Euskal Herriko Agintaritzaren Aldizkaria

136. zk., 2025eko uztailaren 18a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

3159

AGINDUA, 2025eko ekainaren 26koa, Hezkuntzako sailburuarena, «Egibide-Arriaga» Bigarren Hezkuntzako ikastetxe pribatua eta «Egibide-Nieves Cano» Bigarren Hezkuntzako ikastetxe pribatua irekitzeko eta abian jartzeko baimena ematen duena, «Egibide» Bigarren Hezkuntzako ikastetxe pribatua bereizteagatik, aurreko guztiak Vitoria-Gasteiz udalerrian kokatutak daudelarik; eta «Egibide» Bigarren Hezkuntzako ikastetxe pribatuari emandako baimena aldatzen duena, baimendutako unitate-kopurua murriztu eta izen espezifikoa aldatu delako.

Vitoria-Gasteizko (Araba) «Egibide» Bigarren Hezkuntzako ikastetxe pribatua banantzeagatik, «Fundación Diocesanas-Jesús Obrero Fundazioa» eta «Egibide Nieves Cano» Bigarren Hezkuntzako ikastetxe pribatua irekitzeko eta abian jartzeko baimena emateko, eta azken horren baimena aldatzeko, baimendutako unitate-kopurua murriztu eta izen espezifikoa aldatzeko, «Fundación Diocesanas-Jesús Obrero Fundazioa» erakundeak eskatuta hasitako espedienteak aztertu dira.

Espedienteak ezarritako prozeduraren arabera izapidetu dira, indarreko arauek eskatzen dituzten agiriak erantsi zaizkie, eta arlo horretan eskumena duten erakundeek txostenak eman dituzte.

Arau hauek aztertu dira: 8/1985 Lege Organikoa, uztailaren 3koa, Hezkuntzarako Eskubidea arautzen duena; 2/2006 Lege Organikoa, maiatzaren 3koa, Hezkuntzari buruzkoa, abenduaren 29ko 3/2020 Lege Organikoak aldatua; 332/1992 Errege Dekretua, apirilaren 3koa, unibertsitateaz kanpoko araubide orokorreko irakaskuntzak emateko baimenak ikastetxe pribatuei emateari buruzkoa, otsailaren 12ko 131/2010 Errege Dekretuak aldatua; 132/2010 Errege Dekretua, otsailaren 12koa, Haur Hezkuntzako bigarren zikloko, Lehen Hezkuntzako eta Bigarren Hezkuntzako irakaskuntzak ematen dituzten ikastetxeen gutxieneko baldintzak ezartzen dituena; eta gai horretan aplikatzekoak diren gainerako legeak. Horiek horrela, honako hau

EBAZTEN DUT:

Lehenengoa.– «Egibide» Bigarren Hezkuntzako ikastetxe pribatua banantzeagatik, «Egibide-Arriaga» Bigarren Hezkuntzako ikastetxe pribatua irekitzeko eta abian jartzeko baimena ematea. Ikastetxe hori, 2025eko irailaren 1etik aurrera, Euskal Autonomia Erkidegoko unibertsitateaz kanpoko ikastetxeen erregistroan inskribatuko da, erregistro-datu hauekin:

Ikastetxearen kodeak: 010778 (EAE) eta 01007920 (unibertsala).

Izen generikoa: Bigarren Hezkuntzako Ikastetxe Pribatua.

Izen espezifikoa: «Egibide-Arriaga».

Titularra: «Fundación Diocesanas-Jesús Obrero Fundazioa»

Helbidea: Pozoa, z/g.

Udalerria: Vitoria-Gasteiz.

Lurralde Historikoa: Araba.

Baimendutako irakaskuntzak:

– Derrigorrezko Bigarren Hezkuntza: 14 unitate, bakoitza 30 ikaspostutarako edukierarekin.

– Batxilergoa: 2 unitate, bakoitza 35 ikaspostutarako, eta honako modalitate hau:

• Zientziak eta Teknologia.

– Hezkuntza Berezia: Zereginen Ikaskuntzarako 2 gela.

Bigarrena.– «Egibide» Bigarren Hezkuntzako ikastetxe pribatua bereizteagatik, «Egibide-Nieves Cano» Bigarren Hezkuntzako ikastetxe pribatua irekitzeko eta abian jartzeko baimena ematea. 2025eko irailaren 1etik aurrera, ikastetxe hori Euskal Autonomia Erkidegoko unibertsitateaz kanpoko ikastetxeen erregistroan inskribatuko da, erregistro-datu hauekin:

Ikastetxearen kodeak: 010779 (EAE) eta 01007944 (unibertsala).

Izen generikoa: Bigarren Hezkuntzako Ikastetxe Pribatua.

Izen espezifikoa: «Egibide-Nieves Cano».

Titularra: «Fundación Diocesanas-Jesús Obrero Fundazioa»

Helbidea: Nieves Cano, 10.

Udalerria: Vitoria-Gasteiz.

Lurralde Historikoa: Araba.

Baimendutako irakaskuntzak:

– Derrigorrezko Bigarren Hezkuntza: 12 unitate, bakoitza 30 ikaspostutarako edukierarekin.

– Batxilergoa: 4 unitate, bakoitza 35 ikaspostutarako, eta honako modalitate hau:

• Zientziak eta Teknologia.

Hirugarrena.– Bereizketa horren ondorioz, baimena ematea «Egibide» Bigarren Hezkuntzako ikastetxe pribatuari baimendutako unitate-kopurua aldatzeko, bai eta izen espezifikoa aldatzeko ere. 2025eko irailaren 1etik aurrera, ikastetxe hori Euskal Autonomia Erkidegoko unibertsitateaz kanpoko ikastetxeen erregistroan inskribatuta geratuko da, erregistro-datu hauekin:

Ikastetxearen kodeak: 010663 (EAE) eta 01007713 (unibertsala).

Izen generikoa: Bigarren Hezkuntzako Ikastetxe Pribatua.

Izen espezifikoa: «Egibide-Jesús Obrero».

Titularra: «Fundación Diocesanas-Jesús Obrero Fundazioa»

Helbidea: Frantzia, 32.

Udalerria: Vitoria-Gasteiz.

Lurralde Historikoa: Araba.

Baimendutako irakaskuntzak:

– Derrigorrezko Bigarren Hezkuntza: 24 unitate, bakoitza 30 ikaspostutarako edukierarekin.

– Batxilergoa: 18 unitate, bakoitza 35 ikaspostutarako edukierarekin, eta hurrengo banakapena modalitateen arabera,

• Zientziak eta Teknologia: 8 unitate;

• Humanitateak eta Gizarte Zientziak: 8 unitate;

• Orokorra: 2 unitate.

Laugarrena.– Hezkuntzarako Eskubidea arautzen duen uztailaren 3ko 8/1985 Lege Organikoaren hamahirugarren artikuluan ezarritakoaren arabera, ikastetxeek ezin izango dute beren burua identifikatzeko beren erregistro-inskripzioetan agertzen direnez bestelako izendapenik erabili.

Bosgarrena.– Hezkuntza Administrazioari zuzendutako eskabide edo komunikazio guztietan, dokumentazio propioan eta ikastetxeari buruzko publizitatean, hori egiteko bidea edozein dela ere, ikastetxearen erakunde titularrak izen generikoa, espezifikoa eta ikastetxearen kodea erabili beharko ditu, erregistro-inskripzioan jasotako datuen arabera.

Halaber, ikastetxearen publizitateak estatuz kanpoko ikastetxeen izenak eta publizitatea arautzen dituen otsailaren 13ko 401/1979 Errege Dekretuaren 10. artikuluan xedatutakoa bete beharko du.

Seigarrena.– Agindu honetan zehaztutako ikastetxeen erakunde titularrak indarrean dagoen araudia bete beharko du ikaspostuen kopuruari, ekipamenduari, irakasleen titulazio akademikoari eta hizkuntza-eskakizunari eta aplikagarri den indarreko gainerako legeriari dagokienez, eta baimena berrikusteko eskatu beharko du, bere legezko ordezkariaren bitartez, ikastetxeko erregistro-datuetako edozein aldatu behar denean. Bestela, emandako baimena baliogabetuko litzateke.

Era berean, ikastetxeek martxoaren 17ko 314/2006 Errege Dekretuak onartutako Eraikuntzaren Kode Teknikoa bete behar dute, bai eta indarrean dagoen legerian adierazten diren higiene-, osasun-, akustika-, bizigarritasun-, segurtasun- eta irisgarritasun-baldintzak ere. Baldintza horiek ez betetzearen erantzukizuna zentroaren erakunde titularrari dagokio.

AZKEN XEDAPENETAKO LEHENENGOA

Agindu honetan dagoen baimen-emateak ez du esan nahi hezkuntza-itunen araubidearen bitartez dirulaguntzarik lortuko denik.

AZKEN XEDAPENETAKO BIGARRENA

Agindu honen aurka, aukerako berraztertzeko errekurtsoa aurkez dakioke hezkuntzako sailburuari, hilabeteko epean, agindua euskal herriko agintaritzaren aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke euskal autonomia erkidegoko auzitegi nagusian, bi hilabeteko epean, agindua euskal herriko agintaritzaren aldizkarian argitaratu eta hurrengo egunetik aurrera.

Vitoria-Gasteiz, 2025eko ekainaren 26a.

Hezkuntzako sailburua,

MARÍA BEGOŃA PEDROSA LOBATO.

Azterketa dokumentala