Euskal Herriko Agintaritzaren Aldizkaria

105. zk., 2025eko ekainaren 5a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

INDUSTRIA, TRANTSIZIO ENERGETIKO ETA JASANGARRITASUNAREN SAILA

2490

IRAGARKIA, Ingurumen Administrazioko zuzendariarena, zeinaren bidez jendaurrean jartzen baita Estampaciones Metálicas Egui SA enpresak aurkeztu duen proiektu teknikoa estanpazioan, soldaduran eta pinturan espezializatutako automobilgintzarako txapazko osagaien fabrikaziorako, Ermuko (48260, Bizkaia) Mallabia errepideko Urtia industrialdean (1,7 km).

Euskadiko Ingurumen Administrazioaren abenduaren 9ko 10/2021 Legeak ingurumen-baimen integratuaren araubidea aplikatu beharra ezartzen du I.A eranskinean jasotako jardueraren bat garatzen duten titulartasun publiko edo pribatuko jarduerak eta instalazioak ustiatzen badira.

Abenduaren 9ko 10/2021 Legearen 36. artikuluak adierazten duenez, aurkeztutako dokumentazioa osorik dagoela ikusi ondoren, Euskal Herriko Agintaritzaren Aldizkarian eta Eusko Jaurlaritzako egoitza elektronikoan iragarrita, instalazioaren edo jardueraren proiektua jendaurrean jarriko da hogeita hamar egun baliodunetarako.

Adierazitako guztiagatik, AAI00469_SOL_2024_001 espedientea jendaurrean jarriko da hogeita hamar egun balioduneko epean, iragarki hau Euskal Herriko Agintaritzaren Aldizkarian argitaratu eta hurrengo egunetik aurrera, egoki iritzitako alegazioak eta oharrak aurkez daitezen.

Jendaurreko izapidean jarriko den instalazio-espedientea Eusko Jaurlaritzako egoitza elektronikoko iragarki-taula elektronikoan (https://www.euskadi.eus/iragarki-taula-elektronikoa/) argitaratuko da, jendeak eskura izan dezan.

Vitoria-Gasteiz, 2025eko maiatzaren 26a.

Ingurumen Administrazioko zuzendaria,

NICOLAS GARCIA-BORREGUERO URIBE.

Azterketa dokumentala