Euskal Herriko Agintaritzaren Aldizkaria

217. zk., 2025eko azaroaren 11, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ETXEBIZITZA ETA HIRI AGENDA SAILA

4784

208/2025 DEKRETUA, urriaren 28koa, zeinaren bidez urgentziako deklaratzen baita Bilbao Bizkaia Ur Partzuergoak, nahitaezko desjabetzea egiteko, «Bilbato (Zalla) eta Ametzaga (Güeñes) lehen mailako sarez hornitzeko proiektua» burutzeko beharrezkoak diren ondasun eta eskubideak urgentziaz okupatu behar dituela deklaratzeko dena.

Bilbao Bizkaia Ur Partzuergoak, «Bilbato (Zalla) eta Ametzaga (Güeñes) lehen mailako sarez hornitzeko proiektua» egiteko eta formalki onartzeko espedientea egin eta onartu ondoren, proiektua egiteko lur guztiak erabilgarri izateko beharra adierazi zuen.

2024ko uztailaren 23an, Bilbao Bizkaia Ur Partzuergoak nahitaezko desjabetze-espedienteari hasiera ematea eta eraginpeko ondasun eta eskubideen zerrenda hilabeteko epean jendaurrean jartzea erabaki zuen, 2024ko irailaren 5eko Bizkaiko Aldizkari Ofizialean (171. zk.) eta prentsan argitaratutako iragarkien bidez. Ondoren, 2025eko otsailaren 25ean egindako bilkuran, Bilbao Bizkaia Ur Partzuergoak erabaki zuen Eusko Jaurlaritzari eskatzea proiektu horren eraginpeko ondasun eta eskubideak urgentziaz okupatu beharrekoak direla deklaratzeko, Nahitaezko Desjabetzeari buruzko Legearen 52. artikuluan aurreikusitako ondorioetarako.

Urgentziaz okupatu beharreko ondasunak eta eskubideak zehaztuta eta banakatuta agertzen dira espedientean jasotako zerrendan, identifikazioak egiteko behar adina datuekin agertu ere. Zerrenda hori jendaurrean jarri zen, egoki zenean, eta lau alegazio aurkeztu ziren, administrazio-espedientean adierazten denez.

Bilbao Bizkaia Ur Partzuergoak, «Bilbato (Zalla) eta Ametzaga (Güeñes) lehen mailako sarez hornitzeko proiektua» egiteko eta formalki onartzeko espedientea egin eta onartu ondoren, proiektua egiteko lur guztiak erabilgarri izateko beharra adierazi zuen.

2024ko uztailaren 23an, Bilbao Bizkaia Ur Partzuergoak nahitaezko desjabetze-espedienteari hasiera ematea eta eraginpeko ondasun eta eskubideen zerrenda hilabeteko epean jendaurrean jartzea erabaki zuen, 2024ko irailaren 5eko Bizkaiko Aldizkari Ofizialean (171. zk.) eta prentsan argitaratutako iragarkien bidez. Ondoren, 2025eko otsailaren 25ean egindako bilkuran, Bilbao Bizkaia Ur Partzuergoak erabaki zuen Eusko Jaurlaritzari eskatzea proiektu horren eraginpeko ondasun eta eskubideak urgentziaz okupatu beharrekoak direla deklaratzeko, Nahitaezko Desjabetzeari buruzko Legearen 52. artikuluan aurreikusitako ondorioetarako.

Urgentziaz okupatu beharreko ondasunak eta eskubideak zehaztuta eta banakatuta agertzen dira espedientean jasotako zerrendan, identifikazioak egiteko behar adina datuekin agertu ere. Zerrenda hori jendaurrean jarri zen, egoki zenean, eta lau alegazio aurkeztu ziren, administrazio-espedientean adierazten denez.

Ondasun eta eskubide horiek okupatzea luzaezintzat jotzen da eskatzaileak adierazitako honako inguruabar hauengatik:

Proiektu hau gauzatzeko lurrak okupatzea urgentziazkoa da, Ametzaga eskualdeko biztanleentzat eta Bilbatoko biltegitik hornitutako biztanleentzat edateko uraren hornidura egokia eta segurua bermatu behar delako, indarrean dagoen legedian ezarritako kalitate-estandarrak betez.

Ametzagaren kasuan, ur gordinaren hartuneen eta behin-behineko ponpaketaren bidezko egungo hornidura-sistema jasanezina izateaz gain, arriskuan jartzen du abonatuen osasuna, ez baititu betetzen 3/2023 Errege Dekretuak eskatzen dituen kalitate-baldintzak. Ametzaga hornidura-sare orokorrera konektatzeak arazo horiek konponduko ditu eta ur-hornidura segurua eta jarraitua bermatuko du, indarrean dagoen legeriak ezarritako parametroen arabera.

Bilbatori dagokionez, bere hornidura-sistemaren gehiegizko bolumena ere kalitate-arazoa da, ura denbora luzez atxikitzen baita. Arazo hori geroko proiektu batean konponduko bada ere, Bilbato sare orokorrera konektatzeak uraren kalitatearekin lotutako arazoak saihesten lagunduko du, eta uraren edangarritasuna bermatuko du atxikipen-denborak eta sareko ur-fluxua kontrolatzean.

Justifikazio-memoria zabaltzean, informazio hau ematen dute:

– Oso maiz gertatzea hornidura-urak izan behar duen kalitatea ez izatea; horrek hornidura-etenak eragiten ditu etengabe, eta herritarren ongizateari eta bizi-baldintzei eragiten die.

– Egoera larriagotzeko arriskua: lehendik dauden instalazioen narriadurak sarea partzialki edo guztiz kolapsatzeko arriskua areagotzen du, eta horrek Zalla eta Gueñesko udalerriaren zati batean zerbitzua luzaroan etetea eragin dezake.

– Zerbitzuaren kalitatean zuzeneko ondorioak izatea: sareko presio eta emari egokiari eusteko zailtasunak uraren kalitate mikrobiologikoari eragiten dioten gorabeherak sortzen ditu.

– Ingurumen-inpaktua: hausturekin lotutako ur-ihesek ur-baliabideak xahutzea dakarte, eta uraren ziklo integralaren kudeaketan eskatzen diren jasangarritasun- eta efizientzia-printzipioen aurka doa.

Euskal Autonomia Erkidegoko Lurralde Antolamenduari buruzko maiatzaren 31ko 4/1990 Legearen 26.1.f artikuluan xedatzen denez, Eusko Jaurlaritzari dagokio deklaratzea urgentziaz okupatu behar direla nahitaez desjabetu beharreko ondasunak eta eskubideak, nahitaezko desjabetzeak honako hauek hartzen dituenean: burutze-unitate osoak, lurraldearen hirigintza-antolaketari dagozkion sistema orokorrak edo antolaketa horren elementuren bat eta hiri-lurzoruan egin beharreko banakako jarduketak. Goian aipatutako lege horrek 26.2 artikuluan ezarritakoaren arabera, lurralde-antolamenduaren eskumenak dituen sailburuari dagokio horretarako proposamena aurkeztea Gobernu Kontseiluari.

Hori dela eta, Etxebizitza eta Hiri Agendako sailburuak proposaturik, Gobernu Kontseiluak, 2025eko urriaren 28an bilkuran gaia aztertu ondoren, honako hau

XEDATZEN DUT:

Artikulu bakarra.– Nahitaezko Desjabetzeari buruzko Legearen 52. artikuluan eta Euskal Herriko Lurralde Antolakuntzari buruzko Legearen 26.ean xedatutakoari jarraituz, «Bilbato (Zalla) eta Ametzaga (Güeñes) lehen mailako sarez hornitzeko proiektua» burutzeko beharrezkoak diren ondasun eta eskubideak Bilbao Bizkaia Ur Partzuergoak urgentziaz okupatu beharrekoak direla deklaratzea. Berariaz hasiarazitako espedientean jasotako zerrendan daude zehaztu eta banakatuta ondasun eta eskubide horiek.

AZKEN XEDAPEN BAKARRA

Dekretu honek amaiera ematen dio administrazio-bideari, eta, beronen aurka, aurretiaz berraztertze-errekurtsoa jar dakioke Gobernu Kontseiluari, hilabeteko epean, edo, bestela, zuzenean, administrazioarekiko auzi-errekurtsoa jar daiteke Euskal Autonomia Erkidegoko Justizia Auzitegi Nagusiko Administrazioarekiko Auzien Salan, bi hilabeteko epean. Epeok, dekretu hau argitaratu eta hurrengo egunean hasiko dira.

Vitoria-Gasteizen, 2025eko urriaren 28an.

Lehendakaria,

IMANOL PRADALES GIL.

Etxebizitza eta Hiri Agendako sailburua,

DENIS ITXASO GONZÁLEZ.

Azterketa dokumentala