Euskal Herriko Agintaritzaren Aldizkaria

26. zk., 2026ko otsailaren 9a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Oposizioak eta lehiaketak

OSAKIDETZA-EUSKAL OSASUN ZERBITZUA

577

132/2026 EBAZPENA, urtarrilaren 28koa, Osakidetza-Euskal osasun zerbitzuko zuzendari nagusiarena, zeinaren bidez ebazpen hau aldatzen baita: 1258/2019 Ebazpena, urriaren 1ekoa, zeinaren bidez izendatzen baita estatutupeko langile bihurtzeko hautaketa-probetarako epaimahai kalifikatzailea, fakultatibo mediko eta teknikoen lanbide-taldeko kardiologiako fakultatibo espezialista mediko kategorian (profila: kardiologia hemodinamikoa), Osakidetza-Euskal osasun zerbitzuko zerbitzu sanitarioetako erakundeetako destinoetan.

Osakidetza-Euskal osasun zerbitzuko zuzendari nagusiaren otsailaren 5eko 103/2018 Ebazpenaren bidez, onartu egin ziren Osakidetza-Euskal osasun zerbitzuan estatutupeko lotura finkoa lortzeko 2016. eta 2017. urteetan deitutako hautaketa-prozesuak arautuko zituzten oinarri orokorrak.

Otsailaren 5eko 103/2018 Ebazpen horrek 18.1 oinarrian adierazten duenez, Osakidetza-Euskal osasun zerbitzuko zuzendari nagusiak izendatuko ditu hautaketa-prozesua kalifikatuko duten epaimahaiak.

Osakidetza-Euskal osasun zerbitzuko zuzendari nagusiaren urriaren 1eko 1258/2019 Ebazpenaren bidez, izendatu egin zen estatutupeko langile bihurtzeko hautaketa-probetarako epaimaha kalifikatzailea, fakultatibo mediko eta teknikoen lanbide-taldeko kardiologiako fakultatibo espezialista mediko kategorian (profila: kardiologia hemodinamikoa), Osakidetza-Euskal osasun zerbitzuko zerbitzu sanitarioetako erakundeetako destinoetan.

Betetzeko Osakidetza-Euskal osasun zerbitzuko zuzendari nagusiaren otsailaren 5eko 103/2018 Ebazpenaren 18.2 oinarriaren 2. paragrafoan ezarritakoa, azken horrek xedatzen baitu epaimahaiko kide guztiek izan beharko dutela administrazio publikoetako edo osasun-zerbitzuetako karrerako funtzionario edo estatutupeko langile finko, edo Osasun Sistema Nazionalari lotutako zentroetako langile lan-kontratudun, aldatu egin behar da Osakidetza-Euskal osasun zerbitzuko zuzendari nagusiaren urriaren 1eko 1258/2019 Ebazpena, zeinaren bidez estatutupeko langile bihurtzeko hautaketa-probetarako epaimahai kalifikatzailea izendatu baitzen fakultatibo mediko eta teknikoen lanbide-taldeko kardiologiako fakultatibo espezialista mediko kategorian (profila: kardiologia hemodinamikoa), Osakidetza-Euskal osasun zerbitzuko zerbitzu sanitarioetako erakundeetako destinoetan.

Indarrean dagoen legeriak ematen dizkidan ahalmenak baliatuz,

EBAZTEN DUT:

Lehenengoa.– Aldatzea Osakidetza-Euskal osasun zerbitzuko zuzendari nagusiaren urriaren 1eko 1258/2019 Ebazpena, kardiologiako fakultatibo espezialista mediko kategoriako (profila: kardiologia hemodinamikoa) epaimahaiaren osaerari dagokionez. Ebazpen honen eranskinean agertzen diren kideek osatuko dute.

Bigarrena.– Ebazpen hau EHAAn argitara dadin agintzea.

Hirugarrena.– Aintzat harturik Osakidetzako zuzendari nagusiaren otsailaren 5eko 103/2018 Ebazpenaren 21. oinarrian ezarritakoa (Ebazpen horren bidez onartu ziren Osakidetza-Euskal osasun zerbitzuan estatutupeko lotura finkoa lortzeko hautaketa-prozesuak arautzen dituzten oinarri orokorrak), Ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpen hau EHAAn argitaratu eta hurrengo egunetik aurrera.

Vitoria-Gasteiz, 2026ko urtarrilaren 28a.

Osakidetza-Euskal osasun zerbitzuko zuzendari nagusia,

MIREN LOREA BILBAO ARTECHE.

ERANSKINA

KARDIOLOGIAKO FAKULTATIBO ESPEZIALISTA MEDIKOA

PROFILA: KARDIOLOGIA HEMODINAMIKOA

Epaimahaiburua:

– Titularra: José Ramón Arriandiaga Bilbao.

Lehenengo epaimahaikidea:

– Titularra: Miren Maite Alfageme Beovide.

Bigarren epaimahaikidea:

– Titularra: Abel Andrés Morist.

Hirugarren epaimahaikidea:

– Titularra: Leire Andraka Ikazuriaga.

– Ordezkoa: José Ramón Rumoroso Cuevas.

Laugarren epaimahaikidea:

– Titularra: José Antonio Alarcón Duque.

Bosgarren epaimahaikidea:

– Titularra: Anunciación Alonso Del Olmo.

Seigarren epaimahaikidea:

– Titularra: Roberto Blanco Mata.

Idazkaria:

– Titularra: Eva Aldama López de Viñaspre.

– Ordezkoa: María Elena Bravo Suárez.

Azterketa dokumentala