Euskal Herriko Agintaritzaren Aldizkaria

57. zk., 2025eko martxoaren 24a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

KULTURA ETA HIZKUNTZA POLITIKA SAILA

1318

EBAZPENA, 2025eko martxoaren 5ekoa, Jarduera Fisikoaren eta Kirolaren zuzendariarena, eragiketaren arduradunaren eginkizunak Kultura eta Hizkuntza Politika Saileko Zerbitzu zuzendariari eskuordetzeko, interes-gatazkaren arriskuaren azterketa sistematikoaren ondorioetarako.

Suspertze, Transformazio eta Erresilientzia Plana betearazten duten prozeduretan interes-gatazkaren arriskua sistematikoki aztertzeari buruzko urtarrilaren 24ko HFP/55/2023 Aginduaren 4.2 artikuluaren bigarren paragrafoak kontratazio-organoari edo dirulaguntzak emateko organo eskudunari esleitzen dizkio eragiketaren arduradunaren eginkizunak.

Beraz, dagokion prozeduraren arabera, Jarduera Fisikoaren eta Kirolaren zuzendariari dagokio eragiketaren arduraduna izatea. Hala, Kultura eta Hizkuntza Politika Sailaren egitura organikoa eta funtzionala ezartzen duen azaroaren 26ko 389/2024 Dekretuaren 6 e) artikuluan ezarritakoaren arabera, zuzendariek kontratazio-organo gisa jardungo dute beren jardun-arloei dagozkien espedienteetan txikitzat kalifikatutako kontratuetan.

Aipatutako HFP/55/2023 Aginduak eragiketaren arduradunari zer eginkizun dagozkion ezartzen du, hala nola aplikazio informatikoen erabilera xehatua (CoFFEE eta MINERVA), dokumentazioa kargatzea eta kudeaketa hutsarekin lotutako beste funtzio batzuk.

Euskal Sektore Publikoaren maiatzaren 12ko 3/2022 Legearen 25.1 artikuluaren arabera, «Autonomia Erkidegoko Administrazio orokorreko organoen titulartasuneko eskumenen egikaritzea eskuordetu ahal izango zaie Administrazioko beste organo batzuei, nahiz eta organo horiek hierarkikoki mendekoak ez izan». Hala, Euskal Sektore Publikoaren Legearen 25.2 artikuluan aurreikusitakoaren arabera, «Organo eskuordetzailearen eta eskuordetza hartu duen organoaren artean harreman hierarkikorik ez badago eta biak sail berekoak badira, goragoko organo komun batek onartu beharko du aldez aurretik». 2024ko urriaren 27ko Aginduaren bidez, Jaurlaritzaren Lehenengo Lehendakariorde eta Kultura eta Hizkuntza Politikako sailburuak aldez aurretik baimendu du eskuordetze hau.

Kasu honetan, CoFFEE eta MINERVA aplikazioak eta horiekin lotutako beste kudeaketa-funtzio batzuk Saileko Zerbitzu zuzendariak erabiltzea gomendatzen duten eraginkortasun, efizientzia eta arintasun administratiboko arrazoiak daude.

Otsailaren 25eko 54/2025 Dekretuaren bidez (2025eko otsailaren 28ko EHAA, 41. zk.), Kultura eta Hizkuntza Politika Saileko Zerbitzu zuzendari izendatu zen Ainara Saez Amaro.

EBAZTEN DUT:

Lehenengoa.– Eskuordetu Ainara Saez Amaro Kultura eta Hizkuntza Politika Saileko Zerbitzu zuzendariari, eragiketaren arduradunaren eginkizun hauek, urtarrilaren 24ko HFP/55/2023 Aginduan araututako interes-arriskuaren analisi sistematikoaren ondorioetarako:

– Eragiketaren erreferentzia-kodea (CRO) CoFFEE aplikazioan sortzen dela ziurtatzea (4.3 artikulua).

– Sartu MINERVA aplikazioan eta sartu CRO kodea eta informazioa (IFZ), prozeduretan esku hartzen duten pertsonei eta eragiketako erabakitzaileei buruzkoa (4.4 artikulua).

– MINERVAn kargatzea interes-gatazkarik ez dagoelako egindako adierazpenak (4.4 artikulua).

– Bandera gorrien berriematea eragindako erabakitzaileari eta haren nagusi hierarkikoari, egoki bada abstenitu dadin [5. artikulua, b) eta c) letrak].

– MINERVAko analisiaren emaitza bidaltzea proiektuen edo azpiproiektuen organo kudeatzaileei (edo haien baliokideari, erakunde instrumentalen kasuan) [5. artikulua, c) letra].

– Analisiaren emaitza CoFFEEn erregistratzen dela ziurtatzea [5. artikulua, c) letra].

– MINERVAn informazio gehigarria eskatzea, abstenitu ez den kasuetan detektatutako arriskuei buruz, eta eraginpeko erabakitzailearen goragoko organoari helaraztea (6.2 artikulua).

– Iruzurraren aurkako dagokion batzordera jotzea, kasu jakin batean abstentziorik egin behar den adieraz dezan (6.3 artikulua).

– Interes-gatazkarik ezaren alegazio arrazoituari buruzko dokumentazioa CoFFEEn kargatzen dela ziurtatzea (6.4 artikulua).

Bigarrena.– Eskuordetze hau edozein unetan ezeztatu ahal izango da ebazpen bidez.

Hirugarrena.– Ebazpen hau argitaratzea Euskal Herriko Agintaritzaren Aldizkarian eta Euskal Autonomia Erkidegoko Administrazio Orokorraren egoitza elektronikoan.

Vitoria-Gasteiz, 2025eko martxoaren 5a.

Jarduera Fisikoaren eta Kirolaren zuzendaria,

GORKA ITURRIAGA MADARIAGA.

Azterketa dokumentala