RSS
93. zk., 2025eko maiatzaren 20a, asteartea
- Bestelako formatuak:
- PDF (155 KB - 9 orri.)
- EPUB (614 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
KULTURA ETA HIZKUNTZA POLITIKA SAILA
2138
EBAZPENA, 2025eko maiatzaren 6koa, Kulturako sailburuordearena, kultura-sorkuntza bultzatzeko emandako dirulaguntzen berri ematen duena.
2024ko abenduaren 26an, Jaurlaritzako lehenengo lehendakariorde eta Kultura eta Hizkuntza Politikako sailburuaren 2024ko abenduaren 3ko Agindua argitaratu zen EHAAn. Agindu honen bidez, 2025. urtean kultura-sorkuntza bultzatzeko dirulaguntzak emateko arauak ezarri eta deialdia egiten da.
Aginduaren 11.1 artikuluak dioenez, Kulturako sailburuordeak hartutako ebazpena Euskal Herriko Agintaritzaren Aldizkarian argitaratuko da, onuradun gertatzen direnei ebazpenaren jakinarazpen indibidualizatua egingo bazaie ere.
Horiek horrela izanda, honako hau
EBAZTEN DUT:
Lehenengoa.– Jaurlaritzako lehenengo lehendakariorde eta Kultura eta Hizkuntza Politikako sailburuaren 2024ko abenduaren 3ko Aginduaren babesean emandako dirulaguntza eta onuradun guztiak argitara ematea. Zerrenda ebazpenari atxikitako eranskinean dago.
Bigarrena.– Ebazpen hau Euskal Herriko Agintaritzaren Aldizkarian argitara dadila agintzea, jendeak horren berri izan dezan.
Vitoria-Gasteiz, 2025eko maiatzaren 6a.
Kulturako sailburuordea,
ANDONI ITURBE AMOREBIETA.