Euskal Herriko Agintaritzaren Aldizkaria

174. zk., 2025eko irailaren 15a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

GOBERNANTZA, ADMINISTRAZIO DIGITAL ETA AUTOGOBERNUAREN SAILA

3848

EBAZPENA, 2025eko irailaren 1ekoa, Enplegu Publikoko zuzendariarena, zeinaren bidez Gobernantza, Administrazio Digital eta Autogobernuko sailburuari igortzen baitzaio, lan-kontratuak egiteko, Euskal Autonomia Erkidegoko Administrazioko Lan Kontratudunen Kolektiboentzako Hitzarmenean lan-kontratudunentzat gordetako lanpostuetan enplegua finkatzeko zenbait prozesu berezitan eta enplegua finkatzeko salbuespenezko zenbait prozesutan hautatutako pertsonen zerrenda.

Gobernantza Publiko eta Autogobernuko sailburuaren 2022ko irailaren 8ko Aginduaren bidez, Euskal Autonomia Erkidegoko Administrazioko Lan Kontratudunen Kolektiboentzako Hitzarmenean lan-kontratudunentzat gordetako lanpostuetan enplegua finkatzeko prozesu bereziak eta enplegua finkatzeko salbuespenezko prozesuak arautzen dituzten oinarri orokorrak onartu ziren.

Gobernantza Publiko eta Autogobernuko sailburuaren 2022ko irailaren 8ko eta 2022ko azaroaren 17ko Aginduen bidez, enplegua finkatzeko hainbat prozesu berezi eta salbuespenezko deitu ziren.

IVAPeko zuzendariaren 2025eko ekainaren 20ko Ebazpenak hainbat prozesutan hautatu diren pertsonen eta esleitu diren lanpostuen behin betiko zerrendak argitaratu zituen eta, era berean, hogei eguneko epea eman zen prozesu horietan eskatutako baldintzak eta balioetsitako merezimenduak betetzen direla egiaztatzeko agiriak aurkezteko.

Ebazpen honen eranskinetan agertzen diren pertsona hautatu guztiek eskatu zaien dokumentazioa ezarritako epearen barruan aurkeztu dutenez, oinarri orokorren 16. apartatua betez, Gobernantza, Administrazio Digital eta Autogobernuko sailburuari igorri behar zaio Euskal Autonomia Erkidegoko Administrazio Orokorraren eta haren organismo autonomoen zerbitzurako lan-kontratuak formalizatu behar dituzten pertsonen zerrenda.

Horrenbestez, hau

EBAZTEN DUT:

Lehenengoa.– Gobernantza, Administrazio Digital eta Autogobernuko sailburuari zerrenda hau helaraztea, Euskal Autonomia Erkidegoko Administrazio Orokorraren eta haren organismo autonomoen zerbitzuko lan-kontratuak egiteko: Euskal Autonomia Erkidegoko Administrazioko lan-kontratudunen kolektiboen hitzarmeneko lan-kontratudunentzat gorde ziren enplegua finkatzeko prozesu berezietan eta salbuespenezko prozesuetan –Gobernantza Publiko eta Autogobernuko sailburuaren 2022ko azaroaren 17ko Aginduaren bidez antolatuetan– hautatutako izangaien zerrenda. Hona hemen prozesuok, zerrendatuta eta haietako bakoitzari dagokion eranskina adierazita:

(Ikus .PDF)

Bigarrena.– Hautatutako pertsonek 2025eko urriaren 1ean sinatu behar dituzte dagozkien lan-kontratuak.

Ezarritako egunean lan-kontratua sinatzen ez duenak galdu egingo ditu –ezinbesteko kasuetan izan ezik– Euskal Autonomia Erkidegoko Administrazio Orokorreko eta haren organismo autonomoetako lan-kontratudun finko izateko eskubide guztiak, deialditik eratorriak.

AZKEN XEDAPEN BAKARRA

Ebazpen honen aurka interesdunek gora jotzeko errekurtsoa aurkez diezaiokete Enplegu Publikoko sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik hilabete igaro baino lehen, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera.

Vitoria-Gasteiz, 2025eko irailaren 1a.

Enplegu Publikoko zuzendaria,

NEKANE COBOS SALINAS.

(Ikus .PDF)

Azterketa dokumentala