Euskal Herriko Agintaritzaren Aldizkaria

201. zk., 2025eko urriaren 22a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

4451

AGINDUA, 2025eko urriaren 7koa, Hezkuntzako sailburuarena, Muskizko (Bizkaia) «San Juan Bautista» Haur eta Lehen Hezkuntzako Ikastetxe Pribatuaren baimena aldatzeko dena.

Muskizko (Bizkaia) «San Juan Bautista» Haur eta Lehen Hezkuntzako ikastetxe pribatuaren erakunde titularraren legezko ordezkariak hasarazi duen espedientea aztertu da; Lehen Hezkuntzako gela egonkor baterako baimena eskatzen da 2025-2026 ikasturterako.

Espediente hori ezarritako prozeduraren arabera izapidetu da, indarreko araudiak eskatzen duen dokumentazioa erantsi zaio, eta gai horretan eskumena duten erakundeek aldeko txostena eman dute.

Aztertu dira: 8/1985 Lege Organikoa, uztailaren 3koa, Hezkuntzarako Eskubidea arautzen duena; 332/1992 Errege Dekretua, apirilaren 3koa, Unibertsitateaz kanpoko araubide orokorreko irakaskuntzak emateko baimena ikastetxe pribatuei emateari buruzkoa (131/2010 Errege Dekretuak aldatua); 1998ko uztailaren 30eko Agindua, hezkuntza-premia bereziak dituzten ikasleak eskolatzeko irizpideak ezartzen dituena eta ikasle horiek hezkuntza-sistemako etapa guztietan behar bezala artatzeko baliabideak ematen dituena; eta gai horretan aplikagarriak diren gainerako legeak. Horiek horrela, hau

EBAZTEN DUT:

Lehenengoa.– Muskizko (Bizkaia) «San Juan Bautista» Haur eta Lehen Hezkuntzako ikastetxe pribatuari baimena ematea Lehen Hezkuntzako gela egonkor bat gehitzeko (ikastetxearen kode-zenbakiak: 014778 eta 48006361).

2025-2026 ikasturtetik aurrera, «San Juan Bautista» HLHIP Hezkuntza Saileko unibertsitateaz kanpoko ikastetxeen erregistroan inskribatuko da, erregistro-datu hauekin:

Ikastetxearen kodeak: 014778 (EAE) eta 48006361 (unibertsala).

Izen generikoa: Haur eta Lehen Hezkuntzako ikastetxe pribatua (HLHIP).

Izen espezifikoa: «San Juan Bautista».

Titularra: Fundación Canónica Autónoma Escuelas Católicas Marcelo Gangoiti.

Helbidea: San Juan kalea 42.

Udalerria: Muskiz.

Lurralde historikoa: Bizkaia.

Baimendutako irakaskuntzak:

– Haur Hezkuntzako 1. zikloa: 5 unitate, 25 ikaspostutarako edukierakoak.

0-1 urteko haurrentzako unitate 1, 8 ikaspostutarako edukierakoa.

1-2 urteko haurrentzako 2 unitate, bakoitza 13 ikaspostutarako edukierakoa.

2-3 urteko haurrentzako 2 unitate, bakoitza 18 ikaspostutarako edukierakoa.

– Haur Hezkuntzako 2. zikloa: 6 unitate, bakoitza 25 ikaspostutarako edukierakoa.

– Lehen Hezkuntza: 12 unitate, bakoitza 25 ikaspostutarako edukierakoa.

– Hezkuntza Berezia: 3 unitate.

Gela irekiak: 2 unitate.

Gela egonkorrak: unitate 1.

Bigarrena.– Hezkuntzarako Eskubidea arautzen duen uztailaren 3ko 8/1985 Lege Organikoaren hamahirugarren artikuluan ezarritakoaren arabera, ikastetxeak ezin izango du bere burua identifikatzeko dagokion erregistro-inskripzioan agertzen direnez bestelako izendapenik erabili.

Hirugarrena.– Ikastetxearen erakunde titularra behartuta dago indarrean dagoen araudia betetzera ikaspostuen kopuruari, ekipamenduari, irakasleen titulazio akademikoari, hizkuntza-eskakizunari eta aplikagarriak diren indarreko gainerako legeei dagokienez, bai eta baimena aldatzeko eskatzera ere, ikastetxeko erregistro-datuetan aldaketak egin behar direnean. Bestela, emandako baimena baliogabetuko litzateke.

Era berean, ikastetxeak martxoaren 17ko 314/2006 Errege Dekretuak onartutako Eraikuntzaren Kode Teknikoa bete beharko du, bai eta indarrean dagoen legeriak ezartzen dituen higiene-, osasun-, akustika-, bizigarritasun-, segurtasun- eta irisgarritasun-baldintzak ere. Baldintza horiek ez betetzearen erantzukizuna ikastetxearen erakunde titularrari dagokio.

AZKEN XEDAPENETAKO LEHENENGOA

Agindu honetan jasotako baimena emateak ez du esan nahi, inola ere, hezkuntza-itunen edo dirulaguntzen deialdien bidez laguntzak lortu direnik.

AZKEN XEDAPENETAKO BIGARRENA

Agindu honen aurka aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Justizia Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2025eko urriaren 7a.

Hezkuntzako sailburua,

MARÍA BEGOÑA PEDROSA LOBATO.

Azterketa dokumentala