Euskal Herriko Agintaritzaren Aldizkaria

121. zk., 2025eko ekainaren 27a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HERRI KONTUEN EUSKAL EPAITEGIA

2884

ERABAKIA, Herri Kontuen Euskal Epaitegiaren Osoko Bilkurak 2025eko apirilaren 10eko bilkuran hartua Elgetako Udalaren 2022ko ekitaldirako fiskalizazio txostena, behin betiko onesten duena.

Herri Kontuen Euskal Epaitegiaren Osoko Bilkurak 2025eko apirilaren 10ean egindako bilkuran

ERABAKI DU:

Elgetako Udalaren 2022ko ekitaldirako fiskalizazio txostena behin betiko onestea; txostena Erabaki honen eranskin modura jaso da.

HKEEren 1/1988 Legearen 13.2 artikuluak aurreikusitakoa betez, txostenaren ondorioak dagozkion aldizkari ofizialetan argitaratzeko xedatzea.

Vitoria-Gasteiz, 2025eko apirilaren 10a.

HKEEko lehendakaria,

ANA HELGUERA LÍBANO.

HKEEko idazkari nagusia,

JULIO ARTETXE BARKIN.

ERANSKINA

ELGETAKO UDALAREN 2022KO EKITALDIKO FISKALIZAZIO TXOSTENA

Laburdurak.

ABBP: Administrazioko Baldintza Berezien Plegua.

AEFILO: 2/2012 Lege Organikoa, apirilaren 27koa, Aurrekontuaren Egonkortasunari eta Finantzaren Iraunkortasunari buruzkoa.

BEZ: Balio Erantsiaren gaineko Zerga.

BGAE: Borondatezko Gizarte Aurreikuspeneko Erakundea.

EAE: Euskal Autonomia Erkidegoa.

EHJAN: Euskal Autonomia Erkidegoko Auzitegi Nagusia.

GAO: Gipuzkoako Lurralde Historikoaren Aldizkari Ofiziala.

GFA: Gipuzkoako Foru Aldundia.

GLH: Gipuzkoako Lurralde Historikoa.

GODG: Gastu orokorretarako diruzaintza geldikina.

HHS: Hiri-hondakin solidoak.

HLBGZ: Hiri Izaerako Lursailen Balio Igoeraren gaineko Zerga.

JEZ: Jarduera Ekonomikoen gaineko Zerga.

KPI: Kontsumorako Prezioen Indizea.

LPZ: Lanpostuen zerrenda.

OHZ: Ondasun Higiezinen gaineko Zerga.

TAOAL: 7/1985 Legea, Toki Araubidearen Oinarriak Arautzen dituena.

TMIZ: Trakzio Mekanikodun Ibilgailuen gaineko Zerga.

TTEE: Toki entitateak.

UFFF: Udal Finantzaketarako Foru Funtsa.

I.– Sarrera.

Herri Kontuen Euskal Epaitegiak berau arautzen duen otsailaren 5eko 1/1988 Legean eta Urteko Lanerako Programan erabakitakoari jarraikiz, Elgetako Udalaren 2022ko ekitaldiko Kontu Orokorraren fiskalizazio-txosten hau mamitu du.

Fiskalizazioak honako alderdi hauek besarkatzen ditu:

– Legezkoak: ezargarria den araudia honako alor hauetan betetzen dela egiaztatzea: aurrekontua, zorpetzea, eragiketa finantzarioak, pertsonala, obren kontratazioa, zerbitzuak eta hornidurak, dirulaguntzak eta laguntza publikoak ematea eta zuzenbide publikoko diru-sarrerak.

– Kontularitzakoak: Kontu Orokorra ezargarriak diren kontularitzako printzipioen arabera mamitu den aztertuko dugu.

Lanaren zabalak ez du jaso gastuaren eraginkortasun eta efizientziari buruzko azterlanik. Nolanahi den ere, aurkitu diren akatsak «Barne kontroleko sistemei eta kudeaketa prozedurei buruzko gogoetak» epigrafean azaldu dira xehetasunez.

Elgetako udalerriak 1.122 biztanle zituen 2022ko urtarrilaren 1ean. Udalak honako sozietate hauetan parte hartzen du: Deba Garaiko Berroneratzeko Hirigintza-Baltzua SA – Suradesa (% 8,7) eta Zubillaga Hiltegia SL (% 1,5).

Gainera, udalaz gaindiko entitate hauetako kide da:

– Debagoieneko Mankomunitatea, HHSak kudeatzen ditu.

– Bideberri Mankomunitatea, gizarte zerbitzuak ematen ditu.

– Udalerri Euskaldunen Mankomunitatea (UEMA) (euskalduntzea).

– Gipuzkoako Ur Partzuergoa, GFAri atxikia, uraren ziklo osoaren kudeatzen du.

Herri Kontuen Euskal Epaitegiaren otsailaren 5eko 1/1988 Legearen 13. artikuluan aurreikusitakoarekin bat etorriz, lan honen behin-behineko emaitzak 2025eko urtarrilaren 27an Elgetako udalari helarazi zitzaizkion, egindako fiskalizazioari dagokionez egoki iritzitako alegazioak egin eta agiriak aurkez zitzaten.

Alegazio guztiak aztertu eta baloratu dira, eta txosteneko testua ezabatu edo aldatu egin da komenigarri iritzi zaionean.

II.– Iritzia.

II.1.– Legea betetzeari buruzko iritzia.

Gure ustez, Iritziaren oinarria izeneko segidako atalean azaldutako ez-betetzeak alde batera utzita, Elgetako Udalak zuzentasunez bete du 2022. ekitaldian ekonomiaren eta finantzaren jarduera arautzen duen lege araudia.

II.2.– Urteko kontuei buruzko iritzia.

Gure ustez, segidako Iritziaren oinarria atalean deskribatutako auziek izan ditzaketen ondorioak alde batera, Elgetako Udalaren urteko kontuek, alderdi esanguratsu guztietan, 2022ko abenduaren 31n ondarearen eta finantza-egoeraren isla zuzena erakusten dute; baita, data horretan amaitutako urteko ekitaldiari dagozkion haren eragiketen eta eskudiruzko fluxuen emaitzena ere, ezargarria den finantza informazioaren arau-esparruaren arabera eta, zehazki, han jasotako kontularitzako eta aurrekontuko printzipioen eta irizpideen arabera.

III.– Iritziaren oinarria.

Gure lana Fiskalizazioaren oinarrizko printzipioen eta sektore publikora egokitutako Auditoretzako nazioarteko arauen arabera egin dugu.

Arau horien ondorioz gureak diren erantzukizunak aurrerago deskribatu ditugu Herri Kontuen Euskal Epaitegiaren Erantzukizuna atalean.

Elgetako Udalarekiko independenteak gara, otsailaren 5eko 1/1988 Legean eta fiskalizazio publikoko jarduera arautzen duen araudian eskatutakoaren arabera gure fiskalizazioari aplikagarriak zaizkion etikako eta independentzia babesteko eskakizunei jarraikiz.

Gure ustez, eskuratu dugun auditoretzako ebidentziak oinarri nahikoa eta egokia ematen du legezkotasuna betetzeari buruzko iritzia eta urteko kontuei buruzkoa emateko, biak ere salbuespendunak.

III.1.– Legea betetzeari buruzko iritziaren oinarria.

1.– Guztira 158.549 euroren gastuak gauzatu dira, aurrekontuko esleipena gaindituz. Ondoren, 2023ko martxoaren 28ko Osoko Bilkurak 2022ko ekitaldiko aurrekontuan kreditua aldatzeko bi espediente onartu ditu, 159.322 eurorenak, beharrezko kredituak sortzeko.

2.– Erabilera Anitzeko Herri Zentroaren erabilera eta gestiorako espedientean, 141.827 eurotan esleitutakoan, espedientearen lizitazioa ez da argitaratu kontratatzailearen profilean, bai, ordea, GAOn. Gainera, kontratazio-mahaia ez zen eratu, eta ez zuen esleipen-prozesuan ere esku hartu.

III.2.– Urteko kontuei buruzko iritziaren oinarria.

1.– Hona hemen Elgetako Udalaren Ondare Garbian eragina duten doiketak 2022ko abenduaren 31n:

(Ikus .PDF)

2.– Udalak ez dauka ibilgetu materialaren kontabilitate-saldoa osatzen duten elementuen xehetasunik: 5,7 milioi euro 2022ko abenduaren 31n. Urteko amortizazio-zuzkidurak ere ez ditu egiten eta emaitzetan erregistratzen dira dagozkion kapitalezko dirulaguntzak. Horregatik guztiagatik, ezin esan daiteke aktibo ez-korrontearen eta kapitalezko dirulaguntzen kontuko saldoek, guztira 1,5 milioi euro 2022ko abenduaren 31n, Udalaren ondasun eta eskubideen egiazko egoera islatzen duten.

IV.– Funtsezko gaiak edo alderdi garrantzitsuak.

Ondorioztatu dugu ez dagoela auditoretzan funtsezkoak diren auziak eragingo dituen eta gure txostenean jakinarazi beharrekoak diren arrisku esanguratsurik.

V.– Kudeaketa-, gobernu- eta zuzendaritza-organoen erantzukizuna.

Elgetako Udalaren idazkari-kontu hartzaileak Kontu Orokorra egiteko obligazioa du, eta Udalbatzako lehendakaria izango da kontu-emailea, hura baita urteko kontuek ondarearen, finantza-egoeraren, emaitzen eta aurrekontuaren exekuzioaren isla zuzena erakusteko arduraduna, aplikatzekoa den informazio finantzario publikoaren arau-esparruarekin bat etorriz (esparru hori memorietako oharretan identifikatzen da), bai eta beharrezkotzat jotzen duen barne-kontrolarekin bat etorriz ere, urteko kontuak iruzurraren edo akatsen ondorioz oker materialik gabe prestatu ahal izateko.

Aipatu Kontu Orokorra Udalbatzak 2023ko uztailaren 26an onartu zuen.

Gainera, erakundearen kudeaketa- eta gobernu-organoek bermatu behar dute ekitaldian zehar egindako jarduerak, aurrekontuko eta finantzako eragiketak eta urteko kontuetan jasotako informazioa bat datozela aplikagarriak zaizkien arauekin; berebat, egoki iritzitako barne-kontroleko sistema bat ezarri behar dute, gauzatutako jarduerak legezko ez-betetzerik ez duela bermatzeko.

VI.– Herri Kontuen Euskal Epaitegiaren erantzukizuna.

Gure helburua da arrazoizko segurtasun bat izatea adierazteko finantza-egoerek, oro har, ez dutela iruzur edo errore baten ondoriozko oker materialik eta kontu horietan jasotako jarduerak, aurrekontu- eta finantza-eragiketak eta informazioa bat datozela aplikagarria zaien araudiarekin, gure iritzia jasoko duen fiskalizazio-txosten bat egiteko helburuarekin.

Arrazoizko ziurtasuna izateak ziurtasun maila handia dagoela esan nahi du, baina ez du bermatzen kanpo kontroleko organoak arautzen dituen araudiaren arabera egindako fiskalizazioak beti akats materiala aurkituko duenik, halakorik dagoenean. Akatsak iruzur edo errore baten ondorio izan daitezke eta/edo legea ez betetzearen ondorio, eta materialtzat jotzen dira Epaitegi honen irizpideak aplikatuta, baldin eta arrazoiz aurreikus badaiteke txostenen erabiltzaileen erabakietan eragina izango dutela.

VII.– Barne kontrolerako sistemei eta kudeaketa prozedurei buruzko irizpenak.

Atal honetan jaso dira ekonomia eta finantza jarduera arautzen duten printzipioak betetzea nabarmen eragiten ez duten akatsak ez ezik, baita kudeaketa hobetzeko azpimarratu nahi diren prozedurazko alderdiak ere.

VII.1.– Aurrekontua eta kontabilitatea.

– 2022ko ekitaldirako Aurrekontu Orokorra 2021eko abenduaren 31 ostean onartu zen, aurrekontuko araudian ezarritako epeez kanpo.

– Elgetako Udalaren 2022ko ekitaldirako Aurrekontu Orokorrak ez du aurrekontu-plantillarik, eta pertsonaleko eranskin gisa haren LPZ jasotzen du.

– Udalaren 2022ko aurrekontuaren likidazioa 2023ko maiatzean onartu da; ordea, araudiak hurrengo ekitaldiko martxoaren 31 baino lehen onartu behar dela agintzen du.

– Udalbatzari ez zaio hiru hilean behin finantzaren eta aurrekontuaren gaineko informaziorik ematen, araudiak agintzen duen moduan.

– Kontu Orokorraren Memoriak ez du hurrengo urteetarako dituen gastu-konpromisoen berri ematen: 2013an ordainketa geroratuko lursail bat erosi izanaren ondorioz (115.000 euro) eta 10 urtetan kalte-ordain bat ordaindu behar izateagatik (234.000 euro). Gainera, OHZaren, EJZaren, IAEaren, HILBIZaren eta zaborra biltzeko tasaren diru-sarrerak kontabilizatzean kutxa-irizpidea aplikatzeak duen eraginaren berri eman beharko luke. Horniduren eta kontingentzien atalean aurreikusitako erretiro-sarien berri eman behar litzateke.

– Ekitaldi itxietako eskubideen baliogabetzeak, 47.405 eurorenak, ondare-kontabilitatean ekitaldiko diru-sarrerak murriztuta erregistratu ziren, aurreko ekitaldietako emaitzei egotzi beharrean.

– 5 urtetik gorako antzinatasuna duten ibilgetu-hornitzaileen kontuko saldoaren benetako galdagarritasuna –19.005 euro– berrikusi beharko luke Udalak.

– Udalak aurrekontuz kanpoko eragiketa gisa erregistratzen ditu 2018tik 2021era bitartean gizarte-zerbitzuen erakunde arteko funtsetik jasotako diru-sarrerak, 12.864 euro guztira.

VII.2.– Diru-sarrerak eta diru-bilketa.

– Ez dago tasa eta prezio publikoen likidazioak onartzeko alkatetzaren ebazpenik.

– 2022an, zorrak preskribatzeagatik kobratzeko zeuden 33.147 euroren ordainagiriak eta likidazioak baliogabetu ziren, zegokion organo eskudunak onartu gabe.

– Udalak aldian-aldian egiaztatu egin beharko luke, gutxienez urteko itxierarekin batera, kobratzeko dauden kontabilitate-saldoak bat datozen diru-sarrerak kudeatzeko aplikazioko saldoekin.

– Udalak, 2023ko maiatzean, GFAren zerga-bilketako agentzia exekutiboar HILBIZarengatik kobratzeko dituen 6.634 euroren ordainagiriaki bidali dizkio, 2022ko ekitaldiari dagozkionak. Alabaina, beste zerga-kontzeptu batzuengatik, tasengatik eta bestelako sarrerengatik kobratzeke dauden 16.033 euroren ordainagiriak, 2021eko eta 2022ko ekitaldietakoak, ez dira premiamendu bidez eskatu borondatezko kobrantza-aldia amaitzean.

VII.3.– Pertsonala.

– 2022rako LPZ berri bat eta horren nahitaezko publikotasuna onartzen duen Udalbatzaren 2021eko abenduko erabakiak ez ditu sortu diren 3 lanpostu berriak identifikatzen. Gainera, sortutako lanpostu berrietatik 2ren ordainsari-osagarriak ez dira justifikatu.

– 2022ko abenduaren 31n, 2015ean formalizatutako obra edo zerbitzu jakin baterako kontratu batek indarrean jarraitzen zuen, LPZn hutsik zegoen funtzionario lanpostu bati zegozkion zereginak betetzeko; egoera hori erregularizatu egin beharko litzateke.

– Urtarriletik azarora bitarteko nominei aplikatutako ordainsari-igoera ez zuen Udalbatzak abendura arte onartu.

– Bi aparteko pagetan oinarrizko ordainsari-kontzeptuengatik likidatutako zenbatekoak araudian ezarritakoak baino handiagoak dira.

VII.4.– Kontratazioa.

Espedienteak.

2021ean eta 2022an esleitu eta fiskalizatutako ekitaldian gauzatutako bi espediente berrikusi ditugu eta honako alderdi hauek hauteman dira:

– 173.097 euroan esleitutako bi espedienteetan honako akats hauek hauteman dira:

Kontratuak, okerbidez, administrazio-kontratu berezi gisa kalifikatu dira. Prestazioen izaera zerbitzu-kontratuenari dagokio.

Lizitazioaren oinarrizko aurrekontuak ez dira banakatu zuzeneko, zeharkako eta bestelako gastuak adierazita.

Esleipen-ebazpenak ez dira arrazoitzen esleipen-irizpideak oinarri hartuta, eta ez dute barne hartzen kontratuaren xede den jarduera betetzen duten langileei aplikatu beharreko hitzarmen kolektiboei buruzko informazioa.

– Desgaitasun intelektuala duten pertsonak gizarteratzeko sentsibilizazio-, garapen-, prestakuntza- eta partaidetza-programaren espedientean, 31.269 euroan esleitutakoan, honako akats hauek azaleratu dira:

Ez dago jasota kontratazio-mahaiaren aktarik, zeinetan kontratazio-organoari esleipen-proposamena egiten dionik.

Kontratatzailearen profilean argitaratutako informazioa osatu gabe dago: ez da argitaratu ez espedientea abiarazteko ebazpena, ez esleipenaren ebazpena, ez kontratuaren formalizazioa ere.

– Erabilera Anitzeko Herri Zentroaren erabilera eta gestiorako espedientean, 141.827 euroan esleitutakoan, honako akats hauek azaleratu dira:

Ez zen kontratuaren balio zenbatetsia ezarri.

ABBPk KPIari lotua dagoen prezioak berrikusteko klausula bat du, SPKLk onartzen ez duena. Gainera, 2022ko lehen seihilekorako egindako prezioak eguneratzea, 3.975 eurorena, ez zegoen aurreikusita administrazio-baldintza berezien pleguetan, ez baita urtebete igaro kontratua esleitu zenetik.

ABBPk aurreikusten du kontratistak eguneko zentroko plazen erabiltzaileen ekarpenak jasoko dituela, 28.916 euro 2022an, dagozkien zenbatekoak zehaztu gabe.

Espedientearen esleipena ez da kontratatzailearen profilean argitaratu, eta GAOn eta Udalaren webgunean argitaratu da.

Kontratua amaitzean, gauzatzen jarraitu da, ABBPn aurreikusitako luzapena formalizatu gabe.

Beste erosketa batzuk.

– Udalak erosketa txiki modura izapidetu ditu hornidurako bi kontratu, 71.400 euroren kostua izan dutenak; ordea, dagokion lizitazio-prozedura izapidetu behar zukeen, gutxienez, ireki sinplifikatu laburtua.

– Udalak ekitaldian zehar formalizatutako kontratu txikiak argitaratu beharko lituzke kontratatzailearen profilean.

– Udalak ez du argitaratu kontratatzailearen profilean energia elektrikoaren hornidurarako GFArekin egindako esparru-akordiotik eratorritako kontratua.

VII.5.– Transferentziak eta dirulaguntzak.

– Udalak ez ditu argitaratu dirulaguntzen emakiden ebazpenak.

– Hiru dirulaguntza izendun, 9.040 eurorenak, nahitaezko hitzarmen bidez edo egin beharreko jarduera zehazten duen ebazpen baten bidez arautu behar ziratekeen, Osoko Bilkurak onartutako aurrekontu-sailaren eta gastu-programaren deskribapenaren arabera. Halaber, ez da arautu beste laguntza batzuekiko bateragarritasuna, ezta justifikatzeko epea eta modua ere.

– 20.907 euroko dirulaguntza izendun baten justifikazioan, justifikatutako gastuek emandako udal-laguntza gainditzen badute ere, jarduerak sortutako gastu guztiak zehaztu beharko lirateke. Gainera, hitzarmen-arautzaileak luzapen automatikoko klausulak ditu, nahiz eta araudiak berariazko akordioak eskatzen dituen indarraldia luzatzeko.

VII.6.– Beste alderdi batzuk.

– Udalak ez du ondasunen inbentarioa gaurkotu.

– Gardentasunari, informazio publikoa eskuratzeko bideari eta gobernu onari buruzko abenduaren 9ko 19/2013 Legea zuzen betetzeko, Udalak webgunean argitaratu behar lituzke, besteak beste, urteko kontuei eta aurrekontuaren gauzatze-egoerari buruzko datu gaurkotuak. Gainera, kontratazio-prozedurei, emandako dirulaguntzei, indarreko hitzarmen eta kudeaketa-mandatuei, dedikazioa duten karguen ordainsariei eta ondorio juridikoak dituzten udal-organoen akordioei buruzko estatistikak argitaratu beharko lituzke.

– Udalerrian indarrean dauden Plangintzako Arau Subsidiarioak ez dira egokitu Lurzoruari eta Hirigintzari buruzko 2/2016 Legearen zehaztapenetara.

Txostenaren ondorioei egindako alegazioak.

VII.2.– Diru-sarrerak eta diru-bilketa.

– 2022an, zorrak preskribatzeagatik kobratzeko zeuden 33.147 euroren ordainagiriak eta likidazioak baliogabetu ziren, zegokion organo eskudunak onartu gabe.

Alegazioa.

Horrela da, preskripzioagatik bajak hauek barneratzen ditu:

– TMIZ, 8.255,50 euro.

– Zaborrak jasotzeagatik tasa, 12.420,22 euro.

– Plusbaliak, 1.153,40 euro.

– OHZ 2.333,60 euro.

– JEZ 1.552,36 euro.

– Isunak 120,00 euro.

– Ludotekako kuotak 30,00 euro.

– Gaztelekuko kuotak 75,00 euro.

– Kirol zerbitzuetako izen-emateak 25,00 euro.

– Obra baimenak emateagatik tasa 548,60 euro.

– Domeinu publikoko okupazioagatik tasa 1.426,49 euro.

– Udal mendi bideak erabiltzeagatik 740,25 euro.

– 2016ko V kapituluko sarrera, Kafe Antzokiaren emakidagatik ezin izan zen 5.590,20 euro kobratu, eta 2022an preskripzioagatik baja eman zitzaion.

Aipatutako baliogabetzeak preskribatutako ekitaldiei dagozkie, 2018a baino lehenagokoak baitira. 2012 eta 2013ko ordainagiriak ere badaude, Udalak «eskuz» egiten zituen ordainagiri jakin batzuk. Eskuz egindako ordainagiri horiek ez ziren Foru Ogasunera bidaltzen premiamendu bidez kobratzeko, ez baitzen Aldundiak onartutako formatu bat.

Ekitaldi bakoitzean, Elgetako Udalak Gipuzkoako Foru Aldundiari bidaltzen dizkio ohiko bidetik kobratu ezin izan diren ordainagiriak, foru erakundeak premiamendu bidez kobra ditzan.

Kasu askotan, Aldundiak berak ezin ditu ordainagiriak kobratu, eta, beraz, une horretan, Udalak ordainagiri horiek kobraezintzat jotzen ditu. Kontuan izan behar da Udala, bere zerbitzuekin, ez dela gai Foru Ogasunak premiamendu bidez jaso ezin izan duena biltzeko.

Zabor-bilketaren tasaren kasuan, Gipuzkoako Ur Kontsortzioak du eskuordetua tasa hori kobratzeko ahalmena. Kontsortzioak, ohiko bidetik bildu ezin badu, Foru Ogasunera bidaltzen du premiamendu bidez kobratzeko. Era berean, Foru Ogasunak premiamendu-bidean bilketarik egin ezin badu, Kontsortzioak egoera horren berri ematen digu, eta, beraz, berdin jokatzen da.

Horregatik, jasota utzi nahi dugu ia ezinezkoa dela Udalak, bere kabuz, Gipuzkoako Foru Ogasunak bildu ezin izan dituen diru-kopuruak biltzea. Udalaren irizpidea da, kasu horietan, ordainagiri horiek deuseztagarritzat hartzea.

Kontuan hartzeko arrazoia da kreditu horiek kobragarritzat mantentzeak udalaren kontuetan distortsioa dakarrela; izan ere, kasu horretan kobragarritzat jotzen dira Udalak kobratzeko moduan egongo ez diren kreditu batzuk. Udalaren benetako ekonomia- eta finantza-egoera ez litzateke islatuko.

Kontuan izan behar da, halaber, 33.147,30 euroko ordainagiri horiek baliogabetzeak ez duela inolako eragin ekonomikorik izan Udalaren egoera ekonomikoan, geroko ekitaldi bakoitzeko jasangarritasunari eta finantza-egonkortasunari buruzko txostenetatik ondoriozta daitekeenez.

33.147,30 euroko ordainagiriak baliogabetzeko erabakian, erabilitako prozedura edozein izanda ere, zuhurtziaren irizpidea erabili zen, oso zaila edo ezinezkoa izan zitekeen diru-sarrera batzuk ez islatzeko, errealitatearekin errukitzen ez zen egoera bat islatzen zutenak bait ziren.

Azterketa dokumentala