RSS
40. zk., 2026ko otsailaren 27a, ostirala
- Bestelako formatuak:
- PDF (133 KB - 3 orri.)
- EPUB (113 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
INDUSTRIA, TRANTSIZIO ENERGETIKO ETA JASANGARRITASUNAREN SAILA
896
EBAZPENA, 2026ko otsailaren 17koa, Industria, Trantsizio Energetiko eta Jasangarritasun Saileko Gipuzkoako lurralde-ordezkariarena, instalazio elektriko hauen aurretiazko eta eraikitzeko administrazio-baimenak emateko eta horien onura publikoa deklaratzeko dena: «132 kV-ko (z/bik) Abadiano TA-Azpeitia TA 2 eta Ormaiztegi TA-Abadiano TA 1 lineak Mondragon TAra deribatzea», Arrasateko udalerrian. Espedientea: 20-ATY-2025-112.
AURREKARIAK
1.– 2025eko abuztuaren 1ean, I-DE Redes Eléctricas Inteligentes SAU enpresak (helbidea: San Adrian 48, Bilbao, Bizkaia) aurretiazko eta eraikitzeko administrazio-baimenak, eta herri-onurako adierazpena eskatu zituen, ondorengo instalazioentzat: «132 kV-ko (z/bik) Abadiano TA-Azpeitia TA 2 eta Ormaiztegi TA-Abadiano TA 1 lineak Mondragon TAra deribatzeko», Arrasateko udalerrian; eta horrekin batera aurkeztu zituen eskabide-orria, proiektu teknikoa eta eskatzaileak desjabetu beharrekotzat jotzen dituen ondasun eta eskubideen zerrenda zehatz eta banakatua.
2.– Martxoaren 31ko 48/2020 Dekretuaren 9. eta 10. artikuluetan (2020-04-24ko EHAA) eta abenduaren 1eko 1955/2000 Errege Dekretuaren 144. artikuluan (2000-12-27ko BOE) aurreikusitakoa betez, testu horren azken xedapenetatik lehenengoan, 1957ko apirilaren 26ko Nahitaezko Desjabetzeari buruzko Legearen Erregelamenduaren 17. artikuluan eta Sektore Elektrikoari buruzko abenduaren 26ko 24/2013 Legearen 53. artikulutik 56. artikulura (2013-12-27ko BOE) ezarritakoarekin bat etorriz, jendaurrean jarri zen instalazio elektriko honen proiektua, bai eta eskatzaileak desjabetu beharrekotzat jotzen dituen ondasun eta eskubideen zerrenda zehatza eta banakatua.
3.– Horretarako, jendaurrean jartzeko izapidearen barruan, iragarkia argitaratu zen Arrasateko udaletxeko iragarki-oholean, arauzko epean; EHAAn, 2025-11-19an; GAOn, 2025-11-17an; «El Diario Vasco» eta «Berria» egunkarietan, 2025-11-18an; eta web orri honetan: https://www.euskadi.eus/informacion-publica-de-proyectos-sobre-minas-y-energia/web01-a2energi/eu/
4.– Jendaurrean jartzeko izapidearekin batera, 2025eko azaroaren 18an, dagokion separata bidali zitzaien Arrasateko Udalari, Uraren Euskal Agentziari (URA), Telefónica SAri eta Lyntya Networks, SAri proiektuari adostasuna emateko edo aurka egiteko eta, hala bazegokion, baldintza tekniko egokiak ezartzeko eskatuz. Eskaera hori 2026ko urtarrilaren 14an berretsi zen.
5.– Proiektuarekiko adostasuna edo aurkakotasuna eskatzeko, eta, hala bazegokion, baldintza teknikoak ezartzeko, Telefónica SAk aldeko txostena aurkeztu zuen, eta baldintza batzuk ezarri zituen. Txosten hori enpresa eskatzaileari helarazi ondoren, enpresa eskatzaileak horrekin ados zegoela adierazi zuen. Kontsultatutako gainerako administrazio publikoek, organismoek eta enpresek ez zioten erantzun proiektuaren alde edo aurka zeuden adierazteko eskaerari.
6.– Jendaurreko erakustaldiaren barruan, ez zen proiektuaren aurkako alegazio-idazkirik aurkeztu.
OINARRI JURIDIKOAK
1.– Gipuzkoako Lurralde Ordezkaritza da espediente hau ebazteko organo eskuduna, Industria, Trantsizio Energetiko eta Jasangarritasun Sailaren egitura organikoa eta funtzionala ezartzen duen abenduaren 3ko 410/2024 Dekretuak (2024-12-10eko EHAA) ematen dion eskumena erabiliz.
2.– Sektore Elektrikoari buruzko abenduaren 26ko 24/2013 Legeak 39. artikuluan ezartzen duenez, energia elektrikoa banatzeko instalazioak martxan jartzeko, aldatzeko, eskualdatzeko eta behin betiko ixteko, aurretiazko administrazio-baimena eta eraikuntza-baimena beharko dute.
3.– Martxoaren 31ko 48/2020 Dekretuak arautzen du Euskal Autonomia Erkidegoan energia elektrikoa ekoitzi, garraiatu eta banatzeko instalazioak eta kontsumitzaileak konektatzeko hartuneak, zuzeneko lineak eta instalazioak eraikitzeko, aldatzeko, ustiatzeko, eskualdatzeko eta ixteko administrazio-baimenaren prozedura.
4.– Energia elektrikoaren instalazioak garraiatzeko, banatzeko, merkaturatzeko eta hornitzeko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuak, V. kapituluko 2. atalean, energia elektrikoa sortzeko, garraiatzeko eta banatzeko instalazio elektrikoak onura publikokoak direla deklaratzeko desjabetze-prozedura definitzen du, instalazio horiek ezartzeko beharrezkoak diren ondasun eta eskubideak nahitaez desjabetzeko eta bide-zorra ezarri eta erabiltzeko.
5.– Espedientea izapidetzean, kontuan hartu eta bete dira administrazio-prozedura arautzen duten arauetan eta aipatutako legeetan aurreikusitako prozedura-betekizunak eta -izapideak.
6.– I-DE Redes Eléctricas Inteligentes, SAU enpresa eskatzaileak behar bezala erantzun die aurkeztutako txostenei.
7.– Aplikatu beharreko segurtasun-araudietan jasotako eskakizun teknikoak betetzen ditu proiektuak.
Aipatutako lege-aginduak eta oro har aplikatu beharrekoak diren gainerakoak ikusita, Gipuzkoako lurralde-ordezkariak honako hau
EBAZTEN DU:
Bat.– I-DE Redes Eléctricas Inteligentes SAUri Arrasateko udalerrian «132 kV-ko (z/bik) Abadiano TA-Azpeitia TA 2 eta Ormaiztegi TA-Abadiano TA 1 lineak Mondragon TAra deribatzeko» instalazio elektrikoen aurretiazko administrazio-baimena eta eraikitzeko administrazio-baimena ematea.
Bi.– Baimentzen den instalazio elektrikoa onura publikokoa dela deklaratzea. Deklarazio horrek, abenduaren 26ko 24/2013 Legearen 56. artikuluan xedatutakoaren arabera, ondasunak okupatu beharra edo ukitutako eskubideak eskuratu beharra dakar, eta, 1954ko abenduaren 16ko Nahitaezko Desjabetzeari buruzko Legearen 52. artikuluaren ondorioetarako, lehenbailehen okupatu beharra, 53. artikuluaren erregistro-ondorioekin.
Ebazpen hau 48/2020 Dekretuan xedatutakoaren eta baldintza orokor hauen arabera ematen da:
1.– Onartutako proiektuaren arabera egin beharko dira obrak, eskatzen eta, hala egokituz gero, baimentzen diren aldaketekin.
2.– Zerbitzuan jartzeko epea hiru urtekoa izango da, ebazpen honen datatik aurrera.
3.– Instalazioen titularrak lanen amaieraren berri emango dio Gipuzkoako Lurralde Ordezkaritzari, behin betiko onesteko eta ustiapen- eta zerbitzuan jartzeko baimena emateko.
4.– Obrak egiteko beharrezkoak diren udal edo probintzien eskumenpeko gainerako baimen edo lizentzia eta bestelakoak ere eskuratu beharra salbu utzita ematen da Ebazpen hau, eta horiek eskuratzeko betebeharretik ez du salbuesten eskatzailea. Halaber, hirugarrenen eskubideei kalterik egin gabe eta jabetza-eskubidea salbu utzita ematen da.
Ebazpen honek ez dio amaiera ematen administrazio-bideari, eta, beraren aurka, gora jotzeko errekurtsoa aurkez dakioke Deskarbonizazioko zuzendariari, hilabeteko epean, ebazpen hau jakinarazi eta hurrengo egunetik aurrera, Administrazio Publikoen Administrazio Prozedura Erkidearen 39/2015 Legearen 121. artikuluan eta hurrengoetan ezarritakoaren arabera.
Donostia, 2026ko otsailaren 17a.
Gipuzkoako lurralde ordezkaria,
ANTTON ARRIETA INSAUSTI.