Euskal Herriko Agintaritzaren Aldizkaria

132. zk., 2025eko uztailaren 14a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

OGASUN ETA FINANTZA SAILA

3111

EBAZPENA, 2025eko apirilaren 11koa, Finantza Politika eta Gizarte Aurreikuspeneko zuzendariarena, Entidad de Previsión Social Voluntaria Indiferenciada sin Actividad Aseguradora de Gallarta erakundearen esku-hartzea erabakitzeko dena.

Erakundeari behin baino gehiagotan eskatutako informazioa jaso ez denez, erakunde horretako kode batekin bilera egin zen. Horretan, jakinarazi zuen BGAEaren egonkortasuna arriskua jar ditzaketen gabezia ekonomiko eta administratibo larriak daudela.

EBAZTEN DUT:

1.– 2025eko apirilaren 11n Entidad de Previsión Social Voluntaria Indiferenciada sin Actividad Aseguradora de Gallarta erakundearen esku-hartzea erabakitzea.

2.– BGAEaren kontu-ikuskari izendatzea Finantza Politikako Zuzendaritzako funtzionario hauek:

• José Antonio Iturrioz Uzkudun jauna.

• Luis Carlos Izquierdo Goikoetxea jauna.

• Izaskun Txarroalde Etxeandia Andrea.

3.– Kontu-ikuskarien jarduketa BGAEen 5/2012 Legearen 65. artikuluaren eta urriaren 27ko 203/2015 Dekretuko IV. kapituluaren arabera gauzatuko dira.

4.– Aldaketa hori Euskadiko Borondatezko Gizarte Aurreikuspeneko Erakundeen Erregistroan inskribatzea.

5.– Ebazpen hau Euskal Herriko Agintaritzaren Aldizkarian argitara dadila agintzea.

6.– Ebazpen honen berri ematea erakundeari, Administrazio Publikoen Administrazio Prozedura Erkidearen urriaren 1eko 39/2015 Legearen 40. artikulua betez, behar bezala jakin eta dagozkion ondorioak izan ditzan. Halaber, jakinaraztea ebazpen honek ez diola amaierarik ematen administrazio-bideari, eta gora jotzeko errekurtsoa jar daitekeela Eusko Jaurlaritzako Ogasun eta Finantza Saileko Finantza Politikako eta Aurrekontuetako sailburuordearen aurrean, hau jasotzen den egunaren hurrengo egunetik hasita hilabeteko epean, egokitzat jotzen den beste edozein errekurtso jartzeko aukera eragotzi gabe.

Vitoria-Gasteiz, 2025eko apirilaren 11.

Finantza Politikako eta Gizarte Aurreikuspeneko zuzendaria,

ARANTZA LARRAURI ARANGUREN.

Azterketa dokumentala