RSS
58. zk., 2025eko martxoaren 25a, asteartea
- Bestelako formatuak:
- PDF (357 KB - 40 orri.)
- EPUB (1843 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Oposaketak eta lehiaketak
SEGURTASUN SAILA
1341
EBAZPENA, 2025eko otsailaren 28koa, Segurtasun Saileko Giza Baliabideen zuzendariarena, zeinaren bidez Segurtasuneko sailburuordeari eta Polizia eta Larrialdietako Euskal Akademiako zuzendari nagusiari aurkezten baitzaie Euskal Autonomia Erkidegoko Segurtasun Administrazioko zerbitzu laguntzaileetako lan-kontratudun langileentzat gordetako lanpostuak finkatzeko salbuespenezko prozesuetan dagozkien lan-kontratuak formalizatzeko hautatutako pertsonen zerrenda.
Jaurlaritzako lehenengo lehendakariorde eta Segurtasuneko sailburuaren 2022ko abenduaren 5eko Aginduaren bidez (EHAA, 249. zk., 2022ko abenduaren 30ekoa), zeina 2023ko otsailaren 24ko Aginduaren bidez zuzendu baitzen (EHAA, 49. zk., 2023ko martxoaren 10ekoa), Euskal Autonomia Erkidegoko Segurtasun Administrazioko Zerbitzu Laguntzaileetan enplegua finkatzeko salbuespenezko prozesuak arautuko dituzten oinarri orokorrak onartu ziren.
Egun berean, eta Lehen lehendakariorde eta Segurtasuneko sailburuaren 2022ko abenduaren 5eko Aginduaren bidez (EHAA, 249. zk., 2022ko abenduaren 30ekoa), zeina 2023ko otsailaren 24ko Aginduak (EHAA, 49. zk., 2023ko martxoaren 10ekoa) eta 2023ko uztailaren 7ko Aginduak (EHAA, 139. zk., 2023ko uztailaren 21ekoa) zuzendu baitzuten, Euskal Autonomia Erkidegoko Segurtasun Administrazioko Zerbitzu Laguntzaileetako lan-kontratudun langileen enplegua finkatzeko salbuespenezko prozesuetarako deialdia egin zen, eta aipatutako prozesuak arautuko dituzten oinarri espezifikoak onartu ziren.
Lehen lehendakariorde eta Segurtasuneko sailburuaren 2023ko ekainaren 16ko eta 2024ko martxoaren 5eko aginduen bidez, Euskal Autonomia Erkidegoko Segurtasun Administrazioko zerbitzu laguntzaileetako lan-kontratudun langileentzat gordetako lanpostuetan enplegua finkatzeko salbuespenezko prozesu hauen deialdia egin zen, besteak beste.
Euskara Ataleko burua (3112).
Euskarako irakaslea (3113).
Zuzenbide Ataleko burua (3116).
Agiri Polizialen Ataleko burua (3117).
Psikologia eta Soziologia Ataleko burua (3123).
Zuzenbideko irakaslea (3126).
Psikologiako irakaslea (3127).
Soziologiako irakaslea (3128).
Herri-babeseko irakaslea (3131).
Ebaluazio Arloko burua (3136)
Gidaritza eta automozio Ataleko burua (3138).
Legelaria B (3145).
Ostalaritzaburua (3147).
Gidari-irakaslea (3150).
Defentsa-tekniketako irakaslea (3152).
Harreralari telefonaria (3154).
Ostalaritza laguntzailea (3161).
Sukaldaria (3164).
Atezaina (3165).
Sukaldari-burua (3168).
Inprimategiko ofiziala (3172).
Prestakuntza eta Hizkuntz Normalkuntzako teknikaria (3180).
Legelaria A (3193).
Kontularitza- eta Aurrekontu-arloko burua (3200).
Ekinbide burua- Ertzaintzaren zerbitzua hobetzeko bulegoa (3217).
Eraikuntzak Mantentzeko Ataleko burua (3222).
Eraikuntza Ataleko burua (3226).
Mantenurako Teknika-bulegoaren Ataleko burua (3230).
Lantegien Atal Teknikoko burua (3231).
Proiektu Teknikoen Ataleko burua (3233).
Lege-araubidearen Ataleko burua (3234).
Administraria B (3244).
Analisigilea (3246).
Analisigile-programatzailea (3247).
Administrari laguntzailea A (3248).
Delineante proiektugilea (3253).
Erizaintzako unibertsitate diplomaduna (3254).
Moldatzailea (3255).
Lantoki-burua (3257).
Medikua (3267).
Eragiketa eta Monitorizazio teknikaria (3268).
Programatzailea (3269).
Segurtasun Instalazioen ikuskatzailea (3273).
Agiritegi eta Argitalpen teknikaria (3277).
Irudi Analogiko/Digitaleko teknikaria (3282).
Eredutze-teknikaria (3287).
Igeltsaria (3290).
Biltegizaina (3291).
Galdaragilea (3294).
Arotza (3295).
Ibilgailuen txapa-konpontzailea (3298).
Elektrikaria (3299).
Iturgina (3300).
Ibilgailuen mekanikaria (3308).
Mantenuko ofizial mekanikaria (3313).
Langilea A (3314).
Langilea B (3315).
Ibilgailuen Mekanika-lantegiko arduraduna (3317).
Proiektu Teknikoen burua (3385).
Informazio eta Komunikazio Teknologien Proiektuen Ataleko burua (3392).
Garraio Sarearen Ataleko burua (3394).
Komunikazioen Arloko burua (3397).
Tetra Ataleko burua (3398).
Antolaketa Proiektuetako burua (3401).
Segurtasun Bulego Teknikoko teknikaria (3402).
Aholkularitzako proiektu-burua. (3504).
Mantentze-teknikaria (3505).
Arduradun nagusia (3506).
Elektrizitatearen arduraduna (3507).
Eraikuntzetako teknikaria (3508).
Ikuskatzaile nagusia (3509).
Materialen Kalitate-ataleko burua (3518).
Administrazio-ataleko burua (3519).
Lan Arriskua Prebenitzeko teknikari juridikoa (3529).
Higiene Prebentzioaren goi-mailako teknikaria (3530).
Segurtasun Prebentzioaren goi-mailako teknikaria (3533).
Mantenimendu burua (3536).
Agiri Polizialen irakaslea (3538).
Mendeko gidaria (3539).
Lantegien Atal burua (3548).
Larrialdi eta Babes Zibilerako teknikaria (3556).
Elektrizitateko Mantentze Lanen Taldeko burua (3569).
Mantentze proiektuen teknikaria (3572).
Prebentzio, Prestakuntza, Ergonomia eta Psikosoziologia Aplikatuko goi-mailako teknikaria (3575).
Fitxategien Segurtasuna eta Kalitate Kudeaketako teknikaria (3578).
Ikasleen Ebaluazio teknikaria (3580).
Ertzaintzaren Egitura eta Antolaketako teknikaria (3586).
Lanbide-garapenerako Ataleko burua (3588).
E-learning Edukien Kudeaketako teknikaria (3704).
Ekonomia eta Kontratazioko teknikaria (3707).
Emakumeen/Gizonen Berdintasun Arloko teknikaria (3733).
Langileak Kudeatzeko Arlo Juridikoko burua (3734).
Segurtasun Saileko Giza Baliabideen zuzendariaren 2024ko abenduaren 20ko ebazpenek prozesu horietan hautatutako pertsonen eta esleitu beharreko lanpostuen behin betiko zerrendak argitaratu zituzten, eta hogei eguneko epea ezarri zuten esleitutako lanpostuan hasteko aukera-eskaerak aurkezteko, baita kontratuak formalizatzeko eskatutako dokumentazioa aurkezteko ere.
Ebazpen honen eranskinetan agertzen diren pertsona guztiek ezarritako epearen barruan aurkeztu dute eskatutako dokumentazioa. Ondorioz, oinarri orokorren 16. atala betez, Segurtasuneko sailburuordeari eta PLEAko zuzendari nagusiari aurkeztu behar zaie Euskal Autonomia Erkidegoko Segurtasun Administrazioko zerbitzu laguntzaileetako eta Polizia eta Larrialdietako Euskal Akademiako lan-kontratuak formalizatu beharko dituzten pertsonen zerrenda, betiere esleitutako lanpostuko zereginak betetzeko eskatutako baldintzei eusten badiete, bai eta kontratua formalizatzeko gaitasun fisiko eta psikikoko baldintzei ere.
Hala ere, adierazi behar da 3294/2 lanpostua esleitu zaion hautagaia (galdaragilea) behin betiko erretiroko administrazio-egoerara igaro dela 2025-02-22an, eta, beraz, ez duela kontratua formalizatuko.
Azaldukoagatik, honako hau
EBAZTEN DUT:
Lehenengoa.– Euskal Autonomia Erkidegoko Segurtasun Administrazioko eta Polizia eta Larrialdietako Euskal Akademiako zerbitzu laguntzaileetako lan-kontratuak formalizatzeko, Segurtasuneko sailburuordeari eta PLEAko zuzendari nagusiari aurkeztea jarraian zerrendatzen diren salbuespenezko finkatze-prozesu bakoitzean hautatutako izangaien zerrenda, dagokion eranskina adierazita (I-XCIII):
(Ikus .PDF)
Bigarrena.– 2025-02-22an hautatutako pertsona behin betiko erretiratu ondoren, azkenean Galdaragilearen 3294/2 lanpostua hutsik geratu da.
Hirugarrena.– Esleipendunek esleitutako lanpostuaz jabetzeko data 2025eko apirilaren 1a izatea. Horretarako, xedatzen da lanpostu bakoitzerako hautatutako pertsonek dagozkien lan-kontratuak sinatu beharko dituztela adierazitako egunean, hau da, 2025eko apirilaren 1ean, eta ondorio administratibo eta ekonomikoak izango dituzte formalizatzen diren egunetik aurrera.
Kontratua osorik sinatu eta formalizatu ahal izango da 2025eko apirilaren 1eko 00:00etatik 23:59ra bitartean, eta sinadura digitalaren bidez egingo da, Enplegu Publikoaren Atariaren bidez, https://www.euskadi.eus/epe-segurtasun-lan-kontratadun/ helbide elektronikoan, «nire deialdiak» estekara sartuz.
Hautatutako langileek baimenak, lizentziak, oporrak baliatzea edo izaera bereko beste edozein inguruabar justifikatu ez da eragozpen izango kontratua sinatzeko, eta ez du eragotziko kontratua adierazitako egunean eta moduan formalizatzea.
Ezinbesteko kasuetan izan ezik, ezarritako datan aplikazioan sartzen ez direnek eta/edo aukeratuak izan diren lan-kontratuaren formalizazioa osatzen ez dutenek galdu egingo dituzte Euskal Autonomia Erkidegoko Segurtasun Administrazioko lan-kontratu finkodun langile izateko eskubide guztiak (17. oinarri orokorra).
Ezarritako datan aldi baterako edozein ezintasun-egoeratan (birgaixotzeak edo horren luzapenak barne) edo Gizarte Segurantzako Institutu Nazionalaren mendeko zerbitzuek ezintasunik baloratu gabe dauden izangai sartu berriek ezin izango dituzte kontratuak formalizatu, ez eta hasieran esleitutako lanpostuen jabetza hartu ere. Kasu horietan, interesdunek aldez aurretik egiaztatu beharko dute beren alta medikoa, bai eta 16.3 oinarri orokorrean aipatzen diren zereginak betetzeko eskatzen diren baldintza guztiak betetzen dituztela ere, eta une horretara arte atzeratuko da kontratuaren formalizazioa. Horretarako, alta medikoa behar bezala jakinarazi beharko zaio Giza Baliabideen Zuzendaritzako Langileen Arloari, eta horrek kontratua formalizatzeko bitartekoak gaituko ditu, hala badagokio.
Izangairen batek aplikaziora jo eta kontratua sinatzen badu edozein modalitateko ezintasun-egoeran edo lanpostuaren eginkizunak betetzeko eskatzen den baldintzaren bat bete gabe, kontratua egin gabetzat hartuko da.
AZKEN XEDAPENA
Ebazpen honen aurka, berraztertzeko errekurtsoa aurkeztu ahal izango diote interesdunek ebazpen hau eman duen organoari, edo, zuzenean, ebazpena eman behar duen Segurtasuneko sailburuari, Administrazio Publikoen Administrazio Prozedura Erkidearen urriaren 1eko 39/2015 Legearen 123. artikuluan eta hurrengoetan xedatutakoaren arabera. Horretarako, hilabeteko epea izango dute, ebazpen hau argitaratu eta hurrengo egunetik hasita. Bestela, lan-arloko jurisdikzioan aurkaratzeko aukera egongo da.
Vitoria-Gasteiz, 2025eko otsailaren 28a.
(Eskumenak eskuordetuta: Agindua, 2024ko urtarrilaren 23koa, Jaurlaritzako lehenengo lehendakariorde eta Segurtasuneko sailburuarena, zeinaren bidez Segurtasun Saileko Giza Baliabideen zuzendariari eskuordetzen baitzaizkio zenbait eskumen. EHAA, 2024-02-02koa).
Giza Baliabideen zuzendaria,
FRANCISCO JAVIER ARRIETA IDIAKEZ.