Euskal Herriko Agintaritzaren Aldizkaria

217. zk., 2025eko azaroaren 11, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

INDUSTRIA, TRANTSIZIO ENERGETIKO ETA JASANGARRITASUNAREN SAILA

4782

EBAZPENA, 2025eko irailaren 23koa, Ingurumeneko sailburuordearena, ingurumen-inpaktuaren adierazpena egiten duena eta Refinería de Aluminio SLri (REFIAL) emandako ingurumen-baimen integratua berrikusten eta aldatzen duena, aluminioa fintzeko eta hondakinei balioa emateko, Legutioko udalerrian.

GERTAKARIAK

1.– Ingurumeneko sailburuordearen 2011ko urriaren 20ko Ebazpenaren bidez, ingurumen-inpaktuari buruzko adierazpena egin zen, eta ingurumen-baimen integratua eman zen Ecoenergia Reydesa SLk Legutioko udalerrian, aluminioa fintzeko eta hondakinei balioa emateko, sustatzen duen instalaziorako.

2.– Ingurumeneko sailburuordearen 2012ko uztailaren 23ko Ebazpenaren bidez, Ecoenergia Reydesa SLri Legutioko (Araba) udalerrian aluminioa fintzeko eta hondakinei balioa emateko emandako ingurumen-baimen integratua aldatu eta eraginkor egin zen.

3.– Ingurumeneko sailburuordearen 2013ko apirilaren 22ko Ebazpenaren bidez, Refinería de Aluminio SLri (REFIAL) I-01-000000000316 ingurumen-baimen integratua eman zitzaion, Ecoenergia Reydesa SLri emandakoa Legutioko (Araba) udalerrian aluminioa fintzeko eta hondakinei balioa emateko.

4.– Ingurumeneko sailburuordearen 2014ko ekainaren 2ko Ebazpenaren bidez, Refinería de Aluminio SLri Legutioko (Araba) udalerrian aluminioa fintzeko eta hondakinei balioa emateko emandako ingurumen-baimen integratua aldatu eta eraginkor egin zen.

5.– 2015eko otsailaren 17an, sustatzaileak jakinarazi zuen funtsezkoa ez den aldaketa bat egin zela, hau da, siderurgia-sektorearentzat, bigarren mailako aluminioa formatu baliodunetan moldekatzeko lingote-ontzi berri bat instalatzea. 2015eko otsailaren 24an, ingurumen-organoak jakinarazi zuen aldaketa ez zela funtsezkoa.

6.– 2015eko ekainaren 1ean, sustatzaileak jakinarazi zuen funtsezkoa ez den aldaketa pare bat egin zela, hau da, garbiketa-makina berri bat instalatzea, zeinak hondakin berri gisa LER 14 06 03 disolbatzaile ez-halogenatua sortzen baitu, eta lan-txandak zabaltzea, zeinak lehengai eta osagarri gehiago kontsumitzea baitakar, baita % 20 hondakin sortzea ere. 2015eko ekainaren 8an, ingurumen-organoak jakinarazi zuen aldaketak ez zirela funtsezkoak.

7.– 2015eko ekainaren 24an, sustatzaileak jakinarazi zuen funtsezkoa ez den aldaketa bat egin zela, hau da, berreskuratutako kobrezko granailak urtu eta aztertzeko litroko edukiera zuten 2 labe instalatzea, barruan dituzten bigarren mailako metaletan zer eduki duten zehazteko, saiakuntza-probetak moldekatu ondoren txinparta bidez isurtzeko teknika espektrometrikoak erabiliz. Labe horiek foku bat dute. 2015eko ekainaren 29an, ingurumen-organoak jakinarazi zuen aldaketa ez zela funtsezkoa.

8.– 2016ko otsailaren 1ean, sustatzaileak jakinarazi zuen funtsezkoa ez den aldaketa bat egin zela E.3.3.2. puntuan, sortutako egur-hondakinari buruzkoa, LER 150103, baimendutako kudeatzaile baten bidez kudeatzeko berezia. 2016ko otsailaren 4an, ingurumen-organoak jakinarazi zuen aldaketa ez zela funtsezkoa.

9.– 2016ko ekainaren 15ean, sustatzaileak jakinarazi zuen funtsezkoa ez den aldaketa bat egin zela, hau da, bosgarren lan-txanda ezartzea, ekoizpen-demandak gora egitearen ondorioz. 2016ko ekainaren 29an, ingurumen-organoak jakinarazi zuen aldaketa ez zela funtsezkoa.

10.– 2016ko uztailaren 27an, sustatzaileak jakinarazi zuen funtsezkoa ez den aldaketa bat egin zela, hau da, bi hondakin arriskutsu (glikoldun urak eta berun-azidozko bateriak) sartzea, hiru urtean behin instalazioen eta makineriaren mantentze-lanen sortutakoak eta aurreikusi gabe zeudenak (EHZ 16 01 14* eta EHZ 16 06 01*). 2016ko abuztuaren 31n, ingurumen-organoak jakinarazi zuen aldaketa ez zela funtsezkoa.

11.– 2016ko azaroaren 17an, sustatzaileak jakinarazi zuen funtsezkoak ez diren aldaketak egin zirela, hau da, LER 150202 hondakin arriskutsu berria sartzea (zapiak eta xurgatzaileak) eta indarreko IBIren E.2.4 apartatuaren b) puntua kentzea. 2016ko azaroaren 28an, ingurumen-organoak jakinarazi zuen aldaketak ez zirela funtsezkoak.

12.– 2018ko uztailaren 16an, sustatzaileak jakinarazi zuen funtsezkoa ez den aldaketa pare bat egin zela, hau da, aluminioa galdatzeko labe birakari bat eta zepak hozteko ekipo bat instalatzea eta fusore-dorreetako bat kentzea. 2018ko urriaren 1ean, ingurumen-organoak jakinarazi zuen aldaketa ez zela funtsezkoa.

13.– 2018ko urriaren 18an, sustatzaileak jakinarazi zuen funtsezkoa ez den aldaketa pare bat egin zela, hau da, OTUA Taldeko instalazioetarako sarbidea eta talde horretako enpresen instalazioetara sartzen diren enpresen eta pertsonen kontrola hobetzea. 2018ko urriaren 19an, ingurumen-organoak jakinarazi zuen aldaketa ez zela funtsezkoa.

14.– 2018ko azaroaren 21ean, sustatzaileak jakinarazi zuen funtsezkoa ez den aldaketa bat egin zela, hau da, gas puruak elikatzeko ekipo kriogeniko berri bat ezartzea labe birakari fusore berrirako; halaber, konpresoreetako aire-sarrera aldatu behar da, kanalizazioa teilatutik eginez. 2018ko azaroaren 22an, ingurumen-organoak jakinarazi zuen aldaketa ez zela funtsezkoa.

15.– 2018ko abenduaren 11n, sustatzaileak jakinarazi zuen funtsezkoa ez den aldaketa bat zuzendu egin zela, hau da, 2018ko urriaren 4an ingurumen-organoak jakinarazitako aldaketa; jardueraren epigrafe bat kendu zen, hots, «2.5.b. Metal ez-ferrosoak, aleazioa barne, eta berreskuratzeko produktuak (fintzea, galdategian moldekatzea) galdatzeko instalazioak, berunerako eta kadmiorako eguneko 4 tonatik gora, edo gainerako metal guztietarako 20 tona galdatzeko gaitasuna dutenak», eta jardueraren epigrafe bakar bat ezarri, hots, «2.5.a. Mineralekin, kontzentratuekin edo bigarren mailako lehengaiekin, prozedura metalurgiko, kimiko edo elektrolitikoen bidez, burdinarik gabeko metal gordinak ekoizteko erabiltzen diren instalazioak».

16.– 2019ko martxoaren 13an eta 17an, sustatzaileak jakinarazi zuen funtsezkoak ez diren aldaketak egin zirela, hau da, instalatu beharreko zepa-hozkailuan konbekzioz sortutako lurruna ateratzeko foku ez-sistematiko bat ezartzea eta instalazioan sortutako hondakin berriak sartzea, IBIn sartuta ez daudenak edo zuzenak ez direnak. 2019ko apirilaren 3an, ingurumen-organoak jakinarazi zuen aldaketa ez zela funtsezkoa.

17.– 2019ko maiatzaren 13an, sustatzaileak jakinarazi zuen funtsezkoa ez den aldaketa bat egin zela, hau da, hondakinen zein salgai arriskutsuen biltegiaren kokapena lekuz aldatzea, instalazioaren ekialdeko ertzeko sarrerako atearen ondoko eremu berri batean kokatzeko. 2019ko maiatzaren 29an, ingurumen-organoak jakinarazi zuen aldaketa ez zela funtsezkoa.

18.– 2019ko ekainaren 4an, sustatzaileak jakinarazi zuen funtsezkoak ez diren aldaketak egin zirela, hau da, zolatako hainbat zati konpontzea eta nabe nagusiaren estalkia konpontzea. 2019ko ekainaren 24an, ingurumen-organoak jakinarazi zuen aldaketak ez zirela funtsezkoak.

19.– 2019ko urriaren 2an, sustatzaileak jakinarazi zuen funtsezkoa ez den aldaketa egin zela, hau da, euskarri bat ezartzea barruko itxitura bat ezartzeko siloen gunearen eta lingoteak biltegiratzeko gunearen artean, REFIALen nabean. 2019ko urriaren 11n, ingurumen-organoak jakinarazi zuen aldaketa ez zela funtsezkoa.

20.– Ingurumeneko sailburuordearen 2019ko azaroaren 6ko Ebazpenaren bidez zuzendu ziren Refinería de Aluminio SLri (REFIAL) Legutioko udalerrian (Araba) hondakin arriskugabeak kudeatzeko instalaziorako emandako ingurumen-baimen bateratua berrikusi eta aldatzen duen 2019ko apirilaren 3ko Ebazpenean hautemandako akatsak.

21.– 2019ko abenduaren 2an, Refinería de Aluminio SLk eskaera bat egin zion Eusko Jaurlaritzako Ekonomiaren Garapen, Jasangarritasun eta Ingurumen Sailari hondakin arriskutsu diren gatz-zepa gehiago sortzeko eta aluminio-lingote gehiago ekoizteko aldaketa-proiektuaren ingurumen-baimen integratuaren funtsa aldatzeko eta ingurumen-inpaktua ebaluatzeko, bat etorriz abenduaren 16ko 1/2016 Legegintzako Errege Dekretuak onartutako Kutsaduraren Prebentzio eta Kontrol Integratuari buruzko Legearen testu bateginean xedatutakoarekin. Eskabidearekin batera, agiri tekniko hauek aurkeztu zituen:

– Proiektu teknikoa eta ingurumen-inpaktuaren azterketa, ingurumen-baimen bateratuaren funtsezko aldaketa eta ingurumen-inpaktuaren adierazpena.

– Laburpen ez-teknikoa.

22.– Ingurumeneko sailburuordearen 2020ko martxoaren 4ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution (Araba) aluminioa fintzeko eta hondakinei balioa emateko jardueran jakinarazitako aldaketa-proiektua, eta, beraz, ez da haren ingurumen-baimen integratua aldatu behar. Hozte-dorreko urak hondakin arriskugabea (EHZ 100328) jarduerak puntualki sortutako hondakin ez-arriskutsu gisa sartzean datza jakinarazpena.

23.– Ingurumeneko sailburuordearen 2020ko martxoaren 4ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua.

Araba Garapen Agentziak eskatuta San Antolin 12 kaleko kanalizazioak bereizteko eta kutxatilak eraikitzeko obra egitean datza aldaketa.

24.– Ingurumeneko sailburuordearen 2020ko martxoaren 4ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua. Aldaketa zolata konpontzean datza.

25.– 2019ko abenduaren 18an, ingurumen-organoak, baimena berrikuste aldera, honako hauek helarazteko eskatu zion Refinería de Aluminio SLri (REFIAL): instalazioaren funtzionamenduaren eta ondorioetan deskribatutako teknika erabilgarri onenen arteko alderaketa bat eta instalazioko isurketei buruzko bestelako agiriak.

26.– 2020ko urtarrilaren 17an, ingurumen-baimen bateratua berrikusteko eskatu zitzaion agiriak aurkeztu zituen Refinería de Aluminio SLk (REFIAL).

27.– Aurkeztutako agiriak nahikoak zirela egiaztatu ondoren, Ingurumeneko sailburuordearen 2020ko martxoaren 11ko Ebazpenaren bidez, Refinería de Aluminio SLren (REFIAL) ingurumen-baimen bateratuaren berrikuspena jendaurrean jartzea erabaki zen, 30 egun balioduneko epean, egoki iritzitako alegazioak aurkezteko. Euskal Herriko Agintaritzaren Aldizkarian eta Arabako Lurralde Historikoaren Aldizkari Ofizialean argitaratu zen, bietan 2020ko apirilaren 27an, eta Bizkaiko Aldizkari Ofizialean 2020ko ekainaren 19an.

28.– Ingurumen-baimen integratua jendaurrean jartzeko izapideak amaituta, egiaztatu zen ez zela alegaziorik aurkeztu.

29.– Urriaren 18ko 815/2013 Errege Dekretuaren 16. artikuluan xedatutakoa betez, Eusko Jaurlaritzako Ingurumen Administrazioaren Zuzendaritzak txostena eskatu zien Legutioko Udalari eta Araba Garapen Agentziari 2020ko apirilaren 27an.

30.– Urriaren 18ko 815/2013 Errege Dekretuaren 16. artikuluan xedatutakoa betez, 2020ko maiatzaren 5ean, Eusko Jaurlaritzako Ingurumen Administrazioaren Zuzendaritzak txostena eskatu zion Osasun Sailari.

31.– 2020ko maiatzaren 6an eta 2020ko maiatzaren 8an, Araba Garapen Agentziak eta Eusko Jaurlaritzaren Osasun Sailak txostenak egin zituen, eta espedientean jaso da txosten horien emaitza.

32.– Aurkeztutako agiriak nahikoak zirela egiaztatu ondoren, Ingurumen Administrazioaren zuzendariaren 2020ko maiatzaren 12ko Iragarkiaren bidez erabaki zen jendaurrean jartzea, 30 egun baliodunez, Refinería de Aluminio SLk Legution sustatutako proiektua eta ingurumen-inpaktuaren azterketa, egoki jotzen ziren alegazioak aurkezteko. Iragarkia 2020ko maiatzaren 18ko Euskal Herriko Agintaritzaren Aldizkarian eta Eusko Jaurlaritzaren iragarki-taula elektronikoan argitaratu zen.

33.– Jendaurrean jartzeko izapidea amaitu ondoren, zenbait alegazio-idazki aurkeztu direla egiaztatu da, eta ingurumen-organo honek horiei buruz egindako gogoetak ebazpen honen II. eranskinean jaso dira.

34.– 2020ko ekainaren 18an, ingurumen-organoko zerbitzu teknikoek ikuskapen-bisita egin zuten, teknika erabilgarri onenak ezarri zirela egiaztatzeko. AAI00316/MTDs zenbakiko akta egin zen, eta espedientean dago horren emaitza.

35.– Ingurumeneko sailburuordearen 2020ko ekainaren 30eko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk (REFIAL) Legution aluminioa fintzeko eta hondakinei balioa emateko jardueran jakinarazitako aldaketa, hau da, ingurumen-baimen integratuaren baldintzak Batzordearen 2016ko ekainaren 13ko Betearazpen Erabakira egokitzea, eta, beraz, ez da haren ingurumen-baimen integratua aldatu behar. Erabaki horren bidez, teknika erabilgarri onenei (TEO) buruzko ondorioak ezartzen dira, Europako Parlamentuaren eta Kontseiluaren metal ez-burdinazkoen industrietarako 2010/75/EB Zuzentarauaren arabera (2016/1032/EB Erabakia).

36.– Ingurumeneko sailburuordearen 2020ko urriaren 15eko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, makineriaren mantentze-lanen ondorioz sortutako bi hondakin arriskutsu berri sartzea, eta, beraz, ez da haren ingurumen-baimen integratua aldatu behar. Hondakin horiek EHZ 16 01 07* dira (olio-filtroak) eta EHZ 16 01 21* (erregai-filtroak).

37.– Ingurumeneko sailburuordearen 2020ko azaroaren 11ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, zepak hozteko hobian 3 hustubide-hodi jartzea, akats elektrikoa gertatuz gero hobi hori ez urperatzeko eta larrialdi-egoera horien ondorioz arazorik ez izateko, eta, beraz, ez da haren ingurumen-baimen integratua aldatu behar.

38.– Kutsaduraren Prebentzio eta Kontrol Integratuaren Legearen testu bateginaren 17. eta 18. artikuluetan eta Ingurumen-ebaluazioari buruzko abenduaren 9ko 21/2013 Legearen 37. artikuluan xedatutakoa betez, Eusko Jaurlaritzako Ingurumen Kalitatearen eta Ekonomia Zirkularraren Zuzendaritzak txostenak eskatu zizkien 2020ko azaroaren 17an Legutioko Udalari, Araba Garapen Agentziari, Arabako Osasun Publikoko Zuzendariordetzari eta Eusko Jaurlaritzako Larrialdiei Aurre Egiteko eta Meteorologiako Zuzendaritzari; emaitzak espedientean daude.

39.– Ingurumeneko sailburuordearen 2021eko otsailaren 26ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, zeina REFIALren landako hainbat gunetan zolata konpontzean datzan.

40.– Ingurumeneko sailburuordearen 2021eko apirilaren 13ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, makineriaren mantentze-lanen ondorioz sortutako hondakin arriskutsu berri bat sartzea, eta, beraz, ez da haren ingurumen-baimen integratua aldatu behar.

41.– 2022ko apirilaren 9an, Estatuko Aldizkari Ofizialean argitaratu zen Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legea.

42.– Ingurumeneko sailburuordearen 2022ko otsailaren 16ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, instalazioaren zolata konpontzea mantentze-beharrak direla eta, eta, beraz, ez da haren ingurumen-baimen integratua aldatu behar.

43.– Ingurumeneko sailburuordearen 2022ko irailaren 12ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, kanalizazio bat instalatzea proba-labearen gainean emisioak 5. fokura konfinatu eta birbideratzeko, eta, beraz, ez da haren ingurumen-baimen integratua aldatu behar.

44.– Ingurumeneko sailburuordearen 2022ko azaroaren 14ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, instalazioaren zolata konpontzea mantentze-beharrak direla eta, eta, beraz, ez da haren ingurumen-baimen integratua aldatu behar.

45.– 2023ko otsailaren 17an eta martxoaren 28an, Araba Garapen Agentziak Refinería de Aluminio SL enpresaren isurketari buruzko txostena helarazi zuen.

46.– Ingurumeneko sailburuordearen 2023ko apirilaren 24ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, hainbat zonatan indusketa eta dastaketa egitea, hodiak aurkitzeko eta ondoren konpontzeko, eta, beraz, ez da haren ingurumen-baimen integratua aldatu behar.

47.– Ingurumeneko sailburuordearen 2024ko urtarrilaren 18ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, zeina datzan zolatako hainbat zati konpontzean mantentze-beharrak direla eta, eta, beraz, ez da haren ingurumen-baimen integratua aldatu behar.

48.– Ingurumeneko sailburuordearen 2024ko otsailaren 6ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, nabearen mendebaldeko korridorean xukatze-ponpa bat jartzea, ur-maila ahalik eta baxuena izan dadin, eremu horretako hargune elektrikoak urak har ez ditzan eta, ondorioz, matxurarik eragin ez dezan, eta, beraz, ez da haren ingurumen-baimen integratua aldatu behar.

49.– Ingurumeneko sailburuordearen 2024ko otsailaren 27ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, bi zutabe instalatzea baskularen bi aldeetan terminal informatizatu bat dutela eta, hozte-dorreetarako hodien bidez, ur erabilia berriz zirkulazioan jartzea zepak hozteko prozesuan, eta, beraz, ez da haren ingurumen-baimen integratua aldatu behar.

50.– 2024ko urriaren 2an, Kutsaduraren Prebentzio eta Kontrol Integratuari buruzko Legearen testu bateginaren 20. artikuluan xedatutakoa betez, Refinería de Aluminio SLren (REFIAL) esku utzi zen espedientea.

51.– 2020ko ekainaren 18an, ingurumen-organoko zerbitzu teknikoek ikuskapen-bisita egin zuten, teknika erabilgarri onenak ezarri zirela egiaztatzeko. AAI00316/MTDs zenbakiko akta egin zen, eta espedientean dago horren emaitza.

52.– 2024ko irailaren 8an, Refinería de Aluminio SLk (REFIAL) alegazioak aurkeztu zituen, idazki baten bidez. Ebazpen honen eranskinean daude jasota, labur, organo honek haiei buruz egindako oharrekin batera.

53.– Era berean, 2024ko azaroaren 8ko entzunaldi-izapide horretan alegazioak erregistratu direnez, Kutsaduraren Prebentzio eta Kontrol Integratuaren Legearen testu bateginaren 20.2 artikulua aplikatuz, espediente osoa Araba Garapen Agentzia erakundearen esku jarri da, Industria, Trantsizio Energetiko eta Jasangarritasun Sailak egindako ebazpen-proposamenaren zirriborroa gehituta.

54.– 2024ko apirilaren 4an, Araba Garapen Agentziak alegazioei erantzuna eman zien, eta ebazpen honen III. eranskinean jaso dira ingurumen-organo horrek alegazio horiei buruz egitekoak dituen oharpenak.

55.– Ingurumeneko sailburuordearen 2025eko urtarrilaren 29ko Ebazpenaren bidez, instalazioaren aldaketa ez-funtsezkotzat jo zen Refinería de Aluminio SLk, AAI00316_MNS_2024_005 espedientearen bidez, Legution aluminioa fintzeko eta hondakinei balioa emateko jardueran jakinarazitako aldaketa-proiektua, hau da, sortutako bi hondakin berri sartzea, eta, beraz, ez da haren ingurumen-baimen integratua aldatu behar. EHZ 16 05 04* (bonbona presurizatuak) eta EHZ 20 03 04 (putzu septikoen lohiak). Era berean, tonerrak EHZ-RAEE 16 02 14-62 kodearekin kudeatzera igarotzen dira.

ZUZENBIDEKO OINARRIAK

1.– Ekainaren 11ko 5/2013 Legeak –Kutsaduraren Prebentzio eta Kontrol Integratuari buruzko uztailaren 1eko 16/2002 Legea eta Hondakinei eta Lurzoru Kutsatuei buruzko uztailaren 28ko 22/2011 Legea aldatzen dituena– uztailaren 1eko 16/2002 Legearen 25. artikuluaren edukia ezabatu zuenez (ingurumen-baimen bateratua berritzeari buruzko artikulua), 2008ko apirilaren 30eko Ebazpenaren bosgarren apartatuaren edukia ezabatu behar da.

2.– 2016ko ekainaren 30eko Europar Batasuneko Aldizkari Ofizialean argitaratu zen Batzordearen 2016ko ekainaren 13ko Betearazpen Erabakia, zeinaren bidez ezartzen baitira teknika erabilgarri onenei (TEO) buruzko ondorioak, metal ez-burdinazkoen industrietarako Europako Parlamentuaren eta Kontseiluaren 2010/75/EB Zuzentarauaren arabera (2016/1032/EB Erabakia).

3.– 2016ko abenduaren 31n, Estatuko Aldizkari Ofizialean argitaratu zen 1/2016 Legegintzako Errege Dekretua, abenduaren 16koa, Kutsaduraren Prebentzio eta Kontrol Integratuari buruzko Legearen testu bategina onartzen duena.

4.– Aipatutako testu bateginaren 26. artikuluan daude ezarrita baimena berrikusteko baldintzak. Horri jarraituz, lau urteko epean, instalazioaren jarduera nagusiari dagozkion TEOen inguruko ondorioak argitaratzen direnetik aurrera, organo eskudunak ziurtatuko du instalazioaren baimenaren baldintza guztiak berrikusi direla eta, beharrezkoa izanez gero, egokitu direla, eta instalazioak aipatutako TEO erreferentzia-agirien ondorio aplikagarriak betetzen dituela.

5.– 2019ko urriaren 15eko Estatuko Aldizkari Ofizialean urriaren 10eko TEC/1023/2019 Agindua argitaratu zen, zeinean ezartzen baita noiztik aurrera eskatu ahal izango zaien nahitaezko finantza-bermea Ingurumen Erantzukizunari buruzko urriaren 23ko 26/2007 Legearen III. eranskinean jasotako jarduerei –ekainaren 22ko ARM/1783/2011 Aginduaren bidez 3. lehentasun-mailakotzat sailkatuak–.

6.– Urtarrilaren 21eko 4/2020 Dekretuak indarrik gabe utzi zuen irailaren 25eko 183/2012 Dekretua, eta ingurumen-baimen bateratuaren bigarren apartatua eta hirugarren apartatuko F.3.1.3 eta G.1 azpiapartatuak aldatu zituen.

7.– Kutsaduraren Prebentzio eta Kontrol Integratuari buruzko Legearen testu bateginaren –Kutsaduraren Prebentzio eta Kontrol Integratuari buruzko abenduaren 16ko 1/2016 Legegintzako Errege Dekretuak onartua– 10. artikuluan eta urriaren 18ko 815/2013 Errege Dekretuaren –Industriako Isurpenen Erregelamendua onartu eta Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatzen duena– 14. artikuluan xedatutakoaren arabera, Refinería de Aluminio SLren (REFIAL) Legutioko instalazioetan planteatutako aldaketa, Refinería de Aluminio SLren (REFIAL) aldaketa-proiektua, funtsezko aldaketa da.

8.– Era berean, Euskadiko Ingurumen Administrazioaren abenduaren 9ko 10/2021 Legearen 43.4 artikuluaren arabera, ingurumen-baimen integratuaren mendeko jarduera ingurumen-inpaktuaren ebaluazio arruntaren mende badago, ingurumen-inpaktuaren adierazpenaren berezko alderdiak jasoko ditu. Aipatutako abenduaren 9ko 10/2021 Legearen 78. artikuluan adierazten denez, ingurumen-inpaktuaren adierazpenak prozeduraren mugarri nagusien laburpena jasoko du, eta zehaztuko du, ingurumen-efektuei begira, proiektua egitea bidezkoa den ala ez, eta, hala badagokio, zer baldintzatan gara daitekeen. Besteak beste, hartu beharko diren babes-, zuzenketa- eta konpentsazio-neurriak eta jarraipena egiteko neurriak jasoko ditu.

9.– Abenduaren 9ko 10/2021 Legearen 76.1 artikuluan xedatutakoa betez, ingurumen-inpaktuaren ebaluazio arrunta egingo zaio abenduaren 9ko 10/2021 Legearen II.D eranskinean jasota dagoen ingurumen-ebaluazioaren eremuan dagoen baimendutako proiektu baten aldaketari, bere 2.5.a. epigrafean, «Mineralekin, kontzentratuekin edo bigarren mailako lehengaiekin, prozedura metalurgiko, kimiko edo elektrolitikoen bidez, burdinarik gabeko metal gordinak ekoizteko erabiltzen diren instalazioak».

10.– Ingurumen-ebaluazioari buruzko abenduaren 9ko 21/2013 Legearen II.D.3 eranskinean xedatutakoa betez, dagoeneko baimendua, onartua, gauzatua edo gauzatze-prozesuan dagoen proiektu baten edozein aldaketari ingurumen-inpaktuaren ebaluazio arrunta egin behar zaio, baldin eta aldaketa hori bakarrik edo proiektu berean egindako beste aldaketekin metatuta II.D eranskin honetako taldeetako batean jasotako atalaseetara iristen bada.

11.– Era berean, abenduaren 9ko 10/2021 Legearen 23.a) artikuluan xedatutakoa betez, ingurumen-inpaktuaren adierazpena egiteko eskumena Euskal Autonomia Erkidegoko ingurumen-organoari dagokionean, eta jarduera ingurumen-baimen integratuaren araubidearen eraginpean dagoenean, bateratu egingo dira ingurumen-baimen integratuaren prozedura eta ingurumen-inpaktuaren ebaluazio arruntaren prozedura. Era berean, ingurumen-inpaktuaren adierazpenaren edukia ingurumen-baimen integratuaren parte izango da, eta bi erabakiak administrazio-egintza berean emango dira.

12.– Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legeak indarrik gabe utzi zuen Hondakinei eta Lurzoru Kutsatuei buruzko uztailaren 28ko 22/2011 Legea. Beraz, aldatu egin behar dira ingurumen-baimen bateratuaren bigarren apartatua eta hirugarren apartatuko E azpiapartatua.

13.– Ingurumen-baimen integratua eman ondoren, ingurumenari buruzko araudi berria promulgatu da; beraz, egokia da Ingurumeneko sailburuordearen 2011ko urriaren 20ko Ebazpenaren baldintzak indarrean dagoen araudi berrira egokitzea, ofizioz, ebazpen horren seigarren apartatuan ezarritakoari eta Ingurumen-ebaluazioari buruzko abenduaren 9ko 21/2013 Legearen 44. artikuluan ezarritakoari jarraikiz.

14.– Administrazio Publikoen Administrazio Prozedura Erkidearen urriaren 1eko 39/2015 Legearen 72. artikuluan, izapideen kontzentrazioari buruzkoan, xedatutakoa aplikatuko da: «Administrazioa sinplifikatzeko printzipioarekin bat, egintza bakar batean erabakiko dira izaeragatik batera bultza daitezkeen eta nahitaez bata bestearen ondoren bete beharrekoak ez diren izapide guztiak».

15.– Ingurumen Sailburuordetzak du ebazpen hau emateko eskumena, Industria, Trantsizio Energetiko eta Jasangarritasunaren Sailaren egitura organikoa eta funtzionala ezartzen duen abenduaren 3ko 410/2024 Dekretuan xedatutakoaren arabera.

Aipatutako legeria eta aplikagarri diren gainerako arau orokorrak eta berariazkoak aintzat hartuta, honako hau

EBAZTEN DUT:

Lehenengoa.– Ingurumen-inpaktuaren aldeko adierazpena egitea, hondakin arriskutsu diren gatz-zepa gehiago sortzeko eta aluminio-lingote gehiago ekoizteko Refinería de Aluminio SLren instalazioetan, Legutioko udalerrian, aluminioa fintzeko eta hondakinei balioa emateko jarduerarako, ebazpen honen bigarren apartatuan ezarritako baldintzetan.

– Euskadiko Ingurumen Administrazioaren abenduaren 9ko 10/2021 Legearen IID. eranskineko 2.5.a) epigrafean jasota dago: «Mineralekin, kontzentratuekin edo bigarren mailako lehengaiekin, prozedura metalurgiko, kimiko edo elektrolitikoen bidez, burdinarik gabeko metal gordinak ekoizteko erabiltzen diren instalazioak».

Bigarrena.– Refinería de Aluminio SLri emandako ingurumen-baimen integratua berrikustea, baimenaren baldintzak Batzordearen 2016ko ekainaren 13ko Betearazpen Erabakian jasotako moduan egokitu, eta baimen horretan bildutako neurri teknikoak eta baldintzak 2020ko ekainaren 30eko Ebazpenaren bidez ingurumen-baimen integratuan txertatzeko, baita Hondakinak eta lurzoru kutsatuak arautu eta ekonomia zirkularra bultzatzeko 7/2022 Legearen baldintzetara egokitzeko ere.

Hirugarrena.– Refinería de Aluminio SLri emandako ingurumen-baimen integratua aldatzea, aluminioa fintzeko eta hondakinen balorizazio-jarduerarako, 2011ko urriaren 20ko Ebazpenaren bidez emandakoa, ebazpen honen I. eranskinean zehaztutako baldintzetan, ingurumen-baimen integratuaren atal hauek, jarraian aipatzen direnak, eta bosgarren apartatua kentzea:

– Bigarrena.

– Hirugarrena.

– Seigarrena.

– Zortzigarrena.

Laugarrena.– Bat etorriz abenduaren 16ko 1/2016 Legegintzako Errege Dekretuak onartutako Kutsaduraren Prebentzio eta Kontrol Integratuari buruzko Legearen testu bateginaren 5.d) artikuluan xedatutakoarekin, aluminioa fintzeko eta hondakinei balioa emateko jarduerari dagokionez –zeina ebazpen honen xede baita–, gerta litekeen titulartasun-aldaketa oro jakinarazi beharko dio Refinería de Aluminio SLk Ingurumeneko Sailburuordetzari, azken horrek onar dezan.

Bosgarrena.– Ingurumen-baimen integratu honetan ezarritako baldintzak ez betetzea arau-hauste astun edo oso astun gisa tipifikatuta dago abenduaren 16ko 1/2016 Legegintzako Errege Dekretuak onartutako Kutsaduraren Prebentzio eta Kontrol Integratuari buruzko Legearen testu bateginaren 31. artikuluari jarraituz, eta aipatutako legearen 32. artikuluan jasotako zehapenak ezartzea ekar dezake.

Seigarrena.– Ebazpen honen edukia jakinaraztea Refinería de Aluminio SLri, Legutioko Udalari, Araba Garapen Agentziari, Urrunagako Administrazio Kontseiluari eta Goiango Administrazio Kontseiluari, ingurumen-baimen integratua emateko prozeduran parte hartu duten organismoei, eta gainerako interesdunei.

Zazpigarrena.– Refinería de Aluminio SLri bidaltzea Araba Garapen Agentziak (AGA) 2025eko apirilaren 1ean emandako erantzuna, Refinería de Aluminio SL enpresak (REFIAL) aurkeztutako alegazioei buruzkoa, AAI_00316_MS_2020 espedientearen esparruan, bai eta AGAk 2023ko ekainaren 1ean eta 2024ko irailaren 27an Sailburuordetza honetara bidalitako idazkiak ere, erantzun horretan aipatutakoak.

Hori guztia, AGAk azaldutakoa kontuan hartzeko, eta aipatutako agirietan eskatutakoari erantzuteko.

Zortzigarrena.– Ingurumen-baimen integratuaren berrikuspen hau Euskal Herriko Agintaritzaren Aldizkarian argitaratzeko agintzea.

Bederatzigarrena.– Ebazpen honek ez dio amaiera ematen administrazio-bideari, eta, beronen aurka, gora jotzeko errekurtsoa aurkez dakioke Industria, Trantsizio Energetiko eta Jasangarritasuneko sailburuari, hilabeteko epean, ebazpen hau jakinarazi eta hurrengo egunetik aurrera, bat etorriz Administrazio Publikoen Administrazio Prozedura Erkidearen urriaren 1eko 39/2015 Legearen 121. artikuluan eta hurrengoetan xedatutakoarekin.

Vitoria-Gasteiz, 2025eko irailaren 23a.

Ingurumeneko sailburuordea,

JOSU BILBAO BEGOÑA.

(Ikus .PDF)

Azterketa dokumentala