Euskal Herriko Agintaritzaren Aldizkaria

207. zk., 2025eko urriaren 29a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

URAREN EUSKAL AGENTZIA

4578

IRAGARKIA, zeinaren bidez jendaurrean jartzen baita Etxebarria udalerrian (Bizkaia) dagoen iturburu batetik urtean 88 m³ aprobetxatzeko administrazio-emakida eskatzen duen espedientea, ura abeltzaintzarako eta ureztatzeko erabiltzeko.

– Espedientea: A-B-2025-0006.

– Eskatzailea: Jose Ignacio Lartitegi Kortabitarte.

– Hartunearen kokapena: Etxebarria (Bizkaia).

– Bilketa-puntua (UTM (ETRS89) koordenatuak): X = 541.527; Y = 4.789.150.

– Eskatutako urteko bolumena: 88 m³ urtean.

– Uraren erabilera: Abeltzaintza / Ureztatzea.

– Aprobetxamenduaren deskribapena: Urak iturburutik kutxatila baten bidez hartzen dira, eta Monterrei baserriaren ondoan dagoen 10 m³-ko edukierako biltegi batera bideratzen dira, ondoren erabiltzeko. Ura zaldientzako eta baratze bat ureztatzeko erabiliko da.

Eta hori guztia jendaurrean jartzen da, guztiak jakinaren gainean egon daitezen, hogei (20) eguneko epean, iragarki hau EHAAn argitaratu eta hurrengo egunetik hasita, Jabari Publiko Hidraulikoaren Erregelamendua onartzen duen apirilaren 11ko 849/1986 Errege Dekretuaren 109. artikuluan xedatutakoaren arabera, urriaren 1eko 39/2015 Legearen 83. artikuluarekin lotuta, kaltea jasan dezakeen edonork espedientea aztertu ahal izan dezan eta egokitzat jotzen duen guztia adierazi ahal izan dezan, 39/2015 Legean aurreikusitako moduen bidez, aipatutako epean.

Espedientea eskuragarri egongo da, adierazitako epearen barruan, Uraren Euskal Agentzian, bai eta Interneteko atariko Informazio Publikoa atalean ere (https://www.uragentzia.euskadi.eus).

Vitoria-Gasteiz, 2025eko urriaren 16a.

Zuzendari nagusia.

EE (2025eko maiatzaren 23ko Ebazpena).

Aprobetxamenduen arduraduna,

ANABEL MONTILLA OLALDE.

Azterketa dokumentala