RSS
129. zk., 2025eko uztailaren 9a, asteazkena
- Bestelako formatuak:
- PDF (99 KB - 2 orri.)
- EPUB (107 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
HEZKUNTZA SAILA
3056
AGINDUA, 2025eko uztailaren 4koa, Hezkuntzako sailburuarena, zeinaren bidez aldatzen baita 2023ko maiatzaren 5eko Agindua, Euskal Autonomia Erkidegoko Maisu-Maistren kidegoko irakasle funtzionarioen estatu-mailako lekualdatze-lehiaketaren behin betiko esleipena argitaratzen duena.
2023ko maiatzaren 5eko Aginduaren bidez, argitara eman zen Euskal Autonomia Erkidegoko maisu-maistren kidegoko irakasle funtzionarioen estatu-mailako lekualdatze-lehiaketaren behin betiko esleipena. Lehiaketa horren deialdia Hezkuntzako sailburuaren 2022ko urriaren 7ko Aginduaren bidez egin zen (2022ko urriaren 14ko EHAA).
Nuria Jiménez Manjarres andreak administrazioarekiko auzi-errekurtsoa jarri zuen aipatutako aginduaren aurka, Administrazioarekiko Auzien Donostiako 2. Epaitegiak errekurtso hori baietsi egin zuen, 2025eko martxoaren 20ko epaian.
Hezkuntzako sailburuaren 2025eko maiatzaren 13ko Aginduaren bidez, xedatzen da bete dadila Donostiako Administrazioarekiko Auzien 2 zenbakiko Epaitegiak emandako 50/2025 Epai hori, Nuria Jiménez Manjarres andreak aurkeztutako 402/2023 prozedura laburtuan eman zena.
Aipatutako epaia betez, lekualdatze-lehiaketan destinoa esleitzeko eskubidea aitortzen da, zehazki Pasaiako Karmengo Ama-Virgen del Carmen IPI ikastetxean, «Pedagogia Terapeutikoa» espezialitatean, 2. hizkuntza-eskakizuna.
Horregatik guztiagatik, eta eman zaizkidan eskumenak erabiliz, honako hau
EBAZTEN DUT:
Lehenengoa.– Aldatzea Hezkuntzako sailburuaren 2023ko maiatzaren 5eko Aginduan jasotako lekualdatze-lehiaketaren behin betiko ebazpena. Agindu horren bidez, argitara ematen da Euskal Autonomia Erkidegoko maisu-maistren kidegoko irakasle funtzionarioen estatu-mailako lekualdatze-lehiaketaren behin betiko esleipena. Honela aldatu behar da:
– Behin betiko destinoa esleitzen zaio Nuria Jiménez Manjarres andreari Pasaiako Karmengo Ama-Virgen del Carmen IPI 20003261n, pedagogia terapeutikoko 60 espezialitatean, 2. hizkuntza-eskakizuna.
– Esleitutako destinoa baliogabetzea, eta Mari Carmen Lloret Almonacid andreari destino hori galdu duela deklaratzea, errekurritutako Aginduaren bidez, Karmengo Ama-Karmengo Ama IPI ikastetxean (pedagogia terapeutikoko espezialitatea 60, 2. hizkuntza-eskakizuna).
Bigarrena.– Nuria Jiménez Manjarres andrea izendatzen da, 2025eko irailaren 1etik aurrerako ondorio ekonomiko eta administratiboekin, eta jatorrizko ikastetxeko kargu-uzteak 2025eko abuztuaren 31ko ondorioak izango ditu.
Eskatutako baldintzak betetzen ez dituen lanpostu bat betetzeko destinatu badute, izendapena deuseztatu egingo da.
Ebazpen honetan lortutako plazari ezin zaio uko egin.
Hirugarrena.– Mari Carmen Lloret Almonacid behin-behineko destinoan geratzen da, epaia betearaztearen ondorioz behin betiko destinoa galdu duelako, 2025eko irailaren 1etik aurrerako ondorioekin.
Laugarrena.– Mari Carmen Lloret Almonacid andreak Hezkuntza Sailak deitzen dituen lekualdatze-lehiaketetan parte hartu beharko du, behin betiko destinoa lortu arte, eta ez du ikastetxe, herri edo barruti baterako lehentasun-eskubiderik izango.
Behin betiko destinoa lortzen ez duen bitartean, behin-behineko destinoko egoeran geratuko da Gipuzkoako Lurralde Historikoan, eta ikasturte-hasierako destinoen esleipen-ekitaldietan parte hartu beharko du Gipuzkoako Lurralde Historikoan behin-behineko destino bat lortzeko.
Vitoria-Gasteiz, 2025eko uztailaren 4a.
Hezkuntzako sailburua,
MARÍA BEGOÑA PEDROSA LOBATO.