Euskal Herriko Agintaritzaren Aldizkaria

154. zk., 2025eko abuztuaren 18a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

RED FERROVIARIA VASCA-EUSKAL TRENBIDE SAREA

3581

EBAZPENA, 2025eko uztailaren 15ekoa, Red Ferroviaria Vasca-Euskal Trenbide Sareko zuzen­dari nagusiarena, «Usurbil-Hendaia tartean ERTMS sistema ezartzeko eraikuntza-proiektua» onetsi duena.

Proiektu honen xedea da Usurbil-Hendaia tarte osoan ERTMS sistemaren instalazioa definitzea eta baloratzea, kontrata bidez gauzatu ahal izateko, eremu, kabina eta sistema zentralaren elementu guztiekin, tarte osoan sistema inplementatu ahal izateko.

Egikaritze materialaren aurrekontua zazpi milioi hirurehun eta hirurogeita lau mila hirurehun eta hamabost euro eta hamahiru zentimokoa da (7.364.315,13).

Obrak kontrata bidez egikaritzeko aurrekontua 8.763.535,00 eurokoa da, % 6ko mozkin industriala eta % 13ko gastu orokorrak gehituta.

«Usurbil-Hendaia tartean ERTMS sistema ezartzeko eraikuntza-proiektua» izeneko obren lizitazioaren oinarrizko aurrekontua, dagokion % 21eko BEZa gehitu ondoren, hamar milioi seiehun eta hiru mila zortziehun eta hirurogeita hamazazpi euro eta hogeita hamabost zentimokoa da (10.603.877,35).

Lanen aurreikusitako iraupena, guztira, hogeita bi (22) hilabetekoa da.

Red Ferroviaria Vasca-Euskal Trenbide Sareko (ETS) zerbitzu teknikoek egiaztatu dute proiektuak bere xedeari erantzuten diola, Trenbide Sektorearen Erregelamenduaren 11. artikuluan (abenduaren 30eko 2387/2004 Errege Dekretua), Sektore Publikoko Kontratuen azaroaren 8ko 9/2017 Legearen 233. artikuluan eta Administrazio Publikoen Kontratuen Legearen Erregelamendu Orokorraren 126-132 artikuluetan (urriaren 12ko 1098/2001 Errege Dekretua) adierazitako dokumentuak biltzen dituela, eta kontrata bidez egikaritzeko behar diren alderdi nahikoak jasotzen dituela. Beraz, aldeko txostena emango da.

Organo honek eskumena du Eusko Jaurlaritzako Garraio Azpiegituren Zuzendaritzaren eskumeneko trenbide-azpiegituren eraikuntza-proiektu jakin batzuk onesteko, organo horrek Garraio Azpiegituren zuzendariaren 2020ko martxoaren 16ko Ebazpenaren bidez eskuordetuta.

Aipatutako xedapenak, horiekin bat datozenak eta oro har aplikatzekoak direnak ikusita, hau

EBAZTEN DUT:

«Usurbil-Hendaia tartean ERTMS sistema ezartzeko eraikuntza-proiektua» onestea. Proiektuaren xedea Usurbil-Hendaia tarte osoan ERTMS sistema instalatzea da. Lizitaziorako oinarrizko aurrekontua, BEZa barne, hamar milioi seiehun eta hiru mila zortziehun eta hirurogeita hamazazpi euro eta hogeita hamabost zentimokoa da (10.603.877,35), eta obretarako aurreikusitako epea hogeita bi (22) hilabetekoa.

Ebazpen hau ez da behin betikoa administrazio-bidean eta, beraren aurka, interesdunek gora jotzeko errekurtsoa aurkez diezaiokete Mugikortasun Jasangarriaren Azpiegituren sailburuordeari, hilabeteko epean, ebazpena jakinarazi edo argitaratu eta hurrengo egunetik aurrera. Errekurtsoa jartzeko idazkia organo honi edo Azpiegitura eta Mugikortasun Jasangarriaren sailburuordeari bidali beharko zaio.

Administrazio publikoek administrazioarekiko auzi-errekurtsoa aurkeztu ahal izango dute Euskal Autonomia Erkidegoko Auzitegi Nagusiko administrazioarekiko auzien salan, bi hilabeteko epean. Nolanahi ere, aldez aurretik errekerimendua egin ahal izango dute, Administrazioarekiko Auzien Jurisdikzioa arautu duen uztailaren 13ko 29/1998 Legearen 44. artikuluan zehaztutako moduan eta epean.

Guztiek jakin dezaten ematen da horren berri.

Bilbao, 2025eko uztailaren 15a.

Red Ferroviaria Vasca-Euskal Trenbide Sareko zuzendari nagusia,

ANTONIO LÓPEZ PALENZUELA.

Azterketa dokumentala