Euskal Herriko Agintaritzaren Aldizkaria

100. zk., 2025eko maiatzaren 29a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ONGIZATE, GAZTERIA ETA ERRONKA DEMOGRAFIKOAREN SAILA

2321

AGINDUA, 2025eko maiatzaren 14koa, Ongizate, Gazteria eta Erronka Demografikoaren sailburuarena, apirilaren 16ko 48/2024 Dekretuak, emakumeen aurkako indarkeria matxistaren ondorioz hildako biktimen seme-alaba umezurtzentzako dirulaguntza arautzen duenak, aurreikusitako laguntzarako esleitutako zuzkidura argitara ematen duena.

Apirilaren 16ko 48/2024 Dekretuak emakumeen aurkako indarkeria matxistaren ondorioz hildako biktimen seme-alaba umezurtzentzako laguntza ekonomikoa arautzen du (2024ko maiatzaren 21eko EHAA, 98. zk.), eta 15.2 artikuluan ezarri duenez, «Gizarte-zerbitzuen arloko eskumena duen sailburuaren agindu baten bidez, zeina Euskal Herriko Agintaritzaren Aldizkarian argitaratuko baita, Euskal Autonomia Erkidegoko Aurrekontu Orokorretan dekretu honetan aurreikusitako laguntzetarako esleitu den urteko zuzkidura jakinaraziko da».

Lehendakariaren 18/2024 Dekretuak, ekainaren 23koak, Euskal Autonomia Erkidegoko Administrazio Orokorreko sailak sortu, ezabatu eta aldatu ditu eta horien egitekoak eta jardun-arloak finkatu, eta 15. artikuluko d) apartatuan adierazten duenez, Ongizate, Gazteria eta Erronka Demografikoaren Sailari dagokio komunitate-garapenari, gizarte-ongizateari eta gizarte-zerbitzuei buruzko jardun-arloa.

Eta Ongizate, Gazteria eta Erronka Demografikoaren Sailaren egitura organikoa eta funtzionala ezartzen duen urriaren 29ko 320/2024 Dekretuaren 11. artikuluko m) apartatuan adierazten denez, Bizitza Beterako Laguntzen Zuzendaritzari eginkizun hauek dagozkio: «Emakumeen aurkako indarkeria matxistaren biktimen seme-alaba umezurtzentzako dirulaguntzak eta sexu-indarkeriaren biktimentzako laguntza ekonomikoak kudeatu, ebatzi eta ordaintzea, salbu eta berariazko araudiak eginkizun horietakoren bat beste organo bati esleitzen badio».

Bestalde, laguntza ekonomiko hori, batetik, Dirulaguntzen Araubidea Erregulatzen duen abenduaren 21eko 20/2023 Legeak (2023ko abenduaren 29ko EHAA, 247. zk.) xedatutakoaren mende dago, lege hori 2023ko abenduaren 30ean sartu baitzen indarrean, eta, bestetik, Ongizate, Gazteria eta Erronka Demografikoaren Sailaren Dirulaguntzen Plan Estrategikoaren barruan sartzen da, zeina Ongizate, Gazteria eta Erronka Demografikoaren sailburuaren 2025eko otsailaren 21eko Aginduak onartu baitzuen, 2025-2028 aldirako Dirulaguntzen Plan Estrategikoa onestekoa bera.

Ondorioz, honako hau

EBAZTEN DUT:

Artikulu bakarra.– Publizitate-printzipioa betetze aldera, adierazten da ezen, 2025eko ekitaldian, zenbateko hau bideratuko dela apirilaren 16ko 48/2024 Dekretuak, emakumeen aurkako indarkeria matxistaren ondorioz hildako seme-alaba umezurtzentzako laguntza ekonomikoa arautzen duenak, aurreikusitako laguntzak finantzatzeko: 421.200 euro. Era berean, hurrengo urteetarako konpromiso-kreditu hauek ezartzen dira: 2026, 100.000 euro; 2027, 50.000 euro; 2028, 50.000 euro; 2029, 50.000 euro; 2030, 50.000 euro; 2031, 50.000 euro; 2032, 50.000 euro; 2033, 50.000 euro; 2034, 50.000 euro; 2035, 50.000 euro.

AZKEN XEDAPENETAKO LEHENENGOA

Agindu honek amaiera ematen dio administrazio-bideari, eta, beronen aurka, aukerako berraztertzeko errekurtsoa aurkez dakioke Ongizate, Gazteria eta Erronka Demografikoaren sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke zuzenean, Euskal Autonomia Erkidegoko Auzitegi Nagusiko Administrazioarekiko Auzien Salan, bi hilabeteko epean, agindua egunkari ofizial berean argitaratu eta hurrengo egunetik aurrera.

AZKEN XEDAPENETAKO BIGARRENA

Agindu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

Vitoria-Gasteiz, 2025eko maiatzaren 14a.

Ongizate, Gazteria eta Erronka Demografikoaren sailburua,

NEREA MELGOSA VEGA.

Azterketa dokumentala