Euskal Herriko Agintaritzaren Aldizkaria

149. zk., 2025eko abuztuaren 8a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LEHENDAKARITZA

3472

17/2025 DEKRETUA, uztailaren 28koa, lehendakariarena, Lan Harremanen Kontseiluko kideak aldatzeko dena.

Lan Harremanen Kontseiluari buruzko otsailaren 23ko 4/2012 Legearen 5. artikuluak ezarritakoaren arabera, lehendakariaren eskumena da sindikatuen erakunde eta konfederazioek eta enpresen konfederazioek kontseiluan dituzten kideak izendatzea, erakunde horiek beren ordezkariak aukeratu ondoren; bestalde, lege horren 6. artikuluaren arabera, kontseiluko kideen agintaldia bi urterako izango da, baina, hala ere, berriro ere aukeratu ahal izango dira.

Agintaldia bi urtekoa izan arren, otsailaren 23ko 4/2012 Legearen 6.2 artikuluak sindikatuen erakunde eta konfederazioei eta enpresen konfederazioei aukera ematen die kide titularrak edo ordezko kideak aukeratu dituzten pertsonak aldatzeko.

Aipatutako lege-gaikuntzarekin bat etorriz, Unión General de Trabajadores de Euskadi (UGT) sindikatuak lehendakariaren ekainaren 19ko 17/2024 Dekretuaren bidez izendatutako bi pertsona aldatu ditu, eta aukeraketa berriak egitea erabaki du.

Horren ondorioz, hau

XEDATZEN DUT:

1. artikulua.– Alberto Elosúa Alvarado jauna Lan Harremanen Kontseiluko kide ordezkoa izendatzea, Unión General de Trabajadores de Euskadi (UGT-Euskadi) erakunde sindikalak aukeratu ondoren, Arantza Niño Nuñez andrearen ordez.

2. artikulua.– Euskal Herriko Agintaritzaren Aldizkarian argitaratzen den egunean bertan izango ditu ondorioak dekretu honek.

Vitoria-Gasteizen, 2025eko uztailaren 28an.

Lehendakaria,

IMANOL PRADALES GIL.

Azterketa dokumentala