Euskal Herriko Agintaritzaren Aldizkaria

89. zk., 2025eko maiatzaren 14a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA, ADMINISTRAZIO DIGITAL ETA AUTOGOBERNUAREN SAILA

2028

46/2025 EBAZPENA, maiatzaren 9koa, Jaurlaritzaren Idazkaritzako eta Legebiltzarrarekiko Harremanetarako zuzendariarena, zeinaren bidez argitara ematen baita Donostiako Udalarekin 2020an sinatutako hitzarmenaren bigarren gehigarria, Donostiako udalerrian zuzkidura-bizitokiak sustatzeko.

Euskal Autonomia Erkidegoko Administrazio Orokorrak aipatu den hitzarmenaren bigarren gehigarria sinatu du, eta, behar bezalako publikotasuna emateko, hau

EBAZTEN DUT:

Artikulu bakarra.– Euskal Herriko Agintaritzaren Aldizkarian argitaratzea Donostiako Udalarekin 2020an sinatutako hitzarmenaren bigarren gehigarria, Donostiako udalerrian zuzkidura-bizitokiak sustatzeko. Hitzarmenaren bigarren gehigarri hori ebazpen honen eranskin gisa agertzen da.

Vitoria-Gasteiz, 2025eko maiatzaren 9a.

Jaurlaritzaren Idazkaritzako eta Legebiltzarrarekiko Harremanetarako zuzendaria,

JON IÑAKI URBINA GARCÍA DE VICUÑA.

ERANSKINA, JAURLARITZAREN IDAZKARITZAKO ETA LEGEBILTZARRAREKIKO HARREMANETARAKO ZUZENDARIAREN MAIATZAREN 9KO 46/2025 EBAZPENARENA

EUSKAL AUTONOMIA ERKIDEGOKO ADMINISTRAZIO OROKORRAK ETA DONOSTIAKO UDALAK 2020AN SINATUTAKO LANKIDETZA-HITZARMENA ALDATZEKO BIGARREN GEHIGARRIA, DONOSTIAKO UDALERRIAN ZUZKIDURA-BIZITOKIEN SUSTAPENA AHALBIDETZEKO

BILDU DIRA:

Alde batetik, denis Itxaso González jauna, Eusko Jaurlaritzako Etxebizitza eta Hiri Agendako sailburua

Eta bestetik, Miren Nekane Arzallus Iturriza anderea, Donostiako Udaleko Hirigintza Plangintza eta Etxebizitza zinegotzia.

BERTARATU DIRA:

Lehenengoa, Eusko Jaurlaritzako Etxebizitza eta Hiri Agendaren sailburu gisa eta Euskal Autonomia Erkidegoko Administrazio Orokorraren ordezkari gisa, egintza honetarako ahalmena du, Jaurlaritzaren Kontseiluak 2025eko urtarrilaren 28an egindako bilkuran hartutako erabakiaren ondorioz.

Bigarrena, Donostiako Udaleko Hirigintza Plangintza eta Etxebizitzako zinegotzi ordezkari gisa, Udalaren ordezkari gisa. Tokiko Gobernu Batzarrak 2024ko urriaren 15eko Erabakiaren bidez baimendu zuen ekitaldi honetarako.

Bi aldeek elkarri aitortu diote legezko gaitasun nahikoa eta beharrezkoa dutela hitzarmen hau sinatzeko, eta, horretarako, honako hau

ADIERAZTEN DUTE:

Lehenengoa.– 2020ko apirilaren 3an, lankidetza-hitzarmen bat sinatu zuten Euskal Autonomia Erkidegoko Administrazio Orokorrak, Ingurumen, Lurralde Plangintza eta Etxebizitza Sailak eta Donostiako Udalak, Donostiako udalerrian zuzkidura-bizitokiak sustatzeko.

Bigarrena.– Ondoren, 2023ko otsailaren 23an eta 2024ko martxoaren 27an, hitzarmen horren gehigarriak sinatu ziren

Eranskin horien helburua, hurrenez hurren, lagatako lurzatien kopurua handitzea eta hitzarmenaren indarraldia luzatzea zen.

Hirugarrena.– 2020an sinatutako hitzarmenaren bigarren klausulak ezartzen zuen partzelen doako lagapenari buruzko ondare-eragiketak sei hilabeteko epean formalizatuko zirela, Gobernu Kontseiluak doako lagapena onartzeko erabakia hartu zuen egunetik zenbatzen hasita.

Laugarrena.– Hala ere, lagapenaren xede diren lurzatiak kokatuta dauden 2 hirigintza-eremuetan indarrean dagoen plangintza xehatua aldatu behar denez, eta aldaketa horiek aldi berean ez direla egingo aurreikusi denez, komeni da lehen aipatutako 6 hilabeteko epea aldatzea, lurzati desberdinen lagapena aldi baterako beste une batzuetan formalizatu ahal izateko.

Hori guztia, eremu batean edo bestean garatzea aurreikusitako zuzkidura-bizitokien sustapena ez atzeratzeko.

Azaldutakoaren arabera, Eusko Jaurlaritzako Etxebizitza eta Hiri Agenda Sailak eta Donostiako Udalak

ADOSTU DUTE:

Lehenengo.– Euskal Autonomia Erkidegoko Administrazio Orokorrak, Ingurumen, Lurralde Plangintza eta Etxebizitza Sailak eta Donostiako Udalak Donostiako udalerrian zuzkidura-bizitokiak sustatzeko sinatutako hitzarmenaren bigarren klausularen azken paragrafoa aldatzea, honela:

Honela zioen lekuan:

«Klausula honetan aurreikusitako ondasunen doako lagapenari buruzko ondare-eragiketak eskritura publikoan formalizatuko dira sei hilabeteko epean, Gobernu Kontseiluak doako lagapena onartzeko erabakia hartzen duen egunetik zenbatzen hasita.»

Orain esango du:

«Partzela bakoitzaren eskritura publikoak EAEko Administrazio Orokorrak zuzkidura-bizitokiak ezartzeko aukera ematen duten plangintza xehatuko dokumentuak izapidetu eta Donostiako Udalak behin betiko onartzen dituen heinean formalizatuko dira.»

Zehazki, eskualdaketa horiek gehienez 6 hilabeteko epean formalizatuko dira, planeamendua aldatzeko dokumentuak behin betiko onartzen direnetik zenbatzen hasita.

Bigarrena.– Dokumentu honetan berariaz aldatu ez diren Lankidetza Hitzarmenaren baldintzak indarrean eta aldatu gabe egongo dira, egun honetan dauden baldintzetan. Gehigarri honen edukia eta 2020ko apirilaren 3an sinatutako hitzarmena bat ez badatoz edo bat ez badatoz, gehigarri honetan aurreikusitakoa nagusituko da.

Ados daudela adierazteko, eta dagozkion ondorioetarako jasota gera dadin, alderdiek akordio gehigarri hau sinatu dute,

Egoitza elektronikoa, 2025eko otsailaren 20a.

Etxebizitza eta Hiri Agendako sailburua,

DENIS ITXASO GONZÁLEZ.

Donostiako Udaleko Hirigintza Sostengagarriko Zinegotzi ordezkaria,

MIREN NEKANE ARZALLUS ITURRIZA.

Azterketa dokumentala