Euskal Herriko Agintaritzaren Aldizkaria

236. zk., 2025eko abenduaren 5a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

5215

222/2025 DEKRETUA, azaroaren 18koa, Vitoria-Gasteizko (Araba) CEIP Padre Orbiso HLHI CEIP Umandi Ikastola HLHIn integratzen duena eta azken honen izena aldatzea onartzen duena, aurrerantzean hau izanik: CEIP Arriagako Haritza Eskola HLHI.

Euskal Autonomia Erkidegoko Estatutuaren arabera, Eusko Jaurlaritzari dagokio hezkuntzaren arloko eskumena, maila, gradu, modalitate eta espezialitate guztietan. Era berean, berari dagokio irakaskuntza publikoaren arloko ikastetxeak sortzea, eraldatzea eta kentzea.

Hezkuntzaren programazio orokorra eta ikastetxe publikoen eskola-programazioak hezkuntza-administrazioaren eskumenekoak dira, 2023ko abenduaren 21eko 17/2023 Legean, Euskal Hezkuntza Sistemari buruzkoan, ezarritakoaren arabera.

Euskal hezkuntza-sistemaren plangintza estrategikoaren esparruan, hezkuntza-eskaintza egokitzea demografia-bilakaerara eta komunitatearen beharrizanetara lehentasunezko helburua da. Eskola-mapak, programaziorako funtsezko tresna gisa, hezkuntza-errealitatea ikuspegi integral eta dinamiko batetik aztertzea ahalbidetzen du, eta baliabideen kudeaketa eraginkorragoa, bidezkoagoa eta iraunkorragoa sustatzen du. Plangintza-prozesu hori hezkuntzarako sarbidean berdintasuna bermatzera, baliabideen banaketa optimizatzera, gizarte-kohesioa sendotzera eta hezkuntza-komunitatearen partaidetza sustatzera bideratuta dago.

Dekretu honen xede diren ikastetxeen berrantolaketa 2022ko apirilaren 7ko Hezkuntza-Itunetik eta 2023ko abenduaren 21eko Euskal Autonomia Erkidegoko Hezkuntzari buruzko 17/2023 Legetik eratorritako jarraibideen esparruan kokatzen da. Bi arauek eskaintza publiko nahikoa eta orekatuaren sustapena bultzatzen dute, jaiotza-tasaren bilakaerara eta hezkuntza-sistemaren inklusioaren, kalitatearen eta iraunkortasunaren printzipioetara egokituta. Testuinguru honetan, ikastetxeen integrazioak aukera ematen du sistemaren egungo erronkei hobeto erantzuteko, jarraitutasun pedagogikoa, antolaketa-eraginkortasuna eta hezkuntza-komunitatearen kohesioa bermatuz, eta, aldi berean, eskola-segregazioaren murrizketan modu positiboan eragiten du.

Programazio horren esparruan, eta hezkuntza-eskaintza bilakaera demografikora eta hezkuntza-baliabideen plangintza-beharretara egokitzeko helburuarekin, egokitzat jo da Gasteizko (Araba) CEIP Padre Orbiso HLHI CEIP Umandi Ikastola HLHI ikastetxe publikoan integratzea.

Gainera, ikastetxe publiko horren izena aldatuko da, eta CEIP Umandi Ikastola HLHI izenaren ordez CEIP Arriagako Haritza Eskola HLHI izena izango du aurrerantzean, egoitza udalerri berean izanda. Neurri horrek antolaketa-, pedagogia- eta kudeaketa-eraginkortasuna hobetzea ahalbidetuko du, eta inplikatutako hezkuntza-komunitatearen ezagutzarekin eta parte-hartzearekin hartu da.

Horrenbestez, Hezkuntzako sailburuaren proposamenez, eta Gobernu Kontseiluak 2025eko azaroaren 18an egindako bilkuran gaia aztertu eta onartu ondoren, hau

XEDATZEN DUT:

1. artikulua.– Xedea.

Dekretu honen xedea da CEIP Padre Orbiso HLHI CEIP Umandi Ikastola HLHI ikastetxe publikoan integratzea, ikastetxe publiko bakarra osatzeko.

Izena: CEIP Arriagako Haritza Eskola HLHI.

Izen espezifikoa: «Arriagako Haritza Eskola».

Kodea: 01001701.

EAEko kodea: 010192.

Herria: Vitoria-Gasteiz.

Udalerria: Vitoria-Gasteiz.

Lurralde historikoa: Araba.

Helbidea: Fco. Javier Landaburu kalea 9, 01010, Vitoria-Gasteiz.

2. artikulua.– Izena eta kokapena.

Bateratutako ikastetxeak CEIP Arriagako Haritza Eskola HLHI izena izango du, eta Vitoria-Gasteizen (Araba) egongo da kokatua.

3. artikulua.– Bateratzearen eragina.

Bateratzea eta izen berria 2025eko irailaren 1ean izango dira eraginkorrak, 2025-2026 ikasturtearen hasierarekin bat etorriz.

4. artikulua.– Ikasleen eta langileen atxikipena.

Integraturiko ikastetxeetako ikasleak eta langileak ikastetxe berriari atxikiko zaizkio, indarrean dagoen araudiaren arabera euren eskubide eta baldintza guztiak mantenduta.

AZKEN XEDAPEN BAKARRA

Dekretu honek 2025eko irailaren 1etik aurrera izango ditu ondorioak.

Vitoria-Gasteizen, 2025eko azaroaren 18an.

Lehendakaria,

IMANOL PRADALES GIL.

Hezkuntzako sailburua,

MARÍA BEGOÑA PEDROSA LOBATO.

Azterketa dokumentala