Euskal Herriko Agintaritzaren Aldizkaria

16. zk., 2026ko urtarrilaren 26a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

347

AGINDUA, 2026ko urtarrilaren 12koa, Hezkuntzako sailburuarena, Amorebieta-Etxanoko (Bizkaia) «Ibaizabal Koop. E. Ikastola» Bigarren Hezkuntzako Ikastetxe Pribatuaren jarduerak bertan behera uzteko baimena emateko eta Durangoko (Bizkaia) «Ibaizabal Koop. E. Ikastola» Bigarren Hezkuntzako Ikastetxe Pribatuaren baimena aldatzeko dena.

Bizkaiko Amorebieta-Etxano eta Durango udalerrietako «Ibaizabal Koop. E. Ikastola» ikastetxe pribatuen titularra den «Durangaldeko Ibaizabal Kooperatiba Elkartea» entitatearen ordezkariak hasitako espedienteak aztertu dira. Espediente horietan baimena eskatu da Amorebieta-Etxanoko «Ibaizabal Koop. E. Ikastola» Bigarren Hezkuntzako Ikastetxe Pribatuaren jarduerak bertan behera uzteko eta ikastetxe horrek baimenduta duen Gizarteratzeko goi-mailako lanbide-heziketako heziketa-zikloa Durangoko «Ibaizabal Koop. E. Ikastola» Bigarren Hezkuntzako Ikastetxe Pribatuan integratzeko baimena aldatzeko.

Espediente horiek ezarritako prozeduraren arabera izapidetu dira, indarrean dagoen araudiak eskatzen dituen agiriak erantsi zaizkie eta gai horretan eskumena duten erakundeek txostena egin dute.

Arau hauek ikusi ditugu: apirilaren 3ko 332/1992 Errege Dekretua, araubide orokorreko unibertsitateaz kanpoko irakaskuntzak eskaintzeko baimenak ikastetxe pribatuei emateari buruzkoa (apirilaren 9ko BOE), otsailaren 12ko 131/2010 Errege Dekretuak aldatua (martxoaren 12ko BOE); Lanbide Heziketako Sistemaren antolamendua garatzen duen uztailaren 18ko 659/2023 Errege Dekretua (uztailaren 22ko BOE), uztailaren 9ko 658/2024 Errege Dekretuak aldatua (uztailaren 10eko BOE); uztailaren 13ko 1074/2012 Errege Dekretua (abuztuaren 15eko BOE), Gizarteratzeko Goi Mailako Teknikariaren titulua ezarri eta gutxieneko irakaskuntzak finkatzen dituena; apirilaren 18ko 289/2023 Errege Dekretua (maiatzaren 1eko BOE), Gizarte- eta Kultura-zerbitzuak lanbide-arloko Gizarteratzeko Goi Mailako Teknikariaren titulua eguneratu eta gutxieneko irakaskuntzak finkatzen dituena; apirilaren 15eko 63/2014 Dekretua (maiatzaren 23ko EHAA), Gizarteratzeko Goi Mailako Teknikariaren tituluari dagokion curriculuma ezartzen duena; eta gai horretan aplikatu beharreko gainerako legeak. Horiek horrela, hau

EBATZI DUT:

1. artikulua.– Honen jarraian zehazten den ikastetxe pribatuari bere jarduerak bertan behera uzteko baimena ematen zaio:

Ikastetxearen kodeak: 48016765 (unibertsala) eta 015572 (EAE).

Izen generikoa: Bigarren Hezkuntzako Ikastetxe Pribatua.

Izen espezifikoa: «Ibaizabal Koop. E. Ikastola».

Titularra: Durangaldeko Ibaizabal Kooperatiba Elkartea.

Helbidea: San Miguel de Dudea z.g.

Udalerria: Amorebieta-Etxano.

Lurralde Historikoa: Bizkaia.

1.– Jarduerak eteteko baimenak 2024-2025 ikasturtea amaitzen denetik aurrera izango ditu ondorioak, eta une horretan baja emango zaio Ikastetxeen Erregistroan duen inskripzioari. Ikastetxeari lanbide-heziketako irakaskuntzak emateko baimena ematen zioten aginduak ondoriorik gabe geratuko dira egun horretatik aurrera.

2.– Ikastetxe hori berriro irekitzeko eskatzen bada, nahitaezkoa izango da ikastetxeak baimentzeari buruz indarrean dauden xedapenetan jasotako aginduak betetzea.

3.– Jarduerak eteten duen ikastetxe pribatuak atxikita dagoen CIFP Zornotza LHII ikastetxe publikoan gordeko ditu espediente akademikoak, paperean.

2. artikulua.– Jarraian zehazten den ikastetxearen baimena aldatzen da 2025-2026 ikasturtetik aurrera.

Ikastetxearen kodeak: 48012486 (unibertsala) eta 015220 (EAE).

Izen generikoa: Bigarren Hezkuntzako Ikastetxe Pribatua.

Izen espezifikoa: «Ibaizabal Koop. E. Ikastola».

Titularra: Durangaldeko Ibaizabal Kooperatiba Elkartea.

Helbidea: Intxaurrondo 54.

Udalerria: Durango.

Lurralde Historikoa: Bizkaia.

Baimena:

– Gizarteratzeko goi-mailako heziketa-ziklo bat emateko.

Ikastetxearen osaera:

– Batxilergoa: «Natura eta Osasun Zientziak», «Giza eta Gizarte Zientziak» eta «Teknologia» modalitateak, 8 unitate 280 ikaspostutarako edukieraz.

– Lanbide Heziketa:

● Lanbide-arloa: Gizarte eta Kultura Zerbitzuak:

○ Haur Hezkuntzako goi-mailako heziketa-zikloa. Edukiera: ziklo 1.

○ Gizarteratzeko goi-mailako heziketa-zikloa. Edukiera: ziklo 1.

1.– Ikastetxeak indarrean dagoen araudia bete beharko du, agindu honen bidez baimentzen zaizkion heziketa-zikloak irakasteko eskatzen diren ikaspostuen kopuruari, ekipamenduari eta irakasleen titulazio akademikoari eta hizkuntza-eskakizunari dagokienez. Bestela, emandako baimena baliogabetuta geratuko da.

2.– Ikastetxeak Eraikuntzako Kode Teknikoa bete beharko du, martxoaren 17ko 314/2006 Errege Dekretuak onartua, bai eta indarreko legeriak ezartzen dituen higiene-, akustika-, bizigarritasun-, segurtasun- eta irisgarritasun-baldintzak ere. Ikastetxeko titularrarena izango da baldintza horiek ez betetzearen erantzukizuna.

3.– Datuen babesari buruzko oinarrizko informazioa. Datu pertsonalak tratatu eta «Lanbide heziketako ikastetxe pribatuen baimenak» izeneko tratamenduari dagokion jardueran sartuko dira.

Arduraduna: Plangintza eta Antolaketako Zuzendaritza, Hezkuntza Saila.

Xedea: Lanbide Heziketako ikastetxe pribatuen erregistro ofiziala, ikastetxeen irekiera eta ixte baimenak, baita emandako baimenetan aldaketak ere.

Legitimazioa:

– Tratamendua beharrezkoa da, aplikagarriak diren lege-eginbideak betetzeko.

– 4/2018 Legea, ekainaren 28koa, Euskal Autonomia Erkidegoko Lanbide Heziketari buruzkoa.

– 8/1985 Lege Organikoa, uztailaren 3koa, Hezkuntzarako Eskubidea Arautzekoa.

Hartzaileak:

– Hezkuntza eta Lanbide Heziketa Ministerioa.

Eskubideak: eskubidea duzu datuak irispidean izateko, datuak zuzentzeko eta ezerezteko, bai eta informazio gehigarrian adierazitako beste eskubide batzuk ere.

Informazio gehigarria: datuen babesari buruzko informazio gehigarri eta zehatza kontsulta dezakezu gure webgunean:

https://www.euskadi.eus/informazio-klausulak/web01-sedepd/eu/gardentasuna/133300-capa2-eu.shtml

Araudia:

– Datuak Babesteko Araudi Orokorra:

(https://eur-lex.europa.eu/legal-content/ES/TXT/?uri=CELEX%3A02016R0679-20160504).

– 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa:

(https://www.boe.es/boe_euskera/dias/2018/12/06/pdfs/BOE-A-2018-16673-E.pdf).

AZKEN XEDAPENETAKO LEHENENGOA

Agindu honetan dagoen baimen-emateak ez dauka bere baitan, inola ere, hezkuntza-itunen araubidearen bitartezko laguntzak lortzea.

AZKEN XEDAPENETAKO BIGARRENA

Agindu honen aurka aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, hil biko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2026ko urtarrilaren 12a.

Hezkuntzako sailburua,

MARÍA BEGOŃA PEDROSA LOBATO.

Azterketa dokumentala