Euskal Herriko Agintaritzaren Aldizkaria

61. zk., 2026ko martxoaren 31, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

1423

EBAZPENA, 2026ko otsailaren 20koa, Administrazio eta Zerbitzuen sailburuordearena, 2026-2027 ikasturteari begira hezkuntza-itunen araubidean sartzeko eta itunaren ohiko aldaketaren bidez itunduko diren unitateak zehazteko epea irekitzen duena.

Hezkuntzako sailburuaren 2022ko ekainaren 21eko Aginduaren bidez, deialdia egin zen hezkuntza-itunak berritzeko eta hezkuntza-itunen araubidean sartzeko, unitateak zehaztuta, eta laguntzako langile osagarriak ituntzeko, 2022-2023 ikasturtean hasi eta 2027-2028 ikasturtera arteko indarraldiarekin.

Agindu horren 17. artikuluak ituna aldatzeko baldintzak eta prozedura ezartzen ditu.

Hori dela eta, agindu horren 17.6 artikuluan xedatutakoarekin bat, hau

EBAZTEN DUT:

2026-2027 ikasturteari begira hezkuntza-itunen araubidean sartzeko eta itunaren ohiko aldaketaren bidez itunduko diren unitateak zehazteko epea irekiko dela jakinaraztea. Epe hori 2026ko maiatzaren 1etik maiatzaren 31ra bitartekoa izango da, biak barne.

Itun-erregimenari heldu nahi dioten ikastetxe pribatuek hezkuntza-itunen aplikaziora sarbidea eskatu beharko dute –lehendik sarbide hori ez dutenek soilik–, Hezkuntza Saileko Kudeaketa Ekonomikoko Zuzendaritzako hezkuntza-itunen eta ordainketa eskuordetuko zerbitzuarekin harremanetan jarrita.

Vitoria-Gasteiz, 2026ko otsailaren 20a.

Administrazio eta Zerbitzuen sailburuordea,

BLANCA MARÍA GUERRERO OCEJO.

Azterketa dokumentala