RSS
32. zk., 2026ko otsailaren 17a, asteartea
- Bestelako formatuak:
- PDF (178 KB - 11 orri.)
- EPUB (519 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
INDUSTRIA, TRANTSIZIO ENERGETIKO ETA JASANGARRITASUNAREN SAILA
705
EBAZPENA, 2026ko otsailaren 4koa, Industria, Trantsizio Energetiko eta Jasangarritasuneko Gipuzkoako lurralde-ordezkariarena, ondoko proiektuak ukitutako finka jakin batzuk okupatu aurreko aktak egiteko deialdia egiteko dena: Abadiano-Azpeitia 1 eta 2 zirkuitu bikoitzeko 132 kV-ko linea elektrikoa, 27-50 euskarrien artean eta Abadiano-Azpeitia 1 linearen Bergara TArako S/I, Bergara eta Elgeta udalerrietan. Erref.: 20ATY 2026-8, 20ATY 2024-88.
Industria, Trantsizio Energetiko eta Jasangarritasun Saileko Gipuzkoako jarduneko lurralde-ordezkariaren 2025eko abenduaren 19ko Ebazpenaren bidez, aurretiazko administrazio- eta eraikuntza-baimenak eman ziren, eta onura publikokotzat deklaratu ziren ondorengo instalazioak: «Abadiano-Azpeitia 1 eta 2 zirkuitu bikoitzeko 132 kV-ko linea elektrikoa, 27-50 euskarrien artean eta Abadiano-Azpeitia 1 linearen Bergara TArako S/I», Bergara eta Elgeta udalerrietan. Espedientea: 20-ATY-2024-88 (2025-12-19ko EHAA).
Onura publikoko deklarazio horrek, Sektore Elektrikoari buruzko abenduaren 26ko 24/2013 Legearen 56. artikuluan xedatutakoaren arabera (2013-12-27ko BOE), berekin dakar eraginpeko ondasun eta eskubideak okupatu beharra, ondasun eta eskubide horiek presaz okupatu beharra, eta Nahitaezko Desjabetzeari buruzko 1954ko abenduaren 16ko Legearen 52. artikuluak presaz okupatzeko deklarazioari dagokionez xedatzen dituen ondorioak dakartza, 53. artikuluaren erregistro-ondorioekin.
Nahitaezko Desjabetzeari buruzko 1954ko abenduaren 16ko Legearen 52. artikuluan xedatutakoa betez, eraginpeko ondasun eta eskubideen titular eta jabeei dei egitea erabaki du Gipuzkoako jarduneko lurralde-ordezkariak, Bergarako eta Elgetako (Gipuzkoa) udaletxeetan biltzeko, hain zuzen ere, eraginpeko ondasunak okupatu aurreko aktak egiteko eta, bidezkoa bada, behin betiko okupatzeko. Beharrezkoa izanez gero, lur eremura bertara joateko aukera ere izango da.
Interesdun guztiek, bai eta ukitutako ondasunen gaineko edozein motatako eskubide edo interesen titular diren pertsonek ere, pertsonalki edo behar bezala baimendutako pertsonek ordezkatuta joan beharko dute, titulartasuna egiaztatzen duten agiriak eta kontribuzioaren azken ordainagiria aurkeztuz. Peritu batek eta notario batek lagunduta aurkeztu ahal izango dute, egoki iritziz gero.
Aurretiazko aktak 2026ko apirilaren 27 eta 28an eta maiatzaren 4 eta 5ean egingo dira. Aktak egiteko agindua titularrei jakinaraziko zaie, zitazio-zedula bidaliz, non lekua, eguna eta ordua adieraziko baitira. Nahitaezko Desjabetzeari buruzko Legearen 52. artikuluan ezarritako gainerako argitalpenak ere egingo dira.
Desjabetze-espedientean, I-DE Redes Eléctricas Inteligentes, S.A.U. enpresak onuradun izaera hartuko du.
Era berean, Nahitaezko Desjabetzeari buruzko Araudiaren 56.2 artikuluan xedatutakoarekin bat etorriz, interesdunek eta eskubide errealen edo interes ekonomikoen titularrak izanik argitaratutako zerrendan agertzen ez diren pertsonek egoki iritzitako alegazioak aurkeztu ahal izango dituzte, idatziz, Eusko Jaurlaritzako Industria, Trantsizio Energetiko eta Jasangarritasun Sailean (Easo kalea, 10, 20006 Donostia), aurretiko aktak egiteko adierazitako egunera arte, ukitutako ondasun eta eskubideen zerrendan egon daitezkeen akatsak zuzentzeko soilik.
Donostia, 2026ko otsailaren 4a.
(Zerbitzu-eginkizunen behin-behineko esleipenari buruzko 2025-05-26ko Ebazpenarekin bat etorriz).
Industria, Trantsizio Energetiko eta Jasangarritasuneko Gipuzkoako jarduneko lurralde-ordezkaria,
ANTTON ARRIETA INSAUSTI.