Euskal Herriko Agintaritzaren Aldizkaria

237. zk., 2025eko abenduaren 9a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

LANBIDE-EUSKAL ENPLEGU ZERBITZU PUBLIKOA

5254

IRAGARKIA, 2025eko azaroaren 20koa, Lanbide-Euskal Enplegu Zerbitzu Publikoaren Enplegu eta Prestakuntzaren zuzendariarena, ikasle bat baztertzeko prozeduraren ebazpena jakinarazten duena (lehentasunez langile langabeei zuzendutako 2024-2025 prestakuntza-eskaintza finantzatzeko dirulaguntzen deialdia).

Lanbide-Euskal Enplegu Zerbitzu Publikoaren Enplegu eta Prestakuntzaren zuzendariak ikasle bat baztertzeko prozeduraren ebazpena eman zuen 2025eko abuztuaren 12an, langile langabeei lehentasunez zuzendutako 2024-2025 prestakuntza-eskaintza finantzatzeko dirulaguntzen deialdiaren 12. artikuluan ezarritakoaren arabera, maiatzaren 31ko 82/2016 Dekretuaren esparruan (82/2016 Dekretua, maiatzaren 31koa, Euskal Autonomia Erkidegoan Enplegurako Lanbide Heziketa arautzen duena, Lanbide-Euskal Enplegu Zerbitzuko Administrazio Kontseiluak 2024ko otsailaren 18ko bileran onartua, 2024-06-28ko EHAA).

Ezinezkoa izan da ebazpen hori zuzenean jakinaraztea, eta, horrenbestez, iragarki hau argitaratzen da, hala xedatuta baitago Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan.

Ebazpen horrek ez dio amaiera ematen administrazio-bideari, eta, berorren aurka, gora jotzeko errekurtsoa jarri ahal izango zaio Lanbide-Euskal Enplegu Zerbitzu Publikoaren Zuzendaritza Nagusiari, hilabeteko epean, iragarki hau Estatuko Aldizkari Ofizialean argitaratu eta hurrengo egunetik hasita.

Xede horretarako, jakinarazten da emandako ebazpenaren testu osoa Lanbide-Euskal Enplegu Zerbitzu Publikoaren Gipuzkoako lurralde-bulegoan dagoela eskuragarri (San Martzial kalea 12, Donostia / San Sebastián).

Eranskinean aipatutako interesduna jakitun geratzeko argitaratzen da iragarkia, jakinarazpenaren balioa izango baitu harentzat.

Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.

Vitoria-Gasteiz, 2025eko azaroaren 20a.

Lanbide-Euskal Enplegu Zerbitzu Publikoaren Enplegu eta Prestakuntzaren zuzendaria,

MARÍA ARÁNZAZU NIÑO NÚÑEZ.

ERANSKINA

(Ikusi .PDF Fitxategia)

Azterketa dokumentala