RSS
44. zk., 2026ko martxoaren 5a, osteguna
- Bestelako formatuak:
- PDF (163 KB - 4 orri.)
- EPUB (169 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIA, LAN ETA ENPLEGU SAILA
991
EBAZPENA, 2026ko otsailaren 21ekoa, Laneko eta Gizarte Segurantzako zuzendariarena, Osakidetza-Euskal osasun zerbitzuko garbiketa-zerbitzuaren enpresa emakidadunentzako hitzarmen kolektiboko batzorde paritarioaren Akordioa, 2025eko soldata-taulen eguneraketari buruzkoa, erregistratu, gordailutu eta argitaratzen duena. Hitzarmenaren kodea: 86002115012003.
AURREKARIAK
Batzorde Parekideak onartu duen erabaki horri buruzko dokumentazioa 2026ko otsailaren 19an aurkeztu da REGCON erregistroan.
ZUZENBIDEKO OINARRIAK
Lehenengoa.– Lehendakariaren ekainaren 23ko 18/2024 Dekretuak (Euskal Autonomia Erkidegoko Administrazioko sailak sortu, ezabatu eta aldatzen dituenak eta horien egitekoak eta jardun-arloak finkatzen dituenak), 2. artikuluan, Ekonomia, Lan eta Enplegu Saila sortzen du, eta, 7. artikuluan ezarritakoaren arabera, lan-arloko legeriak lan-harremanei buruz ezartzen duena betearazi behar du sail horrek, besteak beste.
Bigarrena.– Langileen Estatutuari buruzko Legearen testu bateginaren 85., 87., 88., 89. eta 90. artikuluetan xedatutako eskakizunak betez sinatu da akordioa.
Hirugarrena.– Aurkeztu den erabakia inskribatu beharreko egintza bat da, maiatzaren 28ko 713/2010 Errege Dekretuaren 2.1.a) artikuluan aurreikusitakoari jarraikiz. Inskripzio-eskaera eta erantsitako dokumentazioa aztertuta, egiaztatu da eskaerak betetzen dituela legez eskatzen diren baldintzak; beraz, bat etorriz Euskal Autonomia Erkidegoko lan-hitzarmen eta akordio kolektiboen eta berdintasun-planen erregistroari eta gordailuari buruzko urtarrilaren 25eko 9/2011 Dekretuak (2023ko otsailaren 14ko 20/2023 Dekretuaren bidez aldatuak) 9. artikuluan xedatutakoarekin, hau
EBAZTEN DUT:
Lehenengoa.– Agindua ematea akordioa Euskal Autonomia Erkidegoko Hitzarmenen, Lan Akordio Kolektiboen eta Berdintasun Planen Erregistroan inskribatu eta gordailutu dadin eta alderdiei jakinaraz dakien.
Bigarrena.– Euskal Herriko Agintaritzaren Aldizkarian argitaratzea.
Vitoria-Gasteiz, 2026ko otsailaren 21a.
Laneko eta Gizarte Segurantzako zuzendaria,
MARÍA VICTORIA PORTUGAL LLORENTE.
ERABAKIA
Leire Idirin Requetak, Osakidetzako garbiketa-zerbitzuaren enpresa esleipendunentzako hitzarmen kolektiboko batzorde paritarioak emandako baimena baliatuta, honako hau
ADIERAZTEN DU:
2026ko otsailaren 19an egindako bilkuran, batzorde horrek jarraian azaltzen den gaia aztertu zuen, UGTk hala eskatuta, eta erabakiak hartu, bileraren aktatik transkribatutako moduan. Eta hala ziurtatzen du, dagozkion ondorioak izan ditzan, Bilbon, 2026ko otsailaren 19an.
Eskaera: SLOs/2/2026.
Planteatu den gaia: Sina daitezela 2025erako hitzarmen kolektiboko soldata-taulak, Osakidetzan aplikatutako % 2,5eko igoerari dagozkionak, Jaurlaritzaren Idazkaritzako eta Legebiltzarrarekiko Harremanetarako zuzendariaren urtarrilaren 27ko 15/2026 Ebazpena argitaratu ondoren. Ebazpen horren bidez argitara ematen da Euskal Autonomia Erkidegoko Administrazioaren sektore publikoaren zerbitzuko langileen ordainsarien 2025. urterako igoera onartzen duen Erabakia.
Ebazpena: Batzordeak, aho batez erabakita, hau onartu du: «Onartu egiten dira Osakidetzako Garbiketa Zerbitzuaren Enpresa Emakidadunentzako Hitzarmen Kolektiboko soldata-taulak, akta honen eranskinean jasota eta sinatuta daudenak. Taula horietan, soldata-kontzeptuak % 2,5 eguneratu dira, 2024ko abenduaren 31n indarrean zeudenen aldean, 2025eko urtarrilaren 1etik aurrerako ondorioekin, bat etorriz Jaurlaritzaren Idazkaritzako eta Legebiltzarrarekiko Harremanetarako zuzendariaren urtarrilaren 27ko 15/2026 Ebazpenean aurreikusitako baldintzekin (ebazpen horren bidez, Euskal Autonomia Erkidegoko Administrazioaren sektore publikoaren zerbitzuko langileen ordainsarien 2025. urterako igoera onartzen duen Erabakia argitaratzen da).
Soldata-taulak Euskal Herriko Agintaritzaren Aldizkarian argitara ematen direnetik aurrera gauzatuko dira ordainketak».
Eta hala ziurtatzen du, dagozkion ondorioak izan ditzan, Bilbon, 2026ko otsailaren 19an.
Lan-harremanetako teknikaria,
LEIRE IDIRIN REQUETA.