Euskal Herriko Agintaritzaren Aldizkaria

98. zk., 2025eko maiatzaren 27a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

HEZKUNTZA SAILA

2269

EBAZPENA, 2025eko maiatzaren 19koa, Langileriaren Kudeaketa zuzendariarena, Hezkuntza Saileko hezkuntzako lan-kontratudun langileen kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen zerrenda argitaratzen duena, langileok deialdian eskatutako baldintzak betetzen dituztelako, eta dagozkien lan-kontratuak formalizatzeko epea ezartzen duena.

Hezkuntzako sailburuaren 2022ko abenduaren 20ko Aginduak (2022ko abenduaren 29ko EHAA), enplegua egonkortzeko salbuespenezko prozesurako oinarriak onartu zituen, Hezkuntza Saileko hezkuntzako lan-kontratudun langileen kategorietako lanpostuak modu finkoan betetzeko.

Hezkuntzako sailburuaren 2022ko abenduaren 20ko Agindu horren bidez, hezkuntza-administrazioaren zerbitzuko lan-kontratudun langile finko izateko egonkortzeko salbuespenezko prozesu hauetarako deialdia egin zen:

– Hezkuntza-laguntzako langileen kategorian sartzeko merezimendu-lehiaketa.

– Transkribatzailearen eta material-egokitzailearen kategorian sartzeko merezimendu-lehiaketa.

– Zeinu-hizkuntzaren interpretearen kategorian sartzeko merezimendu-lehiaketa.

– Fisioterapeutaren kategorian sartzeko merezimendu-lehiaketa.

CHRW (9679) Okupazio-terapeutaren kategorian sartzeko merezimendu-lehiaketa.

– Gizarte-langilearen kategorian sartzeko merezimendu-lehiaketa.

Hezkuntza Saileko Langileriaren Kudeaketako zuzendariaren 2024ko abenduaren 26ko Ebazpenak prozesu horietan hautatutako pertsonen eta esleituko diren plazen behin betiko zerrendak argitaratu zituen eta, era berean, hogei egun balioduneko epea ezarri zuen Hezkuntzako sailburuaren 2022ko abenduaren 20ko Aginduaren 2.3 oinarrian adierazitako parte hartzeko baldintza orokorrak eta espezifikoak betetzen direla egiaztatzen duten agiriak aurkezteko.

Behin dokumentazioa aurkezteko epea amaituta eta hura aztertuta, oinarri komunen 10. apartatuan xedatutakoaren arabera, argitara eman behar da Euskal Autonomia Erkidegoko hezkuntza-administrazioaren zerbitzurako lan-kontratuak formalizatu beharko dituzten pertsonen zerrenda, eskatutako dokumentazioa ezarritako epearen barruan aurkezteagatik, bai eta, arrazoi justifikatuarekin, lortu nahi den lanpostuko eginkizunak betetzeko gaitasun funtzionala zehazten duen azterketa medikoa egiteke duten pertsonen zerrenda ere.

Bestalde, ohartarazi da zenbait pertsonak prozesua bertan behera utzi dutela hautaketa-prozeduratik eratorritako eskubideei uko egiteagatik –Langileriaren Kudeaketako Zuzendaritzan aurkeztutako ukoak–, eskatutako dokumentazioa ez aurkezteagatik, eskatutako baldintzaren bat ez betetzeagatik edo eska daitekeen gaitasun fisiko eta psikikoa ez izateagatik. Hautatutako ordezkoen zerrenda erabiltzea dakarte kasu horiek, oinarri komunen 8.5.3 apartatuan xedatutakoaren arabera.

Horrenbestez, hau

EBAZTEN DUT:

Lehenengoa.– Argitara ematea Hezkuntzako sailburuaren 2022ko abenduaren 20ko Aginduaren bidez deitutako Hezkuntza Saileko hezkuntzako lan-kontratudun langileen kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako izangaien zerrenda, deialdian eskatutako baldintzak betetzen dituztelako, eta Euskal Autonomia Erkidegoko Hezkuntza Administrazioaren zerbitzuko lan-kontratuak formalizatzeko epea ezartzea. Pertsonen zerrenda hori agindu honen I. eranskinean dago.

Bigarrena.– Hautatutako pertsonek (I. eranskinean zerrendatuta daude) 2025eko maiatzaren 28tik aurrera sinatu beharko dituzte dagozkien lan-kontratuak.

Kontratu horiek 2025eko irailaren 1etik aurrera izango dituzte ondorioak.

Ezinbesteko kasuetan izan ezik, lan-kontratua sinatzen ez duenak galdu egingo ditu Euskal Autonomia Erkidegoko Hezkuntza Administrazioko lan-kontratudun finko izateko eskubide guztiak, deialditik eratortzen direnak.

Hirugarrena.– Arrazoi justifikatuengatik aipatutako Aginduaren 9.4 oinarrian aurreikusitako azterketa medikoan ebaluatu ezin izan diren pertsona hautatuen kasuan, Euskal Autonomia Erkidegoko Hezkuntza Administrazioaren zerbitzurako lan-kontratuen formalizazioa atzeratzea, eta kontratu horiek formalizatzeko baldintza gisa ezartzea aintzatespen horretan gai izatea. Agindu honen II. eranskinean daude zerrendatuta.

Laugarrena.– III. eranskinean argitaratzea hautaketa-prozeduratik eratorritako eskubideei uko egin dieten hautatuen zerrenda.

Bosgarrena.– IV. eranskinean argitaratzea Hezkuntzako sailburuaren 2022ko abenduaren 20ko Aginduaren 2.3 oinarrian eskatutako betekizunen bat ez betetzeagatik Hezkuntza Saileko hezkuntzako lan-kontratudun langileen kategorietako lanpostuak modu finkoan betetzeko eskubide guztiak galtzen dituzten hautatutako pertsonen zerrenda.

Seigarrena.– Ordezkoen zerrendan ageri den puntuazio-hurrenkeraren arabera hautatutako pertsonen zerrenda osagarria argitaratzea, eta Hezkuntza Saileko hezkuntzako lan-kontratudun langileen kategorietako lanpostuak modu finkoan betetzeko enplegua egonkortzeko salbuespenezko prozesuan hautatutzat jotzea, esleitutako lanpostua adierazita. Agindu honen V. eranskinean daude zerrendatuta.

Zazpigarrena.– Hamar egun naturaleko epea irekitzea, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera, ebazpen honen V. eranskinean ageri diren izangai hautatuek parte hartzeko baldintza orokorrak eta espezifikoak betetzen dituztela egiaztatzen duten dokumentuak aurkez ditzaten. Baldintza horiek Hezkuntzako sailburuaren 2022ko abenduaren 20ko Aginduaren 2.3 oinarrian daude adierazita.

Dokumentazioa aurkeztuko da hemen: Hezigunea (https://hezigunea.euskadi.eus) («Erabiltzailea» eta «Pasahitza» sartuz) – «Eremu pertsonala» – «Izapideak langileen sailarekin» – «Tramitagune-Administrazio-espedienteak» – «Ireki espediente berria» – «Gainerako izapideak» – gaian «EEP 2022. Hezkuntzako lan-kontratudun langileak. Dokumentazioa entregatzea» adieraziz.

Agindu honen VI. eranskinean zinpeko adierazpenaren eredua argitaratzen da, bai eta hautagaiek agiriak entregatzeko eredua ere. Eredu hori ere bete eta adierazitako helbidean aurkeztu beharko da.

Zortzigarrena.– Aipatutako epearen barruan, ezinbesteko kasuetan izan ezik, agiriak aurkezten ez dituztenek, edo agiri horiek aztertuta ikusten bada deialdiaren 2. oinarrian eskatutako baldintzaren bat betetzen ez dutela, edo dagozkien zereginak betetzeko eskatzen den gaitasun fisiko edo psikikoa ez dutela, ezin izango dute lan-kontratudun langile finko bihurtu, eta beren jardun guztiak baliogabetuta geratuko dira, eskaera faltsutzeagatik izan dezaketen erantzukizunari kalterik egin.

AZKEN XEDAPENA

Ebazpen honen aurka interesdunek gora jotzeko errekurtsoa aurkez diezaiokete Administrazio eta Zerbitzuen sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik hilabete igaro baino lehen, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera.

Vitoria-Gasteiz, 2025eko maiatzaren 19a.

Langileriaren kudeaketa zuzendaria,

UNAI NIETO MARIJUAN.

(Ikus .PDF)

Azterketa dokumentala