
220. zk., 2025eko azaroaren 14a, ostirala
- Bestelako formatuak:
- PDF (124 KB - 1 orri.)
- EPUB (103 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILEAK
Oposizioak eta lehiaketak
EUSKO LEGEBILTZARRA
4850
ERABAKIA, 2025eko azaroaren 4koa, Eusko Legebiltzarreko Mahaiarena, zeinaren bidez deitzen baita Eusko Legebiltzarreko Goi Mailako Teknikarien Kidegoko karrerako funtzionario gisa sartzeko ohiko hautaketa-prozesurako deialdia, aurrekontu eta kontratazioko teknikari plaza bat txanda irekian betetzeko, sarbide orokorraren bidez.
Eusko Legebiltzarreko Mahaiak 2025eko azaroaren 4an hartutako erabakia betetzeko, agintzen dut:
Lehenengoa.– Deialdia egitea Eusko Legebiltzarreko Goi Mailako Teknikarien Kidegoan karrerako funtzionario gisa sartzeko ohiko hautaketa-prozesurako aurrekontu eta kontratazioko teknikari-lanpostu bat txanda irekian betetzeko, sarbide orokorraren bidez, 2022ko enplegu publikoaren eskaintza onetsi zuen Mahaiaren 2022ko ekainaren 14ko erabakiaren ondorioz (Eusko Legebiltzarraren Aldizkari Ofiziala, 95. zk., 2022ko ekainaren 17koa).
Bigarrena.– Eusko Legebiltzarraren Aldizkari Ofizialean argitaratzea Mahaiak 2025eko azaroaren 4an onetsitako oinarri espezifikoak jasotzen dituen eranskina, aipatutako hautaketa-prozesurako.
Oinarriak eskuragarri daude honako helbide elektronikoan: https://www.legebiltzarra.eus/oposic/e_oposic_1.html
Hirugarrena.– Eusko Legebiltzarrean karrerako funtzionario gisa sartzeko hautaketa-prozesuen oinarri orokorren arabera, zeinak Mahaiak 2022ko ekainaren 28an onetsi baitzituen, eskabideak aurkezteko epea hasiko da, deialdia Euskal Herriko Agintaritzaren Aldizkarian argitaratu ondoren, 2025eko azaroaren 15ean, eta amaituko da 2025eko abenduaren 4ko 23:59an.
Laugarrena.– Eusko Legebiltzarreko Mahaiaren 2025eko azaroaren 4ko erabakiaren aurka aukerako berraztertzeko errekurtsoa jarri ahal izango da, organo horretan bertan, hilabeteko epean, erabakia Euskal Herriko Agintaritzaren Aldizkarian argitaratu eta hurrengo egunetik kontatzen hasita, edo zuzenean administrazioarekiko auzi-errekurtsoa jarri ahal izango da Euskal Autonomia Erkidegoko Justizia Auzitegi Nagusian, bi hilabeteko epean, erabakia Euskal Herriko Agintaritzaren Aldizkarian argitaratu eta hurrengo egunetik kontatzen hasita.
Vitoria-Gasteiz, 2025eko azaroaren 4a.
Eusko Legebiltzarreko lehendakaria,
BAKARTXO TEJERIA OTERMIN.
RSS