Euskal Herriko Agintaritzaren Aldizkaria

80. zk., 2025eko apirilaren 30a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

1839

AGINDUA, 2025eko apirilaren 16koa, Hezkuntzako sailburuarena, zeinaren bidez 2025-2026 ikasturterako egutegi komuna ezartzen baita eskabideak aurkezteko eta onarpen- eta matrikula-epeetarako, Euskal Autonomia Erkidegoko ikastetxe publiko eta itunpeko pribatuek eskaintzen dituzten hezkuntza-sistemako ziurtagiri profesionalei (C graduak), oinarrizko, erdi-mailako eta goi-mailako lanbide-heziketako zikloei (D graduak) eta espezializazio-ikastaroei (E graduak) dagokienez, eta ikastetxe horietarako onarpen- eta matrikula-jarraibideak onesten baitira, irakaskuntza horiek eskaintzen dituzten ikastetxe guztietan eskaerak grabatzeko eta matrikula egiteko jarraibideak onesteaz gain.

1/2018 Dekretuak, azaroaren 2ko 132/2022 dekretuak aldatu baitu, ikasleak onartzeko eta eskolatzeko prozedura arautzen du hezkuntza-arloko eskumena duen sailaren mendeko Euskal Autonomia Erkidegoko ikastetxe publikoetan nahiz itunpeko ikastetxe pribatuetan (Haur Hezkuntzan, Lehen Hezkuntzan, Derrigorrezko Bigarren Hezkuntzan, Batxilergoan eta Oinarrizko, Erdi-mailako eta Goi-mailako Lanbide Heziketako ikasketetan), bai eta Oinarrizko Lanbide Heziketa ematen duten udal-titulartasuneko ikastetxe publikoetan ere. Bada, dekretu horren 10. artikuluak ezartzen duenez, hezkuntza-etapa bakoitzean ikasleak onartzeko prozedura berdina izango da dekretu horrek xede dituen ikastetxe guztietan, eta urtero arautuko da hezkuntza-arloan eskumena duen sailburuaren aginduen bidez.

Era berean, kontuan hartuko da arau honek ezarri duena: 30/2023 Dekretua, otsailaren 28koa, zeinaren bidez aldatzen baita Euskal Autonomia Erkidegoan unibertsitateaz kanpoko ikastetxeen sarea antolatzeko eta planifikatzeko irizpideak ezartzen dituen Dekretua.

Ildo beretik, Euskal Autonomia Erkidegoko hezkuntza-sistemako Lanbide Heziketaren antolamendu orokorra ezartzen duen otsailaren 26ko 32/2008 Dekretuaren 28. artikuluan jasotzen denez–otsailaren 2ko 14/2016 Dekretuan emandako idazkeran–, hezkuntza-arloko eskumena duen sailburuak zehaztuko du ikastetxe publikoetan eta pribatu itunduetan hezkuntza-sistemako lanbide-heziketa egin nahi duten ikasleak onartzeko urteko egutegia, aplika daitekeen araudian ezarritakoarekin bat etorrita. Gainera, sailburu horrek zehaztuko ditu, besteak beste, onarpen-datak, ikastetxe batean eskaintzen diren plazak eskaerak baino gutxiago direnean aplikatu beharreko irizpideak eta sarbide desberdinetarako erreserbatu behar diren plazen ehunekoa, Lanbide-Heziketako sistemaren antolamendua garatzen duen uztailaren 18ko 659/2023 Errege Dekretuak ezartzen duenarekin bat etorriz.

Ondorioz, agindu hau ematen da eskabideak aurkezteko eta ebazteko epea ezartzeko. Halaber, zehaztuko da interesdun bakoitzak, hala badagokio, zer dokumentazio aurkeztu behar duen eskaerarekin batera, onarpen-prozeduran kontuan hartzea nahi duen irizpideak egiaztatzeko, dekretu horretan ezarritakoarekin bat etorrita.

Lanbide Heziketako sistemaren antolamendua garatzen duen uztailaren 18ko 659/2023 Errege Dekretuaren 4. artikuluan ezartzen denez, Lanbide Heziketako sistemaren eskaintzek bost gradu sekuentzial dituzte: A, B, C, D eta E.

Agindu honetan C, D eta E graduetarako onarpen- eta matrikulazio-irizpideak ezartzen dira.

Bestalde, Lanbide Heziketaren Antolamendu eta Integrazioari buruzko martxoaren 31ko 3/2022 Lege Organikoaren azken xedapenetako hirugarrenean ezartzen denez, Hezkuntzari buruzko maiatzaren 3ko 2/2006 Lege Organikoaren I. tituluko V. kapituluko artikuluetan jasotako lanbide-heziketako irakaskuntzen antolamendua 3/2022 Lege horretan xedatutakoaren arabera egin dela ulertuko da, eta araudian xedapen horiei egiten zaizkien erreferentzia guztiak ere aipatutako legean xedatutakoaren arabera egin direla ulertuko da.

Bestalde, kontuan hartuta araututako irakaskuntzak ofizialak direla, itundu gabeko ikastetxe pribatuei zenbait informazio-betebehar ezarri zaizkie xedapen gehigarri bakarrean.

Horiek horrela, hau

EBAZTEN DUT:

1. artikulua.– Aplikazio-eremua.

1.– Agindu hau aplikagarria da 2025-2026 ikasturterako onarpen-, esleipen- eta matrikula-prozeduran, Hezkuntza Sailaren mendeko ikastetxe publikoetan, ikastetxe pribatu itunduetan eta udal-titulartasuneko oinarrizko lanbide heziketako ikastetxeetan, irakaskuntza hauek ematen badituzte:

a) C graduak: 1. mailako, 2. mailako eta 3. mailako ziurtagiri profesionalak.

b) D graduak: oinarrizko mailako, erdi-mailako eta goi-mailako heziketa-zikloak eta lau ikasturteko ibilbide integratuak (oinarrizko maila + erdi-maila).

c) E graduak: erdi-mailako eta goi-mailako espezializazio-ikastaroak.

2.– Ikastetxe pribatu ez-itunduei xedapen gehigarri bakarrean adierazitakoa aplikatuko zaie.

2. artikulua.– Irakaskuntza-modalitatea.

1.– Eskaintza osoko prestakuntza presentziala (II. eranskina) aurrez aurre ematen diren irakaskuntzei egiten die erreferentzia. Halakoetan, matrikula C gradu, heziketa-ziklo,edo espezializazio-ikastaro bakoitzeko egiten da.

2.– Prestakuntza birtuala (III. eranskina) Urrutiko Lanbide Heziketako Zentro Integratuan (ULHZI) urrutitik ematen diren irakaskuntzei egiten die erreferentzia. Halakoetan, matrikula modulu profesional bakoitzeko egiten da.

3.– Irakaskuntza horietako bakoitzerako onarpen-prozedura I. eranskineko jarraibide komunei jarraikiz egingo da, baita, bidezkoa bada, dagozkion eranskinetan jasotako jarraibide espezifikoak aintzat hartuta ere.

3. artikulua.– Onarpen eta esleipen prozedurako onarpen-fasean parte hartzetik salbuetsita dauden ikasleak.

1.– Eskaintza osoko araubide presentzialeko irakaskuntzan, egoera hauetako batean daudenek ez dute ez eskaera aurkeztu beharrik, ez onarpen-prozeduran parte hartu beharrik, baina, hala ere, matrikula egin beharko dute:

a) Ikasle errepikatzaileak, aurreko ikasturtean egindako ikastetxe, ziklo, ikasturte eta hizkuntza-eredu berean matrikulatzen direnak.

b) Ikastetxe berean maila batetik hurrengora igarotzen diren ikasleak.

Kasu horietan, ikastetxeek bermatu egin beharko dute ikasleek matrikulatzeko aukera izango dutela. Horretarako, beharrezkotzat jotzen diren plazak erreserbatuko dira heziketa-ziklo eta maila bakoitzean. Interesdunak ekainaren 9tik 27ra bitartean egin beharko du matrikula, eta, hala egiten ez badu, galdu egingo du plaza erreserbatua izateko eskubidea.

2.– Ziklo bereko bigarren maila egiteko lehenengo maila gainditu duten ikastetxea ez den beste batean matrikulatu nahi duten ikasleek espediente akademikoa lekualdatzeko eskaera aurkeztu beharko dute, ikasketekin jarraitzeko aukeratu duten ikastetxean, aurreko paragrafoan adierazitako epea bukatu baino lehen.

Epe hori bukatuta plaza libreak geratuz gero bakarrik egin ahal izango da lekualdaketa eta matrikula.

3.– Halaber, ziklo bateko lehen maila gainditu eta lehenengo maila hori komuna duen beste titulazio bateko bigarren mailan matrikulatu nahi dutenek horretarako aukera izango dute soil-soilik artikulu honetako 1. puntuan adierazitako epea bukatuta, plaza libreak geratzen badira.

4.– 2 eta 3 puntuetan, ez baldin badago eskaera guztiak artatzeko plaza libre nahikorik, aurreko mailako espediente akademikoko batez besteko nota onenaren arabera egingo da onarpena.

4. artikulua.– Onarpen-prozedurako egutegiak.

Plaza bat lortzeko prozeduran parte hartu behar dutenen onarpen-, esleipen- eta matrikula-prozeduraren datak eta epeak eranskin hauetako tauletan daude ezarrita, modalitatea presentziala edo birtualaren arabera:

• II. eranskina: Eskaintza Osoko Lanbide Heziketa Presentziala.

• III. eranskina: Lanbide Heziketa Birtuala.

5. artikulua.– Hezkuntza-eskaintza eta plazak zehaztea.

1.– Agindu honen aplikazio-eremuan sartzen diren ikastetxeen hezkuntza-eskaintza 1.1 artikuluan zehaztuta dago, eta barnean hartzen ditu eskainiko diren ziurtagiri profesionalak, heziketa-zikloak eta espezializazio-ikastaroak; orobat, talde kopurua, txanda, plaza kopurua eta hizkuntza-ereduak. Hezkuntza-arloko eskumenak dituen sailak planifikatuko du eskaintza hori, agindu honi dagokion ikasturtean.

Ildo horretatik, garrantzitsua da azpimarratzea eskaerak aurkezteko epea amaitu eta gero, eta betiere eskariaren arabera, eskaintza akademikoan aldaketak egin daitezkeela hasiera batean eskainitako zikloen, ereduen eta txanden aldean. Are gehiago, hasiera batean eskainitako ziklo batzuk kendu ere egin daitezke, ez bada bermatzen taldea osatzeko gutxieneko ikasle kopurua egongo dela.

Plangintza eta Antolaketa Zuzendaritzak hezkuntza-eskaintzan egindako plangintza horren ondorioz, ikasleak behin betiko matrikulatu daitezen ezinbesteko baldintza izango da dagokion ziklo eta hizkuntza-ereduan taldea osatzeko gutxieneko ikasle kopurua bete izana; izan ere, hori da ziklo horretako eskaintza egiten jarraitzeko baldintza. Bestela, bertan behera utziko da.

2.– Taldeko gehieneko ikasle kopurua hauxe da:

• Oinarrizko heziketa-zikloetan: 15 pertsona (salbuespenez, 20raino).

Hezkuntza-laguntzaren premia espezifikoak dituzten ikasleen kasuan: 12 pertsona.

• Ziurtagiri profesionaletan, erdi- eta goi-mailako heziketa-zikloetan: 25 pertsona.

• Espezializazio-ikastaroetan: 20 pertsona.

Ibilbide integratuetako ikastaroetan: 20 pertsona.

3.– Eskaintza osoko LH presentzialaren irakaskuntzan, ikastetxe publikoen zuzendaritzek edo itunpeko ikastetxe pribatuen titular diren pertsona fisiko eta juridikoek honela zehaztuko dute eskaintzaren plaza kopurua: baimendutako eskola-plazen gehieneko kopurua ken 3.1 artikuluan aipatzen diren ikasleentzako erreserbatutako plazak.

4.– Agindu honetan jasotako irakaskuntzetan eskainitako plaza guztietatik, honako hauek erreserbatuko dira talde, txanda eta eredu bakoitzeko:

• % 5, eskaeraren egunean % 33 desgaitasuna edo handiagoa egiaztatzen duten pertsonentzat, eta, oinarrizko mailako heziketa-zikloetan, % 10.

• % 5, eskaera egiten den egunean hezkuntza-saileko hezkuntza-laguntzaren premia espezifikoak (HLPE) dituztenen erregistroan sartuta daudenentzat, salbu eta hezkuntza-laguntzaren premia espezifikoak dituzten ikasleentzako ikaskuntza-ibilbide egokitua duen oinarrizko graduan.

• % 5, eskaeraren egunean goi-mailako edo errendimendu handiko kirolari diren pertsonentzat, betiere Goi-mailako eta errendimendu handiko kirolariei buruzko uztailaren 13ko 971/2007 Errege Dekretuan eta Goi-mailako Kirolari buruzko uztailaren 20ko 203/2010 Dekretuan ezarritakoari jarraituz.

Talde bakoitzarentzat gutxienez plaza bat ziurtatuko da, baldin eta ehunekoa aplikatuta ateratzen den emaitza bat zenbakia baino txikiagoa bada. Emaitza bat baino handiagoa bada, berriz, hurrengo zenbaki osora biribilduko da. Soberakina 0,5 baino txikiagoa bada, aurreko zenbaki osora biribilduko da; aldiz, 0,5 edo handiagoa bada, hurrengora.

5.– Aurreko paragrafoan ezarritakoa aplikatu ondoren geratzen diren plazak esleitzeko, kontuan hartuko da modalitate bakoitzera sartzeko bide bakoitzean ezarritako kuotak.

Kuotaren batean eskainitako plaza guztiak betetzen ez badira, plaza hutsak proportzionalki banatuko dira gainerako kuoten artean, II. eranskineko hirugarren jarraibideko 7. eta 8. puntuetan ezarritako ordena errespetatuz, lehenengo «a» kuota, gero «b» kuota eta, azkenik, «c» kuota.

6.– II. eranskinean (hirugarren jarraibidean) ezarritako kuotei esleitutako plazen batura ezingo da txikiagoa izan kuota horietan hasieran esleitu beharreko plazak baino.

Kuotetan plazak banatzearen emaitza dezimala bada, hurrengo zenbaki osora birbilduko da dezimal hori 0,5 edo handiagoa bada.

Zenbait kuotatan dezimal bera baldin badago eta esleitzeko moduan dauden plazak badaude, II. eranskineko hirugarren jarraibideko 7. eta 8. ataletan ezarritako hurrenkerari jarraituko zaio, hau da: lehenbizi «a», gero «b» eta, azkenik, «c».

6. artikulua.– Onarpen-prozedurari buruzko argibideak.

Onarpen-prozedurari buruzko informazioa Hezkuntza Sailaren webgune honetan egongo da eskuragarri:

https://www.euskadi.eus/eusko-jaurlaritza/hezkuntza-lh/

Onarpen-eskaerak aurkezteko epea hasi baino lehen, Hezkuntza sail honen titulartasuneko ikastetxe publiko, udal-titulartasuneko ikastetxe publiko eta itunpeko pribatu guztiek informazio hau emango diete argibideak eskatzen dituzten ikasleen familiei, legezko tutoreei eta ikasleei, eta ikusgai jarriko dute ikastetxeko iragarki-taulan:

• Ikasleak onartzeko araudia.

• Eskaerak egiteko epea.

• Prozeduraren egutegiak.

• Ikastetxeko idazkaritzaren jendaurreko egutegia eta ordutegia eskaerak aurkezteko aldian.

Gainera, esleipen-prozeduran parte-hartzaileei buruz sortzen diren informazio eta zerrendak Ikasgunean kontsultatu ahal izango dira:

https://ikasgunea.euskadi.eus

Zerrendak ez dira ikastetxeetako iragarki-oholetan argitaratu behar.

7. artikulua.– Euskara edo gaztelania erabiltzeko eskubidea.

1.– Agindu honen ondorioz ikasleek, familiek eta tutoreek administrazio publikoarekin dituzten harremanetan, euskara zein gaztelania erabiltzeko eta arreta hizkuntza berean jasotzeko duten eskubidea bermatuko da.

2.– Onarpen-prozesuaren Berme Batzordeetako partaideek, euren jardunean, euskara eta gaztelania erabili ahal izango dute. Era berean bermatuko da Euskal Autonomia Erkidegoko hizkuntza ofizialak erabili ahal izatea aztergaien zerrendan, aktetan, ziurtagirietan eta, oro har, testu idatzietan.

8. artikulua.– Datu pertsonalak babestea.

Organo kudeatzaileek eskaeretan eskuratutako datu pertsonalak honako prozedura hau antolatzeko erabiliko dituzte: 2025-2026 ikasturtean, hezkuntza-sistemaren Lanbide Heziketako ziurtagiri profesionalak, ziklo eta modalitateak eta espezializazio-ikastaroak Euskal Autonomia Erkidegoko ikastetxe publikoetan, udal-titulartasuneko ikastetxe publikoetan eta ikastetxe pribatu itunduetan egiteko onarpen-, esleipen- eta matrikula-prozedura, zeinaren arduradun baitira organo kudeatzaile horiek. Hori guztia, Datu Pertsonalak Babesteari buruzko Erregelamendu Orokorrean eta Datu pertsonalak babesteari eta eskubide digitalak bermatzeari buruzko abenduaren 5eko 3/2018 Lege Organikoan ezarritakoa betetzeko.

Interesdunek datuak eskuratzeko, zuzentzeko, ezerezteko eta transferitzeko eskubideak baliatu ahal izango dituzte, bai eta datuak tratatuak izateko mugak ezartzeko eta tratamenduaren aurka egiteko eskubidea ere. Horretarako, idazki bat igorri behar dute Hezkuntza Saileko Plangintza eta Antolaketa Zuzendaritzara (Donostia kalea 1, 01010 Vitoria-Gasteiz).

Era berean, eskatzaileek baimena ematen diote Plangintza eta Antolaketa Zuzendaritzari beste erakunde publiko batzuetan egiazta ditzan aurkeztutako agiriak.

9. artikulua.– Jarraibideak onestea.

Onetsi egite dira eranskinetan jasotako jarraibideak, ikasleak onartu, plazak esleitu eta matrikula egiteari buruzkoak, bai eta ikastetxeek hezkuntzaren arloko eskumena duen sailaren aplikazio informatikoa erabiltzeko bildutako jarraibideak ere.

XEDAPEN GEHIGARRIA.– Itundu gabeko ikasketak eskaintzen dituzten ikastetxe pribatuen obligazioak.

Hezkuntza-sistemako lanbide-heziketa itunik gabe ematen duten ikastetxe pribatuek IV. eranskinean aipatzen den aplikazio informatikoan sartuko dituzte eskaintzen dituzten ziklo eta plazei buruzko datuak, bai eta egindako matrikulei buruzkoak ere, matrikula-aldi arruntaren hirugarren fasea hasten den egunetik aurrera.

AZKEN XEDAPENETAKO LEHENENGOA.– Ondorioak.

Agindu honek Euskal Herriko Agintaritzaren Aldizkarian argitaratu eta hurrengo egunean izango ditu ondorioak.

AZKEN XEDAPENETAKO BIGARRENA.– Errekurtsoak.

Agindu honen aurka, aukerako berraztertze-errekurtsoa jar dakioke Hezkuntzako sailburuari, hilabeteko epean. Bestela, administrazioarekiko auzi-errekurtsoa jar daiteke Euskal Autonomia Erkidegoko Justizia Auzitegi Nagusian, Administrazioarekiko Auzien Salan, bi hilabeteko epean. Bi kasuetan, errekurtsoak aurkezteko epea agindu hau Euskal Herriko Agintaritzaren Aldizkarian argitaratu eta hurrengo egunean hasiko da.

Vitoria-Gasteiz, 2025eko apirilaren 16.

Hezkuntzako sailburua,

MARÍA BEGOÑA PEDROSA LOBATO.

I. ERANSKINA

IKASLEAK ONARTZEKO, PLAZAK ESLEITZEKO ETA MATRIKULATZEKO PROZEDURARI BURUZKO JARRAIBIDE KOMUNAK

Lehenengoa.– Aplikatu beharreko araudia.

Hezkuntza-sistemako lanbide-heziketako irakaskuntzetan, honako arau hauek aplikatu behar zaizkie onartze-prozedurari, esleipenari eta matrikulari:

a) 3/2020 Lege Organikoa, abenduaren 29koa, Hezkuntzari buruzko maiatzaren 3ko 2/2006 Lege Organikoa aldatzen duena.

b) 3/2022 Lege Organikoa, martxoaren 31koa, Lanbide Heziketa Antolatu eta Integratzekoa.

c) 659/2023 Errege Dekretua, uztailaren 18koa, Hezkuntza-sistemako lanbide-heziketaren antolamendu orokorra ezartzen duena, uztailaren 9ko 658/2024 Errege Dekretuak partzialki aldatua.

d) 86/2025 Errege Dekretua, otsailaren 11koa, lan-esperientziaren bidez, prestakuntza-bide ez-formalen bitartez eta ikaskuntza informalen bidez eskuratutako oinarrizko gaitasunak ebaluatu eta egiaztatzeari buruzkoa.

e) 32/2008 Dekretua, otsailaren 26koa, Hezkuntza-sistemako lanbide-heziketaren antolamendu orokorra ezartzen duena, otsailaren 2ko 14/2016 Dekretuaren bidez aldatua.

f) 1/2018 Dekretua, urtarrilaren 9koa, azaroaren 2ko 132/2022 Dekretuak aldatua, Ikasleak onartzeko eta eskolatzeko prozedura arautzen duena hezkuntza-arloko eskumena duen sailaren mendeko Euskal Autonomia Erkidegoko ikastetxe publikoetan nahiz itunpeko ikastetxe pribatuetan (Haur Hezkuntza, Lehen Hezkuntza, Derrigorrezko Bigarren Hezkuntza, Batxilergoa eta Oinarrizko, Erdi-mailako eta Goi-mailako Lanbide Heziketako ikasketetan), bai eta Oinarrizko Lanbide Heziketa ematen duten udal-titulartasuneko ikastetxe publikoetan ere.

g) 86/2015 Dekretua, ekainaren 9koa, Euskal Autonomia Erkidegoko Oinarrizko Lanbide Heziketaren araubideari eta ezarpenari buruzkoa.

h) 46/2014 Dekretua, apirilaren 1ekoa, Euskal Autonomia Erkidegoko Lanbide Heziketako ikastetxe bateratuak arautzen dituena.

i) Agindua, 2010eko otsailaren 19koa, Hezkuntza, Unibertsitate eta Ikerketako sailburuarena, lanbide-heziketako heziketa-zikloen ezarpena eta ebaluazioa arautzen duena.

j) Agindua, 2010eko urriaren 11koa, Hezkuntza, Unibertsitate eta Ikerketako sailburuarena, urrutiko prestakuntza telematikoaren modalitatean Lanbide Heziketako irakaskuntzen ezarpena eta antolamendua arautzen duena.

k) 21/2009 Dekretua, otsailaren 3koa, Euskal Autonomia Erkidegoan unibertsitateaz besteko ikastetxeen sarea antolatzeko eta planifikatzeko irizpideak ezartzen dituena.

l) Titulu bakoitza ezartzen edo arautzen duen araudia.

m) Aplikatu beharreko beste araudi batzuk.

Bigarrena.– Onarpen-, esleipen- eta matrikula-prozeduraren definizio orokorrak.

Prozedura honi begira, honako definizio hauek finkatu dira:

a) Onarpena: aurrematrikula egiteko aldia hartzen du, eta dagokion dokumentazioa aurkeztean amaitzen da.

b) Esleipena: plazak esleitzeko eta behin-behineko zerrendak argitaratzeko fasea, erreklamazio-aldia eta behin betiko zerrendak argitaratzeko aldia hartzen ditu.

c) Matrikula: ohiko aldi bat hartzen du, hiru fase dituena, eta ezohiko beste aldi bat.

d) Plaza erabilgarriak: bete daitezkeen plaza libreak guztira.

e) Eskainitako plazak: plaza erabilgarriak ken errepikatzaileentzat gorde beharreko plaza kopurua.

f) Kuota: zenbait talderentzat sarbidearen arabera erreserbatutako plazen ehunekoa, eskainitako plazetatik desgaitasunen bat dutenentzako eta goi-mailako kirolarientzako erreserbatutakoak kendu ondoren.

g) Lehentasuna: lehentasuna ematen du plazak esleitzerakoan, oinarrizko mailako heziketa-zikloetako kuota edo talde bakoitzean.

h) Hurrenkera: lehentasuna ematen du lehentasun-talde bakoitzeko plazak esleitzerakoan.

Hirugarrena.– C graduetan (1., 2. eta 3. mailako ziurtagiri profesionalak), D graduetan (oinarrizko, erdi-mailako eta goi-mailako heziketa-zikloak) eta E graduetan (erdi-mailako eta goi-mailako espezializazio-ikastaroak) sartzeko baldintzak eta bideak.

A) Lanbide Heziketa Presentzialeko Irakaskuntzak.

1.– C Graduak.

Ziurtagiri profesionalak eskuratzeko, lehentasuna izango dute langileek, landunek edo langabetuek, eta 18 urtetik gorako gazteek.Baldintza hauek bete beharko dira:

a) 1. mailako ziurtagiri profesionalak: ez da eskatzen sartzeko baldintzarik.

b) 2. mailako ziurtagiri profesionalak: baldintza hauetako bat betetzea eskatzen da:

b.1.– Derrigorrezko Bigarren Hezkuntzako graduatu-titulua edo sartzeko ondorioetarako baliokidea izatea.

Sartzeko ondorioetarako baliokideak dira baldintza hauetako edozein:

Erdi-mailako zikloetan sartzeko prestakuntza-ikastaro espezifiko bat gainditu izana.

Erdi-mailako zikloetara sartzeko proba bat gainditu izana.

Oinarrizko teknikariaren titulua izatea.

2. mailako profesionaltasun-ziurtagiria izatea.

Unibertsitatera sartzeko proba, 25 urtetik gorakoentzakoa edo 45 urtetik gorakoentzakoa, gainditu izana.

34/2008 Errege Dekretuaren IV. eranskinaren arabera beharrezkoak diren funtsezko gaitasunak egiaztatuta izatea, dagokion prestakuntza probetxuz egiteko.

b.2.– 2. mailako ziurtagiri profesionala (C gradua) izatea.

b.3.– Egin beharreko eskaintzan jasotako gaitasun-ziurtagiria (B maila) izatea.

b.4.– Lanbide-arlo bereko 1. mailako ziurtagiri profesionala izatea.

c) 3. mailako ziurtagiri profesionalak: baldintza hauetako bat betetzea eskatzen da:

c.1.– Teknikari-titulua, goi-mailako teknikari-titulua, batxiler-titulua edo sartzeko ondorioetarako baliokidea izatea.

Sartzeko ondorioetarako baliokideak dira baldintza hauetako edozein:

• Goi-mailako zikloetan sartzeko prestakuntza-ikastaro espezifiko bat gainditu izana.

• Goi-mailako zikloetara sartzeko proba bat gainditu izana.

• Teknikari titulua izatea.

• 3. mailako profesionaltasun-ziurtagiria izatea.

• Unibertsitatera sartzeko proba, 25 urtetik gorakoentzakoa edo 45 urtetik gorakoentzakoa, gainditu izana.

• 14/1970 Legeak araututako Batxilergoko ikasketak gainditu izana.

• 14/1970 Legeak araututako Batxilergoko hirugarren mailara artekoak gainditu izanaren ziurtagiria izatea.

• 34/2008 Errege Dekretuaren IV. eranskinaren arabera beharrezkoak diren funtsezko gaitasunak egiaztatuta izatea, dagokion prestakuntza probetxuz egiteko.

c.2.– 3. mailako ziurtagiri profesionala (C maila) izatea.

c.3.– Egin beharreko eskaintzan jasotako gaitasun-ziurtagiria (B maila) izatea.

c.4.– Lanbide-arlo bereko 2. mailako ziurtagiri profesionala (C maila) izatea.

2.– D graduak.

2.1 - Oinarrizko mailako heziketa-zikloak (Hasierako Lanbide Heziketa).

Hasierako Lanbide Heziketak oinarrizko mailako heziketa-zikloak hartzen ditu barnean, eta askotariko ikasleei arreta emateko diseinatuta dago. Prestakuntza honetako ikasketak amaitzean, helburua da Derrigorrezko Bigarren Hezkuntzako titulua, oinarrizko teknikariaren titulua eta, ibilbide integratuen kasuan, teknikariaren titulua (erdi-mailakoa) egiaztatzea. Gaitasun profesionalak eta enplegagarritasunerako gaitasunak eskuratzea helburu duen ziurtagiri profesional bat ere egiazta daiteke, bai eta ziurtagiri profesional baten zatiak ere.

Lortu nahi diren helburuetan oinarrituta, hainbat prestakuntza-ibilbide proposatzen dira, hainbat pertsona-kolektibori zuzenduak:

A) Oinarrizko mailako heziketa-zikloak (ohiko ibilbidea Hasierako Lanbide Heziketa berrian).

Oinarrizko mailako heziketa-zikloak, ikasteko aukera gehien dituzten lehentasunak eta itxaropenak dituzten pertsonei zuzenduak. Derrigorrezko Bigarren Hezkuntzako gaitasunak ingurune praktikoagoan lor ditzakete. Helburua DBHko titulua eta oinarrizko teknikariaren titulua lortzea izango da.

Ziklo horietara sartzeko, baldintza hauek bete behar dira aldi berean:

a) Hamabost urte beteta edukitzea edo indarreko urte naturalean betetzea.

b) Derrigorrezko Bigarren Hezkuntzako hirugarren maila egin izana edo, salbuespen gisa eta irakasle-taldearen eta orientazioaren arduradunaren irizpidearen arabera, Derrigorrezko Bigarren Hezkuntzako bigarren maila egin izana.

c) Irakasle-taldeak familiei edo legezko tutoreei proposatzea interesdunak oinarrizko mailako heziketa-ziklo bat has dezan.

Espainiako hezkuntza-sisteman eskolatuta egon ez diren 15 eta 18 urte bitarteko gazteak salbuetsita daude b) apartatua betetzetik, eta garrantzitsua da prestakuntzaren jarraipena egitea ahalbidetuko dien hizkuntza jakitea.

B) Oinarrizko mailako heziketa-zikloak, Hezkuntza-laguntzaren premia espezifikoak dituzten ikasleentzako ikaskuntza-ibilbide egokituekin.

Oinarrizko mailako heziketa-zikloak dira, hiru ikasturteko ibilbidea dutenak, dibertsitate funtzionala duten pertsonentzat, baldin eta desgaitasunen bat edo hezkuntza-laguntzaren premia espezifikoak direla-eta ohiko modalitatean sartzeko aukerarik ez badute.

Ziklo horietan sartzeko, baldintza hauek bete behar dira aldi berean:

a) Hezkuntza Sailaren Hezkuntza Laguntzaren Premia Espezifikoen Erregistroko Berritzegune Zerrendan inskribatuta egotea, honako diagnostiko hauekin: desgaitasun intelektual arina, mugako gaitasun intelektuala, espektro autistaren nahasmendua (TEA), gaixotasun mentala, hizkuntzaren garapenaren nahasmendua, ikasteko zailtasun espezifikoa eta TDH-A.

b) Gutxienez, DBHko 2. maila egin izana.

c) Tutorearen orientazio-aholkua izatea, irakasle orientatzaileen bermearekin, irakasle-taldearen proposamen hau jasotzen duena: ikasleak 3 urteko ibilbideko oinarrizko mailako heziketa-ziklo bat egin dezala.

C) Oinarrizko mailako heziketa-zikloak, prestakuntzako edo laneratzeko zailtasun bereziak dituzten pertsonentzako ikaskuntza-ibilbide egokituekin.

Oinarrizko mailako heziketa-zikloak dira, 3 urteko ibilbidea dutenak, eta Lanbide Heziketako beste ikasketa batzuk egiteko aukera ematen duten aurretiazko ikasketak egiaztatzen ez dituzten 16 urtetik gorako pertsonei zuzenduta daude. Sartzeko, honako baldintza hauek bete behar dira aldi berean:

a) 16 urte baino gehiago izatea.

b) Ez da egiaztatu LHko ikasketetarako sarbidea ematen duen titulaziorik, ez eta DBH egin izana ere.

D) Oinarrizko eta erdi-mailako ibilbide integratuak.

D mailako ibilbide integratua, prestakuntza-sekuentzia bakar batean oinarrizko mailako heziketa-ziklo bat eta erdi-mailako heziketa-ziklo bat biltzen dituena, 4 ikasturteko iraupena duena. Sekuentziaren etapa bakoitza amaitu eta gainditu ondoren, DBHko graduatu-titulua, oinarrizko teknikariaren titulua eta teknikariaren titulua egiaztatzeko aukera ematen du.

Ibilbide honetan sartzeko baldintzak oinarrizko mailako heziketa-zikloetarako eskatzen diren berberak dira (hirugarren jarraibidea, A letra, 2.1 puntua. A ibilbidea).

2.2.– Erdi-mailako heziketa-zikloak.

Erdi-mailako heziketa-zikloetara sartzeko, gutxienez honako baldintza hauetako bat bete behar da:

a) DBHko graduatuaren titulua edukitzea.

b) Oinarrizko teknikariaren titulua edukitzea.

c) Teknikariaren titulua edukitzea.

d) Hezkuntza Administrazioak baimendutako ikastetxe publikoetan edo pribatuetan erdi-mailako heziketa-zikloetara sartzeko prestakuntza espezifikoko ikastaroa gainditu izana.

e) Erdi-mailako edo goi-mailako heziketa-zikloetara sartzeko proba gainditu izana, edo 25 urtetik gorakoak edo 45 urtetik gorakoak unibertsitatean sartzeko proba gainditu izana.

f) C graduko 2. mailako prestakuntza-eskaintza gainditu izana, heziketa-zikloaren barruan.

g) Uztailaren 18ko 659/2023 Errege Dekretuaren seigarren xedapen gehigarriaren 1. apartatuan ezarritako erdi-mailako heziketa-zikloetan sartzeko titulazio baliokideren bat izatea egiaztatzea:

• Teknikari laguntzailearen titulua

• Teknikari-titulua.

• Goi-mailako batxiler-titulua, maiatzaren 3ko 2/2006 Lege Organikoaren aurreko planen arabera emana.

• Irakaskuntza ertainak erreformatzeko lehen ziklo esperimentaleko bigarren maila gainditu izana.

• Arte Aplikatuen eta Lanbide Artistikoen irakaskuntzetan, 1963ko planaren hirugarren maila edo plan esperimentaleko ikasgai komunen bigarren maila gainditu izana.

• Batxilergo Bateratu eta Balioaniztuneko (BBB) lehen bi mailetan gehienez bi ikasgai gainditu gabe dituela egiaztatzea.

• Hurrengo apartatuan ezarritako goi-mailako heziketa-zikloetan sartzeko titulazio baliokideren bat egiaztatuta izatea.

• Ondorio akademikoetarako, aipatutako ikasketen baliokideak diren beste ikasketa edo prestakuntza-ikastaro batzuk gainditu izana.

h) Atzerriko ikasketak lehenago zerrendatutako tituluren batekin homologatzeko egiaztagiria. Homologatze-prozedura ebatzi gabe baldin badago, baldintzapean izena emateko txartela onartuko da.

i) Erdi-mailako heziketa-zikloetan sartzeko gaitasunak egiaztatzeko prozeduraren bidez lortutako 3. mailako oinarrizko gaitasunak egiaztatzea.

j) Ziklo jakin batzuetan sartzeko baldintza espezifikoak:

• Larrialdietako eta Babes Zibileko erdi-mailako heziketa-zikloan sartzeko: 18 urte beteta izan behar dira izena emateko urte naturalean.

• Ibilgailuak gidatzeko erdi mailako heziketa-zikloan sartzeko: lehentasuna izango dute B gidabaimena dutenek.

2.3.– Goi-mailako heziketa-zikloak.

Goi-mailako zikloetara sartzeko, gutxienez honako baldintza hauetako bat bete behar da:

a) Batxilergoko titulua izatea.

b) Lanbide Heziketako teknikari titulua edo Arte Plastikoetako eta Diseinuko teknikari titulua izatea.

c) Heziketa-zikloan sartutako C graduko 3. mailako prestakuntza-eskaintza gainditu izana.

d) Hezkuntza Administrazioak baimendutako ikastetxe publikoetan edo pribatuetan goi-mailako heziketa-zikloetara sartzeko prestakuntza espezifikoko ikastaroa gainditu izana.

e) Goi-mailako heziketa-zikloetarako sarbide-proba gainditu izana, edo 25 urtetik gorakoak edo 45 urtetik gorakoak unibertsitatean sartzeko proba gainditu izana.

f) Lanbide Heziketako teknikari edo goi-mailako teknikari titulua edo unibertsitate-gradu bat izatea.

g) Uztailaren 18ko 659/2023 Errege Dekretuaren seigarren xedapen gehigarriaren 2. apartatuan ezarritako goi-mailako heziketa-zikloetan sartzeko titulazio baliokideren bat izatea egiaztatzea:

• Batxilergoko titulua, Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoan ezarritakoa.

• Batxilergo Bateratu Balioaniztuneko (BBB) titulua edo titulu hori lortzeko irakasgai guztiak gaindituta izatea.

• Batxilergo Esperimentaleko edozein modalitatetako bigarren maila gaindituta izatea.

• Unibertsitatera bideratzeko ikasturtea edo unibertsitatearen aurreko ikasturtea gainditu izana.

• Teknikari espezialistaren titulua, goi-mailako teknikariaren titulua edo ondorio akademikoetarako baliokidea.

• Unibertsitate-titulua edo baliokidea.

h) Atzerriko ikasketak lehenago zerrendatutako tituluren batekin homologatzeko egiaztagiria: homologatze-prozedura ebatzi gabe baldin badago, baldintzapean izena emateko txartela onartuko da.

3.– E graduak.

3.1 – Erdi-mailako espezializazio-ikastaroak.

Erdi-mailako espezializazio-ikastaroetara sartzeko, teknikari-tituluren bat eduki behar da, espezializazio-ikastaro bakoitza eta bere curriculumaren oinarrizko alderdiak ezartzen dituen oinarrizko araudian zehaztutakoa.

Hala ere, plaza hutsak dauden egoeretan, plaza horiek hurrenkera honetan eskuratu ahal izango dira:

a) Lanbide Heziketako teknikariaren edo goi-mailako teknikariaren titulua izatea, oinarrizko araudiaren arabera sarbidea ematen dutenen bestelakoa, eta ikastaro horri lotutako lanbide-arloan esperientzia egiaztatzea.

b) Lanbide Heziketako teknikariaren edo goi-mailako teknikariaren titulua izatea, oinarrizko araudiaren arabera sarbidea ematen dutenen bestelakoa, eta aldez aurreko ezagutzak egiaztatzea gaitasun-proba, elkarrizketa pertsonal, sartzeko motibazio-eskaera, curriculum edo lan-esperientziaren bidez.

c) Lanbide Heziketako titulurik ez izatea, baina espezializazio-ikastaro bat egiteko gaitasunak egiaztatzea. Kasu horretan, sartzeko baldintzak betetzearen mende dago titulua lortzea. Ikastaroa amaitu ondoren, sartzeko baldintza horiek egiaztatzen ez badira, ziurtagiri akademikoa egingo da.

3.2 – Goi-mailako espezializazio-ikastaroak.

Goi-mailako espezializazio-ikastaroetara sartzeko, oinarrizko araudian zehaztutako goi-mailako teknikari-tituluren bat eduki behar da, espezializazio-ikastaro bakoitza eta bere curriculumaren oinarrizko alderdiak ezartzen dituen oinarrizko araudian zehaztutakoa.

Hala ere, plaza hutsak dauden egoeretan, plaza horiek hurrenkera honetan eskuratu ahal izango dira:

a) Lanbide Heziketako goi-mailako teknikariaren titulua izatea, oinarrizko araudiaren arabera sarbidea ematen dutenen bestelakoa, eta ikastaro horri lotutako lanbide-arloan esperientzia egiaztatzea.

b) Lanbide Heziketako goi-mailako teknikariaren titulua izatea, oinarrizko araudiaren arabera sarbidea ematen dutenen bestelakoa, eta aldez aurreko ezagutzak egiaztatzea gaitasun-proba, elkarrizketa pertsonal, sartzeko motibazio-eskaera, curriculum edo lan-esperientziaren bidez.

c) Lanbide-heziketako titulurik ez izatea, baina espezializazio-ikastaro bat egiteko gaitasunak egiaztatzen dituzte. Kasu horretan, sartzeko baldintzak betetzearen mende dago titulua lortzea. Ikastaroa amaitu ondoren, sartzeko baldintza horiek egiaztatzen ez badira, ziurtagiri akademikoa egingo da.

V. eranskinean, IV. Taulan, «Espezializazio-ikastaroetara sartzeko baldintzak» izenekoan, aurkituko ditugu oinarrizko araudiaren arabera espezializazio-ikastaroetarako sarbidea ematen duten tituluak.

B) Lanbide Heziketa Birtualeko Irakaskuntzak.

Urrutiko Lanbide Heziketa esaten zaion Lanbide Heziketa Birtualeko irakaskuntzan, ikasleak onartzeko, honako baldintza hauek bete behar dira:

a) 2. mailako ziurtagiri profesionalei (C graduak) lotutako moduluetarako, horiek erdi-mailako (D gradua) zikloetako prestakuntza-moduluak direnak ere: 18 urte izatea.

b) 3. mailako ziurtagiri profesionalei (C graduak) lotutako moduluetarako, zeinak, aldi berean, goi-mailako zikloetako (D gradua) prestakuntza-moduluak baitira: 20 urte izatea (edo 19, teknikari-titulua izanez gero).

Laugarrena.– Onartzeko eskaerak aurkeztea. Modua eta epea.

1.– Jarraibide hauek onartzen dituen aginduaren 3. artikuluan aipatzen denaren ildotik eskaerarik aurkeztu behar ez duten pertsonek ez dute parte hartuko esleipen-prozeduran. Pertsona horien matrikulazioa artikulu horretan aipatutako epean egin beharko da.

2.– Gainerako interesdunek, onartuak izan eta ikastetxe batean matrikula egin ahal izateko, ezinbestean aurkeztu beharko dute agindu honetan aurreikusitako prozeduran parte-hartzeko eskaera.

3.– Eskaera aurkezteko epea hautatutako irakaskuntza-modalitateari dagokion eranskinean jasotako egutegian adierazitakoa da.

4.– Modu hauetako batean aurkeztu ahalko dira eskaerak:

a) Online, hezkuntza-arloko eskumena duen sailak horretarako gaitutako aplikazio informatikoaren bidez, kasuan kasuko dokumentazioa erantsita. Eskaera online aurkezteko, sartu helbide honetan: https://ikasgunea.euskadi.eus.

b) Presentzialki. Lehen tokian eskatutako ikastetxeko idazkaritzara joan behar da.

Halaber, urrutiko araubideko irakaskuntza egin nahi dutenek aukera dute Urrutiko Lanbide Heziketako Zentro Integratuko idazkaritzara joateko.

Interesdunak NANa edo identifikatzeko agiria aurkeztuko du, indarrean dagoena, eta eskatutako datu guztiak emango ditu, ikastetxe horretako langileek aplikazio informatikoan sar ditzaten. Datuak sartutakoan, ikastetxeak inprimaki bat erakutsiko dio eskatzaileari. Bertan jasoko dira eskatzailearen datu pertsonalak, eskatutako zikloak eta aurkeztutako dokumentuak.

Eskatzaileak sartutako datuak aztertuko ditu, eta, konforme baldin badago, inprimakia sinatuko du. Ikastetxeak, orduan, eskatzaileak sinatutako inprimakia zigilatu, eta lehenago sartutako datuak grabatuko ditu. Inprimaki hori, sinatuta eta zigilatuta dagoenean, egindako eskaeren frogagiria eta egiaztagiria izango da.

Eskatutako dokumentazio guztia entregatu ez bada, kasuan kasuko modalitatearen egutegian zehaztutako egunean aurkeztu beharko da.

c) Zuzenean zerbitzuan eta Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusitako moduetariko edozeinetan, manu horretan ezarritako baldintzen arabera eta zein ikastetxetarako den adierazita.

d) Dokumentazioa postetxean aurkeztea aukeratuz gero, gutun-azal irekian aurkeztuko da, postetxeko langileek, ziurtatu baino lehen, data eta zigilua jar diezaioten eskaera-orriari. Hala egin ezean, ikastetxean sartu den datan aurkeztu dela ulertuko da.

Aurrez aurre aurkeztu ez diren eskabideak lehenengo aukeran hautatutako ikastetxeak jaso behar ditu. Eskaera ez da baliozkotzat joko behar bezala jaso arte. Hori Ikasgunean egiaztatzen da, eta bertan eskabidea egoera honetan dagoela agertuko da: Osoa.

5.– Eskaera aurkeztu dutenek aukera izango dute grabatutako datuak aldatu edo zuzentzeko, kasuan kasuko irakaskuntza-modalitatearen egutegian zehaztutako egunera arte. Epe hori bukatuta, ez da inolako aldaketa edo zuzenketarik onartuko, salbu eta sarbideei buruzkoak, 6.b) puntuan zehazten denez.

Dagokion zuzenketa egiteko, ezinbestekoa izango da aldez aurretik eskuratutako jatorrizko frogagiria sinatuta eta zigilatuta aurkeztea. Behin beharrezko zuzenketak eginda, eskaerak aurkezteko erabilitako prozedura errepikatuko da.

6.– Eskaera-inprimaki ezberdinak egongo dira irakaskuntza-araubide eta -modalitatearen arabera, eta eskatu nahi diren plazez gain, honako hauek ere adierazi beharko dira bertan:

a) Ikaslearen identifikazio pertsonala, edo, hala badagokio, bere ordezkariarena, eta interesdunaren eta bere ordezkariaren helbide elektronikoa, jakinarazpenak jasotzeko.

b) Zer sarbide erabili den, hirugarren jarraibidean adierazitakoetatik. Pertsona batek sarbide bat baino gehiago erabiliz sartzeko baldintzak betetzen baditu, bakarra aukeratu ahalko du. Nolanahi ere, egutegian dokumentazioa aurkezteko zehaztutako epea bukatu baino lehen, hasieran aukeratutako sarbidea alda daiteke.

c) Hala badagokio, desgaitasunagatik, hezkuntza laguntza behar bereziak izateagatik edo goi-mailako edo errendimendu handiko kirolari izateagatik plazak erreserbatzeko aukera baliatu den (ikus 5.4 artikulua).

Bosgarrena.– Eskaerarekin batera aurkeztu beharreko dokumentazioa.

1.– Eskatzaile guztiek aurkeztu beharko dute, horretarako adierazitako epean, ikaslearen nortasuna eta adina egiaztatuko dituen dokumentu bat.

• Online eskaera: NAN edo AIZ. Nortasun-datuak kontsultatzeko zerbitzuak baliozkotuko du agiri hori.

Aurrez aurreko eskaera: indarrean dagoen identifikazio-dokumentazioa.

• Eskaera aurkezteko unean ikaslea adin txikikoa bada eta ez badago legez emantzipatuta, eskaera ikaslearen aitak, amak edo ikaslearen tutorea den pertsonak edo erakundeak aurkeztu behar du. Kasu horretan, familia-liburua edo eskaera aurkezten duena ikaslearen legezko ordezkaria dela egiaztatzeko dokumentua ere aurkeztu beharko da.

2.– Eskaeran desgaitasunen bat duten pertsonentzat edo goi-mailako edo errendimendu handiko kirolarientzat erreserbatutako plazetan onartua izatea aukeratu dutenek honako dokumentu hauek aurkeztu beharko dituzte, aurreko puntuan aipatutako nortasun-agiriaz gain:

a) % 33ko desgaitasuna edo handiagoa izateagatiko erreserba: kasuko lurralde-historikoko foru-aldundiko gizarte-zerbitzuetako departamentuak edo administrazio publiko eskudunaren organo baliokideak emandako ziurtagiria.

b) Goi-mailako edo errendimendu handiko kirolari izateagatiko erreserba: adierazpen ofizial bat, baldintza hori egiaztatzen duen kasu bakoitzean aplikatzekoa den araudiaren arabera.

3.– 1. apartatuan adierazitakoaz gain, honako dokumentazio hau ere aurkeztuko da.

a) Ziurtagiri profesionaletarako (C Graduak).

○ Sarbidea titulazio akademiko ofizial bat bada: sartzeko alegatutako titulua edo titulua eskuratzeko tasa ordaindu izanaren egiaztagiria. Ikasketak bukatu diren data dela-eta ezin bada bi dokumentu horietatik bat ere aurkeztu, baldintza hori egiaztatzeko, tituluari dagokion historia akademikoaren ziurtagiria aurkeztu ahal izango da, DBHtik edo Batxilergotik egiten bada sarbidea; LHko titulu batetik egiten bada, ordea, ziurtagiri akademiko ofizial bat aurkez daiteke.

○ Sarbidea profesionaltasun-ziurtagiri bat bada, ziurtagiri hori lortu dela egiaztatzen duen agiria.

○ Sarbidea egin beharreko eskaintzan jasotako gaitasun-ziurtagiria bada, hura lortu dela egiaztatzen duen agiria.

○ Sarbidea baldin bada prestakuntza-ikastaro espezifiko bat gainditu izana, heziketa-zikloetara sartzea prestatzekoa: ikastaroaren amaierako notaren ziurtagiri ofiziala.

○ Sarbidea heziketa-zikloetara sartzeko proba edo 25 urtetik gorakoak edo 45 urtetik gorakoak unibertsitatean sartzeko proba gainditu izana bada: probaren amaierako notaren ziurtagiri ofiziala (ez da beharrezkoa izango heziketa-zikloetara sartzeko probaren ziurtagiria aurkeztea, baldin eta EAEko 2013-2014 ikasturteko deialdian edo hurrengoetan egin eta gainditu bada. Hala ere, proba hori beste edozein autonomia-erkidegotan gainditu dutenek, edo EAEn baina aurreko ikasturteetan gainditu dutenek ziurtagiria aurkeztu beharko dute irakaskuntza-modalitateari dagokion egutegian zehaztutako epean).

○ Urtarrilaren 18ko 34/2008 Errege Dekretuaren IV. eranskinaren arabera beharrezkoak diren funtsezko gaitasunak egiaztatzeko, gaitasun horiek dagokion dokumentuaren bidez egiaztatzea.

b) Oinarrizko mailako heziketa-zikloetarako, hasierako lanbide-heziketan hezkuntza indartzeko ibilbide ohikorako eta oinarrizko mailako eta maila ertaineko ibilbide integratuentzako:

• Ikasleak oinarrizko mailako heziketa-ziklo bat egin dezala proposatzen duen irakasleen orientazio-aholkua.

• Azken maila egin den ikastetxeko ikasketa-ziurtagiria, baldin eta ikasketak EAEtik kanpo egin badira.

Espainiako hezkuntza-sisteman eskolatuta egon ez diren 15 eta 18 urte bitarteko ikasleek ez dute dokumentazio hori aurkeztu beharko.

c) Hezkuntza-laguntzaren premia espezifikoak dituzten ikasleentzako ikaskuntza-ibilbide egokituak dituzten oinarrizko mailako heziketa-zikloetarako (3 urteko ibilbidea):

• Ikasleak 3 urterako prestakuntza-ibilbidea duen oinarrizko mailako heziketa-ziklo bat egin dezala proposatzen duen irakasleen orientazio-aholkua.

• Azken maila egin den ikastetxeko ikasketa-ziurtagiria, baldin eta ikasketak EAEtik kanpo egin badira.

d) Prestakuntza- edo laneratze-zailtasun bereziak dituzten pertsonentzako ikaskuntza-ibilbide egokituak dituzten oinarrizko mailako heziketa-zikloetarako (3 urteko ibilbidea, 16 urtetik gorako ikasleentzat) ez da inolako dokumentazio akademikorik aurkeztuko.

e) Erdi- eta goi-mailako heziketa-zikloetarako: zer sarbide aukeratu den, dokumentu hauek aurkeztu beharko dira:

○ Sarbidea titulazio akademiko ofizial bat bada: sartzeko alegatutako titulua edo titulua eskuratzeko tasa ordaindu izanaren egiaztagiria. Ikasketak bukatu diren data dela-eta ezin bada bi dokumentu horietatik bat ere aurkeztu, baldintza hori egiaztatzeko, tituluari dagokion historia akademikoaren ziurtagiria aurkeztu ahal izango da, DBHtik edo Batxilergotik egiten bada sarbidea; LHko titulu batetik egiten bada, ordea, ziurtagiri akademiko ofizial bat aurkez daiteke.

○ Sarbidea iritsi nahi diren heziketa-zikloetan sartutako C graduko prestakuntza-eskaintza bat gainditu izana bada: lortu izana egiaztatzen duen dokumentua.

○ Sarbidea baldin bada prestakuntza-ikastaro espezifiko bat gainditu izana, heziketa-zikloetara sartzea prestatzekoa: ikastaroaren amaierako notaren ziurtagiri ofiziala.

○ Sarbidea heziketa-zikloetara sartzeko proba edo 25 urtetik gorakoak edo 45 urtetik gorakoak unibertsitatean sartzeko proba gainditu izana bada: probaren amaierako notaren ziurtagiri ofiziala (ez da beharrezkoa izango heziketa-zikloetara sartzeko probaren ziurtagiria aurkeztea, baldin eta EAEko 2013-2014 ikasturteko deialdian edo hurrengoetan egin eta gainditu bada. Hala ere, proba hori beste edozein autonomia-erkidegotan gainditu dutenek, edo EAEn baina aurreko ikasturteetan gainditu dutenek ziurtagiria aurkeztu beharko dute irakaskuntza-modalitateari dagokion egutegian zehaztutako epean).

○ Sarbidea irakasgaiak edo gaiak gainditzea bada: ziurtagiri akademiko ofiziala.

○ Ikasketak atzerrian egin dituzten eta titulazioa homologatzeke duten ikasleen kasuan, baldintzapean izena emateko txartela eta dagokion tasa ordaindu izanaren egiaztagiria.

f) Espezializazio-ikastaroak: sarbidea ikastaro bakoitza egiteko gaikuntza ematen duen titulua denez, aurkeztu beharreko dokumentazioa da ikastarora sartzeko alegatutako titulua edo titulu hori jaulkitzeko tasa ordaindu izanaren agiria. Ikasketak bukatu diren data dela-eta ezin bada bi dokumentu horietatik bat ere aurkeztu, ziurtagiri akademiko ofizialarekin egiaztatu beharko da titulua.

○ Egiaztatu beharreko esperientziaren kasuan, esperientzia hori egiaztatzen duen agiria, lan-bizitza, lan-kontratua edo agiri baliokidea aurkeztu beharko da.

g) Araubide birtualeko irakaskuntzetarako, ikasle berriek EAEn erroldatuta daudela egiaztatzen duen dokumentazioa aurkeztu beharko dute, bai eta prestakuntza-moduluak gainditu dituztela egiaztatzen duen ziurtagiri akademiko ofiziala edo gaitasunak egiaztatzeko ziurtagiria, egiaztatutako gaitasun atalekin.

4.– Eskatutako irakaskuntzari dagokion eranskinean jasotako lehentasun-irizpideei jarraikiz ikaslearen eskubide izan daitezkeen erreserbak, lehentasunak edo hurrenkeran lehenago joateko aukera erabiltzeko, horretarako eskubidea duela egiaztatzen duen dokumentazioa aurkeztu beharko da, salbu eta Administrazioak aurretiaz badu informazio hori.

5.– Eskatzaileak irakaskuntzetara sartzeko baldintzak betetzen dituela egiaztatuta geratzen den guztietan, plaza erreserbatzeko, lehentasuna izateko edo hurrenkeran lehenago joateko eskubidea ematen duen dokumentuetako bat aurkezten ez bada, eskabideak ez du baliozkotasunik galduko, baina ikasleak izan zezakeen hurrenkera galduko du, bai eta erreserbarako eskubidea ere, halakorik balego. Egoera horietan, esleipena kupo orokorrean dagokion sarbidetik egingo da.

Seigarrena.– Plazak esleitzeko prozedura.

1.– 1. artikuluan aipatzen diren irakaskuntzetako plazak esleitzeko prozeduran parte hartu nahi dutenek dagokion eskaera aurkeztu beharko dute, horretarako ezarritako epean. Ez da eskaerarik onartuko ez ezarritako epearen aurretik ez ondoren.

2.– Plazak esleitzeko, aintzat hartuko da eskaeran adierazitako hurrenkera, plaza bat baino gehiago eskatzen bada.

3.– Eskaeran, datu hauek eman beharko dira plazei buruz:

• ikastetxea,

• eskatutako irakaskuntzak (ziurtagiri profesionala, heziketa-zikloak edo espezializazio-ikastaroa, eskatutako ibilbidea),

• txanda,

• maila,

• hizkuntza-eredua,

• eleaniztasuna.

Urrutiko irakaskuntzari dagokionez, prestakuntza-modulua ere sartuko da.

4.– Pertsona bakoitzak nahi adina plaza eskatu ahal izango ditu. Ez dago mugatuta eskaera bakoitzean eska daitekeen plaza kopurua.

5.– Eskaeran zenbat eta plaza gehiago eskatu, orduan eta aukera gehiago esleipen-prozeduran plaza bat lortzeko.

6.– Esleipen-prozedura desgaitasuna duten pertsonentzat, hezkuntza-laguntzaren premia espezifikoak dituztenentzat eta goi-mailako eta errendimenduko kirolarientzat erreserbatutako plazetatik hasiko da, 5.4 artikuluan ezarrita dagoen bezalaxe. Erreserbatutako zenbait plaza esleitu gabe geratzen badira, gainerako plazei batuko zaizkie.

Prozeduraren lehen urrats horretan parte hartu eta erreserbatutako plazarik lortu ez dutenak plazak esleitzeko prozedura arruntean sartuko dira.

7.– Berdinketarik izanez gero, ausazko esleipen-prozedura bat baliatuko da, ikasleak onartzeko prozeduran erabilitako aplikazio informatikoak egina. Aplikazio informatikoak, eskaera grabatzeko unean, ausazko hurrenkera-zenbaki bat esleituko dio eskaerari, 1aren eta 99999aren arteko zenbaki oso bat, alegia. Berdinketak hautsi behar diren kasuetan erabiliko da zenbaki hori, horretarako gainerako irizpide guztiak agortu ondoren, betiere. Zenbaki txikienari emango zaio lehentasuna.

Zazpigarrena.– Batez besteko nota kalkulatzea.

1.– Ikasketak EAEn egin dituzten ikasleen kasuan, hezkuntza-administrazioak aurretiaz du haien historia akademikoan lortutako batezbestekoa; beraz, kasu horretan ez da historia akademikoa aurkeztu beharko, esleipena egiteko erabiltzen den aplikazio informatikoak zuzenean hartuko duelako aintzat nota hori.

2.– Beste autonomia-erkidego batzuetatik datozenek historia akademikoa aurkeztu beharko dute, eta bertan agertzen den batez besteko nota hartuko zaie aintzat.

3.– Hezkuntza-administrazioak ez badu aurretiaz nota hori, tituluan lortutako batez besteko nota jasoko duen ziurtagiri akademiko ofiziala aurkeztu beharko da, plazak esleitzeko hurrenkera ezartze aldera. Ziurtagiri hori aurkezten ez duenari 5eko batez besteko nota emango zaio.

4.– Aurkeztutako ziurtagirian ez baldin badago batez bestekoa kalkulatuta, honako kalkulu hau egin beharko da:

–1. mailako ziurtagiri profesionaletarako eta oinarrizko mailako heziketa-zikloetarako, DBHko edo irakaskuntza baliokideko maila bakoitzean egindako ikasgaien batez besteko nota kalkulatzeko, irakasgaiaren kalifikazioa kuantitatiboa bada, bertan agertzen den zenbakia hartuko da zehazki. Ikasgaiko nota kualitatiboa bada, kuantitatibo bilakatu beharko da, baremo honi jarraituz:

• Gutxiegi: 3.

• Nahiko: 5.

• Ongi: 6.

• Oso ongi: 7,5.

• Bikain: 9.

Batez besteko notaren kalkulua bi dezimalekin adieraziko da.

– 2. eta 3. mailako ziurtagiri profesionaleko, erdi- eta goi-mailako heziketa-zikloetarako eta espezializazio-ikastaroetarako batez besteko nota kalkulatzeko, egiaztatutako ikasketetan lortutako batezbestekoa hartuko da aintzat. Irakasgaiko nota kuantitatiboa bada, zenbaki hori bera hartuko da aintzat. Ikasgaiko nota kualitatiboa bada, kuantitatibo bilakatu beharko da, baremo honi jarraituz:

• Nahiko: 5.

• Ongi: 6.

• Oso ongi: 7,5.

Bikain edo bikain ohorezko matrikularekin: 9.

• Batxilergoko edo DBHko titulu homologatua: homologazio-ebazpenean ageri den nota.

• Gai sarrera-proban: 5,00.

• Sarrera-proba egitetik salbuetsia: 5,00.

• Baldintzapean izena emateko txartela: 5,00.

Zortzigarrena.– Onartutako eta ez-onartutako eskaeren behin-behineko zerrendak onetsi eta argitaratzea.

Eskaerak aurkezteko epea bukatu ondoren, eskuragarri jarriko da onartutako eta baztertutako eskaeren zerrenda, hemen: Ikasgunea, https://ikasgunea.euskadi.eus. Bertan, honako hauek zehaztuko dira: lehentasuna, eta, horren barruan, kasu bakoitzean ezarritako hurrenkera. Ikastetxeetako idazkaritzetan ere egongo dira zerrendak eskuragarri.

Bederatzigarrena.– Behin-behineko zerrenden aurkako erreklamazioak aurkeztea.

1.– Behin-behineko zerrenden aurka, erreklamazioa aurkez daiteke ikastetxeko zuzendaritzaren aurrean, presentzialki edo telematikoki, dagokion egutegian ezarritako epean.

2.– Pertsona batek erreklamazio bat aurkezten duenean, ikastetxeak dagokion aplikazio informatikoan jaso beharko du. Ondoren, aurkeztutako erreklamazioaren kopia bat inprimatu, zigilatu eta erreklamaziogileari emango dio, egiaztagiri modura.

Ikastetxeak jasotako erreklamazioa izapidetuko du, eta onartu edo ezetsi egin beharko du. Horretarako, aplikazio informatikoaren erreklamazioak ebazteko pantailara sartu beharko da.

Ikastetxeak erreklamazioa atzera bota edo osorik edo zati batean onartu beharko du, eta, kasu bakoitzean, dagozkion laukitxoan markatuko ditu aplikazio informatikoan, eta, hala dagokionean, erreklamazioan onartutako datuak aldatu.

3.– Erreklamazioak ebatzitzat joko dira behin betiko zerrendak hurrengo puntuan ezarritakoari jarraikiz argitaratzearekin batera.

Hamargarrena.– Behin betiko zerrendak onetsi eta argitaratzea.

1.– Aurkeztutako erreklamazioak ebatzi eta gero, eskuragarri jarriko da onartutako eta baztertutako eskaeren behin betiko zerrenda, Ikasgunean https://ikasgunea.euskadi.eus eta dagokion ikastetxeko idazkaritzan.

2.– Behin betiko zerrenden aurka, gora jotzeko errekurtsoa aurkeztu ahal izango zaio Hezkuntzako lurralde-ordezkariari, hiru hilabeteko epean, zerrendak argitaratu eta hurrengo egunetik hasita.

Aurkeztutako errekurtsoak ebazteko beharrezkotzat jotzen dituen dokumentu guztiak eskatu ahal izango ditu Hezkuntzako lurralde-ordezkariak.

Ikasleak behar bezala matrikulatu daitezkeela bermatzeko moduko epean eman beharko du ebazpena Hezkuntzako lurralde-ordezkariak, eta ebazpen horrek amaiera emango dio administrazio-bideari.

Hamaikagarrena.– Onarpen-prozesuaren Berme Batzordeak.

Urtarrilaren 9ko 1/2018 Dekretuan xedatutakoa, 15. artikuluan, bete beharko da Onarpen-prozesuaren Berme Batzordeak eratu eta jardunean jartzeko.

Hamabigarrena.– Baldintzak objektiboki ez betetzearren matrikula ukatzea edo ofizioz deuseztatzea.

1.– Segurtasun- edo osasun-egoerekin lotutako baldintza psikofisiko zehatz batzuk eskatzen dituen profil profesionala duten lanbide-heziketako ikasketetan, hezkuntzaren arloan eskumena duen sailak beharrezkoak diren frogagiriak aurkezteko edo proba jakin batzuk egiteko eskatu ahalko du, titulu bakoitza arautzen duen arauan hala jasota badago.

2.– Kasu horietan, atzera bota edo deuseztatu ahal izango da ikaslearen matrikula, laguntza-zerbitzuen iritzia eskatu ondoren, eta, betiere, Hezkuntza Ikuskaritzak dagokion txostena egin ostean, baldin eta ondorioztatzen bada eskatzaileak ez dituela betetzen eskatzen zaizkion baldintza horiek.

3.– Interesdun batek izena emateko unean aurkeztutako datuei erreparatuta ikastetxeko arduradunek uste badute baldintza batzuk betetzen ez dituela, ikastetxearen zuzendaritzak, hilabeteko gehieneko epean, matrikula behin-behinekoa dela adierazi beharko dio ikasleari, eta lehenago deskribatutako prozedurari ekin beharko dio; gainera, egoeraren berri eman beharko dio hezkuntza ikuskaritzako lurralde-buruzagitzari. Hezkuntzako lurralde-ordezkaritzak erabakiko du matrikula berretsi edo baztertu behar den.

4.– Hezkuntza-jarduera igaro ahala, ikusten bada arestian aipatutako baldintza objektiboen ez-betetze zantzurik, ikastetxearen zuzendariak egoki den prozedurari ekin beharko dio hilabeteko gehieneko epean, egoeraren berri eman zaion momentutik hasita. Era berean, horren berri eman beharko dio hezkuntza-ikuskaritzako lurralde-buruzagitzari. Hezkuntzako lurralde-ordezkaritzak erabakiko du matrikula deuseztatu behar den ala ez.

Hamahirugarrena.– Onarpenerako organo eskudunak.

1.– Ikastetxe publikoetan, zuzendaritzari dagokio ikasleen onarpenari buruzko erabakia hartzea, aplikatu beharreko araudian eta agindu eta jarraibide hauetan adierazitakoari jarraituz. Ikastetxeko Eskola Kontseiluak edo Gizarte Kontseiluak, berriz, onarpenari buruzko informazioa ematea, Hezkuntzari buruzko maiatzaren 3ko 2/2006 Lege Organikoaren 127.e) eta 132.n) artikuluetan ezarritakoa betez.

2.– Itunpeko ikastetxe pribatuetan, ikastetxeko arauak ezartzen dituzten organoek erabakiko dute ikasleen onarpenari buruz, aplikatu beharreko araudian adierazitakoa betez.

II. ERANSKINA

LANBIDE HEZIKETA PRESENTZIALEAN, ESKAINTZA OSOAN, ONARTZEKO, ESLEITZEKO ETA MATRIKULATZEKO JARRAIBIDEAK

Lehenengoa.– Onarpen-eskaera egiteko, onarpen-zerrendak argitaratzeko eta matrikulatzeko egutegia.

(Ikus .PDF)

Bigarrena.– Online nahiz aurrez aurre aurkeztutako onarpen-eskaeren berezitasunak.

Eskaera-inprimaki bakarra beteko da Eskaintza Osoko Modalitateko Araubide Presentzialaren irakaskuntzetarako: C Graduak (1. 2. eta 3. mailako profesionaltasun-ziurtagiriak), D Graduak (Oinarrizko mailako heziketa-zikloak, erdi-mailakoak eta goi-mailakoak), E Graduak (espezializazio-ikastaroak, erdi-mailakoak eta goi mailakoak)

Inor plazarik gabe gera ez dadin, ikasleei gomendatzen zaie gutxienez hamar plaza eskatzeko eskaera betetzean.

Inprimakiak jarraibide hauen arabera bete behar dira:

• Eskatutako plaza bakoitzeko, datu hauek adieraziko dira: ikastetxea, C gradua, zikloa, espezializazio-ikastaroa, maila, hizkuntza-eredua, txanda eta hizkuntza (eleaniztasuna).

• Eskatutako lehenengo plazaren ikastetxea erreferentzia-ikastetxea izango da onarpen-prozedura honekin zerikusia duten izapide guztietarako.

• Eskatutako plazak eskatzaileak aukeratutako hurrenkeran agertuko dira.

• Pertsona bakoitzak nahi adina plaza eska ditzake.

Hirugarrena.– Plazen esleipenari buruzko zehaztapenak.

1.– 3. artikuluan aipatzen denaren ildotik, eskaerarik aurkeztu behar ez duten pertsonek, hau da, errepikatzaileek eta 1. mailatik 2. mailara igarotzen direnek, ez dute parte hartuko esleipen-prozeduran.

2.– Eskatzaile bakoitzari ez zaio plaza bat baino gehiago esleituko.

3.– % 33ko edo gehiagoko desgaitasuna duten pertsonentzat gordetako plazak eta Hezkuntza Sailaren hezkuntza-laguntzaren premia espezifikoen erregistroan inskribatutako hezkuntza-laguntzaren premia espezifikoak dituzten ikasleentzat gordetako plazak esleitzeko, espediente akademikoak zehaztuko du hurrenkera.

4.– Ziurtagiri profesionaleko esleipenak (C graduak)

a) 1. mailako ziurtagiri profesionaletarako.

Talde bakoitzari esleitzeko, honako kuota eta lehentasun hauek hartuko dira kontuan:

a.1.– Plazen % 60, 18 urtetik gorako langabeentzako

a.2.– Plazen % 40, 18 urtetik gorako jarduneko langileentzako

Plaza libreak geratzen badira, 16 urtetik gorakoei esleituko zaizkie, baldin eta DBHko titulurik edo lanbide-heziketako irakaskuntzetan sartzeko beste titulurik egiaztatzen ez badute.

Talde bakoitzaren lehentasuna adinaren araberakoa izango da, adin handienetik txikienera.

b) 2. mailako ziurtagiri profesionaletarako.

Talde bakoitzari esleitzeko, honako kuota eta lehentasun hauek hartuko dira kontuan:

b.1.– Plazen % 60, 18 urtetik gorako langabeentzako

b.2.– Plazen % 40, 18 urtetik gorako jarduneko langileentzako

Plaza libreak geratzen badira, 16 urtetik gorakoei esleituko zaizkie, baldin eta DBHko titulurik edo lanbide-heziketako irakaskuntzetan sartzeko beste titulurik egiaztatzen ez badute.

Talde bakoitzaren lehentasuna adinaren araberakoa izango da, adin handienetik txikienera.

c) 3. mailako ziurtagiri profesionaletarako.

Talde bakoitzari esleitzeko, honako kuota eta lehentasun hauek hartuko dira kontuan:

c.1.– Plazen % 60, 18 urtetik gorako langabeentzako

c.2.– Plazen % 40, 18 urtetik gorako jarduneko langileentzako

Plaza libreak geratzen badira, 16 urtetik gorakoei esleituko zaizkie, baldin eta DBHko titulurik edo lanbide-heziketako irakaskuntzetan sartzeko beste titulurik egiaztatzen ez badute.

Talde bakoitzaren lehentasuna adinaren araberakoa izango da, adin handienetik txikienera.

5.– Oinarrizko mailako heziketa-zikloak, hasierako lanbide heziketan hezkuntza indartzeko ibilbide ohikoa: esleipena egiteko ezarritako taldeek ondoren adierazten diren letretan duten lehentasun-ordenaren arabera egingo da esleipena. Horrenbestez, ez zaie plazarik esleituko talde bateko eskatzaileei, baldin eta aurreko taldean plazarik esleitu ez zaien eskaerak badaude.

Hona hemen taldeak:

a) DBHko 3. edo 4. mailara arteko ikasketak egin dituzten ikasleak, bide arruntaren bidez edo curriculum aniztasunaren bidez, betiere izen-ematearen urte naturalean 17 urte badituzte eta izen-ematearen unean EAEn eskolatuta badaude. Egun hala ez badaude, DBHko azken maila EAEn egindakoak izan behar dute.

b) DBHko 3. edo 4. mailara arteko ikasketak egin dituzten ikasleak, bide arruntaren bidez edo curriculum aniztasunaren bidez, betiere izen-ematearen urte naturalean 16 urte badituzte eta izen-ematearen unean EAEn eskolatuta badaude. Egun hala ez badaude, DBHko azken maila EAEn egindakoak izan behar dute.

c) DBHko 3. mailara arteko ikasketak egin dituzten ikasleak, betiere izen-ematearen urte naturalean 15 urte badituzte eta izen-ematearen unean EAEn eskolatuta badaude. Egun hala ez badaude, DBHko azken maila EAEn egindakoak izan behar dute.

d) DBHko 2. mailara arteko ikasketak egin dituzten ikasleak, betiere izen-ematearen urte naturalean 16 urte badituzte eta izen-ematearen unean EAEn eskolatuta badaude. Egun hala ez badaude, Derrigorrezko Bigarren Hezkuntzako azken maila EAEn egindakoak izan behar dute.

e) DBHko 2. mailara arteko ikasketak egin dituzten ikasleak, betiere izen-ematearen urte naturalean 15 urte badituzte eta izen-ematearen unean EAEn eskolatuta badaude. Egun hala ez badaude, Derrigorrezko Bigarren Hezkuntzako azken maila EAEn egindakoak izan behar dute.

f) DBHko azken maila erkidego honetan egin ez duten ikasleak, a) apartatutik e) apartatura bitarte ezarritako lehentasun berberarekin.

g) 17 urtetik gorako ikasleak, DBHko hirugarren edo laugarren maila egin dutenak edo, salbuespenez, DBHko bigarren maila egin dutenean eta irakasle-taldeak proposatu duenean oinarrizko mailako heziketa-ziklo batean sar daitezen.

h) Aurreko kolektiboetan jasota ez dauden gainerako eskatzaileak, baldin eta inskripzioaren urte naturalean 15-18 urte dituztela egiaztatzen badute eta Espainiako hezkuntza-sisteman eskolatuta egon ez badira eta prestakuntza jarraitu ahal izateko hizkuntza ezagutzen badute.

i) Inskripzioaren urte naturalean 18 urtetik gorako gainerako eskatzaileak, baldin eta Espainiako hezkuntza-sisteman eskolatuta egon ez badira eta prestakuntza jarraitu ahal izateko hizkuntza ezagutzen badute.

Talde bakoitzean hurrenkera ezartzeko, aintzat hartuko da historia akademikoaren batez besteko nota onena, I. eranskineko zazpigarren jarraibidean adierazten den moduan kalkulatua. Hala ere, h) eta i) letretako taldeen kasuan, adinaren arabera ezarriko da hurrenkera, txikienetik handienera.

6.– Oinarrizko mailako heziketa-zikloak, hezkuntza-laguntzaren premia espezifikoak dituzten ikasleentzako ikaskuntza-ibilbide egokituekin, 3 urteko ibilbidea, hirugarren jarraibideko 2.1 puntuan ezarritako baldintzak betetzen dituztenak. I. eranskineko B letran. Esleipena egiteko ezarritako taldeek ondoren adierazten diren letretan duten lehentasun-ordenaren arabera egingo da esleipena. Horrenbestez, ez zaie plazarik esleituko talde bateko eskatzaileei, baldin eta aurreko taldean plazarik esleitu ez zaien eskaerak badaude.

a) Baldintza hauek betetzen dituzten ikasleak: gutxienez DBHko 2. maila egin izana, izen-ematea egiten den urte naturalean 16 urte betetzea eta hezkuntza-laguntzaren premia espezifikoak baditu, hurrenkera honekin:

1.– Desgaitasun intelektual arina.

2.– Mugako gaitasun intelektuala.

3.– Espektro autistaren nahasmendua (TEA).

4.– Gaixotasun mentala.

5.– Hizkuntzaren garapenaren nahasmendua.

6.– Ikasteko zailtasun espezifikoa.

7.– TDH-A.

b) Baldintza hauek betetzen dituzten ikasleak: gutxienez DBHko 2. maila egin izana, izen-ematea egiten den urte naturalean 15 urte betetzea eta hezkuntza-laguntzaren premia espezifikoak baditu, lehentasun-ordena honekin:

1.– Desgaitasun intelektual arina.

2.– Mugako gaitasun intelektuala.

3.– Espektro autistaren nahasmendua (TEA).

4.– Gaixotasun mentala.

5.– Hizkuntzaren garapenaren nahasmendua.

6.– Ikasteko zailtasun espezifikoa.

7.– TDH-A.

c) Baldintza hauek betetzen dituzten ikasleak: gutxienez DBHko 2. maila egin izana, izen-ematea egiten den urtean 16 urte baino gehiago izatea eta eta hezkuntza-laguntzaren premia espezifikoak baditu, lehentasun-ordena honekin:

1.– Desgaitasun intelektual arina.

2.– Mugako gaitasun intelektuala.

3.– Espektro autistaren nahasmendua (TEA).

4.– Gaixotasun mentala.

5.– Hizkuntzaren garapenaren nahasmendua.

6.– Ikasteko zailtasun espezifikoa.

7.– TDH-A.

d) Sartzeko baldintzak beteta, aurreko ataletan zehaztutakoez bestelako hezkuntza-laguntza behar duten ikasleak.

Talde bakoitzaren barruan berdinketarik izanez gero, ausazko prozedura bat baliatuko da, ikasleak onartzeko prozeduran erabilitako aplikazio informatikoak egina. Aplikazio informatikoak, eskaera grabatzeko unean, ausazko zenbaki bat esleituko dio eskaerari, 1aren eta 99999aren arteko zenbaki oso bat, alegia. Berdinketak hautsi behar diren kasuetan erabiliko da zenbaki hori, horretarako gainerako irizpide guztiak agortu ondoren, betiere. Zenbaki txikienari emango zaio lehentasuna.

7.– Oinarrizko mailako heziketa-zikloak, ikaskuntza-ibilbide egokitua prestakuntza-zailtasun bereziak dituztenentzat edo laneratzeko zailtasunak dituztenentzat, 3 urteko ibilbidearekin, 16 urtetik gorakoentzat, baldin eta LHko ikasketak egiteko aukera ematen duen titulaziorik egiaztatzen ez badute eta DBH egin ez badute.

Kasu horretan, adinaren arabera ezarriko da lehentasuna, txikienetik handienera.

8.– Oinarrizko eta erdi-mailako ibilbide integratua. Kasu horretan, esleipena ibilbide integratuko oinarrizko gradu batean egingo da, eta prozesua hirugarren jarraibideko 5. puntuan zehaztutako bera izango da.

9.– Erdi-mailako heziketa-zikloak: esleipena egiteko, kuota eta lehentasun hauek hartuko dira kontuan.

a) Plazen % 75a Derrigorrezko Bigarren Hezkuntzako graduatu-titulua edo Lanbide Heziketako oinarrizko teknikari titulua dutela egiaztatzen dutenentzat, honela banatuta:

a.1.– Plazen % 60a Derrigorrezko Bigarren Hezkuntzako graduatu-titulua egiaztatzen dutenentzat. 2022-2023 ikasturtetik aurrera oinarrizko graduko titulua duten ikasle guztiek derrigorrezko bigarren hezkuntzako graduatu-tituluarekin sartuko dira.

a.1.1.– Plazen % 50a, lehentasunez, ikasketak azken hiru urte naturaletan bukatu dituztenentzat (2025eko ekainean titulatutakoak, 2024ko ekainean titulatutakoak eta 2023ko ekainean titulatutakoak).

a.1.2.– Plazen % 5a DBHko titulua Helduen Hezkuntzan (HHE) eskuratu dutenentzat.

a.1.3.– Plazen % 5a ikasketak atzerrian egin eta eskuratutako titulazioa homologatzeke duten ikasleentzat, betiere aurretiaz baldintzapean izena emateko txartela aurkezten badute.

a.2.– Plazen % 15a Lanbide Heziketako oinarrizko teknikari titulua dutenentzat, 2022ko ekainaren aurretik lortua.

Gainera, kidetasun hauek ezartzen dira: V. eranskina – I. taula – Oinarrizko mailako heziketa-ziklo batetik erdi-mailako heziketa-ziklo batera sartzeko lehentasunak.

b) Plazen % 15a prestakuntza-ikastaro espezifiko bat edo sarbide-proba bat gainditu duten pertsonei esleituko zaie.

b.1.– Plazen % 10a erdi- edo goi-mailako heziketa-zikloetara sartzeko probak gainditu dituztenentzat.

b.2.– Plazen % 5a prestakuntza-ikastaro espezifiko bat gainditu dutenentzat.

c) Plazen % 10a teknikari titulua edo goi-mailako teknikariaren titulua dutenentzat edo erdi-mailako zikloetan sartzeko titulazio baliokideren bat duten pertsonentzat, honako irizpide hauen arabera:

c.1.– Plazen % 5 teknikari-titulua dutenentzat edo sartzeko titulazio baliokidea dutela egiaztatzen dutenentzat, I. eranskineko hirugarren jarraibideko A apartatuko 2.2 puntuko g letran ezarritakoaren arabera, lehentasun honen arabera:

c.1.1.– Lanbide-arlo bereko zikloetako tituludunak.

c.1.2.– Beste lanbide-arlo batzuetako zikloetako tituludunak.

c.1.3.– Gainerako titulazioak.

c.2.– Plazen % 5 goi-mailako teknikariaren titulua duten pertsonentzat, edo sartzeko titulazio baliokidea egiaztatzen dutenentzat, I. eranskineko hirugarren jarraibideko A ataleko 2.3 g letran ezarritakoaren arabera, lehentasun honen arabera:

c.2.1.– Lanbide-arlo bereko zikloetako tituludunak.

c.2.2.– Beste lanbide-arlo batzuetako zikloetako tituludunak.

c.2.3.– Gainerako titulazioak

Kuota bakoitzaren barruan, lehentasun berbera duten pertsonen hurrenkera zehazteko, sartzeko erabilitako tituluari dagokion historia akademikoan ageri den batez besteko notari erreparatuko zaio, edo, bestela, sartzeko erabilitako ikasketetan, kurtsoan edo proban lortutako kalifikazioari. Batez besteko nota kalkulatzeko, I. eranskineko zazpigarren jarraibidean xedatutakoa hartuko da aintzat.

Berdinketarik izanez gero, ausazko esleipen-prozedura bat baliatuko da, ikasleak onartzeko prozeduran erabilitako aplikazio informatikoak egina. Aplikazio informatikoak, eskaera grabatzeko unean, ausazko zenbaki bat esleituko dio eskaerari, 1aren eta 99999aren arteko zenbaki oso bat, alegia. Berdinketak hautsi behar diren kasuetan erabiliko da zenbaki hori, horretarako gainerako irizpide guztiak agortu ondoren, betiere. Zenbaki txikienari emango zaio lehentasuna.

Aukeretako baten (a, b, c) kuota guztiak betetzen ez badira, plaza hutsak proportzionalki banatuko dira gainerako kuoten artean, lehenengo, a kuota, gero, b kuota eta, azkenik, c kuota (Kuota bakoitzean lehenengo a1, gero a2....).

Gainera, talde bakoitzean dauden plaza guztien % 10 egongo da, sartu nahi den heziketa-zikloan C gradu bat edo gehiago gainditu dutenentzat, teknikari-titulua lortzeko helburuarekin.

Plaza horiek lanbide-moduluetan kreditu osagarriak banatzeko zenbatzen dira, baina ez dira zenbatzen eskainitako plazetan.

Lehentasun bera dutenen arteko hurrenkera: lehenik eta behin, heziketa-zikloan sartutako C gradu bat edo gehiago egitean ordu gehien egiaztatzen dituztenak izango dira, eta, berdinketarik egonez gero, eskatzailearen adina hartuko da kontuan, handienetik txikienera.

10.– Goi-mailako heziketa-zikloak: honako kuota eta lehentasun hauek kontuan hartuko dira esleipena egiteko:

a) Plazen % 80a Batxilergoko titulua edo Lanbide Heziketako teknikari titulua egiaztatzen dutenentzat, honela banatuta:

a.1.– Plazen % 40a Batxilergoko titulua egiaztatzen dutenentzat, azken hiru ikasturteetan lortua (2025eko ekainean, 2024ko ekainean eta 2023ko ekainean), kuota hauek kontuan hartuta:

a.1.1.– Plazen % 35a Batxilergoko titulua egiaztatzen dutenentzat, lehentasun honen arabera:

1. Lanbide-heziketako titulu zehatza ezarri duen errege-dekretuak onarpen-irizpide gisa jarritako Batxilergoko modalitatea eta, hala badagokio, irakasgaia egin izana. Hemen daude jasota: V. eranskina – III. taula – Batxilergoko titulu batetik sartzeko lehentasunak jaso baitira. (III. taula – batxilergoko titulu batetik sartzeko lehentasunak.

2. Aurreko apartatuan aipatutako Batxilergoko modalitatea egin izana, baina ez irakasgaia.

3. Batxilergoko beste modalitate bat egin izana.

a.1.2.– Plazen % 5a ikasketak atzerrian egin eta eskuratutako titulazioa homologatzeke duten ikasleentzat, betiere aurretiaz baldintzapean izena emateko txartela aurkezten badute.

a.2.– Plazen % 40a Lanbide Heziketako teknikari titulua egiaztatzen dutenentzat, azken hiru ikasurteetan lortua, hemen ezarritako lehentasunarekin: V. eranskina. II. taula – Erdi-mailako titulu batetik goi-mailako titulu batera sartzeko lehentasunak.

b) Plazen % 15a prestakuntza-ikastaro espezifiko bat edo sarbide-proba bat gainditu duten pertsonei esleituko zaie.

b.1.– Plazen % 7,5a goi-mailako heziketa-zikloetara sartzeko probak gainditu dituztenentzat.

b.2.– Plazen % 7,5a prestakuntza-ikastaro espezifiko bat gainditu dutenentzat.

c) Plazen % 5a goi mailako teknikari-titulua duten pertsonentzat edo sartzeko titulazio baliokidea dutela egiaztatzen dutenentzat, I. eranskineko hirugarren jarraibideko A letrako 2.3 puntuko g letran ezarritakoaren arabera, irizpide hauen arabera:

c.1.– Lanbide-arlo bereko zikloetako tituludunak.

c.2.– Beste lanbide-arlo batzuetako zikloetako tituludunak.

c.3.– Gainerako titulazioak.

Lehentasun bera duten pertsonen hurrenkera zehazteko, sartzeko erabilitako tituluari dagokion historia akademikoan ageri den batez besteko notari erreparatuko zaio, edo, bestela, sartzeko erabilitako ikasketetan, kurtsoan edo proban lortutako kalifikazioari. Batez beste nota kalkulatzeko, I. eranskineko zazpigarren jarraibidean xedatutakoa hartuko da aintzat.

Aukeretako baten (a, b, c) kuota guztiak betetzen ez badira, plaza hutsak proportzionalki banatuko dira gainerako kuoten artean: lehenengo,a kuota, gero, b kuota eta, azkenik, c kuota (Kuota bakoitzean, lehenengo a1, gero a2....).

Gainera, talde bakoitzean dauden plaza guztien % 10 egongo da, sartu nahi den heziketa-zikloan C gradu bat edo gehiago gainditu duten pertsonentzat, goi mailako teknikari-titulua lortzeko helburuarekin.

Plaza horiek lanbide-moduluetan kreditu osagarriak banatzeko zenbatzen dira, baina ez dira zenbatzen eskainitako plazetan.

Lehentasun bera dutenen arteko hurrenkera: lehenik eta behin, heziketa-zikloan sartutako C gradu bat edo gehiago egitean ordu gehien egiaztatzen dituztenak izango dira, eta, berdinketarik egonez gero, eskatzailearen adina, handienetik txikienera.

11.– Espezializazio-ikastaroak:

a) Erdi-mailako espezializazio-ikastaroak: lehentasun hauek kontuan hartuko dira esleipena egiteko:

a.1.– Plazen % 100 espezializazio-ikastarora sartzeko arauz ezarritako titulua aurreko hiru ikasturteetako batean eta EAEn eskuratu duten ikasleak.

a.2.– Plaza libreak geratzen badira, eta plazen % 20 gehienez, honako talde hauentzat, lehentasun honen arabera:

a.2.1.– Espezializazio-ikastarora sartzeko araudiak ezartzen duen titulua ez den beste titulu bat dutenak, baina ikastaroari lotutako esperientzia egiaztatzen dutenak.

a.2.2.– Espezializazio-ikastarora sartzeko araudiak ezartzen duen titulua ez den beste titulu bat dutenak, ikastaroari lotutako ezagutzak egiaztatzen badituzte.

a.2.3 Titulurik ez izanik, egin nahi den ikastaroari lotutako ezagutzak egiaztatzen dituztenek.

b) Goi-mailako espezializazio-ikastaroak: lehentasun hauek kontuan hartuko dira esleipena egiteko:

b.1.– Plazen % 100 espezializazio-ikastarora sartzeko arauz ezarritako titulua aurreko hiru ikasturteetako batean eta EAEn eskuratu duten ikasleak.

b.2.– Eskainitako plaza guztiak talde horretakoekin betetzen ez badira, eta eskaera badago, gainerako plaza horiek eskaini ahal izango dira talde hauentzat, lehentasun honen arabera:

b.2.1.– Espezializazio-ikastarora sartzeko araudiak ezartzen duen titulua ez den beste titulu bat dutenak, baina ikastaroari lotutako esperientzia egiaztatzen dutenak.

b.2.2.– Espezializazio-ikastarora sartzeko araudiak ezartzen duen titulua ez den beste titulu bat dutenak, ikastaroari lotutako ezagutzak egiaztatzen badituzte.

b.2.3 Titulurik ez izanik, egin nahi den ikastaroari lotutako ezagutzak egiaztatzen dituztenek.

Lehentasun berbera duten pertsonen hurrenkera zehazteko, sartzeko erabilitako tituluari dagokion espediente akademikoan ageri den batez besteko notari erreparatuko zaio. Batez beste nota kalkulatzeko, I. eranskineko zazpigarren jarraibidean xedatutakoa hartuko da aintzat.

Laugarrena.– Matrikulazio-prozedura., lehen mailako zein bigarren mailako pertsona guztientzat.

1.– Matrikulak presentzialki egin beharko dira ikastetxeetako idazkaritzetan. Matrikula online egin ahal izango da ohiko epearen I. eta II. faseetan.

2.– Esleipen-prozeduran parte hartu beharrik ez duten ikasleek (errepikatzaile izateagatik edo ikastetxe berean 1. mailatik 2. mailara igotzeagatik) epe honetan egingo dute matrikula: ekainaren 9 tik 27ra, biak barne. Hori egin ezean, ikasten ari diren zikloko plazari uko egiten diotela ulertuko da.

3.– Pertsona bat ezingo da matrikulatu bi ziklotan (salbu eta ordutegiak bateragarriak badira), ez eta ziklo bereko matrikula aldi berean gauzatu ere bi araubide desberdinetan, ez eta bi irakaskuntza-modalitate desberdinetan ere.

4.– Honela egingo da esleipen-prozedurari lotutako matrikulazio-prozedura:

• Ohiko epea (uztailaren 11tik 22ra arte).

a) Aldi horretan, esleipen-prozeduran parte hartu duten ikasleak baino ezingo dira matrikulatu.

b) Hiru fase egongo dira, eta fase horien artean beste esleipen-prozedura bat egingo da libre geratu diren plazekin eta beren lehenengo aukeran plazarik lortu ez duten pertsonekin.

c) I. eta II. fasean beren lehenengo aukera esleigarrian plaza lortu dutenak bakarrik matrikulatuko dira. Matrikula online egin ahal izango da fase horietan. Agindu honen 5. artikuluan ezarritakoa aplikatuz, interesdunak eskatu arren, eskaintzatik kendu diren aukerak aintzat hartu gabe eskuratuko da lehenengo aukera hori.

d) Fase bakoitzaren matrikula-prozesua hasi aurretik, matrikulatzeko eskubidea duten pertsonen zerrenda bat egingo da. Matrikula egiteko epea bukatuta, ez baldin badute eskubide hori erabili, galdu egingo dute, eta ezohiko epean baino ezingo dira matrikulatu.

e) III. fasean, fase horretan matrikulatzeko eskubidea duten pertsonen zerrendan agertzen direnez gain, esleipen-prozeduran parte hartu eta plazarik esleitu ez zaien ikasleak ere matrikulatuko dira, plaza libreak geratzen badira, betiere.

I. fasea (uztailaren 11tik 15era).

II. fasea (uztailaren 17a).

III. fasea (uztailaren 21etik 22ra).

• Ezohiko epea (uztailaren 23a eta 24a eta irailaren 2tik urriaren 17ra).

Aldi horretan, I. eranskineko hirugarren jarraibidean maila eta ibilbide bakoitzerako ezarritako sarbide-baldintzak betetzen dituzten ikasle guztiak matrikulatu ahal izango dira.

Bosgarrena.– Esleipen- eta matrikulazio-prozesuan sortutako egoerak.

Onartua: egoera hori agertuko da ikasleak bere lehenengo aukera esleigarrian plaza lortu duenean.

Behin-behinean onartua, hobetzeko aukerarekin: egoera hori lehen bi faseetan erakutsiko da, ikaslea plaza horretan onartua izan bada, baina ez bada bere lehen aukera esleigarria. Ikasle horrek ondorengo esleipen-fase batean parte hartuko du berriz ere, eta aukera hobea eman ahal izango zaio.

Beste aukera batean onartua: egoera hau agertzen da eskatutako aukera guztietatik, ikaslea aukera hobean onartua izan denean.

Ez onartua, behin-behinekoz: lehenengo bi faseetan erakutsiko da, ikasleari plazarik esleitu ez zaionean, baina oraindik esleitzeko azken fasea geratzen denean.

Ez onartua: azken fasean agertzen da, ikasleak plazarik lortu ez duenean.

Matrikulatua: ikasleak matrikulatzeko eskubidea aldez aurretik baliatu duen faseetan agertzen da.

Beste aukera batean matrikulatuta: aukera onenean matrikulatzeko eskubidea baliatu duen ikasle baten aukeretan agertzen da.

Baztertua, ez matrikulatzeagatik: ikaslea onartu zuten matrikulatzeko eskubidea erabili ez zuen aukeretan agertzen da.

Eskaintza ezabatua: eskaintzen ez diren aukeretan agertzen da.

DBH tituluaren arabera baztertua: ikasleak DBH titulua duenean egin diren oinarrizko mailako heziketa-zikloen aukeretan agertzen da.

III. ERANSKINA

LANBIDE HEZIKETA BIRTUALEAN ONARTZEKO, ESLEITZEKO ETA MATRIKULATZEKO JARRAIBIDEAK

Lehenengoa.– Egutegia.

(Ikus .PDF)

Bigarrena.– Onarpen-eskaerei buruzko zehaztasunak.

1.– Ziurtagiri profesionalei (C graduak) lotutako lanbide-moduluak, aldi berean heziketa-zikloei lotuta daudenak, eskatu ahal izango dira, bai eta heziketa-zikloei (D graduak) zuzenean lotutako moduluak ere, naiz eta ziurtagiriekin (C graduak) zuzeneko loturarik ez izan. Eskaera bat egingo da pertsona interesatuta dagoen moduluetako ziklo bakoitzeko.

Nahi adina modulu eska daiteke, eta pertsona bati ziklo bateko baino gehiagoko moduluak eslei dakizkioke. Dena den, onartutako ikasleek ezingo dute matrikularik egin bi heziketa-ziklotako moduluetan, aldi berean, urrutiko irakaskuntza-araubidean. Eskainitako ziklo bati lotutako modulu batean matrikula egiteak beste edozein ziklori lotutako moduluetan matrikulatzeko eskubideari uko egitea dakar.

Nolanahi ere, pertsona bat ziklo bereko Lantokiko Prestakuntzan eta, hala badagokio, Proiektuan matrikulatzen bada eta gainerako moduluak gainditu baditu, bigarren ziklo bateko moduluetan matrikulatu ahal izango da, ikasle berrien baldintza beretan.

2.– Eskaera edo eskaerak, bat ziklo bakoitzeko, Urrutiko Lanbide Heziketako Zentro Integratura zuzenduko dira, eta, haietan, adieraziko da, lehentasun-hurrenkeran zerrendatuta, zer modulu egin nahi diren eta ordu presentzialak zer ikastetxetan egingo diren. Halaber, ordu presentzialik gabeko moduluetan, azterketa zer ikastetxetan egin nahi den aukeratu beharko da.

3.– Hezkuntza Sailak gehieneko muga bat ezarri du ikasleak matrikulatzen diren moduluen iraupenaren guztizko baturarako: ikasle berriak 700 ordurako matrikulatu ahalko dira gehienez, eta berriak ez diren ikasleak 1.000 ordurako. Hori guztia, Hezkuntza, Unibertsitate eta Ikerketako sailburuaren 2010eko urriaren 11ko Aginduak, urrutiko prestakuntza telematikoaren modalitatean Lanbide Heziketako irakaskuntzen ezarpena eta antolamendua arautzen duenak, 3.2 artikuluan ezarritakoari jarraikiz. Hala ere, ezarritako gehieneko muga horiek gehienez % 5 gainditu ahal izango dituzte dagokion zikloa bukatzeko hala behar duten ikasleek.

Hirugarrena.– Plazen esleipenari buruzko zehaztapenak.

1.– Plazak esleitzeko, plaza bat baino gehiago eskatuz gero, eskaeran adierazitako lehentasunari erreparatuko zaio.

Esleipena egiteko, talde hauek hartuko dira kontuan, hurrenkera honetan:

A) Lehenagoko ikasle izateari eusten dioten ikasleak, matrikulatu nahi den ziklo bereko moduluren bat gainditu dutenak aurreko ikasturtean eta Urrutiko Araubidean, eta ikasturtean zehar beste modulurik utzi ez dutenak, lehentasunezkotzat jotzen direnak, hurrenkera honekin:

a) zikloan gainditutako moduluen kopurua.

b) gainditutako moduluen ehunekoa, aurreko ikasturtean matrikulatutakoen aldean.

c) historia akademikoa.

B) Ikasle berriak eta lehentasunezkotzat jotzen ez diren lehenagoko ikasleak, lehentasun honekin:

a) Matrikulatu nahi den zikloko sektoreko jarduneko langileak eta langabeak.

b) Gainerako pertsonak.

Eskainitako 2. mailako moduluak irizpide hauen arabera esleituko dira, hurrenkera honekin:

a) EAEn erroldatuta egotea

b) Heziketa-zikloan gainditutako moduluen ehunekoa.

c) Egiaztatutako gaitasun-atalen ehunekoa.

d) Historia akademikoa, DBH edo baliokidea gainditu dutenei lehentasuna emanez.

Eskainitako 3. mailako moduluak irizpide hauen arabera esleituko dira, hurrenkera honekin:

a) EAEn erroldatuta egotea.

b) Heziketa-zikloan gainditutako moduluen ehunekoa.

c) Egiaztatutako gaitasun-atalen ehunekoa.

d) Historia akademikoa, Batxilergoa edo baliokidea gainditu dutenei lehentasuna emanez.

Laugarrena.– Matrikulazio-prozedura.

1.– Eskabideak aurkezteko eta matrikulatzeko epe hauek ezartzen dira:

a) Ohiko epea:

Eskaerak maiatzaren 5etik maiatzaren 23ra bitartean aurkeztuko dira eta esleitutako plazetarako matrikula uztailaren 11tik 16ra egingo da.

b) Ezohiko epea:

Epe arruntaren ondoren huts gelditzen diren plazetarako, uztailaren 22tik 24ra bitartean aurkeztuko dira eskabideak, eta behin betiko zerrendak argitaratu ondoren egin ahal izango da matrikula, irailaren 16tik irailaren 19ra bitartean.

c) Ezohiko aldia amaitu ondoren, plaza hutsik badago, plaza huts horiek betetzeko eskabideak onartuko dira, eta urriaren 17ra arte matrikulatu ahal izango dira lehen lauhilekoan egin beharreko moduluetarako, eta urtarrilaren 15era arte bigarren lauhilekoko moduluetarako.

2.– Urrutiko araubideko heziketa-zikloen irakaskuntzen kasuan, onartutako pertsonen behin betiko zerrendetan ageri diren eskatzaileek egutegian zehazten den epean egin beharko dute matrikula. Horretarako, Hezkuntza, Hizkuntza Politika eta Kulturako sailburuak 2013ko uztailaren 10ean emandako aginduan ikasketen modalitate horretarako ezarritako prezio publikoa ordaindu beharko dute. Matrikula eraginkorra izango da soilik dagokion prezio publikoa ordaintzen bada.

3.– Euskal Autonomia Erkidegoko Administrazioaren Tasa eta Prezio Publikoei buruzko Legearen testu betegina onartzeko irailaren 11ko 1/2007 Legegintzako Dekretuak aipatzen dituen modalitateen bitartez egin ahal izango da ordainketa, kreditu-erakunde laguntzaileen bitartekaritzarekin.

Ordainketa-gutuna honela eskuratu beharko da: izena emateko agirian datorren web-helbidean (URL), agiri horretan ageri diren sarbide-gakoak erabilita.

Ordainketa ezarritako epean egin ezean, ordaindu ez diren esleitutako plazen gaineko eskubide orori uko egiten zaiola ulertuko da.

4.– Prozedura horretan onartutako pertsonen zerrendak eta matrikulatzeko epeak ikasgunean argitaratuko dira, eta Urrutiko Lanbide Heziketako Ikastetxe Integratuko idazkaritzan kontsultatu ahal izango dira, interesduna identifikatu ondoren. Pertsona horiek adierazi den epean formalizatu beharko dute matrikula, prezio publikoa ordaindu ondoren.

Hala egin ezean, matrikula baieztatu ez zaien esleitutako plazen gaineko edozein eskubideri uko egiten diotela ulertuko da.

5.– Prozedura horren ondoren plaza libreak geratzen badira, ezohiko matrikula-epean bete ahal izango dira.

Bosgarrena.– Ezohiko epea araubide birtualeko irakaskuntzan.

1.– Eskaera ohiko epean aurkeztu arren, ziurtagiri akademikoa aurkeztu ezinik geratu zirenek, eskatzen ziren baldintzak une horretan bete ezin zituztela-eta, ezohiko epea izango dute hartarako, eskatzen den titulazioa lortzen dutenean. Horretarako, Urrutiko Lanbide Heziketako Zentro Integratuan aurkeztu beharko dute egiaztagiri akademikoa uztailaren 30 baino lehen.

2.– Behin esleipena egiteko ohiko epea bukatuta, eskaerak eta dokumentazioa aurkezteko beste epe bat irekiko da, moduluetan dauden plaza hutsak betetzeko.

Interesdunek, epe horretan parte hartzeko, eskaera aurkeztu beharko dute ohiko eperako ezarritako prozedurari jarraituz, eta heziketa-zikloan matrikulatzeko dokumentazioa bidali beharko dute irailaren 19a baino lehen, ohiko eperako ezarritako bideak erabiliz.

Eskatzailea, dokumentazio hori ezarritako epean bidali ezean, prozedurako fase honetatik kanpo geratuko da automatikoki.

3.– Jasotako eskaerei baremoa ezarri eta gero, onartutako eta baztertutako pertsonen behin-behineko eta behin betiko zerrendak argitaratuko dira Ikasgunean, adierazitako egunetan.

4.– Onartuek ezarri den epean egin beharko dute matrikula, eta prezio publikoa ordaintzeko azken eguna egutegian adierazitakoa izango da.

Ordainketa ezarritako epean egin ezean, ordaindu ez diren esleitutako plazen gaineko eskubide orori uko egiten diotela ulertuko da.

5.– Ezohiko epea amaitu eta plaza hutsik badago, eskabideak onartuko dira eta, beraz, urriaren 17ra arte matrikulatu ahal izango dira lehenengo lauhilekoan egin beharreko moduluetarako, eta urtarrilaren 15era arte bigarren lauhilekoko moduluetarako.

IV. ERANSKINA

IKASTETXEEK HEZKUNTZA ARLOKO ESKUMENA DUEN SAILAREN APLIKAZIO INFORMATIKOA ERABILTZEKO JARRAIBIDEAK (ARAUBIDE PRESENTZIALA ETA BIRTUALA)

Lehenengoa.– Prozedura informatikoaren ezaugarriak.

1.– Derrigortasuna.

a) Ikasleak onartzeko, prozedura informatiko espezifiko bat erabiliko da, hezkuntza-arloko eskumena duen sailak horretarako diseinatua; eskabideen hurrenkera ezartzeko eta plazak esleitzeko, ordea, I. eranskinean eta irakaskuntza-modalitateari dagokion eranskinean adierazitakoari jarraituko zaio, ikastetxeak ezarritako eran.

b) Aplikazio hori erabili beharko dute ikastetxe publiko guztiek eta itunpeko ikastetxe pribatu guztiek, jarraibide hauetan ezarritako baldintzetan.

c) Itundu gabeko ikastetxe pribatuek, hezkuntza-itunik gabe jarduten badute irakaskuntzan, nahitaez erabili beharko dute aplikazio informatikoa, IV. eranskin honen zazpigarren jarraibidean ezarritako eran.

2.– Datu-iturri ofizial bakarra.

Ikastetxeek informatika-aplikazio horretan sartutako datuak izango dira hezkuntza-sistemaren lanbide-heziketako zikloetako ikasleei buruzko informazio-iturri ofizial bakarra. Aplikazio horretan jasotako datuak soilik erabiliko dira ikasleei buruzko agiri edota ziurtagiri ofizialak egiteko –hala nola aktak, titulu ofizialak eta antzeko dokumentuak–.

Bigarrena.– Ikastetxe bakoitzaren plaza-eskaintzaren definizioa.

1.– Eskaintzen diren heziketa-zikloei buruzko datuak sartzea.

Hezkuntza-administrazioak aplikazio informatikoan sartuko ditu, aurrematrikula hasi aurretik, ikastetxe publiko eta itunpeko pribatuen eskaintzari dagozkion datuak, 2025-2026 ikasturterako eskainitako C gradu (ziurtagiri profesionalak), D gradu (oinarrizko mailako, erdi-mailako, goi-mailako heziketa-zikloak),eta E gradu (espezializazio-ikastaroak) guztienak, honako hauek adierazita: ikastetxea, zikloa eta, hala badagokio, modulua, talde-kopurua, txanda eta hizkuntza-eredua.

2. artikulua.– Akatsak zuzentzea.

Ikastetxe publikoren edo itunpeko ikastetxe pribaturen batek aplikazio informatikoan akatsen bat aurkitzen badu ikastetxeak eskain ditzakeen zikloei buruzko datuetan, bi eguneko epea izango du, eskaerak aurkezteko epea hasi baino lehen, akatsaren berri ahalik eta lasterren emateko Hezkuntzako lurralde-ordezkaritzari. Erreklamazioa egiazkoa dela egiaztatu ondoren, ordezkaritzak akatsa zuzenduko du, eta horren berri emango dio ikastetxeari.

3.– Eskainitako plazei buruzko datuak sartzea.

a) Eskaintza Osoko Araubide Presentzialeko irakaskuntzan, honela banatuko dira eskaintzako plazak ziklo eta hizkuntza-ereduen artean:

• Gehieneko talde kopuruak ezarriko du ikastetxeak ziklo bakoitzean izango duen hasierako gehieneko plaza kopurua.

• Lanbide Heziketako Sailburuordetzako Plangintza eta Antolaketa Zuzendaritzak ezarriko du ziklo bakoitzean guztira zenbat plaza dauden. Horretarako, kontuan hartu beharko dira ikastetxean bertan, ziklo, txanda eta hizkuntza-eredu berean, errepikatzen duten ikasleei dagozkien plazak. Ikastetxe publiko edo itunpeko pribatu bakoitzaren ardura izango da aplikazio informatikoan sartzea ziklo bakoitzeko guztizko plaza-kopuru nola banatzen den talde eta hizkuntza-ereduen artean.

b) Araubide Birtualeko irakaskuntzetan, Lanbide Heziketako Sailburuordetzako Plangintza eta Antolaketa Zuzendaritzak planifikatuko du zenbat plaza eskainiko diren.

Hirugarrena.– Onarpen-eskaerak.

1.– Eskaerak sartzea.

a) Eskabidea online egiten duten eskatzaileek edo, hala badagokio, eskaeren hartzaile diren ikastetxeek honako datu hauek sartu beharko dituzte, ezinbestez, aplikazio informatikoan:

– Eskatzailearen datu pertsonalak.

– Eskatutako plazen zerrenda, eskatutako lehentasun-hurrenkeraren arabera ordenatuta.

– Helbide elektronikoa.

b) Izen-ematea egiten den unean egiaztatu egingo da interesdunak baduela erabiltzailea eta pasahitza Ikasgunean; izan ere, beharrezkoak izango dira eskaeraren jarraipena egiteko. Halakorik ez badauka, une horretan bertan emango zaizkio.

2.– Eskaerak grabatzeko epemuga.

Ikastetxeek fase honetako datuak sartuta izan behar dituzte maiatzaren 23ko 24:00ak baino lehen, irakaskuntza presentzialean eta birtualean. Hala ere, irakaskuntza presentziala eskatzen dutenek aurkeztu beharreko dokumentuak uztailaren 2ko 14:00ak arte sartu ahal izango dira LHko ikastetxeetan. Hortik aurrera, ikastetxeak ezin izango du beste aldaketarik egin.

Laugarrena.– Eskaintza egokitzea.

1.– Eskaintza eskarira egokitzea.

a) Aplikazio informatikoak aukera emango die ikastetxeei une oro jakiteko zenbat plaza eskatu diren maila, ziklo, eta, hala badagokio, modulu, txanda eta hizkuntza-eredu guztietan, eta aukera emango die, halaber, hauek konparatzeko: alde batetik, eskari horren banaketa, eta bestetik, eskaintza, bigarren jarraibidearen arabera definitu dena.

b) Eskaintza zikloen eta hizkuntza-ereduen artean banatzeari eta horietako bakoitzeko plazei buruzko datu guztiak aplikazio informatikoan sartu beharko dira aurrematrikula hasiera data baino lehen, eranskin honetako bigarren jarraibideko 1. puntuan ezartzen den bezala.

c) Momentu horretatik aurrera, behin ikastetxeko eskaintzaren eta eskariaren datuetan aldaketak egiteko epea bukatuta, maila bakoitzerako aurkeztutako eskabide guztiak onar daitezkeen edo ez zehaztuko du aplikazio informatikoak.

Bosgarrena.– Zerrendak eta erreklamazioak.

1.– Onartutakoen eta ez-onartutakoen behin-behineko zerrendak.

Aplikazio informatikoak ikastetxeen esku jarriko ditu onartutakoen eta ez-onartutakoen behin-behineko zerrendak. Zerrenda horietan, plaza esleituko zaie eskatzaileei, ikastetxe eta ziklo batean, eta, hala badagokio, modulu, eredu eta txanda batean, araudi honetan ezarritako irizpideei jarraituz.

Esleipena egin eta gero, interesdunek Ikasgunean https://ikasgunea.euskadi.eus eta eskaera egin duten ikastetxeko idazkaritzan kontsultatu ahal izango dituzte onartutakoen eta ez-onartutakoen zerrendak. Bertan, lehentasunari, hurrenkerari eta berdinketa hausteko zenbakiari buruzko datuak egongo dira jasota.

2.– Erreklamazioak aurkeztea.

Pertsona batek erreklamazioa aurkezten badu, ikastetxea pertsona horri dagokion erreklamazio-pantailan sartuko da, eta, han, jasoko du baremoko zer atalen aurka aurkezten den erreklamazioa, zer arrazoi ematen den eta zer dokumentu aurkezten duen erreklamaziogileak. Ondoren, aurkeztutako erreklamazioaren kopia bat inprimatu, zigilatu eta erreklamaziogileari emango dio.

3.– Erreklamazioak ebaztea.

a) Ikastetxeak, aurkeztu diren erreklamazioak aztertu ondoren, egin beharreko zuzenketak sartu beharko ditu aplikazio informatikoan: uztailaren 10eko 12:00etara arteko epea izango du horretarako, Eskaintza Osoko Araubide Presentzialeko irakaskuntzan eta Araubide Birtualeko irakaskuntzan.

Horretarako, aplikazio informatikoan erreklamazioak ebazteko pantailan sartu beharko du, zehazki erreklamaziogileari dagokion hartan. Ikastetxeak erreklamazioa baztertu edo osorik edo partez onartu beharko du, aplikazio informatikoan dagozkion laukiak markatuz eta, hala behar denean, erreklamazioan onartutako datuak aldatuz.

b) Erreklamazio bat osorik edo neurri batean onartzen bada, dagozkion datuak aldatuko dira behin betiko zerrendetan.

4.– Onartutakoen eta ez-onartutakoen behin betiko zerrendak.

Aplikazio informatikoak onartutakoen eta ez-onartutakoen behin betiko zerrendak emango dizkio ikastetxeari. Zerrenda horietan, plaza esleituko zaie eskatzaileei, ikastetxe eta ziklo batean, eta, hala badagokio, modulu, eredu eta txanda batean, araudi honetan ezarritako irizpideei jarraituz.

Interesdunek Ikasgunean https://ikasgunea.euskadi.eus eta eskaera egin duten ikastetxeko idazkaritzan kontsultatu ahal izango dituzte onartutakoen eta ez-onartutakoen zerrenda. Bertan, lehentasunari, hurrenkerari eta berdinketa hausteko zenbakiari buruzko datuak egongo dira jasota.

Seigarrena.– Matrikula egitea.

Lanbide Heziketarako dagoen aplikazio informatiko espezifikoaren bitartez egin beharko dira matrikula guztiak. Matrikulatutako pertsonaren datu guztiak eta matrikularen berrespena sartu beharko dira aplikazio horretan.

Ohiko epeko I. eta II. faseetan online egindako matrikula guztiak jaso behar dira.

Zazpigarrena.– Estatistika-datuak baliozkotzea.

Ikastetxe guztiek egin beharko dute.

A) Ohiko epean:

Ikastetxeek ikasleen eskaerei eta matrikulazioari buruzko datuak grabatu beharko dituzte, egutegi hau errespetatuz:

a) C graduen (ziurtagiri profesionalak), D graduen (oinarrizko mailako, erdi-mailako eta goi-mailako heziketa-zikloak) eta E graduen (espezializazio-ikastaroak) esleipenerako aurkeztutako eskaera guztien datuak grabatzea: maiatzaren 27ra arte, egun hori barne.

b) Ohiko matrikula-epean edozein mailatan matrikulatutako pertsona guztien matrikularen berrespena grabatzea (ikasle berriak, maila errepikatzen duten ikasleak eta maila batetik bestera igarotzen diren ikasleak barne): uztailaren 22ra arte, egun hori barne.

B) Ezohiko epean:

Halaber, irailean, ikastetxeek matrikularen behin betiko estatistika-datuak baliozkotu beharko dituzte horretarako gaitutako aplikazio informatikoan, Hezkuntza Sailaren estatistika-unitateek adierazten dieten epean.

Ikastetxe bakoitzean, ziurtagiri profesionaletako, oinarrizko mailako, erdi-mailako eta goi-mailako heziketa-zikloetako, espezializazio-ikastaroetarako eta ibilbide integratuetako ikasle guztien datuak eta matrikularen berrespena grabatzeko prozedura guztiz amaituta egon beharko da urriaren 17rako.

Ikastetxeetan, ohiko eta ezohiko epeak bukatu ondoren, epez kanpoko matrikulaziorik eginez gero, ikastetxeek berehala sartu beharko dituzte aplikazio informatikoan matrikulatutakoaren datu guztiak eta matrikularen berrespena.

Datuak grabatzeko prozedura bukatzea.

C graduko (ziurtagiri profesionalak), D graduko (oinarrizko mailako, erdi-mailako eta goi-mailako heziketa-zikloak) eta E graduko (espezializazio-ikastaroak) ikasle guztien datuak eta matrikularen berrespena grabatzeko prozedura guztiz amaituta egongo da urriaren 17an.

(Ikus .PDF)

Azterketa dokumentala