Euskal Herriko Agintaritzaren Aldizkaria

149. zk., 2025eko abuztuaren 8a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

3478

AGINDUA, 2025eko uztailaren 8koa, Hezkuntzako sailburuarena, Azpeitian (Gipuzkoa) dagoen «Azpeitiko Ikastola Karmelo Etxegarai» Haur eta Lehen Hezkuntzako Ikastetxearen izen espezifikoaren aldaketa onartzeko dena.

Abenduaren 29ko 3/2020 Lege Organikoak aldatutako Hezkuntzari buruzko maiatzaren 3ko 2/2006 Lege Organikoaren 111. artikuluan eta Euskal Autonomi Erkidegoan unibertsitateaz kanpoko ikastetxeen sarea antolatzeko eta planifikatzeko irizpideak ezartzen dituen otsailaren 3ko 21/2009 Dekretuaren 6. artikuluan (otsailaren 28ko 30/2023 Dekretuak aldatua) xedatutakoaren arabera, haur eta lehen hezkuntza eskaintzen duten ikastetxe publikoei haur eta lehen hezkuntzako ikastetxe deituko zaie. Bestalde, Hezkuntza, Hizkuntza Politika eta Kulturako sailburuaren 2016ko otsailaren 4ko Aginduak Euskal Autonomia Erkidegoko ikastetxeen izen orokorra eguneratzen du.

Hezkuntzarako Eskubidea arautzen duen uztailaren 3ko 8/1985 Lege Organikoaren 13. artikuluan ezartzen denez, ematen dituzten irakaskuntzei dagokien izen orokorraz gain, ikastetxeek izen espezifikoa izan behar dute.

Azpeitiako (Gipuzkoa) «Azpeitiko Ikastola Karmelo Etxegarai» Haur eta Lehen Hezkuntzako Ikastetxearen izen espezifikoa aldatzeko eskabidea aztertu da. Ikastetxe horretako Ordezkaritza Organo Gorenak erabaki zuen eskaera hori egitea 2025eko maiatzaren 29an, ikastetxearen autonomia-esparruko azken arduraduna den aldetik, Euskal Eskola Publikoari buruzko otsailaren 19ko 1/1993 Legearen 31. artikuluan ezarritakoaren arabera.

Espediente hori ezarritako prozeduraren arabera izapidetu da, indarreko arauek eskatzen dituzten agiriak erantsi zaizkio, eta horretan eskumena duen Hezkuntzako Ikuskaritzak aldeko txostena egin du, Jaurlaritzari buruzko ekainaren 30eko 7/1981 Legearen 26. artikuluak eta Hezkuntza Sailaren egitura organikoa eta funtzionala ezartzen duen otsailaren 23ko 71/2021 Dekretuaren 4. artikuluak esleitutako eskumenak baliatuz.

EBAZTEN DUT:

Artikulu bakarra.– Azpeitian (Gipuzkoa) dagoen «Azpeitiko Ikastola Karmelo Etxegarai» Haur eta Lehen Hezkuntzako Ikastetxearen izen espezifikoa aldatzea onartzea; aurrerantzean, «Izarraizpe Ikastola Publikoa» Haur eta Lehen Hezkuntzako Ikastetxea izango du izena, eta EAEko Unibertsitateaz kanpoko Ikastetxeen Erregistroan inskribatuko da datu hauekin:

Ikastetxearen kodeak: 012320 (EAE) eta 20000636 (unibertsala)

Izen orokorra: Haur eta Lehen Hezkuntzako Ikastetxea

Izen espezifikoa: «Izarraizpe Ikastola Publikoa»

Helbidea: Euskalherria 50

Udalerria: Azpeitia

Lurralde Historikoa: Gipuzkoa

AZKEN XEDAPENA

Agindu honen aurka aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2025eko uztailaren 8a.

Hezkuntzako sailburua,

MARÍA BEGOŃA PEDROSA LOBATO.

Azterketa dokumentala