RSS
22. zk., 2026ko otsailaren 3a, asteartea
- Bestelako formatuak:
- PDF (141 KB - 2 orri.)
- EPUB (114 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
INDUSTRIA, TRANTSIZIO ENERGETIKO ETA JASANGARRITASUNAREN SAILA
501
EBAZPENA, 2026ko urtarrilaren 26koa, Arabako Industria, Trantsizio Energetiko eta Jasangarritasuneko lurralde-ordezkariarena, zeinaren bidez onartzen baita Savanna Power Solar 14 SLk egindako atzera egiteko eskaera, Alegría-Dulantzi, Iruraiz-Gauna, Donemiliaga, Barrundia, Burgelu, Arratzua-Ubarrundia eta Vitoria-Gasteizko udal-mugarteetan (Araba) «Vitoria 30 kV» Kluster Eolikoaren parke eolikoa eta haren ebakuazio-azpiegitura egiteko baimen-eskaerari buruzkoa.
Espediente-zenbakia: 01GEY 202300049.
AURREKARIAK
1.– 2023ko abenduaren 13an, Savanna Power Solar 14 SLk aurretiazko administrazio-baimena eskatu zuen «Vitoria 30 kV» Kluster Eolikoa proiekturako, Burgelu, Barrundia, Dulantzi, Iruraiz-Gauna eta Donemiliagako udal-mugarteetan (Araba).
2.– 2024ko martxoaren 15ean, Savanna Power Solar 14 SLri jakinarazi zitzaion Arabako Industria Administrazioko lurralde-ordezkariaren ebazpena, zeinaren bidez ebazten baitzen «Vitoria 30 kV» Kluster Eolikoa izeneko parke eolikorako administrazio-baimena eskatzeko eskumen-prozedura, Burgelu, Barrundia, Dulantzi, Iruraiz-Gauna eta Donemiliagako udal-mugarteetan (Araba). Ebazpen horretan, Savanna Power Solar 14 SLk aurkeztutako aurreproiektua hautatu zen.
3.– 2025eko martxoaren 28an, Savanna Power Solar 14, SL sustatzaileak jendaurreko informazio eta kontsulten izapiderako beharrezkoa den dokumentazioa osatu zuen, sektore elektrikoari buruzko 24/2013 Legearen, ingurumen-ebaluazioari buruzko 21/2013 Legearen ondorioetarako.
4.– Deskarbonizazioko zuzendariaren 2025eko apirilaren 23ko iragarkiaren argitalpenen bidez hasten da jendaurrean jartzeko izapidea. Izapide horren bidez jendaurrean jarri dira «Vitoria 30kV» Kluster Eolikoaren (29,94 MW) proiektua eta ingurumen-inpaktuaren azterlana, bai eta hari lotutako azpiegiturak ere, Alegría-Dulantzi, Iruraiz-Gauna, Donemiliaga, Barrundia, Burgelu, Arratzua-Ubarrundia eta Vitoria-Gasteizko udalerrietan (Araba). Iragarkia 2025eko maiatzaren 5eko Euskal Herriko Agintaritzaren Aldizkarian (82. zk.) eta 2025eko ekainaren 4ko Arabako Lurralde Historikoaren Aldizkari Ofizialean (62. zk.) argitaratu zen.
5.– Aldi berean, kontsultak egin ziren ukitutako administrazio publikoei eta pertsona interesdunei:
6.– Kontsulten eta jendaurreko informazioaren izapidean jasotako alegazioak eta txostenak sustatzaileari bidali zitzaizkion, kontuan hartu eta erantzun zitzan.
7.– 2025eko azaroaren 4an, Eusko Jaurlaritzako Ingurumen Administrazioaren Zuzendaritzan, «Vitoria-Gasteiz 30 kV (29,94 MW) Kluster Eolikoa» proiektuaren eta hari lotutako azpiegituren ingurumen-inpaktuaren adierazpena egiteko eskaera osatu zen. Dulantzi, Iruraiz-Gauna, Donemiliaga, Barrundia, Burgelu, Arratzua-Ubarrundia eta Vitoria-Gasteizko udal-mugarteetan (Araba) da egitekoa».
8.– 2026ko urtarrilaren 16an, Ingurumen Administrazioaren zuzendariak Ebazpena eman zuen, zeinaren bidez Savanna Power Solar 14, SLUk sustatutako «Vitoria-Gasteiz 30 kV (29,94 MW) Kluster Eolikoa» proiektuaren eta hari lotutako azpiegituren ingurumen-inpaktuaren adierazpena egiteko eskaera formulatu baitzen. Dulantzi, Iruraiz-Gauna, Donemiliaga, Barrundia, Burgelu, Arratzua-Ubarrundia eta Vitoria-Gasteizko udal-mugarteetan (Araba) da egitekoa.
9.– Ebazpen hori, ingurumen-ondorioetarako soilik, kontrakoa da. Proiektuaren kokapenean eta deskribapenean eta proiektuaren eremuko ingurumen-alderdi garrantzitsuenetan oinarritzen da, inpaktu nagusiak definituz eta ondorio hauetara iritsita:
«... ingurunearen ingurumen-sentsibilitate handiak, hegazti-espezie babestuek espazioa maiz erabiltzeak, habiak egiteko lurraldeen, kolonien, etzalekuen eta fauna hegalari mehatxatuaren babeslekuen dentsitate handiak, fauna horren talka egiteko arrisku handiak, Natura 2000 Sareko espazioen kontserbazio-helburuen gaineko balizko ondorio kaltegarriek (Arabako Lautadako Harizti Bakartien KBEa, Zadorra Sistemako Urtegien KBEa eta Entzia KBEa), hesi-efektuak, lerrokadura ezartzeko eremuan dagoen korridore ekologikoaren gaineko eraginak, habitaten aldaketak eta paisaia-inpaktu handiak proiektua ingurumenaren ikuspegitik bideraezina izatea eragiten dute, baita ingurumen-inpaktuaren azterketan jasotako prebentzio-, zuzenketa- eta konpentsazio-neurriak edo ezar daitezkeen beste batzuk aplikatuta ere».
10.– 2026ko urtarrilaren 19an, Savanna Power Solar 14 SL sustatzaileak atzera egiteko eskaera bidali zion Arabako Ordezkaritza honi, aurkako ingurumen-inpaktuaren adierazpenean oinarrituta, zeinak instalazioa aurkeztutako proiektuaren arabera egitea eragozten baitu.
ZUZENBIDEKO OINARRIAK
Arabako Industria, Trantsizio Energetiko eta Jasangarritasunaren Lurralde Ordezkaritza da espediente hau izapidetzeko eta ebazteko organo eskuduna, hala xedatzen baita 410/2024 Dekretuaren 20. artikuluan (410/2024 Dekretua, abenduaren 3koa, Industria, Trantsizio Energetiko eta Jasangarritasunaren Sailaren egitura organikoa eta funtzionala ezartzen duena).
Administrazio Publikoen Administrazio Prozedura Erkidearen urriaren 1eko 39/2015 Legearen 94. artikuluaren arabera, interesdunek atzera egin ahal izango dute beren eskaeran, edo, ordenamendu juridikoak debekatzen ez duenean, uko egin ahal izango diete beren eskubideei. Halaber, adierazten da administrazioak bere horretan onartuko duela atzera egitea edo uko egitea, eta amaitutzat emango du prozedura, non eta, prozeduran hirugarren interesdun batzuk pertsonatuta egonik, haiek ez duten eskatzen prozedurak jarraitzeko, atzera egitearen edo uko egitearen berri eman ondorengo hamar egunen barruan.
Aipatutako lege-xedapenak ikusita, eta oro har zein zehazki aplikagarri diren gainerakoak oinarri hartuta, Industria, Trantsizio Energetiko eta Jasangarritasuneko Arabako lurralde-ordezkariak
EBAZTEN DU:
Lehenengoa.– Onartzea Savanna Power Solar 14 SLk aurkeztutako atzera egiteko eskaera, Dulantzi, Iruraiz-Gauna, Donemiliaga, Barrundia, Burgelu, Arratzua-Ubarrundia eta Vitoria-Gasteizko udal-mugarteetan (Araba) «Vitoria 30kV» proiektu eolikoa baimentzeari dagokionez.
Bigarrena.– Kasuan kasuko espedientea artxibatu egingo da.
Ebazpen honek ez dio amaiera ematen administrazio-bideari, eta, beronen aurka, gora jotzeko errekurtsoa jar dakioke Deskarbonizazioko zuzendariari, hilabeteko epean, ebazpen hau jakinarazi eta hurrengo egunetik aurrera kontatzen hasita, bat etorriz Administrazio Publikoen Administrazio Prozedura Erkidearen 39/2015 Legearen 121. artikuluan eta hurrengoetan xedatutakoarekin.
Vitoria-Gasteiz, 2026ko urtarrilaren 26a.
Industria, Trantsizio Energetiko eta Jasangarritasuneko Arabako lurralde-ordezkaria,
JAVIER AIZPURU OCHOA DE ERIBE.