Euskal Herriko Agintaritzaren Aldizkaria

168. zk., 2025eko irailaren 5a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ELIKADURA, LANDA GARAPEN, NEKAZARITZA ETA ARRANTZA SAILA

3765

EBAZPENA, 2025eko ekainaren 18koa, Nekazaritza eta Abeltzaintzako zuzendariarena, zeinaren bidez baimena ematen baita 929 eta 934 bitarteko ikastaroetako ikasleei produktu fitosanitarioen erabiltzaile profesionalaren oinarrizko mailako txartelak, maila kualifikatuko txartelak eta pilotu aplikatzailearen mailako txartelak emateko eta baliozkotzeko.

GERTAERAK

Lehenengoa.– Honako ikastaro hauek antolatu dira:

– 929 ikastaroa, Ekin Consultoria SC sozietateak emana: produktu fitosanitarioen erabiltzaile profesionaleko ikastaroa, oinarrizko maila, B motako txartela lortzeko eskubidea ematen duena.

– 930 ikastaroa, Hazi Fundazioak emana: produktu fitosanitarioen erabiltzaile profesionaleko ikastaroa, oinarrizko maila, B motako txartela lortzeko eskubidea ematen duena.

– 931 ikastaroa, CIFP Fraisoro Eskola LHII-k emana: produktu fitosanitarioen erabiltzaile profesionala berritzeko ikastaroa, oinarrizko maila, B motako txartela lortzeko eskubidea ematen duena

– 932 ikastaroa, CIFP Fraisoro Eskola LHII-k emana: produktu fitosanitarioen erabiltzaile profesionaleko ikastaroa, oinarrizko maila, B motako txartela lortzeko eskubidea ematen duena.

– 933 ikastaroa, Hazi Fundazioak emana: produktu fitosanitarioen erabiltzaile profesionala berritzeko ikastaroa, maila kualifikatua, C motako txartela lortzeko eskubidea ematen duena.

– 934 ikastaroa, maila kualifikatuko titulua baliozkotzekoa, C motako txartela lortzeko eskubidea ematen duena; beste autonomia-erkidego batzuetan egindakoak, produktu fitosanitarioen erabiltzaile profesionalentzako oinarrizko mailakoak, B motako txartela lortzeko eskubidea ematen dutenak; eta beste autonomia-erkidego batzuetan egindakoak, pilotu aplikatzailearen mailakoak.

Sei ikastaro horiek egin dira irailaren 14ko 1311/2012 Errege Dekretuaren IV. eranskineko A zatian oinarrizko mailarako, B zatian maila kualifikaturako eta D zatian pilotu aplikatzailearen mailarako jasotako edukiaren eta irakastorduen arabera (1311/2012 Errege Dekretua, irailaren 14koa, Produktu fitosanitarioen erabilera jasangarria lortzeko jarduketa-esparrua ezartzen duena). Ikastaroek B eta C motako txartelak eta pilotu aplikatzailearen txartelak lortzeko eskubidea ematen dute, hurrenez hurren.

Bigarrena.– Landare Osasunaren Batzorde Tekniko Koordinatzaileak txartelak ematearen aldeko proposamena egin du.

Ondorengoak hartu dira kontuan:

ZUZENBIDEKO OINARRIAK

Lehenengoa.– Irailaren 14ko 1311/2012 Errege Dekretuaren 18.1 artikulua, gaikuntza-mailei buruzkoa, IV. eranskina, prestakuntza-gaiei buruzkoa, eta 20. artikulua, txartelak eman, berritu eta kentzeari buruzkoa.

Bigarrengoa.– Elikadura, Landa Garapen, Nekazaritza eta Arrantza Sailaren egitura organikoa eta funtzionala ezartzen duen abenduaren 11ko 438/2024 Dekretuaren 9.1.b) artikulua, landare-osasunaren arloko eginkizunak Nekazaritza eta Abeltzaintza Zuzendaritzari esleitzen dizkiona.

EBAZTEN DUT:

Lehenengoa.– Nekazaritzako erabilerako produktu fitosanitarioen erabiltzaile profesionalaren txartelak emateko agintzea:

1.– Oinarrizko mailakoa, 929 ikastarokoa, ebazpen honen I. eranskineko zerrendan ageri diren ikasleentzat.

2.– Oinarrizko mailakoa, 930 ikastarokoa, ebazpen honen II. eranskineko zerrendan ageri diren ikasleentzat.

3.– Oinarrizko mailakoa, 931 ikastarokoa, ebazpen honen III. eranskineko zerrendan ageri diren ikasleentzat.

4.– Oinarrizko mailakoa, 932 ikastarokoa, ebazpen honen IV. eranskineko zerrendan ageri diren ikasleentzat.

5.– Maila kualifikatukoa, 933 ikastarokoa, ebazpen honen V. eranskineko zerrendan ageri diren ikasleentzat

6.– Maila kualifikatukoa, oinarrizko mailakoa eta pilotu aplikatzailearen mailakoa, 934 ikastarokoa, ebazpen honen VI. eranskineko zerrendan ageri diren ikasleentzat.

Bigarrena.– Ebazpen honen aurka interesdunek gora jotzeko errekurtsoa jar diezaiokete Elikadurako eta Landa Garapeneko sailburuordeari, hilabeteko epean, ebazpen hau argitaratu eta hurrengo egunetik aurrera.

Vitoria-Gasteiz, 2025eko ekainaren 18a.

Nekazaritza eta Abeltzaintzako zuzendaria,

ONEKA ZABALLA GONZALEZ.

(Ikus .PDF)

Azterketa dokumentala