Euskal Herriko Agintaritzaren Aldizkaria

120. zk., 2025eko ekainaren 26a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

URAREN EUSKAL AGENTZIA

2877

IRAGARKIA, zeinaren bidez «Muxika-Ebar Ajangiz saneamenduko kolektore nagusia eraikitzeko proiektua» eta haren ingurumen-inpaktuaren azterketa jendaurrean jartzen baitira.

Uraren Euskal Agentziako zuzendari nagusiaren Ebazpenaren bidez, hasieran onartu zen «Muxika-Ebar Ajangiz saneamenduko kolektore nagusia eraikitzeko proiektua» eta haren ingurumen-inpaktuaren azterketa.

Proiektuaren xedea Muxika eta Ajangiz udalerrien artean kolektorea egitea da, Muxikako zenbait auzotako eta Arane industrialeko industria-eremuetako hondakin-urak biltzen dituzten kolektore eta bigarren mailako adar batzuk eta Gernika-Bermeo eta Muxika-Mungia errepideen arteko bidegurutzean dagoena barne hartuta, baita bi ponpaketa-estazio ere, bata sare nagusian eta bestea Arane industrialeko isuria kolektorera sartzeko. Sare hori eginda, Muxikako hondakin-urak Lamiarango HUAra bideratu eta garraiatuko dira.

Ingurumen-inpaktuaren ebaluazioa egin behar zaio proiektuari, eta Uraren Euskal Agentziako zuzendaria da hura onartzeko eskumena duen organoa.

Euskadiko Ingurumen Administrazioaren abenduaren 9ko 10/2021 Legearen 77. artikuluaren arabera, ingurumen-inpaktuaren ebaluazio arrunta behar duten proiektuak jendaurrean jarriko dira haien ingurumen-inpaktuaren azterketarekin batera.

Horretarako, proiektua eta haren ingurumen-inpaktuaren azterketa jendaurrean jarriko dira hogeita hamar (30) egun balioduneko epean, iragarki hau argitaratu eta hurrengo egunetik aurrera, egoki iritzitako alegazioak aurkezteko.

Obren proiektua eta ingurumen-inpaktuaren azterketa interesdunen eskura egongo dira haren webgunean (www.uragentzia.euskadi.eus).

Vitoria-Gasteiz, 2025eko ekainaren 13a.

Uraren Euskal Agentziako zuzendari nagusia,

ASIER LOPEZ ETXEBARRIA.

Azterketa dokumentala