Euskal Herriko Agintaritzaren Aldizkaria

75. zk., 2025eko apirilaren 22a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

HAURRESKOLAK

1719

01/04-2025 ERABAKIA, 2025eko apirilaren 10ekoa, Haurreskolak Patzuergoko Zuzendaritza Batzordearena, zeinaren bidez irmo deklaratzen baita kudeaketa alorreko lanpostuetan enplegua finkatzeko salbuespenezko prozesuan hautatutako izangaien behin betiko bigarren esleipen osagarria.

Haurreskolak Partzuergoko Kudeaketa alorreko lanpostuetan enplegua egonkortzeko salbuespenezko prozesua arautzen duten oinarriei jarraituz, Gerentziaren 2025eko martxoaren 7ko Ebazpenaren bidez, prozesuan hautatutako izangaien behin betiko bigarren esleipen osagarria eman zen argitara.

Era berean, hilabeteko epea eman zen interesdunek Haurreskolak Partzuergoko Zuzendaritza Batzordearen aurrean gora jotzeko errekurtsoa jar zezaten.

Zuzendaritza Batzordeak, aurkeztu diren erreklamazioak ikusita, erabaki hau hartu du:

ERABAKIA

Lehenengoa.– Ez onartzea aurkeztutako errekurtsoak.

Bigarrena.– Irmo deklaratzea Haurreskolak Partzuergoko kudeaketa alorreko lanpostuen behin betiko bigarren esleipen osagarria, Erabaki honen eranskinean zerrendatutako pertsonentzat.

Hirugarrena.– Ebazpen hau Euskal Herriko Agintaritzaren aldizkarian argitaratzea erabakitzea.

Laugarrena.– Esleipendun izan diren izangaiek prozeduran zehar modu frogagarrian egiaztatu ez dituzten agiriak aurkezteko eta dagokion kontratua sinatzeko epea ezartzea: 2025eko maiatzaren 5etik 7ra.

Eibar, 2025eko apirilaren 10a.

Haurreskolak Partzuergoko gerentea,

IRUNE MUGURUZA MENDARTE.

ERANSKINA

BEHIN BETIKO BIGARREN ESLEIPEN OSAGARRIA.

2.– B taldea, kidegoa edo kategoria.

1) Yeregui Sasiain, Jone

2) Setien Echenique, Oihane.

Azterketa dokumentala