Euskal Herriko Agintaritzaren Aldizkaria

8. zk., 2026ko urtarrilaren 14a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ETXEBIZITZA ETA HIRI AGENDA SAILA

131

AGINDUA, 2025eko abenduaren 16koa, Etxebizitza eta Hiri Agendako sailburuarena, zeinaren bidez erabakitzen baita Bilboko Iturrigorri – Peñascal eremura birgaitze integratuko eremuetarako oro har ezarritako finantzaketa kualifikatua hedatzea.

2025eko azaroaren 20an eta 27an, Bilboko Udalak SURBISA hirigintzako udal-sozietatearen bitartez, Etxebizitza eta Hiri Agenda Sailari eskatu zion birgaitze integratuko eremuetarako zehaztutako laguntzak ematea Iturrigorri – Peñascal auzoko 58 etxebizitza-eraikinek osatzen duten eremurako. Eskaerarekin batera, eremuaren mugaketa, jarduketa azaltzeko eta arrazoitzeko memoria, azterlan sozio-urbanistikoa, azterlan ekonomiko-finantzarioa eta jardun-programa aurkeztu ziren.

Eremu horren jarduketa-eremuaren mugaketa espedientean jasotako dokumentaziotik lortu da; zehazki, erakunde eskatzaileak aurkeztutako mugaketa-planotik.

Etxebizitza eta Hiri Agenda Saila da espediente hau ebazteko organo eskuduna, Sailaren egitura organikoa eta funtzionala ezartzen dituen abenduaren 3ko 411/2024 Dekretuak 11.3.c) artikuluan, eta Ondare urbanizatua eta eraikia birgaitzeko jardun babestuei buruzko abenduaren 30eko 317/2002 Dekretuak aurreikusitakoaren arabera.

317/2002 Dekretuaren hirugarren xedapen gehigarriak xedatutakoaren arabera, eskumena duen sailburuak eman ahalko ditu, horretarako emandako agindu bidez, birgaitze integratuko eremuetarako laguntzak aipatutako dekretuaren 9.2 artikuluan definitutako eremuei, betiere ez bada beharrezkoa birgaitze-plan berezi bat egitea hori kudeatzeko eta gauzatzeko.

Behin espedientea aztertuta, ikusi da eremuan betetzen direla 317/2002 Dekretuaren 9.2 artikuluan ezarritako degradazio ekonomiko eta sozialaren zein degradazio urbanistiko eta arkitektonikoaren baldintzak, eremu hori eremu degradatutzat jotzeko.

XEDATZEN DUT:

Lehenengoa.– Baimena ematea abenduaren 30eko 317/2002 Dekretuan birgaitze integratuko eremuetarako ezarritako finantza-laguntzak emateko Bilboko Iturrigorri – Peñascal auzoko 58 bizitegi-eraikinek osatzen duten eremuan egingo diren birgaitze babestuko jarduketei.

Bigarrena.– Agindu honen edukia Bilboko Udalari eta Bizkaiko Foru Aldundiari jakinaraztea.

Hirugarrena.– Euskal Herriko Agintaritzaren Aldizkarian eta Bizkaiko Aldizkari Ofizialean argitaratzea Agindu hau eta eremuaren mugaketaren planoa.

Laugarrena.– Agindu honen aurka, berraztertze-errekurtsoa aurkez dakioke Etxebizitza eta Hiri Agendako sailburuari, hilabeteko epean, agindua argitaratu eta hurrengo egunetik aurrera; bestela, administrazioarekiko auzi-errekurtsoa jar daiteke Euskal Autonomia Erkidegoko Auzitegi Nagusiko Administrazioarekiko Auzietako Salan, bi hilabeteko epean, agindua jakinarazi eta hurrengo egunetik aurrera. Hala ere, argitaratu egingo da, guztiek horren berri izan dezaten.

Vitoria-Gasteiz, 2025eko abenduaren 16an.

Etxebizitza eta Hiri Agendako sailburua,

DENIS ITXASO GONZÁLEZ.

(Ikusi .PDF Fitxategia)

Azterketa dokumentala