Euskal Herriko Agintaritzaren Aldizkaria

21. zk., 2026ko otsailaren 2a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA, ADMINISTRAZIO DIGITAL ETA AUTOGOBERNUAREN SAILA

469

14/2026 EBAZPENA, urtarrilaren 26koa, Jaurlaritzaren Idazkaritzako eta Legebiltzarrarekiko Harremanetarako zuzendariarena, zeinaren bidez argitara ematen baita Durangoko Udalarekin sinatutako hitzarmenaren luzapena, Durangoko udalerrian lokal jakin bat erabiltzeko baldintzak adosten dituena.

Euskal Autonomia Erkidegoko Administrazio Orokorrak aipatu den hitzarmenaren luzapena sinatu du, eta, behar bezalako publikotasuna emateko, hau

EBAZTEN DUT:

Artikulu bakarra.– Euskal Herriko Agintaritzaren Aldizkarian argitaratzea Durangoko Udalarekin sinatutako hitzarmenaren luzapena, Durangoko udalerrian lokal jakin bat erabiltzeko baldintzak adosten dituena. Hitzarmen luzapen hori ebazpen honen eranskin gisa agertzen da.

Vitoria-Gasteiz, 2026ko urtarrilaren 26a.

Jaurlaritzaren Idazkaritzako eta Legebiltzarrarekiko Harremanetarako zuzendaria,

JON IÑAKI URBINA GARCÍA DE VICUÑA.

ERANSKINA, JAURLARITZAREN IDAZKARITZAKO ETA LEGEBILTZARRAREKIKO HARREMANETARAKO ZUZENDARIAREN URTARRILAREN 26KO 14/2026 EBAZPENARENA

EUSKAL AUTONOMIA ERKIDEGOKO ADMINISTRAZIO OROKORRAREN ETA DURANGOKO UDALAREN ARTEKO LANKIDETZA-HITZARMENA LUZATZEKO AKORDIOA, DURANGOKO UDALERRIAN LOKAL BAT ERABILTZEKO BAIMENAREN BALDINTZAK ADOSTEN DITUENA

HONAKO HAUEK BILDU DIRA:

Alde batetik, María Jesús Carmen San José López andrea, Justizia eta Giza Eskubideen sailburua, lehendakariaren ekainaren 24ko 34/2024 Dekretuaren bidez izendatua, Euskal Autonomia Erkidegoko Administrazio Orokorraren ordezkari gisa, Jaurlaritzari buruzko 7/1981 Legearen 26. artikuluan eta Justizia eta Giza Eskubideen Sailaren egitura organikoa eta funtzionala ezartzen duen azaroaren 5eko 326/2024 Dekretuaren 4.2.j) artikuluan esleitutako eskumenen arabera.

Bestetik, Mireia Elkoroiribe Zenikaonandia, Durangoko Udaleko alkatea, erakunde horren ordezkari gisa.

Bi alderdiek egintza honetan parte hartzeko izaera eta izaera aitortzen diote elkarri, eta dokumentu hau egiteko legezko gaitasun nahikoa aitortzen diote elkarri. Horretarako, honako hau

ADIERAZTEN DUTE:

Lehenengoa.– 2022ko uztailaren 26an, hitzarmen bat sinatu zen, Durangoko Pinondo plazako 11. zenbakian dagoen lokalaren erabilera partekatua baimentzeko baldintzak adosteko.

Bigarrena.– Deribazio judizialaren bidezko Durangoko Familia Elkargunean bisitak eta trukeak egingo direla bermatuko duen zerbitzua mantentzeko beharrak bere horretan jarraitzen duenez, beharrezkoa da hitzarmen horren luzapena sinatzea, aipatutako hitzarmenean jarduketa berriak garatzen jarraituko dela bermatzeko.

Hirugarrena.– Luzapen horren indarraldia 2026ko urtarrilaren 1etik 2029ko abenduaren 31ra artekoa izango da.

Horregatik guztiagatik, alderdiek arestian aipatutako hitzarmenaren luzapen hau sinatu nahi dute, eta, horretarako:

ERABAKI DUTE:

Lehenengoa.– 2022ko uztailaren 26an sinatutako lankidetza-hitzarmena luzatzea. Hitzarmen horren bidez, Durangoko Pinondo plazako 11. zenbakian dagoen lokala erabiltzeko baimenaren baldintzak adostu ziren.

Bigarrena.– Luzapen horren indarraldia 2026ko urtarrilaren 1etik 2029ko abenduaren 31ra artekoa izango da.

Hirugarrena.– 2022ko uztailaren 26an sinatutako hitzarmeneko gainerako klausulak bere horretan utziko dira.

Aurreko guztiarekin bat etorriz, sinatzaileek, beren eskumenak baliatuz, eta horrela jasota gera dadin, eta ados daudela adierazteko, hitzarmen hau sinatzen dute, ondorio bakarrerako, Vitoria-Gasteizen, sinadura-egunean.

Egoitza elektronikoa, 2025eko irailaren 17a.

Justizia eta Giza Eskubideen sailburua,

MARÍA JESÚS CARMEN SAN JOSÉ LÓPEZ.

Durangoko Udaleko alkatea,

MIREIA ELKOROIRIBE ZENIKAONANDIA.

Azterketa dokumentala