluaren arabera, Inklusiorako Euskal Kontseilua Euskal Sektore Publikoaren maiatzaren 12ko 3/2022 Legearen 18. artikuluan aurreikusitako kide anitzeko organo gisa eratzen da, diru-sarrerak bermatzearen eta inklusioaren arloan kontsulta- eta partaidetza-eginkizunak betetzeko.

Inklusiorako Euskal Kontseiluaren urriaren 22ko 307/2024 Dekretuaren 5.1 artikuluak xedatzen duenez, aipatutako kontseilua presidente batek, idazkari batek eta berrogeita bost bokalek osatzen dute, aipatutako manuan jasotako banaketaren arabera.

Aurrekoarekin bat etorriz, Jaurlaritzako bigarren lehendakariorde eta Ekonomia, Lan eta Enpleguko sailburuaren 2024ko irailaren 16ko Agindua eman zen, Inklusiorako Euskal Kontseiluaren ordezkariak izendatzen dituena. Ondoren, 2025eko urtarrilaren 2ko Aginduaren bidez, izendapen batzuk aldatu egin ziren.

Inklusiorako Euskal Kontseiluaren urriaren 22ko 307/2024 Dekretuaren 8.1 artikuluak ezartzen duenez, Eusko Jaurlaritzan inklusioaren arloko eskumena duen saileko titularraren agindu bidez izendatuko dira kideak eta haien ordezkoak, 9. artikuluan ezarritako izendapen-arauekin bat etorriz.

Aurrekoarekin bat etorriz, Lanbide-Euskal Enplegu Zerbitzu Publikoko zuzendari nagusiak ordezko gisa beste pertsona bat izendatu du, postua bera hutsik dagoenean, titularrik gabe dagoenean edo zuzendaria bera gaixorik dagoenean haren ordezkoa izan dadin.

Azaldutako guztia kontuan hartuta, eta Ekonomia, Lan eta Enplegu Sailaren egitura organikoa eta funtzionala ezartzeko azaroaren 5eko 323/2024 Dekretuaren bidetik, honako hau

EBAZTEN DUT:

Lehenengoa.– –Francisco Pedraza Moreno Lanbide-Euskal Enplegu Zerbitzuko zuzendari nagusiaren ordezko bokala, María Aranzazu Martínez Tobalina andrea, kargutik kentzea, eta Lanbide-Euskal Enplegu Zerbitzu Publikoko Enplegu eta Prestakuntzako zuzendaria izendatzea haren ordez, Arantza Niño Núñez andrea.

Bigarrena.– Inklusiorako Euskal Kontseiluaren osaera gardentasun-atarian argitaratzeko agintzea.

Hirugarrena.– Agindu hau Euskal Herriko Agintaritzaren Aldizkarian argitara dadila agintzea.

Laugarrena.– Agindu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

Bosgarrena.– Agindu honek amaiera ematen dio administrazio-bideari, eta, beronen aurka, aukerako berraztertze-errekurtsoa jar dakioke Jaurlaritzako bigarren lehendakariorde eta Ekonomia, Lan eta Enpleguko sailburuari, hilabeteko epean Agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa jar daiteke Euskal Autonomia Erkidegoko Justizia Auzitegi Nagusiko Administrazioarekiko Auzien Salan, bi hileko epean, Agindua argitaratu eta hurrengo egunetik aurrera.

Vitoria-Gasteiz, 2026ko martxoaren 20a.

Jaurlaritzako bigarren lehendakariorde eta Ekonomia, Lan eta Enpleguko sailburua,

MIGUEL TORRES LORENZO.

Azterketa dokumentala