Euskal Herriko Agintaritzaren Aldizkaria

71. zk., 2025eko apirilaren 11, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

OSAKIDETZA-EUSKAL OSASUN ZERBITZUA

1628

535/2025 EBAZPENA, martxoaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorreko epaimahaia izendatzen den, Fakultatibo Medikoak eta Teknikoak lanbide-taldeko Medikua kategoriarako (Familiako Medikuntzako Fakultatibo Espezialista Medikoa-LMAT eta Pediatriako Fakultatibo Espezialista Medikoa-LMAT lanpostu funtzionalak), Osakidetza-Euskal osasun zerbitzuko zerbitzu sanitarioetako erakundeetako destinoetarako (2025eko otsaileko zikloa eta 2025. eta 2026. urteetan argitaratuko diren destinoak eskaintzeko zikloak).

Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren bidez, Osakidetza-Euskal osasun zerbitzua Ente Publikoan oinarrizko destinoak betetzeko lekualdatze-lehiaketa ireki eta iraunkorraren prozeduraren oinarriak onartu ziren (2019ko abenduaren 24ko EHAA, 244. zk.).

Osakidetzako zuzendari nagusiaren abenduaren 26ko 1671/2019 Ebazpenaren bidez, lekualdatze-lehiaketa irekia eta iraunkorrerako deialdia egin zen kategoria honetan: Osakidetzako zerbitzu-erakundeetan destinoa duten Fakultatibo Mediko eta Teknikoen lanbide-taldeko Medikua (lanpostu funtzionalak: Fakultatibo Espezialista Familia Medikua-LMAT eta Fakultatibo Espezialista Pediatriako Medikua-LMAT). Hori 2020ko urtarrilaren 13ko EHAAko 7. zenbakian argitaratu zen.

Otsailaren 14ko 109/2025 Ebazpenaren bidez, lekualdatze-lehiaketa ireki eta iraunkorreko 2025eko otsaileko destinoen eskaintza argitaratu zen, Fakultatibo Mediko eta Teknikoen lanbide-taldeko Familiako Medikuntzako Fakultatibo Espezialista Medikoa-LMAT kategoriarako / lanpostu-funtzionalerako, Osakidetza-Euskal osasun zerbitzuko zerbitzu-erakundeetarako destinoetarako (2025eko otsailaren 28ko EHAA, 41. zk.).

Otsailaren 14ko 110/2025 Ebazpenaren bidez, lekualdatze-lehiaketa ireki eta iraunkorreko 2025eko otsaileko destinoen eskaintza argitaratu zen, Fakultatibo Mediko eta Teknikoen lanbide-taldeko Pediatriako Fakultatibo Espezialista Medikoa-LMAT kategoriarako / lanpostu-funtzionalerako, Osakidetza-Euskal osasun zerbitzuko zerbitzu-erakundeetarako destinoetarako (2025eko otsailaren 28ko EHAA, 41. zk.).

Osakidetza-Euskal osasun zerbitzuko zuzendari nagusiaren urtarrilaren 26ko 112/2021 Ebazpenaren bidez, zenbait alderdi ezartzen dira Osakidetza-Euskal osasun zerbitzuko lekualdatze-lehiaketa ireki eta iraunkorreko epaimahaikideak izendatzeko, eta zehazten da epaimahai batek Lehen Mailako Arretako Fakultatibo Medikoen kategoriak bilduko dituela. Ebazpen hori partzialki aldatu zuen Osakidetza-Euskal osasun zerbitzuko zuzendari nagusiaren uztailaren 8ko 922/2021 Ebazpenak.

Osakidetza-Euskal osasun zerbitzuko zuzendari nagusiaren martxoaren 3ko 411/2025 Ebazpenaren bidez, zenbait irizpide ezartzen dira Osakidetza-Euskal osasun zerbitzuko lekualdatze-lehiaketa ireki eta iraunkorreko epaimahaikideak berritzeko eta izendatzeko.

2019ko azaroaren 27ko Erabakiaren 10.1. oinarrian aurreikusitakoarekin bat etorriz, Osakidetzako Zuzendaritza Nagusiak lekualdatze-lehiaketa kalifikatuko duen epaimahaia izendatuko du, eta denboraldi jakin baterako izendatzea aurreikusi ahal izango da, epaimahai horren baremazio- eta balorazio-zereginak hurrengo esleipen-prozesuetan garatu ahal izateko.

Izendapen hau aipatutako ebazpenean ezarritako zozketaren ondoren egiten da, eta hautatuak izan diren profesionalek alegatzen dituzten abstenitzeko eta errekusatzeko arrazoiak eta dispentsa eskatzeko arrazoiak aurkezteko emandako epea igaro ondoren.

Horiek guztiak horrela, eta indarrean dagoen legedian pertsonaleko gaietan aitortuta ditudan eskumenez baliatuta, honakoa

EBAZTEN DUT:

Lehenengoa.– 2025eko otsaileko ziklorako eta 2025. eta 2026. urteetan argitaratuko diren destinoak eskaintzeko zikloetarako epaimahai kalifikatzailea izendatzea Fakultatibo Medikoak eta Teknikoak lanbide-taldeko Medikua kategoriarako (Familiako Medikuntzako Fakultatibo Espezialista Medikoa-LMAT eta Pediatriako Fakultatibo Espezialista Medikoa-LMAT lanpostu funtzionalak), zeinaren deialdia Osakidetza-Euskal osasun zerbitzuko zuzendari nagusiaren abenduaren 26ko 1671/2019 Ebazpenaren bidez egin baitzen. Epaimahai hori Ebazpen honen I. eranskinean agertzen diren kideek osatuko dute.

Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren 10.1 apartatua aplikatuz, izendapen hori 2025eko otsaileko zikloa amaitu arte luzatuko da, bai eta 2025ean eta 2026an argitaratzen diren destinoen eskaintza-zikloak amaitu arte ere. Beste bi urtez luzatu ahal izango da dagokion kideentzat, betiere esperientzia duten kideak egon daitezen.

Prozesuen jarraipena bermatzeko eta epaimahaiak beti esperientzia duten kideak izan ditzan, Osakidetza-Euskal osasun zerbitzuko zuzendari nagusiaren urtarrilaren 26ko 112/2021 Ebazpenak ezarri zuen epaimahaikideen % 50 behin bakarrik luzatzea, bi urtez, eta epaimahaikideen beste % 50a berritzea, eta horrela hurrenez hurren, bi urtetako ziklo-aldiak amaitzen diren bakoitzean.

Ebazpen hori betez, Osakidetza-Euskal osasun zerbitzuko zuzendari nagusiaren martxoaren 3ko 411/2025 Ebazpenaren bidez, laugarren eta bosgarren epaimahaikide eta idazkari izendatutako pertsonak berritzea erabaki zen. Era berean, urtarrilaren 26ko 112/2021 Ebazpenean ebatzitakoa betez, uztailaren 3ko 411/2025 Ebazpenak erabaki du izendapena luzatzea lehenengo, bigarren eta hirugarren epaimahaikide eta epaimahaiburu izendatutako pertsonei, titularrei zein ordezkoei.

Izendapena luzatzea erabakitzen bada, Zuzendaritza Nagusiaren ebazpen bidez egingo da.

Bigarrena.– Ebazpen honek duen egunetik aurrera izango ditu ondorioak.

Hirugarrena.– Ebazpen hau EHAAn eta Osakidetza-Euskal osasun zerbitzuaren webgunean argitaratzeko agintzea.

Laugarrena.– Administrazio Publikoen Administrazio Prozedura Erkidearen urriaren 1eko 39/2015 Legeak, Euskadiko Antolamendu Sanitarioaren ekainaren 26ko 8/1997 Legeak eta Osakidetza-Euskal osasun zerbitzuko Estatutu Sozialak ezartzen dituen azaroaren 11ko 255/1997 Dekretuak ezarritakoaren arabera, Ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena EHAAn argitaratu eta hurrengo egunetik aurrera.

Vitoria-Gasteiz, 2025eko martxoaren 26a.

Osakidetza-Euskal osasun zerbitzuko zuzendari nagusia,

SUSANA LÓPEZ ALTUNA.

ERANSKINA

EPAIMAHAI KALIFIKATZAILEA FAMILIAKO MEDIKUNTZAKO FAKULTATIBO ESPEZIALISTA MEDIKOA-LMAT ETA PEDIATRIAKO FEM-LMAT

Epaimahaiburua:

– Titularra: María Aurora Valdivielso De La Calle.

– Ordezkoa: Iñaki Aguirrebeitia Celaya.

Lehenengo epaimahaikidea:

– Titularra: María Yolanda Valdivielso Martínez.

– Ordezkoa: Andoni Vargas Axpe.

Bigarren epaimahaikidea:

– Titularra: Iñigo Valdivielso Moneo.

– Ordezkoa: Juan Carlos Vecin Justo.

Hirugarren epaimahaikidea:

– Titularra: Vanessa Vals Casula.

– Ordezkoa: Ángel Santiago Villate Carrasco.

Laugarren epaimahaikidea:

– Titularra: Tamara Farfán Orte.

– Ordezkoa: Carolina Felici.

Bosgarren epaimahaikidea:

– Titularra: Jesús Fernández de Mendiola Espino.

– Ordezkoa: Asier Fernández Durana.

Idazkaria:

– Titularra: José Alberto García Fernández.

– Ordezkoa: María Belén García Sobrón.

Azterketa dokumentala