Euskal Herriko Agintaritzaren Aldizkaria

8. zk., 2026ko urtarrilaren 14a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

INDUSTRIA, TRANTSIZIO ENERGETIKO ETA JASANGARRITASUNAREN SAILA

129

EBAZPENA, 2025eko abenduaren 15ekoa, Industria, Trantsizio Energetiko eta Jasangarritasunaren Arabako lurralde-ordezkariarena, zeinaren bidez onartzen baita Renew Green Generator III SMk aurkeztutako atzera egiteko eskaera, «PSFV Vitoria Solar» izeneko planta fotovoltaikoaren proiektua Barrundia, Arratzua-Ubarrundia, Burgelu eta Vitoria-Gasteiz (Araba) udal-mugarteetan gauzatzeko eskaera-baimenari dagokionez.

Espediente-zk.: 01GEY 202400043

AURREKARIAK

2024ko martxoaren 13an, Renew Green Generator III SMk aurretiko administrazio-baimena eta ingurumen-inpaktuaren adierazpena eskatu zituen proiektu hau gauzatzeko: «PSFV Vitoria Solar» izeneko planta fotovoltaikoaren proiektua Barrundia, Arratzua-Ubarrundia, Burgu eta Vitoria-Gasteiz (Araba) udal-mugarteetan.

Energia elektrikoa ekoitzi, garraiatu eta banatzeko instalazioen administrazio-baimenaren prozedurak arautzen dituen martxoaren 31ko 48/2020 Dekretuaren 9. eta 10. artikuluetan aurreikusitako informazio publiko sektorialaren izapidea hasi zen, dagozkion iragarkiak argitaratuz Euskal Herriko Agintaritzaren Aldizkarian (2025eko apirilaren 2koa, 64. zk.) eta Arabako Lurralde Historikoaren Aldizkari Ofizialean (2025eko apirilaren 2koa, 38. zk.).

Aldi berean, aipatutako 48/2020 Dekretuaren 11. artikuluan aurreikusitako kontsultak egin ziren, eta aurreproiektuaren edo proiektuaren separata bat administrazio, organismo edo, hala bazegokion, zerbitzu publikoko edo interes orokorreko zerbitzuetako enpresei helarazi zitzaien, instalazioak haien ardurapeko ondasun eta eskubideei eragin ziezaiekeen zatian, eskatutako baimena onartzen edo aurkatzen zutela adieraz zezaten hilabeteko gehieneko epean.

2025eko abenduaren 9an, Renew Green Generator III SMk prozeduran atzera egiteko eskaera bidali zion Arabako ordezkaritza honi, Ingurumen Jasangarritasunaren Zerbitzuak eta Natura Ondarearen Zerbitzuak, ingurumen-inpaktuaren ebaluazio arruntaren prozeduran, eraginpeko administrazio publikoei eta interesdunei egindako kontsulta-fasean emandako txostenean oinarrituta, txosten horrek instalazioa aurkeztutako proiektuaren arabera egitea eragotziko bailuke.

ZUZENBIDEKO OINARRIAK

Industria, Trantsizio Energetiko eta Jasangarritasunaren Sailaren Arabako lurralde-ordezkaritza da espediente hau izapidetzeko eta ebazteko organo eskuduna, Industria, Trantsizio Energetiko eta Jasangarritasunaren Sailaren egitura organikoa eta funtzionala ezartzen duen abenduaren 3ko 410/2024 Dekretuaren 20. artikuluan xedatutakoaren arabera.

Espediente hau izapidetzean, energia elektrikoa ekoizteko, garraiatzeko eta banatzeko instalazioen administrazio-baimenaren prozedurak arautzen dituen martxoaren 31ko 48/2020 Dekretuak ezarritako xedapenak bete dira.

Administrazio Publikoen Administrazio Prozedura Erkidearen urriaren 1eko 39/2015 Legearen 94. artikuluaren arabera, interesdunek atzera egin ahal izango dute beren eskaeran, edo, ordenamendu juridikoak debekatzen ez duenean, uko egin ahal izango diete beren eskubideei. Era berean, adierazten du Administrazioak erabat onartuko duela atzera egitea edo uko egitea, eta amaitutzat emango duela prozedura, salbu eta, prozeduran hirugarren interesdun batzuk pertsonatu ondoren, horiek prozedura jarraitzeko eskatzen badute, atzera egitea edo uko egitea jakinarazi eta hamar eguneko epean.

Aipatutako lege-xedapenak ikusita, eta oro har zein zehazki aplikagarri diren gainerakoak oinarri hartuta, Industria, Trantsizio Energetiko eta Jasangarritasunaren Sailaren Arabako lurralde-ordezkariak honako hau

EBAZten DU:

Lehenengoa.– Onartzea atzera egin dela Barrundia, Arratzua-Ubarrundia, Burgu eta Vitoria-Gasteiz (Araba) udal-mugarteetan «PSFV Vitoria Solar» proiektua baimentzeko Renew Green Generator III SMk aurkeztutako eskaeran.

Bigarrena.– Dagokion espedientea artxibatzeko agintzea.

Ebazpen honek ez du administrazio-bidea amaitzen, eta beronen aurka gora jotzeko errekurtsoa jar daiteke Deskarbonizazioko zuzendariaren aurrean, hilabeteko epean, ebazpen hau jakinarazi eta hurrengo egunetik aurrera zenbatzen hasita, eta hori guztia Administrazio Publikoen Administrazio Prozedura Erkidearen urriaren 1eko 39/2015 Legearen 121. eta hurrengo artikuluen arabera.

Vitoria-Gasteiz, 2025eko abenduaren 15a.

Industria, Trantsizio Energetiko eta Jasangarritasunaren Arabako lurralde-ordezkaria,

JAVIER AIZPURU OCHOA DE ERIBE.

Azterketa dokumentala